The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមហ៊ុន Oxley Gem ប្រកាស​ក្រុមហ៊ុន​ម៉ៅការ​សំខាន់​ថ្មី ដើម្បី​កាន់កាប់​ការស្ថាបនា​គម្រោង​អភិវឌ្ឍន៍​ចម្រុះ​សណ្ឋាគារ The Peak

ក្រុមហ៊ុន Oxley Gem ប្រកាស​ក្រុមហ៊ុន​ម៉ៅការ​សំខាន់​ថ្មី ដើម្បី​កាន់កាប់​ការស្ថាបនា​គម្រោង​អភិវឌ្ឍន៍​ចម្រុះ​សណ្ឋាគារ The Peak

Content image - Phnom Penh Post
The Bridge SoHo Tower #40-01, Village 14, National Assembly Street, Tonle Bassac Commune, Chamkarmorn District, Phnom Penh, Cambodia Tel: +855 23 212 697 | www.oxleyworldbridge.com.kh

ក្រុមហ៊ុន Oxley Gem ប្រកាស​ក្រុមហ៊ុន​ម៉ៅការ​សំខាន់​ថ្មី ដើម្បី​កាន់កាប់​ការស្ថាបនា​គម្រោង​អភិវឌ្ឍន៍​ចម្រុះ​សណ្ឋាគារ The Peak

កាលពី​ថ្ងៃទី​ ២៣ ខែតុលា ឆ្នាំ​ ២០១៩ ក្រុមហ៊ុន Oxley Gem (​ខេមបូឌា​) ខូអិលធីឌី ដែលជា​អ្នក​អភិវឌ្ឍន៍​គម្រោង​អភិវឌ្ឍន៍​សណ្ឋាគារ​ចម្រុះ​មាន​ទីតាំង​ស្ថិត​នៅ​ផ្លូវ​សម្តេច​ ហ៊ុន សែន សង្កាត់​ទន្លេបាសាក់ ខណ្ឌ​ចំការមន រាជធានី​ភ្នំពេញ​បាន​ប្រកាស​ជា​ផ្លូវការ​អំពី​ក្រុមហ៊ុន​អ្នកម៉ៅការ​ថ្មី​ដ៏ធំ​មួយ​ត្រូវបាន​តែងតាំង​ដើម្បី​កាន់កាប់​សំណង់ និង​បន្តដំណើរ​ការសាងសង់​សំណង់​ដែលមាន​ស្រាប់​។

យោង​តាម​សេចក្តីប្រកាស​ព័ត៌មាន​របស់​ក្រុមហ៊ុន​បាន​ឲ្យ​ដឹងថា​ដោយ​មានការ​ប្តេជ្ញាចិត្ត​យ៉ាង​ខ្ជាប់ខ្ជួន​ចំពោះ​ព្រះរាជាណាចក្រ​កម្ពុជា​ជា​ដៃគូ​យុទ្ធសាស្ត្រ និង​ជា​វិនិយោគិន​នៃ​គម្រោង​អភិវឌ្ឍន៍ The Peak នេះ ក្រុមហ៊ុន Oxley Gem បានចេញ​លិខិត​បញ្ចប់​កិច្ចសន្យា​ម៉ៅការ​សាងសង់​ជាមួយ​ក្រុមហ៊ុន Sino Great Wall International Engineering Co, Ltd (SINO) នៅ​ថ្ងៃទី​ ១៤ ខែ​តុលា ឆ្នាំ​ ២០១៩ រួចហើយ​ក្នុង​គោលបំណង​អនុញ្ញាត​ឲ្យ​អ្នកម៉ៅការ​ដ៏សំខាន់​ដែលមាន​សមត្ថភាព និង​មាន​ហិរញ្ញវត្ថុ​អាច​បន្ត​ការស្ថាបនា​គម្រោង​នេះ​ដោយ​រលូន​ដោយ​មិន​មាន​ការបញ្ឈប់​ការងារ​សាងសង់​ឡើយ​។

នេះ​គឺជា​ការសម្រេច​ចិត្ត​ជា​យុទ្ធសាស្ត្រ​របស់​ក្រុមហ៊ុន Oxley Gem ដែល​បានសម្រេច​អនុវត្ត​បន្ទាប់ពី​ការខិតខំ​រួមគ្នា​ក្នុង​ការជួយ​ក្រុមហ៊ុន SINO ប៉ុន្តែ​ក្រុមហ៊ុន SINO មិន​បាន​បង្ហាញ​លទ្ធផល​ប្រតិកម្ម​តប​មកវិញ​គួរ​ឲ្យ​កត់សម្គាល់​ទេ​។

ក្នុង​ករណី​ដែល​សម្រេច​ធ្វើ​ដូច្នេះ​ក្រុមហ៊ុន Oxley Gem អាច​ធានា​បាន​ថា គ្មាន​ការពន្យារពេល​ហួសហេតុ​ពេក​ណាមួយ​ត្រូវបាន​កើតឡើង​ខុសពី​ផែនការ​នៃ​ការបញ្ចប់​ការសាងសង់​គម្រោង​នេះ និង​ការ​ប្រគល់ជូន​ដល់​អតិថិជន​ជូន​ដល់​ដៃគូ និង​វិនិយោគ​ដែល​មាន​កិត្យានុភាព​របស់​យើង​ផ្ទុយ​ពី​កាលបរិច្ឆេទ​ដែល​បាន​ចុះ​ក្នុង​កិច្ចព្រមព្រៀង​ឡើយ​។

បច្ចុប្បន្ន​ក្រុមហ៊ុន​កំពុងធ្វើការ​យ៉ាង​ជិតស្និទ្ធ​ជាមួយ​ក្រុមហ៊ុន​ស៊ីណូ​ដើម្បី​ធានាថា បុគ្គលិក និង​អ្នកម៉ៅការ​រង​ទាំងអស់​ទទួល​បាន​ប្រាក់ខែ​ត្រឹមត្រូវ​សម្រាប់​ការងារ​ដែល​បានធ្វើ​។ ក្រុមហ៊ុន Oxley Gem នៅតែ​ស្ថិត​ជា​អាទិភាព​ខ្ពស់បំផុត​ក្នុង​ការការពារ​ផលប្រយោជន៍​របស់​ភាគី​រងគ្រោះ​ពី​ផលប៉ះពាល់​នានា​បើ​មាន​ជាអាទិ៍​។

ជាមួយ​គ្នា​នេះ​ក្រុមហ៊ុន Oxley Gem ក៏បាន​ទទួល​ការបញ្ជាក់​ពី​អ្នកម៉ៅការ​សំខាន់ៗ​ថា​នឹងត្រូវ​មកជួប​ជាមួយ​ភាគី​រងគ្រោះ​ទាំងអស់​ដើម្បី​ពិនិត្យមើល​វិសាលភាព​ការងារ​របស់​ពួកគេ និង​ចរចា​កិច្ចសន្យាការងារ​ថ្មី​ជាមួយ​ពួកគេ​ក្នុង​កម្រិត​ល្អ​បំផុត​។

ក្នុង​នាម​ក្រុមហ៊ុន និង​ភាគី​ពាក់ព័ន្ធ​ទាំងអស់​ដែល​ជាប់​ពាក់ព័ន្ធ​នឹង​គម្រោង អភិវឌ្ឍន៍ The Peak ក្រុមហ៊ុន​បាន​បញ្ជាក់​ថា​គម្រោង​នេះ​នឹង​មិន​ឲ្យ​មាន​ផលប៉ះពាល់​ការងារ ដោយសារ​ការបញ្ចប់​ក្រុមហ៊ុន SINO និង​ការជំនួស​ដោយ​អ្នកម៉ៅការ​ថ្មី​ឡើយ​។

ហេតុការណ៍​ទាំងអស់​នៅ​តែ​ជា​បេសកកម្ម​ដ៏ខ្ពស់បំផុត​របស់​ក្រុមហ៊ុន ដើម្បី​ផ្តល់​ជូន​គម្រោង​របស់​ខ្លួន​ប្រកប​ដោយ​គុណភាព និង​ស្រប​តាម​ស្តង់ដា​ខ្ពស់​បំផុត​ក្នុង​ការរក្សា និង​ទទួល​បាន​ការពេញចិត្ត​ដូច​ក្តី​រំពឹងទុក​របស់​លោកអ្នក​ដដែល​៕

អត្ថបទគួរចាប់អារម្មណ៍

  • ភ្នំពេញៈ ក្រសួង​សាធារណការ និង​ដឹកជញ្ជូន​នឹង​ចេញ​ស្លាក​លេខ និង​បណ្ណ​បើកបរ​បណ្ដោះអាសន្ន​សម្រាប់​រថយន្ត​កែច្នៃ ដែល​បម្រើ​ដល់​វិស័យ​កសិកម្ម​តាម​ការស្នើសុំ​របស់​អគ្គស្នងការ​នគរបាល​ជាតិ ដើម្បី​បង្ការ​គ្រោះថ្នាក់​ចរាចរណ៍ និង​ងាយស្រួល​គ្រប់គ្រង​ព្រម​ទាំង​សម្រួល​ដល់​ការដឹកជញ្ជូន​របស់​កសិករ​។

  • ភ្នំពេញៈ ការនាំចេញ​ចេក​អំបូង​លឿង​ស្រស់​ពី​កម្ពុជា​ទៅ​ទីផ្សារ​អន្តរជាតិ​គិត​ចាប់ពី​ដើមឆ្នាំ​ ២០២០ រហូត​មក​ដល់​ថ្ងៃទី ​៨ ខែ​កក្កដា​ នេះ ​សម្រេច​បាន​ជិត ១៥ ​ម៉ឺន​តោន​ កើនឡើង​ជាង ១៥០ ​ភាគរយ​បើ​ធៀប​ទៅ​នឹង​រយៈពេល​ដូចគ្នា​កាលពី​ឆ្នាំមុន​។ នេះ​បើ​តាម​លោក វេង សាខុន រដ្ឋមន្ត្រី​ក្រសួង​កសិកម្ម រុក្ខាប្រមាញ់ និង​នេសាទ​។

  • ភ្នំពេញៈ អ្នកនាំពាក្យ​មជ្ឈមណ្ឌល​ជាតិ​រក្សា​សន្តិភាព លោកស្រី កុសល ម៉ាលីនដា បាន​ប្រាប់​ឲ្យ​ដឹង​នៅ​ថ្ងៃ​ម្សិលមិញ​ថា កងកម្លាំង​មួកខៀវ​កម្ពុជា​ ៨០ ​នាក់​ដែល​បញ្ចប់​បេសកកម្ម​រក្សា​សន្តិភាព​ក្រោម​ឆត្រ​របស់​អង្គការ​សហប្រជាជាតិ​នៅ​ប្រទេស​ម៉ាលី​នឹង​ត្រូវធ្វើ​មាតុភូមិ​និវត្តន៍​មក​កម្ពុជា​វិញ​នៅ​ថ្ងៃទី​ ១០ កក្កដា ២០២០​។

  • ភ្នំពេញៈ ការស្នើសុំ​ឥណទាន​ពី​កម្មវិធី​ពិសេស​របស់​រដ្ឋាភិបាល​ដែលមាន​ទឹកប្រាក់ ៥០ ​លាន​ដុល្លារ តាមរយៈ​ធនាគារ​អភិវឌ្ឍន៍ជនបទ និង​កសិកម្ម​ (ARDB) បាន​កើន​ដល់​ទឹកប្រាក់​ជាង ៣៧ ​លាន​ដុល្លារ​ ហើយ​គិត​ត្រឹម​ថ្ងៃទី​ ៩ ខែកក្កដា នេះ​។

  • ភ្នំពេញៈ ប្រទេស​កម្ពុជា​ កំពុង​សិក្សា​ពី​លទ្ធភាព​នៃ​ការបង្កើត​កិច្ចព្រមព្រៀង​ពាណិជ្ជកម្ម​សេរី​ជាមួយ​នឹង​ប្រទេស​ឥណ្ឌា​ ដើម្បី​ជា​ការបើក​ទីផ្សារ​ថ្មី​មួយ​ទៀត​ទៅកាន់​ប្រទេស​ដែល​មាន​សេដ្ឋកិច្ច​ធំ​ក្នុង​តំបន់ បន្ទាប់ពី​កិច្ចចរចា​ពាណិជ្ជកម្ម​សេរី​ជាមួយ​ប្រទេស​ចិន​គ្រោង​នឹង​បញ្ចប់​ក្នុង​ខែ​សីហា​ខាងមុខ​។

  • ភ្នំពេញៈ កម្លាំង​នគរបាល​ខណ្ឌ​សែនសុខ​នៅ​រសៀល​ថ្ងៃ​ព្រហស្បតិ៍​ម្សិលមិញ​បានសម្រេច​បញ្ជូន​ខ្លួន​ចៅក្រម​នៃ​សាលាដំបូង​ខេត្ត​កោះកុង​ម្នាក់​ទៅ​សាលាដំបូង​រាជធានី​ភ្នំពេញ ដើម្បី​ចាត់ការ​បន្ត​តាម​នីតិវិធី​ច្បាប់ បន្ទាប់ពី​ចៅក្រម​រូបនេះ​បាន​បង្ក​គ្រោះថ្នាក់​ចរាចរណ៍​បណ្ដាល​ឲ្យ​ស្ត្រី​ម្នាក់​ស្លាប់​កាលពី​រសៀល​ថ្ងៃ​ពុធ ហើយ​អះអាង​ថា ស្ត្រី​រូប​នោះ​ជា​ចោរឆក់​។