បោះ​ជំហាន​ចូល​ក្នុង​វិស័យ​​ជំនួញ​ក្នុង​ដើម​ទសវត្សរ៍​ទី​ ៩០ លោក​ជំទាវ​ឧកញ៉ា លឹម ឈីវហូ ត្រូវ​បាន​គេ​ស្គាល់​ឈ្មោះ​ត្រឹម​ជា​ «​ថៅកែ​ស្រី» ប៉ុន្តែ​ក្រោយ​មក​លោកស្រី​ត្រូវ​បាន​មជ្ឈដ្ឋាន​អ្នក​ជំនួញ​ជាតិ-អន្តរជាតិ​ ទទួល​ស្គាល់​ពី​ភាព​ជោគជ័យ និង​កេរ្តិ៍ឈ្មោះ​របស់​លោកស្រី​កាន់តែ​ច្រើន តាមរយៈ​ការ​បោះ​ទុនវិនិយោគ​នៅ​តំបន់​សេដ្ឋកិច្ច​ពិសេស​ភ្នំពេញ វិនិយោគ​លើ​មជ្ឈមណ្ឌល​តំបន់​ពាណិជ្ជកម្ម​អ៊ែតវូដ កំពង់ផែ តំបន់​សេដ្ឋកិច្ច​ពិសេស​ប៉ោយប៉ែត ផ្សារ​ទំនើប​ដំបូង​គេ​នៅ​ក្រុង​បាត់ដំបង និង​មុខ​ជំនួញ​ជាច្រើន​ប្រភេទ​​ទៀត​។