ទីក្រុងឡុងដ៍ៈ ក្នុងដំណាក់កាលរីករាលដាលកូវីដ ១៩ ដំបូង សេចក្តីរាយការណ៍ពីការធ្លាក់ចុះតម្រូវការការិយាល័យបានកើតមានជាខ្លាំង ប៉ុន្តែនៅពេលកូវីដ ១៩ បន្តអូសបន្លាយ និងការឆ្លងលើកទី ២ បានកើតមានជាសកល រឿងរ៉ាវខ្លះបានផ្លាស់ប្តូរពីរបៀបដែលនិយោជិត និង និយោជកយល់ឃើញចំពោះកន្លែងការងារនៅការិយាល័យ។ គេកំពុងមើលឃើញថា វាជាជម្រើសជាជាងភាពចាំបាច់សម្រាប់បុគ្គលិកធ្វើការងារនៅការិយាល័យ។
កាសែត The Straitstime របស់សិង្ហបុរីដែលយោងការចេញផ្សាយរបស់សារព័ត៌មាន Bloomberg បានឲ្យដឹងថា នៅពេលការគ្រប់គ្រងការរីករាលដាលបានការផ្លាស់ប្តូរនឹងត្រូវបានគេស្វាគមន៍ដោយក្រុមហ៊ុននឹងកាត់បន្ថយតម្លៃជួល និងបុគ្គលិកដែលព្រួយបារម្ភចំពោះការឆ្លងប្រចាំថ្ងៃ។
ប៉ុន្តែសម្រាប់ម្ចាស់នៃអចលនទ្រព្យនៅតំបន់ពាណិជ្ជកម្មវិញ ព្រួយបារម្ភរួចជាស្រេចទៅហើយពីការផ្លាស់ប្តូរពីទីតាំងលក់រាយទាំងនេះ ដោយផលលំបាកប្រហែលជាអាក្រក់។ តម្លៃទីផ្សារនៃក្រុមហ៊ុនអចលនទ្រព្យតាមតំបន់ពាណិជ្ជកម្ម ដូចជា ក្រុមហ៊ុន Land Securities និង British Land បានធ្លាក់ចុះរួចទៅហើយ។
នេះគ្រាន់តែជាសំណួរខ្លះៗនៃបុគ្គលិកប្រើប្រាស់បច្ចេកវិទ្យានៅក្រុមហ៊ុន Alphabet, Twitter ឬក៏ Facebook បានជជែកគ្នាជាហូរហែកន្លងមកសំដៅដល់ការបំពេញការងាររបស់ពួកគេពីផ្ទះ។ ក្រុមហ៊ុនស្ទើរគ្រប់ប្រភេទកំពុងមានរបៀបគណនាប្រហាក់ប្រហែលគ្នានេះ ដោយលោក Alan Jope ប្រធាននៃក្រុមហ៊ុនផលិតផលប្រើប្រាស់ Unilever មិនមើលឃើញបុគ្គលិកត្រឡប់ទៅធ្វើការងារក្នុងការិយាល័យវិញ ១០០ ភាគរយនោះទេ ចំណែកធនាគារស្វ៊ីស UBS បានឲ្យដឹងថា បុគ្គលិក ១ ភាគ ៣ អាចបន្តការងារពីផ្ទះរបស់ពួកគេបាន។
មានការចំណាយច្រើនលើអចលនទ្រព្យសម្រាប់អាជីវកម្ម បុគ្គលិកនឹងពេញចិត្តកាត់បន្ថយមកធ្វើការងារនៅការិយាល័យ។
ក្រុមអ្នកវិភាគនៅធនាគារ UBS បានសន្និដ្ឋានថា ជាមធ្យមការធ្វើការងារ ១ ទៅ ២ ថ្ងៃពីផ្ទះ អាចកា្លយជាបទដ្ឋានថ្មី។ រឿងនោះអាចជាលទ្ធផលធ្វើឲ្យការិយាល័យនៅទំនេរ។ នៅទីក្រុងឡុងដ៍ភាគខាងលិចដែលជាតំបន់ពាណិជ្ជកម្មពេញនិយមបានអនុវត្តការងារពីផ្ទះកាន់តែច្រើន។
ជាមួយការថមថយដែលនឹងកើតមានដែលមានន័យថា អត្រាការិយាល័យទំនេរកើនឡើងពី ៣,៣ ភាគរយ ក្នុងត្រីមាសដំបូងនៃឆ្នាំ ២០២០ ទៅជាង ១០ ភាគរយនៅដំណាច់ឆ្នាំនេះ។ នេះបើយោងតាម UBS ដោយលើកឡើងថា វាអាចស្ថិតនៅ ១១,៥ ភាគរយក្នុងឆ្នាំ ២០២២។
ដំណឹងល្អសម្រាប់ឧស្សាហកម្មអចលនទ្រព្យគឺថាវាអាចប្រើប្រាស់ឡើងវិញនូវទីតាំងពាណិជ្ជកម្មជាការអភិវឌ្ឍលំនៅឋាន ដោយសន្មតថាប្រជាជននៅតែចង់រស់នៅទីក្រុង ពេលការរីករាលដាលបានកើតឡើងជាថ្មី។ UBS បានព្យាករថា អត្រាការិយាល័យទំនេរអាចស្ថិរភាពនៅត្រឹម ៥,១ ភាគរយ ត្រឹមឆ្នាំ ២០២៥៕Straitstimes_ANN/RR