The Phnom Penh Post Search

Search form




Logo of Phnom Penh Post newspaper Phnom Penh Post - ការលក់​ខុនដូ​នៅ​ហួហ៊ីន​ និង​ឆាអាំ​ មាន​ចក្ខុវិស័យ​ល្អ

ការលក់​ខុនដូ​នៅ​ហួហ៊ីន​ និង​ឆាអាំ​ មាន​ចក្ខុវិស័យ​ល្អ

Content image - Phnom Penh Post
ទិដ្ឋភាព​អគារ​ខ្ពស់ និង​ឆ្នេរសមុទ្រ​នៅ​ទីក្រុង​ហួហ៊ីន​ប្រទេស​ថៃ​។ រូបថត AFP

ការលក់​ខុនដូ​នៅ​ហួហ៊ីន​ និង​ឆាអាំ​ មាន​ចក្ខុវិស័យ​ល្អ

ក្រុងបាងកកៈ ការស្ទង់មតិ​របស់​ក្រុមហ៊ុន​អចលនទ្រព្យ Plus Property បាន​ឲ្យ​ដឹងថា ខុនដូ​នៅ​ទីក្រុង​ហួហ៊ីន និង​ទីក្រុង​ឆាអាំ​មាន​ចក្ខុវិស័យ​ល្អប្រសើរ​ដោយ​ការលក់​ខុនដូ​ដែល​មាន​ទីតាំង​នៅ​ជិត​ឆ្នេរសមុទ្រ​កើនឡើង​ដល់ ៨១ ភាគរយ​។ នេះ​បើ​យោង​តាម​កាសែត​បាងកក​ប៉ុស្តិ៍​។

ការស្ទង់មតិ​នេះ​បាន​ឲ្យ​ដឹងថា​៖ «​ប្រហែល ៣ ៧០០ យូនីត ឬ ៧០ ​ភាគរយ [​នៃ​ខុនដូ​សម្រាប់​លក់​ក្នុង​អំឡុង​ការស្ទង់មតិ​នេះ​] គឺ​បាន​មកពី​គម្រោង​នៅ​ជិត​ឆ្នេរ​។ តំបន់​នេះ​មាន​អនុបាត​លក់​ខ្ពស់​បំផុត​ចំនួន ៨១ ​ភាគរយ​ ដោយ​តម្លៃ​ការលក់​ជា​មធ្យម​ចំនួន ៨៨ ០០០ បាត (២ ៩០៣ ដុល្លារ​) ក្នុង​ ១ ​ម៉ែត្រការ៉េ ដែល​ទាប​ជាង​ជិត ៣០ ​ភាគរយ​ ធៀប​នឹង​តម្លៃ​ជា​មធ្យម​សម្រាប់​តំបន់​មាត់សមុទ្រ​ដែល​ថ្លៃ ១២០ ០០០ បាត​ ក្នុង​ ១ ​ម៉ែត្រការ៉េ​»​។

លោកស្រី Suwannee Mahanarongchai នាយករង​ផ្នែក​គ្រប់គ្រង​យុទ្ធសាស្ដ្រ​ពាណិជ្ជកម្ម និង​ការគ្រប់គ្រង​ទ្រព្យសកម្ម​នៅ​ក្រុមហ៊ុន Plus Property បាន​ប្រាប់​កាសែត​បាងកក​ប៉ុស្តិ៍​ថា មាន​ខុនដូ​ប្រហែល ៥ ២០០ យូនីត​ ដាក់​លក់​នៅ​ទីក្រុង​ហួហ៊ីន​ក្នុង​អំឡុង​ពេល​ធ្វើការ​ស្ទង់​មតិ​រយៈពេល​ ៦ ​ខែ​ ដែល​បញ្ចប់​នៅ​ខែ​មិថុនា​ឆ្នាំ​នេះ​។

មាន​ការផ្គត់ផ្គង់​ខុនដូ​សរុប​ចំនួន ១១ ៧០០ យូនីត និង​មាន​អនុបាត​លក់​ចំនួន ៧៦ ភាគរយ​ សម្រាប់​ទីក្រុង​ហួហ៊ីន និង​តំបន់​ឆាអាំ​។ តម្លៃ​លក់​ជា​មធ្យម​សម្រាប់​តំបន់​ទាំងអស់​នៅក្នុង​តំបន់​នេះ​មាន​តម្លៃ ៩០ ០០០ ​បាត​ ក្នុង​ ១ ​ម៉ែត្រការ៉េ​។

ក្នុង​រយៈពេល ៣ ​ឆ្នាំ​កន្លង​មក​នេះ ខុនដូ​ប្រហែល​ពី ១ ០០០ ដល់ ២ ០០០ ​យូនីត ​នៃ​ការផ្គត់ផ្គង់​ថ្មី​បាន​ដាក់​ចូល​ទីផ្សារ​រាល់​ឆ្នាំ​។

ជាង ៥០ ​ភាគរយ​ នៃ​ការផ្គត់ផ្គង់​មាន​ទីតាំង​នៅ​តំបន់​ឆាអាំ​ជា​ទី​ដែល​គម្រោង​អចលនទ្រព្យ​ជាទូទៅ​មាន​ទីធ្លា​ធំ​ជាង​នៅ​ទីក្រុង​ហួហ៊ីន​។

ប៉ុន្តែ​អត្រា​ការលក់​នៅ​ទីក្រុង​ហួហ៊ីន​បាន​ប្រសើរ​ជាង​ការលក់​នៅ​តំបន់​ឆាអាំ ដោយសារ​តែ​ទីក្រុង​ហួហ៊ីន​បាន​បង្ហាញ​ភាពឆើតឆាយ​ដែល​រួមមាន​មន្ទីរពេទ្យ ផ្សារ​ទំនើប​ធំៗ ផ្សារ​ទំនើប​សហគមន៍ សួន​ទឹក និង​ទីវាល​លេង​កូន​ហ្គោល​។

មាន​តំបន់​ចំនួន​ ៣ នៅក្នុង​ទីក្រុង​ហួហ៊ីន ដែល​ខុនដូ​ត្រូវបាន​អភិវឌ្ឍ​រួមមាន​តំបន់​មាត់សមុទ្រ តំបន់​ជិត​តំបន់ឆ្នេរ និង​តំបន់​ជើងភ្នំ​។ តំបន់​នៅ​ជិត​ឆ្នេរ​មាន​ភាព​ពេញនិយម​ខ្លាំង​បំផុត ដោយសារ​តែ​វា​មាន​តម្លៃ​ទាប​ជាង​តំបន់​មាត់សមុទ្រ ហើយ​មាន​ទីតាំង​នៅ​ជិត​សមុទ្រ​ជាង​បើ​ធៀប​នឹង​តំបន់​ជើងភ្នំ​។

ចាប់តាំងពី​ឆ្នាំ​ ២០១៧ មក​គម្រោង​សរុប​ចំនួន ៤ ត្រូវ​បាន​ដំណើរការ​នៅក្នុង​តំបន់ឆ្នេរ​គម្រោង​ចំនួន ៣ នៅ​ក្រៅ​តំបន់​ទីប្រជុំជន​របស់​ទីក្រុង​ហួហ៊ីន និង​ជាប់​ជាមួយ​នឹង​ផ្លូវជាតិ Phetkasem​។ ទីតាំង​នេះ​មាន​ន័យ​ថា ការធ្វើ​ដំណើរ​អាច​មាន​ភាពងាយស្រួល ហើយ​អ្នកស្នាក់​នៅ​អាច​ធ្វើ​ដំណើរ​ងាយស្រួល​ទៅ​តំបន់ឆ្នេរ ផ្សារទំនើប និង​មន្ទីរពេទ្យ ខណៈ​ដែល​តម្លៃ​ទាប​ជាង​តំបន់ឆ្នេរ​។

កតា្ត​វិជ្ជមាន​មួយ​ដែល​រួមចំណែក​ដល់​ចំណាប់អារម្មណ៍​ប្រកប​ដោយ​ស្ថិរភាព​សម្រាប់​ខុនដូ​នៅ​ទីក្រុង​ហួហ៊ីន​គឺថា​តំបន់​នេះ​នៅតែ​ជា​តំបន់​មួយ​ក្នុងចំណោម​តំបន់​កម្សាន្ត​ដ៏ពេញនិយម​បំផុត​សម្រាប់​ភ្ញៀវទេសចរ​មកពី​ទីក្រុង​បាងកក​។ ក្នុង​រយៈពេល​ ៥ ​ឆ្នាំ​មុន​កន្លងមក​នេះ ​ចំនួន​ភ្ញៀវទេសចរ​ថៃ និង​បរទេស​ទៅ​ទីក្រុង​ហួហ៊ីន​បាន​កើនឡើង ៦ ​ភាគរយ​ ក្នុង ១ ​ឆ្នាំ​។

យោងតាម​កាសែត​បាងកក​ប៉ុស្តិ៍​ការមកដល់​ភ្ញៀវទេសចរ​ទៅ​ទីក្រុង​ហួហ៊ីន ត្រូវ​បាន​ព្យាករ​ថា នឹង​កើនឡើង​ដោយសារ​តែ​ការអភិវឌ្ឍ​ផ្លូវដែក​ល្បឿន​លឿន និង​ការពង្រីក​ព្រលានយន្តហោះ​។ ខណៈ​ដែល​ក្រុមហ៊ុន​អាកាសចរណ៍​កាន់តែ​ច្រើន​ដំណើរការ​ជើងហោះហើរ​ត្រង់​ជា​លក្ខណៈ​អន្តរជាតិ​ទៅ​ទីក្រុង​ហួហ៊ីន ការណ៍​នេះ​ត្រូវបាន​រំពឹងថា​នឹង​រួមចំណែក​ដល់​ការមកដល់​ភ្ញៀវទេសចរ​បរទេស​បន្ថែម​ទៀត​។

អ្នកស្រី Suwannee បាន​ថ្លែងថា​៖ «​ទីក្រុង​ហួហ៊ីន មាន​ចក្ខុវិស័យ​កំណើន​នៅពេល​អនាគត ដោយសារ​ផែនការ​របស់​រដ្ឋាភិបាល​ក្នុង​ការអភិវឌ្ឍ​ការតភ្ជាប់​ផ្លូវដែក​ល្បឿន​លឿន​សម្រាប់​ភាគខាងត្បូង​។ ខ្សែ​ផ្លូវដែក​ល្បឿន​លឿន​ដែល​ឆ្លងកាត់​តាម​ទីក្រុង​ហួហ៊ីន គឺជា​ដំណាក់កាល​ដំបូង​នៃ​ផែនការ​នេះ​»​។

ដំណាក់កាល​ទី​ ១ រួមបញ្ចូល​ទៅក្នុង​របៀបវារៈ​អភិវឌ្ឍន៍​រយៈពេល​មធ្យម​របស់​រដ្ឋាភិបាល​ដោយ​សេវា​គ្រោង​នឹង​ចាប់ផ្តើម​ដំណើរការ​នៅ​ឆ្នាំ​ ២០១៧​។

នៅពេល​ដំណើរការ​សេវា​នេះ ការជិះរថភ្លើង​ទៅកាន់​ទីក្រុង​ហួហ៊ីន​នឹង​ចំណាយពេល​តិច​ជាង​កាក់​កណ្តាល​នៃ​ការចំណាយ​ពេលបច្ចុប្បន្ន​តាមរយៈ​រថយន្ត​៕ LA

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។