សិង្ហបុរីៈ ទីផ្សារអចលនទ្រព្យលំនៅឋានរបស់ប្រទេសសិង្ហបុរីបានបង្ហាញជាផ្នែកមួយនៃវិស័យធ្លាក់ចុះចំពេលនៃការរីករាលដាលកូវីដ១៩ ដែលបណ្តាលឱ្យសេដ្ឋកិច្ចរបស់ប្រទេសនេះធ្លាក់ចុះទៅក្នុងស្ថានភាពដែលមិនធ្លាប់មាន។
ក្រុមអ្នកវិភាគនិយាយថា បញ្ញានេះកើតឡើងមួយផ្នែកធំបណ្តាលមកពីវិធានការទប់ស្កាត់របស់រដ្ឋាភិបាលដើម្បីទប់ស្កាត់ការរំពឹងទុក និងធានាថា អ្នកទិញផ្ទះមិនត្រូវចំណាយច្រើនពេកគួបផ្សំនឹងការជំរុញដ៏ធំរបស់រដ្ឋាភិបាលដើម្បីជួយសន្សំសំចៃការងារ និងជំរុញសេដ្ឋកិច្ច។
នេះត្រូវបានកើតឡើងដោយកំណើនជាបន្តទាំងសន្ទស្សន៍ថ្លៃផ្ទះឯកជនរបស់អាជ្ញាធរអភិវឌ្ឍន៍ទីក្រុង និងសន្ទស្សន៍ថ្លៃលក់បន្តរបស់ក្រុមប្រឹក្សាភិបាលលំនៅឋាន (HDB)។
សន្ទស្សន៍តម្លៃផ្ទះឯកជនកើនឡើង ០,១ ភាគរយក្នុងរយៈពេល ៩ ខែនៃឆ្នាំនេះធៀបជាមួយកំណើន ២,១ ភាគរយកាលពីឆ្នាំមុន និង ដក ៥,២ ភាគរយអំឡុងពេលវិបត្តិហិរញ្ញវត្ថុសកលឆ្នាំ ២០០៩។
អ្នកវិភាគលើកឡើងថា ជាមួយសេដ្ឋកិច្ចធ្លាក់ដល់កម្រិតទាបបំផុត តម្លៃគួរតែមានស្ថិរភាពក្នុងពេលដ៏ខ្លីខាងមុខនេះ ដោយផ្តើមពីកម្រិតថេរទៅកំណើន ១ ភាគរយដែលត្រូវគេមើលឃើញសម្រាប់ឆ្នាំនេះ។
នេះមិនដូចជាស្ថានភាពក្នុងឆ្នាំ ២០០៩ ពេលដែលសន្ទស្សន៍តម្លៃផ្ទះឯកជនធ្លាក់ចុះជិត ២៥ ភាគរយពីត្រីមាសទី ២ ក្នុងឆ្នាំ ២០០៨ ទៅដល់ត្រីមាសទី ២ ឆ្នាំ ២០០៩។
លោក Tricia Song ប្រធានស្រាវជ្រាវរបស់ក្រុមហ៊ុន Colliers International ប្រចាំប្រទេសសិង្ហបុរីបានកត់សម្គាល់ឃើញថា កាលពីពេលនោះការកើនឡើងដូចពពុះសាប៊ូនៃអចលនទ្រព្យបានរីកចម្រើនយ៉ាងខ្លាំង បន្ទាប់ពីវាត្រូវបានផ្គត់ផ្គង់ដោយលក្ខខណ្ឌរូបិយវត្ថុធូររលុង និងការរំពឹងទុកយ៉ាងខ្លាំងនៅក្នុងប៉ុន្មានឆ្នាំមុនពេលមានវិបត្តិនេះ។
ទន្ទឹមនឹងនោះដែរសន្ទស្សន៍ថ្លៃលក់បន្តរបស់ក្រុមប្រឹក្សាភិបាលលំនៅឋាន (HDB) បានធ្លាក់ចុះ ៦ ឆ្នាំជាប់ៗគ្នា ប៉ុន្តែបានត្រៀមទប់ទល់នឹងការរីករាលដាលនៃជំងឺ និងបានប្រកាសកំណើនប្រចាំឆ្នាំខ្លាំងបំផុតចាប់តាំងពីឆ្នាំ ២០១២ មក។
តម្លៃលក់បន្តរបស់ HDB បានហក់ឡើងដល់ទៅ ១,៨ ភាគរយក្នុង ៣ ត្រីមាសដំបូងនៃឆ្នាំនេះ។
លោក Wong Siew Ying ប្រធានកិច្ចការស្រាវជ្រាវនៃ PropNex បាននិយាយថា ជាមួយតម្រូវការដែលត្រូវគេរំពឹងបន្តកើនឡើងតម្លៃលក់បន្តរបស់ HDB អាចកើនឡើងត្រឹម ២,៥ ទៅ ៣ ភាគរយក្នុងឆ្នាំនេះ។
ក្រុមអ្នកវិភាគបាននិយាយថា ការផ្លាស់ប្តូរគោលនយោបាយរបស់ HDB ដែលបានធ្វើឡើងក្នុងរយៈពេល ២ ឆ្នាំចុងក្រោយនេះកំពុងអនុវត្តជាធរមាន ហើយផ្ទះល្វែងលក់បន្តនៅតំបន់ Dawson និង តំបន់Tiong Bahru ដែលឈានដល់រយៈពេលកាន់កាប់អប្បបរមាកំពុងត្រូវបានលក់ក្នុងតម្លៃខ្ពស់។
លោក Wong កត់សំគាល់ថា ផ្ទះល្វែងថ្មីៗទាំងនេះកាន់តែច្រើនត្រូវគេលក់ផងដែរ។ ជុំវិញ ២៧ ភាគរយនៃផ្ទះល្វែងដែលបានលក់ក្នុងរយៈពេល ៩ ខែដើមឆ្នាំ នេះទទួលបានការជួលរយៈពេល ៩០ ឆ្នាំ ឬយូរជាងនេះកើនពី ១៩ ភាគរយក្នុងរយៈពេលដូចគ្នាកាលពីឆ្នាំមុន។
លោក Song បាននិយាយថាការជំរុញដ៏ធំមួយក៏មកពីរដ្ឋាភិបាលដែលមានទឹកប្រាក់ជិត ១០០ ពាន់លានសិង្ហបុរី ( ៧៤,៧ ពាន់លានដុល្លារអាមេរិក) លើកញ្ចប់ជំរុញចំនួន ៤ លើកក្នុងឆ្នាំនេះរួមទាំងគម្រោងគាំទ្រការងារ ក៏ដូចជាការបង្កើតច្បាប់បណ្តោះអាសន្នស្តីពីការបញ្ឈប់ ឬការលះបង់សិទ្ធិក្នុងការជួលពាណិជ្ជកម្ម ផ្ទះហ៊ីប៉ូតែក និងអត្រាការប្រាក់។
Christine Sun ប្រធានក្រុមស្រាវជ្រាវ និងប្រឹក្សាយោបល់នៃក្រុមហ៊ុន OrangeTee & Tie បានឱ្យដឹងថា ទីផ្សារលក់បន្តរបស់ HDB ទទួលបានការលើកលែងពីការផ្លាស់ប្តូរគោលនយោបាយ។
ទាំងនេះរួមទាំងការអនុញ្ញាតឱ្យអ្នកទិញទទួលបាននូវភាពបត់បែនកាន់តែធំក្នុងការប្រើប្រាស់ប្រាក់មូលនិធិមន្រ្តីកណ្តាល (CPF) របស់ពួកគេ ដើម្បីទិញផ្ទះល្វែងដែលមានអាយុកាលចាស់ជាង បង្កើនការផ្តល់ជំនួយសម្រាប់លំនៅឋាន CPF បង្កើនពិតានប្រាក់ចំណូល និងអនុញ្ញាតឱ្យមានប្រាក់កម្ចីទិញផ្ទះធំជាងមុនសម្រាប់អ្នកទិញដែលមានសិទ្ធិ។
លោក Sun បន្ថែមថា វិធានការទាំងនេះបានជួយជំរុញការលក់បន្តរបស់ HDB ដល់ទៅ ៧ ៧៨៧ យូនីតក្នុងត្រីមាសទី ៣ នៃឆ្នាំនេះដែលជាការលក់ខ្ពស់បំផុតប្រចាំត្រីមាសចាប់តាំងពីត្រីមាសទី ៣ ឆ្នាំ ២០១០ ពេលដែលយូនីតចំនួន ៨ ២០៥ ត្រូវលក់ចេញ។
លោក Song បានកត់សម្គាល់ថា៖ «តម្លៃ HDB ពេលនេះមើលទៅគួរឱ្យទាក់ទាញខ្លាំងណាស់ បន្ទាប់ពីបានធ្លាក់ចុះ ១២,៤ ភាគរយពីឆ្នាំ ២០១៣ ដល់ ២០១៩ ប្រៀបធៀបជាមួយសន្ទស្សន៍តម្លៃផ្ទះឯកជនដែលបានធ្លាក់ចុះ ២,១ ភាគរយ។
លោកបន្ថែម៖ «ពេលនេះតម្លៃលក់បន្តរបស់ HDB បានកែសម្រួល វាអាចចាប់ផ្តើមតាមសន្ទស្សន៍តម្លៃផ្ទះឯកជន និងកំណើនប្រាក់ចំណូលគ្រួសារជាទូទៅ»៕ The Straits Times/ANN/RR