The Phnom Penh Post Search

Search form




Logo of Phnom Penh Post newspaper Phnom Penh Post - ការលក់​បន្ត​ផ្ទះ​ឯកជន​កើនឡើង​ក្នុង​ខែ​សីហា ​នៅ​សិង្ហបុរី




ការលក់​បន្ត​ផ្ទះ​ឯកជន​កើនឡើង​ក្នុង​ខែ​សីហា ​នៅ​សិង្ហបុរី

Content image - Phnom Penh Post
ការលក់​បន្ត​ផ្ទះ​ឯកជន​នៅ​សិង្ហបុរីកើនឡើង​ក្នុង​ខែ​សីហា ​ខណៈ​ពេល​ដែល​តម្លៃ​បាន​ធ្លាក់ចុះ​បន្តិច​។ រូបថត AFP

ការលក់​បន្ត​ផ្ទះ​ឯកជន​កើនឡើង​ក្នុង​ខែ​សីហា ​នៅ​សិង្ហបុរី

សិង្ហបុរីៈ ចំនួន​ផ្ទះ​ឯកជន​ត្រូវបាន​លក់​បន្ត​ឡើង​ខ្ពស់​រយៈពេល​ ២ ​ឆ្នាំ​កាលពី​ខែ​មុន ខណៈ​ពេល​ដែល​តម្លៃ​បាន​ធ្លាក់ចុះ​បន្តិច​ជា​អ្វីដែល​អ្នកសង្កេតការណ៍​មើលឃើញ​ថា ជា​សញ្ញា​ ១ ​ទៀត​​នៃ​ការងើបឡើង​វិញ​នៃ​ទីផ្សារ​អចលនទ្រព្យ​របស់​ប្រទេស​សិង្ហបុរី​ពី​ផលប៉ះពាល់​នៃ​ការរាតត្បាត​កូវីដ​ ១៩​។

ខុនដូ និង​អាផាតមិន​លក់​បន្ត​ចំនួន​ ១ ០៥២ ​បាន​ផ្តាស់​ប្តូរ​ម្ចាស់​កាលពី​ខែ​មុន​កើនឡើង​ចំនួន​ ៧ ​ភាគរយ និង​ ៣៦ ​ភាគរយ​ ខ្ពស់ជាង​ខែ​សីហា​ កាលពី​ឆ្នាំមុន​។ នេះ​បើ​យោង​តាម​តួលេខ​ថ្មី​ពី​ក្រុមហ៊ុន​អចលនទ្រព្យ SRX​។

ចំនួន​ខ្ពស់បំផុត​កាលពី​លើក​មុន​ត្រូវ​បាន​ទទួល​ក្នុង​ខែកក្កដា​ឆ្នាំ​ ២០១៨ ជា​ខែ​ដែល​វិធានការ​រម្ងាប់​សម្រាប់​វិស័យ​អចលនទ្រព្យ​ត្រូវ​បាន​ប្រកាស ដែល​ពេលនោះ​ ១ ១០០ ​យូនីត​ត្រូវ​បាន​លក់​។

តម្រូវការ​ខ្លាំង​ពី​អ្នកកែលម្អ HDB បាន​បង្ហាញ​ពី​ប្រតិបត្តិការ​ទិញ​ផ្ទះ​នៅតាម​ផ្សារ​ធំៗ​ដែល​មាន​ជិត​ ៦០ ​ភាគរយ​នៃប្រតិបត្តិការ​លក់​បន្ត​កាលពី​ខែសីហា​។ ដូច​នៅក្នុង​ខែកក្កដា​ក្រុម​អ្នកទិញ​បាន​ចូល​ទីផ្សារ​លក់​បន្ត​ឯកជន​ក្នុង​ចំនួន​កាន់តែ​ច្រើន​នៅពេល​ផ្ទះល្វែង​ជាច្រើន​បាន​ទទួល​សិទ្ធិ លក់​បន្ត​បន្ទាប់ពី​រយៈពេល​កាន់កាប់​អប្បបរមា ៥ ​ឆ្នាំ​។

លោកស្រី Christine Sun ប្រធាន​ផ្នែក​ស្រាវជ្រាវ និង​ប្រឹក្សា​នៅ​ក្រុមហ៊ុន OrangeTee & Tie បាន​និយាយ​ថា ការលក់​ផ្ទះឯកជន​នៅ​ខែ​សីហា​ហាក់​ដូចជា ផ្ទុយគ្នា​ជាមួយ​នឹង​និន្នាការ​លក់ វិជ្ជមាន​ដែល​សង្កេត​ឃើញ​នៅក្នុង​ផ្នែក​ទីផ្សារ​ផ្សេងទៀត​។

ការព្យាករ​ថ្មី​របស់ SRX កាលពី​សប្តាហ៍​មុន​សម្រាប់​ចំនួន​លក់​បន្ត​របស់ HDB ​ក្នុង​ខែ​សីហា​បង្ហាញ​ថា កម្រិត​តម្រូវការ​ខ្លាំង​ស្រដៀង​គ្នា ជាមួយ​ការលក់​បន្ត​របស់​ HDB ចំនួន​ផ្ទះល្វែង​ជាង​ ២ ៤០០ ​បាន​ផ្លាស់ប្តូរ​សម្រាប់​ខែ​ទី​ ៣​។ ការលក់​ទៅឱ្យ​ការបញ្ជា​ទិញ​តាម​លំដាប់លំដោយ​របស់ HDB បានចាប់ផ្តើម​លក់​នៅក្នុង​តំបន់​លំនៅឋាន​មួយចំនួន​នៅក្នុង​ខែសីហា​ដែល​ត្រូវបាន​គេ​ទិញ​បន្ត​ជា​ច្រើនដង​។

ផ្អែក​តាម​ទិន្នន័យ​ URA ​ចុងក្រោយ​បង្អស់​ការលក់​ផ្ទះ​ថ្មី​ដោយ​មិន​រាប់បញ្ចូល​ខុនដូ​ដែល​បាន​លក់​ក៏មាន​ចំនួន​ដល់​ទៅ​ជាង ១ ២០០ ​យូនីត​ នៅក្នុង​ខែសីហា​។ នេះ​គឺជា​ការលក់​ខ្ពស់បំផុត​ដែល​ទទួល​បាន​ក្នុង​រយៈពេល ១២ ​ខែ​ចុង​ក្រោយនេះ​។

អ្នកស្រី Sun បាន​និយាយថា​៖ «​តម្រូវការ​លំនៅឋាន​ខ្លាំង​នៅតាម​ទីផ្សារ​ផ្សេងៗ​ទៀត បង្ហាញ​ថា​ទីផ្សារ​អចលនទ្រព្យ​របស់​សិង្ហបុរី​បង្ហាញ​សញ្ញា​ខ្លះ​នៃ​ការចាប់ផ្តើម​ងើបឡើង​វិញ​»​។

អ្នកស្រី Sun និយាយ​ថា​៖ «​សម្រាប់​ប្រជាជន​សិង្ហបុរី​ជាច្រើន អចលនទ្រព្យ​លំនៅឋាន​នៅតែ​ជា​ការភ្នាល់​មាន​សុវត្ថិភាព​ជាពិសេស​សម្រាប់​អ្នកវិនិយោគ ដែល​កំពុង​ស្វែងរក​ប្រាក់​ត្រឡប់​មកវិញ​អំឡុងពេល​នៃ​ភាពមិន​ច្បាស់លាស់​»​។

ភាពស្រពេចស្រពិល​ពី​ទីផ្សារ​សំខាន់​ប្រហែល​រីករាលដាល​ដល់​ទីផ្សារ​បន្ទាប់ ព្រោះ​អ្នកទិញ​ឱកាសនិយម​កំពុង​តែ​ទន្ទឹង​រង់ចាំ​មើល​តម្លៃ​លក់​បន្ត​ដែលមាន​តម្លៃ​ទាប​នៅលើ​ទីផ្សារ​៕ The Straitstimes_ANN/RR

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។