ក្រុងប៉េកាំងៈ ការវិនិយោគលើការអភិវឌ្ឍអចលនទ្រព្យក្នុងប្រទេស ចិន បានកើនឡើង ៩,៥ ភាគរយក្នុងឆ្នាំ ២០១៨ ធៀបនឹងឆ្នាំ ២០១៧ ដែលខ្ពស់ជាងកំណើននៅឆ្នាំ ២០១៧ ចំនួន ២,៥ ភាគរយ។ នេះបើយោងតាមការិយាល័យស្ថិតិជាតិ (NBS) របស់ប្រទេស ចិន ដែលបានឲ្យដឹង នាពេលថ្មីៗនេះ។
ការិយាល័យ NBS បានឲ្យដឹងថា ការវិនិយោគលើអចលនទ្រព្យសរុបកាលពីឆ្នាំមុនបានកើនឡើងខ្ពស់ជាង ១២ ពាន់ពាន់លានយន់ (ប្រហែល ១,៧៧ ពាន់ពាន់លានដុល្លារ)។
ការវិនិយោគលើអគារលំនៅឋាន ដែលមានចំនួនជាង ៧០ ភាគរយនៃការវិនិយោគសរុប បានកើនឡើង ១៣,៤ ភាគរយក្នុងឆ្នាំ ២០១៨ ធៀបនឹងឆ្នាំ ២០១៧ ជាពេលដែលទទួលបានកំណើន ៩,៤ ភាគរយ។
ទិន្នន័យនេះក៏បានបង្ហាញផងដែរថា អគារដែលមានផ្ទៃក្រឡាសរុប ចំនួន ១,៧២ លានម៉ែត្រការ៉េ ត្រូវបានលក់ចេញកាលពីឆ្នាំ ២០១៨ កើនឡើង ១,៣ ភាគរយធៀបនឹងឆ្នាំ ២០១៧។ តម្លៃពីការលក់បានកើនឡើង ១២,២ ភាគរយដល់ចំនួន ១៥ ពាន់ពាន់លានយន់។
ការលក់ផ្ទះបានកើនឡើង ២,២ ភាគរយបើគិតពីផ្ទៃក្រឡា និងកើនឡើង ១៤,៧ ភាគរយបើគិតពីតម្លៃ៕ People''s Daily/KC