.jpg)
ការវិនិយោគក្នុងការអភិវឌ្ឍអចលនទ្រព្យនៅចិនកើន ១០,៣ ភាគរយ ក្នុងពេល ១០ ខែដំបូង ក្នុងឆ្នាំ ២០១៩ ធៀបនឹងពេលដូចគ្នាកាលពីឆ្នាំ ២០១៨។ រូបថត AFP
ក្រុងប៉េកាំងៈ ការវិនិយោគក្នុងការអភិវឌ្ឍអចលនទ្រព្យនៅចិនកើន ១០,៣ ភាគរយ ក្នុងពេល ១០ ខែដំបូង ក្នុងឆ្នាំ ២០១៩ ធៀបនឹងពេលដូចគ្នាកាលពីឆ្នាំ ២០១៨ ដែលធ្លាក់ចុះពីកំណើន ១០,៥ ភាគរយ ដែលសម្រេចបានសម្រាប់រយៈពេល ៩ ខែដំបូង ក្នុងឆ្នាំ ២០១៩។ នេះបើយោងតាមការិយាល័យស្ថិតិជាតិ (NBS) របស់ចិនកាលពីខែវិច្ឆិកា។
ការិយាល័យ NBS បានឲ្យដឹងថា ការវិនិយោគអចលនទ្រព្យសរុបក្នុងអំឡុងពីខែមករាដល់ខែតុលាមានទឹកប្រាក់ចំនួន ១០,៩៦ ពាន់ពាន់លានយន់ (ប្រហែល ១,៦ ពាន់ពាន់លានដុល្លារ)។
ការវិនិយោគក្នុងការសាងសង់លំនៅឋានកើន ១៤,៦ ភាគរយ ដល់ ៨,០៧ ពាន់ពាន់លានយន់ ក្នុងរយៈពេល ១០ ខែដំបូងក្នុងឆ្នាំនេះ ធៀបនឹងពេលដូចគ្នានៅឆ្នាំមុន ដោយកំណើននេះធ្លាក់ចុះ ០,៣ ពិន្ទុភាគរយ ធៀបនឹងកំណើនក្នុងរយៈពេល ៩ ខែដំបូងក្នុងឆ្នាំនេះ។
ការលក់ផ្ទះពាណិជ្ជកម្មបើគិតពីផ្ទៃក្រឡាមានផ្ទៃក្រឡាសរុបចំនួន ១,៣៣ ពាន់លានម៉ែត្រការ៉េ ក្នុងអំឡុងពេលពីខែមករាដល់ខែតុលាកើនឡើង ០,១ ភាគរយ ធៀបនឹងពេលដូចគ្នានៅឆ្នាំមុនដែលជាកំណើនលើកដំបូងក្នុងឆ្នាំនេះ។
ចាប់ពីខែមករាដល់ខែតុលាការលក់ផ្ទះពាណិជ្ជកម្មបើគិតពីតម្លៃបានកើនឡើង ៧,៣ ភាគរយ ដល់ ១២,៤៤ ពាន់ពាន់លានយន់ ដែលកើនឡើង ០,២ ពិន្ទុភាគរយ ធៀបនឹងកំណើនក្នុងពេល ៩ ខែដំបូងក្នុងឆ្នាំនេះ៕ People''s Daily/KC
