The Phnom Penh Post Search

Search form




Logo of Phnom Penh Post newspaper Phnom Penh Post - ធនាគារកណ្តាល​ថៃ​ ត្រៀមខ្លួន​បន្ធូរ​បទប្បញ្ញត្តិ​កម្ចី​ទិញ​ផ្ទះ

ធនាគារកណ្តាល​ថៃ​ ត្រៀមខ្លួន​បន្ធូរ​បទប្បញ្ញត្តិ​កម្ចី​ទិញ​ផ្ទះ

Content image - Phnom Penh Post
អ្នកដំណើរ​ដើរកាត់​អគារ​ពាណិជ្ជកម្ម និង​អាផាតមិន​ក្នុង​ទីក្រុង​បាងកក​។ រូបថត AFP

ធនាគារកណ្តាល​ថៃ​ ត្រៀមខ្លួន​បន្ធូរ​បទប្បញ្ញត្តិ​កម្ចី​ទិញ​ផ្ទះ

ក្រុងបាងកកៈ ប្រធាន​របស់​ធនាគារ​កណ្ដាល​ថៃ​បាន​ឲ្យ​ដឹងថា ធនាគារកណ្ដាល​ថៃ​ត្រៀមខ្លួន​រួចហើយ​ក្នុង​ការបន្ធូរបន្ថយ​បន្ថែមទៀត​នូវ​បទប្បញ្ញត្តិ​ប្រាក់កម្ចី​ធៀប​នឹង​តម្លៃ (LTV) ដែល​គ្រប់គ្រង​លើ​ការផ្ដល់​កម្ចី​ទិញ​ផ្ទះ​នៅក្នុង​តំបន់​ជាច្រើន​ដែល​ត្រូវបាន​ចាត់ទុកថា គ្រោះថ្នាក់​ដល់​អ្នកទិញ​ផ្ទះ​។ នេះ​បើ​យោង​តាម​កាសែត​បាងកក​ប៉ុស្តិ៍​។

លោក Veerathai Santiprabhob ប្រធាន​ធនាគារកណ្ដាល​ថៃ​ត្រូវបាន​ដកស្រង់​សម្តី​ដោយ​កាសែត​បាងកក​ប៉ុស្តិ៍​ ខណៈ​ថ្លែងថា ធនាគារ​កណ្ដាល​កំពុង​ត្រួតពិនិត្យ​លទ្ធផល​របស់​វិធានការ LTV បន្ទាប់ពី​ការអនុវត្ត​កាលពី​ថ្ងៃទី​ ១ ខែមេសា ឆ្នាំ​ ២០១៩ ហើយ​ការបន្ធូរបន្ថយ​នឹង​ត្រូវបាន​ពិចារណា​ប្រសិន​បើ​ចាំបាច់​។

លោក​ថ្លែងថា​៖ «​ប្រសិនបើ​ការគ្រប់គ្រង​តឹងតែង​ខ្លាំងពេក ឬ​បណ្ដាល​ឲ្យ​មាន​ផលប៉ះពាល់​ច្រើន ធនាគារកណ្ដាល​នេះ​ត្រៀមខ្លួន​រួចហើយ​ក្នុងការ​បន្ធូរបន្ថយ​វា​។ ធនាគារកណ្ដាល​ថៃ​គាំទ្រ​ប្រជាជន​ធ្វើ​ជា​ម្ចាស់​លំនៅឋាន​ផ្ទាល់​របស់​ពួកគេ ប៉ុន្តែ​ចង់​លុបបំបាត់​តម្រូវការ​សិប្បនិម្មិត​នៅក្នុង​ទីផ្សារ​»​។

ថ្មីៗ​នេះ​ធនាគារកណ្ដាល​មួយ​នេះ​បាន​អនុញ្ញាត​ឲ្យ​សហ​អ្នកចុះហត្ថលេខា​កម្ចី​ទិញ​ផ្ទះ​មិនចាំបាច់​គោរព​តាម​បទប្បញ្ញត្តិ​នេះ​ទៀតឡើយ​។

កាសែត​បាងកក​ប៉ុស្តិ៍​បាន​រាយការណ៍​ទៀតថា យោងតាម​បទប្បញ្ញត្តិ​នេះ ធនាគារ​ត្រូវបាន​អនុញ្ញាត​ឲ្យ​ផ្ដល់ LTV ១០០ ​ភាគរយ​ សម្រាប់​កម្ចី​ទិញ​ផ្ទះ​ដែល​ផ្តល់ជូន​អ្នកទិញ​ផ្ទះ​គម្រោង​លំនៅឋាន​កម្ពស់​ទាបៗ ដែល​ជា​កម្ចី​ទិញ​ផ្ទះ​លើកដំបូង​របស់​ពួកគេ​។

អ្នកទិញ​ផ្ទះ​ត្រូវបាន​តម្រូវ​ឲ្យ​បង់ប្រាក់​តម្កល់​ដំបូង​អប្បបរមា​សម្រាប់​កម្ចី​ទិញ​ផ្ទះ​ទី​ ៣ និង​កម្ចី​ទិញ​ផ្ទះ​ជា​បន្តបន្ទាប់​ចំនួន ៣០ ភាគរយ ​នៃ​តម្លៃ​ផ្ទះ និង​ត្រូវ​បង់ ១០-២០ ​ភាគរយ​ សម្រាប់​កម្ចី​ទិញ​ផ្ទះ​ទី​ ២ ដោយ​អាស្រ័យ​លើ​រយៈពេល​ដែល​អ្នក​ខ្ចី​បាន​ធ្វើការ​បង់ប្រាក់​សម្រាប់​កម្ចី​ទិញ​ផ្ទះ​ទី​ ១​។

អនុបាត LTV ពី ៩០ ទៅ ១០០ ​ភាគរយ​គឺ​ត្រូវតែ​គោរព​សម្រាប់​អ្នក​ដែល​គ្រោង​នឹង​ទិញ​ផ្ទះ​តម្លៃ​ក្រោម ១០ លាន​បាត ប៉ុន្តែ​អនុបាត​នេះ​បាន​ធ្លាក់​ចុះមក​នៅត្រឹម ៨០ ភាគរយ​នៅពេល​អ្នក​ខ្ចីប្រាក់​ទិញ​លំនៅឋាន​ដែល​មាន​តម្លៃ ១០ លាន​បាត ឬ​ខ្ពស់ជាង​នេះ​។

ក្នុង​រយៈពេល ១១ ​ខែ​ដំបូង​នៃ​ឆ្នាំ​ ២០១៩ ការផ្តល់​កម្ចី​ទិញ​ផ្ទះ​ដោយ​ធនាគារពាណិជ្ជ និង​គ្រឹះស្ថាន​ហិរញ្ញវត្ថុ​ឯកទេស​បាន​កើនឡើង ៦,៣ ភាគរយ​។ លំនៅឋាន​កម្ពស់​ទាបៗ​បាន​បង្ហាញ​ការកើនឡើង ១១,៨ ភាគរយ ខណៈ​ដែល​លំនៅឋាន​កម្ពស់​ខ្ពស់ៗ​បាន​ធ្លាក់ចុះ ៧,៤ ​ភាគរយ​។

នេះ​បើ​យោង​តាម​កាសែត​បាងកក​ប៉ុស្តិ៍​​គ្រាន់តែ​ធនាគារពាណិជ្ជ កម្ចី​ទិញ​ផ្ទះ​ដែល​ចុះកិច្ចសន្យា​លើកដំបូង​បាន​កើនឡើង ៣,១ ​ភាគរយ​ ដោយ​កម្ចី​ទិញ​ផ្ទះ​កើនឡើង ៥ ​ភាគរយ​ សម្រាប់​ការទិញ​លំនៅឋាន​កម្ពស់​ទាបៗ និង​ធ្លាក់ចុះ ១,៩ ភាគរយ​ សម្រាប់​ការទិញ​លំនៅឋាន​កម្ពស់​ខ្ពស់ៗ​។ កំណើន​កម្ចី​ទិញ​ផ្ទះ​ដែល​ចុះកិច្ចសន្យា​លើក​ទី​ ២ និង​បន្តបន្ទាប់​បាន​ធ្លាក់ចុះ ១៧,៤ ភាគរយ ភាគច្រើន​ដោយសារ​តែ​ការធ្លាក់ចុះ ២៥,៣ ភាគរយ​សម្រាប់​គម្រោង​លំនៅឋាន​ខ្ពស់ៗ និង​ធ្លាក់ចុះ ១០,៤ ​ភាគរយ​ សម្រាប់​លំនៅឋាន​ទាបៗ​។

លោក Veerathai បាន​ឲ្យ​ដឹងថា ផ្អែក​តាម​ទិន្នន័យ​នេះ​ការដាក់​កម្រិត​របស់ LTV បាន​ជួយ​បញ្ឈប់​ការ​កេងចំណេញ​អចលនទ្រព្យ​។ ធនាគារ​ក៏ត្រូវ​ប្រុងប្រយ័ត្ន​បន្ថែម​ទៀត​ផងដែរ​ចំពោះ​ការអនុម័ត​កម្ចី​ទិញ​ផ្ទះ ហើយ​សំខាន់​ជាងនេះ​ទៅ​ទៀត អ្នកទិញ​ផ្ទះ​ដែល​មាន​តម្រូវការ​ពិតប្រាកដ មិនត្រូវ​បាន​រង​ផលប៉ះពាល់​ទេ​៕ LA

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។