សិង្ហបុរីៈ សកម្មភាពភតិសន្យាសម្រាប់ការិយាល័យកម្រិត A ក្នុងប្រទេសសិង្ហបុរីបានជាប់គាំង អំឡុងពេលកើតមានវិបត្តិនៃការរីករាលដាល ហើយនៅតែបន្តយឺតយ៉ាវនៅត្រីមាសទី ៣ នៃឆ្នាំនេះ។ នេះបើយោងតាមរបាយការណ៍ចេញផ្សាយកាលពីថ្ងៃអង្គារដោយ Cushman & Wakefield (C&W)។
C&W បានឱ្យដឹងថា ចំពេលធ្លាក់ចុះដ៏អាក្រក់មិនធ្លាប់មានក្នុងប្រវត្តិសាស្ត្របណ្តាលមកពីការរីករាលដាលនៃកូវីដ១៩ ការជួលការិយាល័យកម្រិត A សម្រាប់អាជីវកម្មបន្តធ្លាក់ចុះ ៥,១ ភាគរយក្នុងត្រីមាសទី ៣ ធៀបនឹងរយៈពេលដូចគ្នានៃឆ្នាំមុន ដល់តម្លៃ ៩,៨៤ ដុល្លារក្នុង ១ ហ្វ៊ីតការ៉េក្នុង ១ ខែ។
C&W ឱ្យដឹងបន្តថា លើសពីនេះទៀតប្រឈមនឹងភាពមិនប្រាកដប្រជានៃអាជីវកម្ម អ្នកជួលដែលជិតចប់កុងត្រាកំពុងស្វែងរកការជួលបន្តទៀតជាមួយកុងត្រារយៈពេលខ្លី។
ជាមួយទីតាំងការិយាល័យដែលមិនប្រើប្រាស់ ពេលដែលធ្វើការងារពីផ្ទះនៅតែបន្តអនុវត្ត ក្រុមហ៊ុនកំពុងសិក្សាយុទ្ធសាស្ត្រការងារដើម្បីត្រួតពិនិត្យមើលតម្រូវការការិយាល័យក្នុងពេលអនាគតរបស់ពួកគេ។
ក្រុមហ៊ុនសេវាកម្មអចលនទ្រព្យបានកត់សម្គាល់ថា៖ «ក្នុងពេលភ្លាមៗទៅរយៈពេលខ្លី ទីផ្សាររំពឹងថាទីតាំងជួលដែលគេរំពឹងថា ទំនេរនោះនឹងត្រូវបានកាន់កាប់ឡើងវិញ នៅពេលមានអ្នកជួលត្រឡប់ទៅជួលវិញទោះក្នុងរយៈពេលខ្លី»។
C&W ឱ្យដឹងថា ទោះបីជាយ៉ាងណា ទីតាំងទំនេរខ្លះកំពុងត្រូវកាន់កាប់ដោយអ្នកផ្សេងដែលចាប់យកឱកាសដើម្បីជួលទីតាំងល្អនៅអត្រាជួលកាន់តែទាក់ទាញជាងមុន។
ជាឧទាហរណ៍ ក្រុមហ៊ុនធានារ៉ាប់រង QBE បានផ្លាស់ប្តូរទៅកាន់អគារ Guoco Tower និង កាន់កាប់ទំហំដល់ទៅ ២៨៨០ ម៉ែត្រការ៉េ ដែលបានបោះបង់ដោយក្រុមហ៊ុន Grab ដែលបានផ្លាស់ប្តូរចេញ។ ទន្ទឹមនឹងនោះដែរ ក្រុមហ៊ុន Amazon កំពុងជួលការិយាល័យទំហំ ៨៣៦១ ម៉ែត្រការ៉េចំនួន ៣ ជាន់នៅអគារ Asia Square Tower 1 ដែលក្រុមហ៊ុន Citi បោះបង់។
លោក Mark Lampard នាយកប្រតិបត្តិនៃ C&W និង ប្រធាននៃក្រុមហ៊ុនភតិសន្យាពាណិជ្ជកម្មរបស់ប្រទេសសិង្ហបុរី និង តំណាងអ្នកជួលថ្នាក់តំបន់ បានកត់សម្គាល់ថា ការអនុញ្ញាតឱ្យបុគ្គលិកពាក់កណ្តាលនៃកម្លាំងពលកម្មត្រឡប់ទៅធ្វើការងារនៅការិយាល័យវិញ គឺជា «អ្នកផ្លាស់ប្តូរល្បែងនេះ» ដែលនេះផ្តល់ឱ្យក្រុមហ៊ុននូវ «ភាពចាំបាច់» ដើម្បីវាយតម្លៃគំរូភាពរហ័សរហួនរបស់ពួកគេ។
លោកបាននិយាយថា៖ «រហូតមកដល់ពេលនេះ ក្រុមហ៊ុនទាំងឡាយមិនទាន់រៀបចំដើម្បីសម្រេចចិត្ត ពេលដែលគ្មានអ្នកនៅក្នុងការិយាល័យ។ ទីផ្សារក៏បានចាប់យកជំហានទី ១ ក្នុងការត្រឡប់ទៅរកភាពងាយទទួលបានដោយរុញច្រានដោយក្រុមហ៊ុនដែលស្វែងរកតម្រូវការតូចជាង និង បោះបង់ទីតាំងការិយាល័យមុនចោល»។
ពេលមានការអភិវឌ្ឍប្រកបដោយវិជ្ជមានគឺអ្នករុញច្រានតម្រូវការថ្មី ដូចជាទម្រង់នៃក្រុមហ៊ុនបច្ចេកវិទ្យារបស់ចិនពង្រីកខ្លួននៅក្នុងប្រទេសសិង្ហបុរីដោយសារតែភាពតានតឹងផ្នែកភូមិសាស្ត្រនយោបាយ។
ឧទាហរណ៍ក្រុមហ៊ុន ByteDance កំពុងមានផែនការពង្រីកទៅកាន់ប្រទេសសិង្ហបុរីធ្វើជាមជ្ឈមណ្ឌលតំបន់របស់ខ្លួន សម្រាប់ការពង្រីកខ្លួនទៅកាន់តំបន់អាស៊ីបានដាក់ពាក្យសុំអាជ្ញាប័ណ្ណ ដើម្បីប្រតិបត្តិការធនាគារឌីជីថលក្នុងសិង្ហបុរី។ ស្រដៀងគ្នានេះក្រុមហ៊ុន Tencent បានជ្រើសរើសសិង្ហបុរីជាមជ្ឈមណ្ឌលសម្រាប់កំណើននៅតំបន់អាស៊ី និងមានផែនការបើកការិយាល័យនៅសិង្ហបុរី៕ The Straits Time_ANN/RR