.jpg)
ទិដ្ឋភាពអគារខ្ពស់ៗនៅក្នុងតំបន់ពាណិជ្ជកម្មនៅទីក្រុងប៉េកាំង។ រូបថត AFP
ក្រុងប៉េកាំងៈ ទិន្នន័យផ្លូវការបានបង្ហាញកាលពីចុងសប្តាហ៍មុនថា កំណើនតម្លៃលំនៅឋាននៅតាមទីក្រុងធំៗចំនួន ៧០ របស់ប្រទេស ចិន មានការថមថយនៅខែតុលាធៀបនឹងខែកញ្ញានៅក្នុងទីក្រុងភាគច្រើន។
ការិយាល័យជាតិស្ថិតិចិនបានឲ្យដឹងថា តម្លៃលំនៅឋានថ្មីនៅទីក្រុងថ្នាក់លេខ ១ ចំនួន ៤ ដូចជាទីក្រុងប៉េកាំង ទីក្រុងស៊ាងហៃ ទីក្រុងជិនហ្សិន និងទីក្រុងក្វាងចូវបានកើនឡើង ០,១ ភាគរយ ដែលទាបជាងខែកញ្ញាចំនួន ០,៣ ពិន្ទុភាគរយ។
នៅក្នុងទីក្រុងថ្នាក់លេខ ២ ចំនួន ៣១ តម្លៃលំនៅឋានថ្មីបានកើនឡើង ០,៥ ភាគរយ កាលពីខែតុលាធៀបនឹងខែកញ្ញាទាបជាងខែកញ្ញា ០,១ ពិន្ទុភាគរយ។
តម្លៃលំនៅឋានថ្មីកាលពីខែតុលាបានកើនឡើង ០,៦ ភាគរយ នៅក្នុងទីក្រុងថ្នាក់លេខ ៣ ចំនួន ៣៥ ទីក្រុងធៀបនឹងខែកញ្ញាដែលកំណើននេះទាបជាងកំណើននៅខែកញ្ញា ០,២ ពិន្ទុភាគរយ។
តម្លៃលំនៅឋានលក់បន្តនៅទីក្រុងថ្នាក់លេខ ១ បានកើនឡើង ០,១ ភាគរយ កាលពីខែតុលាធៀបនឹងខែកញ្ញាហើយអត្រាកំណើននេះមានកម្រិតទាបជាងខែកញ្ញាចំនួន ០,២ ពិន្ទុភាគរយ។
តម្លៃលំនៅឋានលក់បន្តនៅទីក្រុងថ្នាក់ទី ២ បានរាយការណ៍ការកើនឡើង ០,១ ភាគរយ ធ្លាក់ចុះ ០,១ ពិន្ទុភាគរយធៀបនឹងខែកញ្ញា។ តម្លៃលំនៅឋានលក់បន្តបានកើនឡើង ០,៥ ភាគរយ នៅទីក្រុងថ្នាក់លេខ ៣ ទាបជាងកាលពីខែកញ្ញា ០,២ ពិន្ទុភាគរយ។
លោក Kong Peng អ្នកស្ថិតិនៅការិយាល័យ NBS បានឲ្យដឹងថា ទីផ្សារអចលនទ្រព្យបានបន្តនិន្នាការថេររបស់ខ្លួនកាលពីខែតុលាជាមួយនឹងកំណើនតម្លៃយឺតជាងមុន ដោយសារតែរដ្ឋាភិបាលកណ្ដាលបានបញ្ជាក់ជាថ្មីម្ដងទៀតថា «លំនៅឋានគឺសម្រាប់ការរស់នៅ មិនមែនសម្រាប់ការកេងចំណេញនោះទេ» ដែលអំពាវនាវឲ្យមានការអនុវត្តវិធីសាស្ដ្រផ្សេងៗចំពោះបទប្បញ្ញត្តិទីផ្សារអចលនទ្រព្យ។
ទិន្នន័យបានពីក្រុមហ៊ុនអចលនទ្រព្យ Centaline Property បានបង្ហាញថា ទីផ្សារអចលនទ្រព្យរបស់ប្រទេសចិនមានបទប្បញ្ញត្តិកាន់តែច្រើននៅក្នុងរយៈពេល ១០ ខែដំបូងនៅក្នុងឆ្នាំនេះ។
ចំនួនសរុបនៃវិធានការបទប្បញ្ញត្តិលំនៅឋានចំនួន ៤៨២ ត្រូវបានដាក់ចេញក្នុងអំឡុងពេលពីខែមករាដល់ខែតុលាកើនឡើង ២០ ភាគរយធៀបនឹងរយៈពេលដូចគ្នាកាលពីឆ្នាំមុន៕ People''s Daily/LA
