The Phnom Penh Post Search

Search form




Logo of Phnom Penh Post newspaper Phnom Penh Post - ការ​ផ្គត់ផ្គង់​ការិយាល័យ​នៅ​ទីក្រុង​ភ្នំពេញ​នៅ​ត្រីមាស​ទី២ ​ធ្លាក់ចុះ ​៣ ភាគរយ

ការ​ផ្គត់ផ្គង់​ការិយាល័យ​នៅ​ទីក្រុង​ភ្នំពេញ​នៅ​ត្រីមាស​ទី២ ​ធ្លាក់ចុះ ​៣ ភាគរយ

Content image - Phnom Penh Post
អគារ ៤២ ជាន់ ដែល​ជា​អគារពាណិជ្ជកម្ម ស្នាក់នៅ និង​ការិយាល័យ​​។ រូបថត ហេង ជីវ័​ន

ការ​ផ្គត់ផ្គង់​ការិយាល័យ​នៅ​ទីក្រុង​ភ្នំពេញ​នៅ​ត្រីមាស​ទី២ ​ធ្លាក់ចុះ ​៣ ភាគរយ

ភ្នំ​ពេញ​: ការ​ផ្គត់ផ្គង់​ការិយាល័យ​នៅ​ទីក្រុង​ភ្នំពេញ​នៅ​ត្រីមាសទី​២​ ឆ្នាំ ​២០១៩ នេះ បាន​ធ្លាក់​ចុះ ​៣ ​ភាគរយ ​បើ​ធៀប​នឹង​ត្រីមាស​ទី​១ ដោយសារ​​ការ​ដក​ចេញ​ប្រភេទ​ការិយាល័យ​កម្រិត ​C ពី​ទីផ្សារ​។ នេះ​​តាម​របាយការណ៍​ស្រាវជ្រាវ​របស់​ក្រុមហ៊ុន​សេវាកម្ម​​អចលនទ្រព្យ CBRE​ Cambodia​។​

តាម​របាយការណ៍​ CBRE Cambodia ការ​ផ្គត់ផ្គង់​ការិយាល័យ​កម្រិត​ ​C បាន​ថយ​ចុះ ពី ១៩០​ ៥៦៥ ម៉ែត្រ​ការ៉េ ក្នុង​​ត្រីមាស​ទី​១​ មក​នៅ ១៧៩ ៣០៩ ម៉ែត្រ​ការ៉េ ក្នុង​ត្រីមាស​ទី​​២​។

របាយការណ៍​ CBRE បង្ហាញ​ថា គិត​ត្រឹម​ត្រីមាស​ទី២ ឆ្នាំ​នេះ​អត្រា​កាន់​កាប់​ការិយាល័យ​សរុប​មាន​ចំនួន ៣៥៩ ០០០ ​​ម៉ែត្រ​ការ៉េ។

លោក​ស្រី អាន​ សុធីតា ​នាយិកា​​ក្រុមហ៊ុន​អចលនទ្រព្យ​ CBRE Cambodia បាន​ឲ្យ​ដឹង​ថា ការិយាល័យ​កម្រិត ​C ចំនួន ១១ ២៥៦​ ម៉ែត្រ​ការ៉េ ​ត្រូវ​ដក​ចេញ​ពី​ទីផ្សារ​។ លោក​ថ្លែង​​ថា៖ «​ការិយាល័យ​កម្រិត ​C ត្រូវ​បាន​​​ដក​ចេញ​ពី​ទីផ្សារ​ ដើម្បី​ធ្វើ​ការ​​កែលម្អ​​ទៅ​ជា​កម្រិត​ B វិញ​»។​

លោក ​ប៉ូ ​អ៊ាវគង់​ អគ្គ​នាយក​ក្រុមហ៊ុន ​អ៊ែត​វ៉ានស៍ រៀលអ៊ីស្ទេត​ សង្កេត​​​ឃើញ​ថា ការ​សាងសង់​អគារ​ពាណិជ្ជកម្ម​មាន​ការ​រីក​ដុះដាល​គួរ​ឲ្យ​កត់​សម្គាល់​នៅ​ប៉ុន្មាន​ឆ្នាំ​ចុង​ក្រោយ​នេះ​។

លោក​បញ្ជាក់​ថា​៖​ «​ទោះ​ជា​ការ​ធ្លាក់​ចុះ​​បន្តិច​នៃ​ការ​ផ្គត់ផ្គង់​ការិយាល័យ​ជួល តែ​​យើង​​ឃើញ​ថា​​មាន​ការ​សាងសង់​អគារ​សម្រាប់​ជួល​កើត​មាន​​ច្រើន​ ជាពិសេស​អគារ​​ធំៗ​ មាន​​អគារ​ជួល ​មាន​​ខុនដូ​ជួល​ ​ជាក់់​ស្តែង​យើង​ឃើញ​នៅ​​​កោះពេជ្រ​ និង​ Olympia​»។​​

បច្ចុប្បន្ន​នេះ​ការិយាល័យ​កម្រិត​ A ​មាន​តម្លៃ​​ចន្លោះ​ពី​ ២៥​ ទៅ ​៤០ ​ដុល្លារ ​ក្នុង​​មួយ​ម៉ែត្រ​ការ៉េ​ ហើយ​កម្រិត ​B ​មាន​​តម្លៃ​ចន្លោះ​ពី ​១២​ ទៅ​ ២៥ ​ក្នុង​មួយ​​ម៉ែត្រ​ការ៉េ​ ខណៈ​កម្រិត ​C មាន​តម្លៃ​​ចន្លោះ​ពី ​៨ ​ទៅ ​១២ ​ដុល្លារ​ក្នុង​មួយ​​ម៉ែត្រ​ការ៉េ។​

លោកស្រី សុធីតា ​បាន​ឲ្យ​ដឹង​​ថា ​ក្រុមហ៊ុន​ភាគ​ច្រើន​ជួល​ការិយាល័យ​ប្រភេទ B ​ដែល​មាន​​​ទំហំ​ជា​មធ្យម​ ១៥០​​ ម៉ែត្រ​ការ៉េ​ ព្រោះ​មាន​តម្លៃ​សមរម្យ​ និង​ប្រព័ន្ធ​សុវត្ថិភាព​ខ្ពស់​។​ លោកស្រី​ថ្លែង​​ថា​៖​ «​អ្នក​វិនិយោគ​បរទេស​​មក​​ជួល​ការិយាល័យ​ភាគ​ច្រើន​ជា​ក្រុមហ៊ុន​ធនាគារ​ មីក្រូ​ហិរញ្ញវត្ថុ​ ក្រុមហ៊ុន​​ធានា​រ៉ាប់រង​ដែល​ជា​ទីផ្សារ​ធំ​ជាង​គេ​»​។​

លោក​ លីម​ ហេង​ អនុ​ប្រធាន​សភាពាណិជ្ជកម្ម​កម្ពុជា​បាន​ឲ្យ​ដឹង​ថា ​​​វិនិយោគិន​​​បរទេស​មក​កម្ពុជា​ភាគ​ច្រើន​​ជា​​ក្រុមហ៊ុន​មក​ពី​​​អឺរ៉ុប​ អាមេរិក ​ចិន​ ថៃ​ ម៉ាឡេស៊ី​ ជប៉ុន។​ ​ លោក​បន្ត​ថា​​៖ «​​​ក្រុមហ៊ុន​បរទេស​មក​វិនិយោគ​ក្នុង​វិស័យ​វាយនភណ្ឌ​ រោងចក្រ​អគ្គិសនី​ រោងចក្រ​ម៉ូទ័រ និង​ទេសចរណ៍​​ជា​ដើម​»​​។​​

យោង​តាម​របាយការណ៍ ​ក្នុង​ត្រីមាស​​ទី​២ ​ឆ្នាំ ២០១៩​ អគារ​ការិយាល័យ​សរុប​ ៥២ ​នៅ​ទីក្រុង​ភ្នំពេញ​ក្នុង​នោះ​អគារ​ការិយាល័យ​កម្រិត​ A មាន​ចំនួន​ ២ អគារ កម្រិត​ B មាន​ចំនួន​ ១៥ និង​កម្រិត C​ មាន​ ៣៥ អគារ​៕LA

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។