The Phnom Penh Post Search

Search form




Logo of Phnom Penh Post newspaper Phnom Penh Post - ការិយាល័យ​ជួល​ មាន​កំណើន​តិចតួច​ក្នុង​ត្រីមាស​ទី​ ៣

ការិយាល័យ​ជួល​ មាន​កំណើន​តិចតួច​ក្នុង​ត្រីមាស​ទី​ ៣

Content image - Phnom Penh Post
Vattanac Tower អគារ​ការិយាល័យ​ជួល​កម្រិត A ក្នុង​រាជធានី​ភ្នំពេញ​។ ហុង មិនា

ការិយាល័យ​ជួល​ មាន​កំណើន​តិចតួច​ក្នុង​ត្រីមាស​ទី​ ៣

ភ្នំពេញៈ ទំហំ​អគារ​ការិយាល័យ​ជួល​ក្នុង​ត្រីមាស​ទី​ ៣ បាន​កើន​ប្រមាណ ៥ ៦០០ ​ម៉ែត្រការ៉េ​ ដែល​ស្មើនឹង ១,៥ ​ភាគរយ បើ​ធៀប​ទៅនឹង​ត្រីមាស​ទី​ ២ ឆ្នាំ​ ២០១៩​។ នេះ​បើ​យោងតាម​របាយការណ៍​ស្រាវជ្រាវ​របស់​ក្រុមហ៊ុន​អចលនទ្រព្យ CBRE Cambodia​។

របាយការណ៍​ប្រចាំត្រីមាស​ទី​ ៣ របស់​ក្រុមហ៊ុន CBRE Cambodia បាន​ឲ្យ​ដឹងថា គិត​ត្រឹម​ដំណាច់ត្រីមាស​ទី​ ៣ ឆ្នាំ​ ២០១៩ ក្នុង​រាជធានី​ភ្នំពេញ ការិយាល័យ​ជួល​មាន​ផ្ទៃ​សរុប ៣៦៤ ៦០០ ម៉ែត្រការ៉េ​កើនឡើង​ពី ៣៥៩ ០០០ ​ម៉ែត្រការ៉េ​ កាលពី​ត្រីមាស​ទី​ ២​។ ក្នុងនោះ​ការិយាល័យ​កម្រិត A មាន ១៤ ​ភាគរយ ​កម្រិត B មាន ២៩ ​ភាគរយ និង​កម្រិត C មាន​ ៥៦ ​ភាគរយ​។

ទន្ទឹម​នឹង​នេះ​អត្រា​ប្រើប្រាស់​សម្រាប់​ការិយាល័យ​កម្រិត A មាន​ ៨០ ​ភាគរយ​ កម្រិត B មាន ៨១ ​ភាគរយ និង​កម្រិត C មាន​ ៨៩ ភាគរយ​។

ចំណែក​តម្លៃ​ជួល​កម្រិត A មាន​តម្លៃ​មធ្យម ២៩,៥ ដុល្លារ​ក្នុង​ ១ ​ម៉ែត្រការ៉េ កម្រិត B មាន​តម្លៃ ២២,៨ ​ដុល្លារ និង​កម្រិត C មានតម្លៃ ១៣ ដុល្លារ​។ តម្លៃ​នេះ​ជា​រួមមាន​ការកើនឡើង​ត្រឹមតែ ១ ​ភាគរយ​ប៉ុណ្ណោះ ​បើ​ធៀប​នឹង​រយៈពេល​ដូចគ្នា​កាលពី​ឆ្នាំ​​ ២០១៨​។

កញ្ញា គឹម គិនកេសា ប្រធាន​គ្រប់គ្រង​ផ្នែក​អចលនទ្រព្យ​នៃ​ក្រុមហ៊ុន CBRE Cambodia បាន​ប្រាប់​ភ្នំពេញ​ប៉ុស្តិ៍​កាលពី​ម្សិលមិញ​ថា ទោះបី​មាន​អគារ​ការិយាល័យ​ថ្មីៗ​បាន​បញ្ចប់​ការសាងសង់ និង​ដាក់ចូល​ទីផ្សារ​ក្នុង​រយៈពេល​ ៩ ​ខែ​ ដើម​ឆ្នាំ​ ២០១៩ នេះ​ក្តី ប៉ុន្តែ​ស្ថានភាព​តម្លៃ និង​អត្រា​ប្រើប្រាស់​មិនសូវ​មាន​ការប្រែប្រួល​ច្រើន​ទេ​។

ទាក់ទង​នឹង​ទីផ្សារ​នៅក្នុង​ត្រីមាស​ទី​ ៤ នេះ កញ្ញា គិនកេសា បាន​និយាយ​ថា​៖ «​ខ្ញុំ​រំពឹង​ថា​ស្ថានភាព​ទីផ្សារ​ការិយាល័យ​ជួល​នឹង​មាន​ភាព​វិជ្ជមាន​ជា​បន្តទៀត​ក្នុង​ត្រីមាស​ទី​ ៤ ឆ្នាំ ២០១៩ ​នេះ​។

លោក ប៊ុន ឃាម ប្រធាន​គ្រប់គ្រង​ទូទៅ​អគារ​ការិយាល័យ City Tower ដែលមាន​ផ្ទៃក្រឡា ៧ ០០០ ម៉ែត្រការ៉េ​ ស្ថិត​តាម​បណ្តោយ​ផ្លូវ​ម៉ៅសេទុង​បាន​និយាយ​ថា សម្រាប់ City Tower អត្រា​ប្រើប្រាស់​បាន​កើន​ពី​ ៨៥ ​ភាគរយ​ ក្នុង​ត្រីមាស​ទី​ ២ ដល់​ ៩៥ ​ភាគរយ ​ក្នុង​ត្រីមាស​ទី​ ៣ កន្លងមក​។ លោក​បន្ត​ថា ទោះយ៉ាងណា​តម្លៃ​មិន​បាន​កើនឡើង​ទេ ដោយ​តម្លៃ​ជួល​ស្ថិត​នៅ​ចន្លោះ​ពី​ ១៥ ​ទៅ​ ១៨ ​ដុល្លារ​ក្នុង ​១ ​ម៉ែត្រការ៉េ​។

លោក​ថ្លែងថា​៖ «​ខ្ញុំ​គិតថា​ទីផ្សារ​អគារ​ការិយាល័យ​ក្នុង​រាជធានី​ភ្នំពេញ​នៅតែ​មាន​ភាពល្អប្រសើរ​ដោយ​អត្រា​ប្រើប្រាស់​កើនឡើង​ស្ទើ​គ្រប់​ទីតាំង​»​។

យោងតាម​ការសិក្សា​ខាងលើ​ក៏​បាន​ឲ្យ​ដឹង​ទៀតថា ក្នុង​ត្រីមាស​ទី​ ៤ ឆ្នាំ​ ២០១៩ នេះ​អាច​នឹង​មាន​អគារ​ការិយាល័យ​កម្រិត B ចំនួន ៤ បើក​ដំណើរការ​ដែល​មាន​ផ្ទៃក្រឡា​សរុប ៣៦ ០០០ ​ម៉ែត្រការ៉េ ​រួមមាន​អគារ The Point, Fortune Tower, Chip Mong Bac Touk Square និង​អគារ The Commune​។

ទិន្នន័យ​ពី​ក្រសួង​រៀបចំ​ដែនដី នគរូបនីយកម្ម និង​សំណង់​បាន​ឲ្យ​ដឹង​ក្នុង​រយៈពេល ១០ ​ខែ​ ឆ្នាំ​ ២០១៩ ទុនវិនិយោគ​វិស័យ​សំណង់​នៅ​កម្ពុជា​មាន​តម្លៃ ៧,៥៨៤ ​ពាន់​លាន​ដុល្លារ ​កើនឡើង ៥១,៩៧ ​ភាគរយ​ បើ​ធៀប​នឹង​រយៈពេល​ដូចគ្នា​ក្នុង​ឆ្នាំ​ ២០១៨ ដែល​មាន​តម្លៃ ៤,៩៩ ពាន់​លាន​ដុល្លារ​៕LA

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។