The Phnom Penh Post Search

Search form




Logo of Phnom Penh Post newspaper Phnom Penh Post - ការ​វិនិយោគ​លើ​អចលនទ្រព្យ​នៅ​ចិន ​កើន​​ជិត​ ១២ ភាគរយ

ការ​វិនិយោគ​លើ​អចលនទ្រព្យ​នៅ​ចិន ​កើន​​ជិត​ ១២ ភាគរយ

Content image - Phnom Penh Post
ការ​វិនិយោគ​ក្នុង​វិស័យ​អចលនទ្រព្យ​របស់​ប្រទេស ​ចិន បាន​កើន​ឡើង ១១,៩ ភាគរយ ​ក្នុង​រយៈពេល ​៤ ​ខែ​ដំបូង​ក្នុង​ឆ្នាំ​នេះ។ AFP

ការ​វិនិយោគ​លើ​អចលនទ្រព្យ​នៅ​ចិន ​កើន​​ជិត​ ១២ ភាគរយ

ក្រុង​ប៉េកាំងៈ ការ​វិនិយោគ​ក្នុង​វិស័យ​អចលនទ្រព្យ​របស់​ប្រទេស ​ចិន បាន​កើន​ឡើង ១១,៩ ភាគរយ ​ក្នុង​រយៈពេល ​៤ ​ខែ​ដំបូង​ក្នុង​ឆ្នាំ​នេះ​ធៀប​នឹង​រយៈពេល​ដូច​គ្នា​កាល​ពី​ឆ្នាំ​មុន។ នេះ​បើ​យោង​តាម​​ការិយាល័យ​ស្ថិតិ​ជាតិ​ចិន (NBS) កាល​ពី​សប្តាហ៍​មុន។

កំណើន​នេះ​មាន​កម្រិត​ខ្ពស់​ជាង​​កំណើន ១១,៨ ភាគរយ ​ដែល​សម្រេច​បាន​ក្នុង​រយៈពេល​ ​៣ ខែ​ដំបូង​ក្នុង​ឆ្នាំ​នេះ។

ការិយាល័យ NBS បាន​ឲ្យ​ដឹង​ថា ការ​វិនិយោគ​លើ​អចលនទ្រព្យ​សរុប​ក្នុង​រយៈពេល ​៤ ​ខែ​ដំបូង​នេះ មាន​ទឹក​ប្រាក់​ចំនួន ៣,៤២ ពាន់​ពាន់​យន់ (ប្រហែល ៤៩៨ ពាន់​ពាន់​លាន​ដុល្លារ) ដោយ​ ៧២,៨ ភាគរយ​នៃ​ទឹក​ប្រាក់​នេះ​ត្រូវ​បាន​​វិនិយោគ​លើ​អគារ​លំនៅឋាន។

យោង​តាម NBS រយៈពេល​ចាប់​ពី​ខែ​មករា​ដល់​ខែ​មេសា​នេះ ការ​វិនិយោគ​លើ​ការ​សាងសង់​លំនៅឋាន​​បាន​កើន​ឡើង ១៦,៨ ភាគរយ​ធៀប​នឹង​រយៈពេល​ដូច​គ្នា​កាល​ពី​ឆ្នាំ​មុន ដល់ ២,៤៩ ពាន់​ពាន់​លាន​យន់។

ក្នុង​អំឡុង​ពេល​ដូច​គ្នា​នេះ​ដែរ ក្រុមហ៊ុន​អភិវឌ្ឍន៍​អចលនទ្រព្យ​របស់​ប្រទេស ​ចិន បាន​​សាងសង់​អគារ​ដែល​មាន​ផ្ទៃ​ក្រឡា​ចំនួន ៧,២៣ ពាន់​លាន​ម៉ែត្រ​ការ៉េ ដែល​កើន​ឡើង ៨,៨ ភាគរយ​ធៀប​នឹង​រយៈពេល​​ដូច​គ្នា​កាល​ពី​ឆ្នាំ​មុន។

យោង​តាម​ការិយាល័យ​ស្ថិតិ​នេះ ការ​លក់​ផ្ទះ​ពាណិជ្ជកម្ម​ដែល​វាស់​វែង​តាមរយៈ​ផ្ទៃ​ក្រឡា សម្រេច​បាន​ចំនួន ៤២៩ លាន​​ម៉ែត្រ​ការ៉េ​នៅ​ក្នុង​រយៈពេល ​៤ ​ខែ​ដំបូង​នេះ។ ចំនួន​នេះ​​​ធ្លាក់ចុះ ០,៣ ភាគរយ​​ធៀប​នឹង​រយៈពេល​ដូច​គ្នា​កាល​ពី​ឆ្នាំ​មុន ខណៈ​ពេល​ដែល​​តម្លៃ​លក់​បាន​កើន​ឡើង​ខ្ពស់​ជាង​ចំនួន ៣,៩ ពាន់​ពាន់​លាន​យន់ ពោល​គឺ​កើន​ឡើង ៨,១ ភាគរយ​ធៀប​នឹង​រយៈពេល​ដូច​គ្នា​កាល​ពី​ឆ្នាំ​មុន៕ People's Daily/KC

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។