The Phnom Penh Post Search

Search form

Logo of Phnom Penh Post newspaper Phnom Penh Post - អនាគត​តំបន់​ធម្មជាតិ​បឹង​ទំពុន តើ​អាច​នឹង​ត្រូវ​អភិវឌ្ឍ​ឡើង​តាម​រូបភាព​បែប​ណា​?




អនាគត​តំបន់​ធម្មជាតិ​បឹង​ទំពុន តើ​អាច​នឹង​ត្រូវ​អភិវឌ្ឍ​ឡើង​តាម​រូបភាព​បែប​ណា​?

Content image - Phnom Penh Post
ផ្ទះ​របស់​ប្រជា​ពលរដ្ឋ​ដែល​រស់​នៅ​អាស្រ័យ​ដោយ​ការ​ដាំ​បន្លែ​បណ្តែត​ទឹក និង​នេសាទ​នៅ​ក្នុង​បឹង​ទំពុន។ ស្រេង ម៉េងស្រ៊ុន

អនាគត​តំបន់​ធម្មជាតិ​បឹង​ទំពុន តើ​អាច​នឹង​ត្រូវ​អភិវឌ្ឍ​ឡើង​តាម​រូបភាព​បែប​ណា​?

តំបន់​បឹងទំពុន​ដែល​ធ្លាប់​មាន​ទំហំ​ធំ​ល្វឹង ​ល្វើយ​ត្រូវ​បាន​បាំង​ព័ទ្ធ​ដោយ​ផ្ទះ​អាជីវករ សំណង់​ធំៗ និង​បុរី​នៅ​លើ​បឹង​នេះ ប៉ុន្តែ​វា​នៅ​ជា​កន្លែង​មួយ​ដែល​មិន​ទាន់​មាន​ការ​កត់​សម្គាល់​ខ្លាំង​ពី​មនុស្ស​ទូទៅ​។

បឹងទំពុន មាន​ទំហំ​ជាង ២៦០០​ហិកតា ស្ថិត​នៅ​ប៉ែក​ខាង​ត្បូង​នៃ​រាជធានី​ភ្នំពេញ ដែល​បាន​បង្ហាញ​នូវ​ស្ថានភាព​ខុសគ្នា​យ៉ាងខ្លាំង​នៅក្នុង​ជីវភាព​រស់នៅ​រវាង​គ្រួសារ​អ្នកទីក្រុង និង​រវាង​គ្រួសារ​ដែល​រស់នៅ​ជុំវិញ​លើ​មាត់​បឹង​នេះ​ដោយ​ពួកគេ​ពឹង​ផ្អែក​យ៉ាង​ខ្លាំង​ទៅលើ​ការ​នេសាទ និង​វារីវប្បកម្ម​ធ្វើ​កសិកម្ម​បណ្តែត​លើ​ទឹក។​

​ប៉ុន្តែ​ទោះបីជា​ត្រូវបាន​បំផ្លាញ​សោភ័ណភាព​ បំពុល​ដោយ​កាក​សំណល់​ឧស្សាហកម្ម​មកពី​រោងចក្រ​នៅ​ក្បែរ​នោះ​ត្រូវបាន​ផ្ទុះឡើង និង​ការ​បង្ហូរ​ទឹក​សម្អុយ​ចូល​ទៅ​ក្នុង​បឹង​រៀងរាល់ថ្ងៃ​ក៏​ដោយ​ក៏​ប្រជាជន​នៅ​តែ​អាច​រស់នៅ​ជុំវិញ​ទីនោះ​ដដែល​។

បើ​យោង​តាម​តួលេខ​ដែល​ត្រូវ​បាន​ផ្តល់​ឲ្យ​ពី​ប្រធាន​ប៉ុស្តិ៍​ប៉ូលិស សង្កាត់​បឹងទំពុន លោក ឈឿន ចំរើន បាន​ប្រាប់​ថា សង្កាត់​បឹងទំពុន​ដែល​មាន​ប្រជាជន​ចំនួន​ជាង១​ម៉ឺន​៥​ពាន់​គ្រួសារ គឺមាន​មនុស្ស​ប្រហែល​ជាង​៤​ម៉ឺន​នាក់ រស់នៅ​ក្នុង​សង្កាត់​នេះ​សព្វថ្ងៃ​។ ទោះបីជា​ភាព​ចម្រុះ​នៃ​ទឹក​ធម្មជាតិ​នៅ​ទីនោះ​ពិបាក​ក្នុង​ការ​បរិយាយបឹង​នេះ​ក៏​នៅតែ​ជា​បឹង​ដែល​មាន​ទឹក​ធម្មជាតិ​។​

នៅលើ​ផ្ទៃ​បឹងទំពុន ស្ថិត​ក្នុង​ភូមិ​ត្នោតជ្រំ សង្កាត់​បឹងទំពុន ខណ្ឌ​មានជ័យ នា​បណ្តោយ​ផ្លូវ​៣៧១ ដែល​ភ្នំពេញ​ប៉ុស្តិ៍​អចលនទ្រព្យ បាន​ចុះ​ទៅដល់​កាល​ពី​​ថ្ងៃ​ចន្ទចំហាយ​ពី​បឹង​នេះ​បាន​ជះក្លិន​ស្អុយ​ឆួ​ល​ខ្លាំង​សាយ​ភាយ​នៅ​ក្នុង​ខ្យល់​បរិ​កាស ដែល​អាច​សន្ម​ត់បា​ន​ថា ជា​កិ្ល​ន​ដែល​ភាយ​ចេញពី​គំនរ​សំរាម​អណ្តែត​លើទឹក​ជាមួយ​កសិផល​ប​ន្លែ​លាយឡំ​នៅក្នុង​ទឹក​បឹង​ហើយ​វា​គឺជា​ផ្នែក​នៃ​ការបំពុល​ទឹក​បឹង​នេះ។​

Content image - Phnom Penh Post
ទិដ្ឋ​ភាព​បឹង​ទំពុន និង​ផ្ទះ​របស់​ប្រជា​ពលរដ្ឋ​រស់​នៅ​ជុំវិញ​មាត់​បឹង​នេះ កាល​ពី​ដើម​សប្តាហ៍​នេះ។ ស្រេង ម៉េងស្រ៊ុន

​កាលពី​ឆ្នាំ​២០១២ បឹង​នេះ​ទទួលរង​ពាក្យ​ចចាមអារ៉ាម​ថា បានទទួល​ការ​បូម​ខ្សាច់​ចាក់​បំពេញ​ដែល​នឹង​ជួប​ជោគ​វាសនា​ដូចគ្នា​ទៅនឹង​បឹង​ទឹកសាប​ផ្សេង​ទៀត​ក្នុង​រាជធានី​ភ្នំពេញ ដូចជា​បឹងកក់​ជាដើម​។ ទោះជា​យ៉ាងណា ការ​យល់​ច្រឡំ​បន្តិចបន្តួច​នេះ ត្រូវបាន​បង្ហាញ​អំពី​អនាគត​នៃ​ការ​អភិវឌ្ឍ​តំបន់​នេះ​។​

​ខណៈដែល​អ្នកស្រី អំ សុជាតិ អាយុ​៤៣​ឆ្នាំ ជា​អ្នកភូមិ​ដែល​រស់​នៅលើ​បឹងទំពុន ក្នុងភូមិ​ត្នោតជ្រំ​កំពុង​យោល​អង្រឹង​កូន​នៅក្នុង​ផ្ទះ​តូច​ល្មម​ដែល​មាន​ចង្ងាយ​ប្រហែល៣០​ម៉ែត្រពី​មាត់បឹង​។ អ្នក​ស្រី​បាន​ប្រាប់ថា​ ៖ «​គ្រួសារ​មួយ​ចំនួន​ដែល​រស់នៅ​ទីនេះ​បាន​លក់​ដូរ​ផ្លាស់​ប្តូរ​លំនៅ​ឲ្យ​ទៅ​ឈ្មួញ​ក្នុង​តម្លៃ​ថោកៗ​ខណៈ​ពេល​ដែល​ទីតាំង​មិន​ទាន់​មាន​ការ​អភិវឌ្ឍ​នៅ​ឡើយ​»​។​

​អ្នក​ស្រី សុជាតិ ដែល​កំពុង​អង្គុយ​លេង​ជាមួយ​អ្នកជិតខាង​នៅ​ខាងលើ​ផ្ទះ បាន​ប្រាប់​ឲ្យ​ដឹង​ថា គាត់​និង​អ្នក​ដែល​រស់​នៅ​លើ​បឹង​នេះ មិនមាន​បញ្ជី​កាន់កាប់​ដី​(​ប្លង់រឹង​)​នោះទេ​។ «​យើង​មក​រស់នៅ​ទីនេះ​តាំងពី​ឆ្នាំ​១៩៨០​មក​ម្ល៉េះ ដែល​មានតែ​ប័ណ្ណកម្មសិទ្ធិ​ពី​ភូមិ​ឃុំ​តែប៉ុណ្ណោះ​»​។​

​អ្នកស្រី​បាន​បន្ថែម​ថា​ ៖ «​ពួក​យើង​រង់ចាំ​​ការ​ចរចា​នូវ​តម្លៃ​មួយ​ដែល​សមរម្យ ដែល​នឹងមាន​ភាព​ប្រសើរ​នៅ​ថ្ងៃ​អនាគត​»​។ អ្នកស្រី​មិន​មាន​ភាព​សុទិដ្ឋិ​និយម និង​ភាព​ច្បាស់​លាស់​ពី​ការ​ចាត់​វិធានការ​ក្នុង​ការ​អភិវឌ្ឍ​តំបន់​បឹង​ទំពុន​នេះ​ឡើយ​។​

មាន​ប្រជាជន​ជាច្រើន​ដែល​បាន​មក​តាំង​លំនៅ​ក្នុង​តំបន់​បឹង​ទំពុន​កាលពី​ដប់​ម្ភៃ​ឆ្នាំមុន ដើម្បី​ធ្វើ​ការ​ដាំ​ដុះ​ដំណាំ​កសិកម្ម​ដូចជា​ត្រកួន ស្រូវ និង​នេសាទ​ជា​ដើម​ដែល​អាច​រកបាន​ប្រាក់​ចំណូល​ដើម្បី​ចិញ្ចឹម​គ្រួសារ​ពី៥​ដុល្លារ​ទៅ​១៤​ដុល្លារ​ក្នុង​មួយ​ថ្ងៃ។​

Content image - Phnom Penh Post
ប្រជា​ពលរដ្ឋ​រស់នៅ​តាម​លំនៅ​ឋាន​របស់​ខ្លួន​នៅ​លើ​បឹង​ទំពុន កាល​ពី​ដើម​សប្តាហ៍​នេះ។ ស្រេង ម៉េងស្រ៊ុន

​អ្នកស្រី សុជាតិ បាន​បន្ត​រៀប​រាប់​ថា​ ៖ «​កាល​នោះ​ខ្ញុំ និង​គ្រួសារ​មាន​សមត្ថភាព​ទិញ​បាន​ដី​តែ​ក្បាល៥​ម៉ែត្រ និង​បណ្តាយ​១៥​ម៉ែត្រ​តែ​ប៉ុណ្ណោះ​ ហើយ​ដី​នោះ​មាន​តម្លៃ​តែ៨០០​ដុល្លារ​ទេ​»​។​

ភយន្តរាយ​នៅ​តែ​មិនអាច​ចៀស​រួចស្ថានភាព​បរិស្ថាន​បាន​ធ្លាក់​ចុះ​បន្ទាប់ពី​ការរីកចម្រើន​នៃ​ឧស្សាហកម្ម​នៅ​ទីក្រុង ដូចជា រោង​ចក្រ​ផលិត​ទំនិញ ដែល​មាន​ទីតាំង​ខាងជើង​បឹង ដែល​បាន​បង្ហូរ​កាក​សំណល់រ​បស់​ពួកគេ​ចូល​ទៅ​ក្នុង​បឹង​នេះ​។​

​ទោះបីជា​យ៉ាងណា​ក៏ដោយ បឹងទំពុន​ គឺ​មិន​ដូច​បឹងកក់​នោះ​ទេ​ដោយ​បឹងទំពុន នៅ​មិនទាន់​ជា​ទី​តាំង​សំខាន់​ដែល​ពោរពេញ​ទៅ​ដោយ​ការ​អភិវឌ្ឍ​នៅឡើយ​ទេ។ ដូច្នេះ​ប្រជាជន​ដែលមាន​ដី​នៅ​​ទីនោះ​មិនមាន​សក្តានុពល​ក្នុង​ការ​លក់​ក្នុង​តម្លៃ​ខ្ពស់​ទៅ​ឲ្យ​វិនិយោ​គិន​ឡើយ​។​

​នាយក​ក្រុមហ៊ុន​អចលនទ្រព្យ​ខ្មែរ​រៀល​អេ​ស្ទេ​ត លោក គឹម ហ៊ាង បាន​បញ្ជាក់ថា​ ៖ «​ទីតាំង​បឹង​ទំពុន​មិនទាន់​ជាទី​តាំង​ដែល​សំខាន់​នៅឡើយ​ទេ​ប្រហែល​ជា​សិ្ថ​ត​ក្នុង​កម្រិត​ផ្កាយ២​ ឬ​៣ (​ក្នុង​ន័យ​នៃ​ការ​អភិវឌ្ឍ​) ប៉ុន្តែ​នៅតែ​មិន​ទាន់​ជាទី​តាំង​កម្រិត​ផ្តា​យ​៤​ឬ​៥​នៅឡើយ​ទេ​»​។​

​វិនិយោគិន និង​អ្នក​អភិវឌ្ឍន៍​ទទួល​ស្គាល់​ពី​ការ​ធ្លាក់​ចុះ​នៅទី​តាំង​​នោះដោយ​ការបំពុល​បរិស្ថាន​​នៃ​បឹង​នេះ​ដូច្នេះ​តម្លៃ​ដី​មិន​អាច​ទទួល​បាន​ខ្ពស់​ដែល​អ្នក​ស្រុក​រស់នៅ​ទី​នោះបាន​បដិសេធ​មិន​យល់​ព្រម​ជាមួយ​។​

Content image - Phnom Penh Post
ប្រជា​ពលរដ្ឋ​រស់នៅ​តាម​លំនៅ​ឋាន​របស់​ខ្លួន​នៅ​លើ​បឹង​ទំពុន កាល​ពី​ដើម​សប្តាហ៍​នេះ។ ស្រេង ម៉េងស្រ៊ុន

​លោក ហ៊ាង បន្ថែម​ថា​ ៖ «ទី​នោះ​មាន​គម្រោង​មួយ​ចំនួន​នៅ​ទីតាំង​នោះ ដូចជា សាលា​អន្តរជាតិ​ភ្នំពេញ បុរី​ប៉េង​ហួត បុរី​ជីបម៉ុង និង​គម្រោង​ជាច្រើន​ទៀត ប៉ុន្តែ​វា​មិន​ទាន់​គ្រប់គ្រាន់​នៅ​ឡើយ​ទេ ខណៈដែល​ដី​នោះ​មាន​ទំហំ​ធំ​ពេក​»​។​

​ចំណែកឯបង្គា​ល​ដែល​បញ្ឈរ​ចោល​ជាច្រើន​នៅក្នុង​ទឹក​បឹង ជា​ការ​កត់សម្គាល់ថា ជា​កន្លែង​ដែល​ត្រូវបាន​ទិញ​ដោយ​អ្នក​វិនិយោគ ដែល​ទីនោះ​ពីមុន​ធ្លាប់​ជា​ផ្ទះ​របស់​ប្រជាជន​រស់នៅ​ទីនោះបាន​បន្សល់​​​នូវតែ​បង្គោល ឬ​សរសរ​ដែលមាន​ចម្ងាយ​ប្រហែល​១០០​ម៉ែត្រ​ពី​ផ្ទះ​នីមួយៗ​។

​ស្រប​ពេលដែល​ប្រជាជន​រស់​នៅ​ទីនោះ​ជឿថា មន្ត្រី​រាជការ​ដែល​មាន​​អំណាច​ជា​ម្ចាស់​ដី​នៅ​តំបន់​នោះ​លោក គឹម ហ៊ាង បាន​បង្ហើប​ឲ្យ​ដឹងថា​ ៖ «​ដី​នៅ​តំបន់​នោះ​ត្រូវ​បាន​ទិញ​ដោយ​អ្នក​មាន​ទ្រព្យ​សម្បតិ្ត និង​ជន​បរទេស»។​

​មិន​ឆ្ងាយ​ប៉ុន្មាន​ពី​បង្គា​ល​របង​ផ្ទះ​ដែល​គេ​ទុកចោល​មានផ្ទះ​តែ​មួយគត់​ដែល​ស្ថិ​ត​នៅក្នុង​បឹង​នោះ​​យ៉ាង​កណ្តោចកណ្តែង​ដាច់​ពី​គេ​គឺ​ជា​ផ្ទះ​របស់​អ្នក​ស្រី វណ្ណ ស្រស់ ក្នុង​វ័យ៣២​ឆ្នាំ ដែល​រស់​លើទឹក​បឹង​ទំពុន តាំងពី​ឆ្នាំ​២០០០​មក​។ អ្នក​ស្រី​បាន​រៀបរាប់ថា​ ៖ «​គ្រួសារ​របស់ខ្ញុំ​បាន​ទិញ​ដី​នេះ​អស់​ប្រមាណ​៥​ពាន់​ដុល្លារ ដើម្បី​រស់នៅ និង​ប្រក​បរបរ​នេសាទ និង​ដាំ​បន្លែ ប៉ុន្តែ​មិន​បាន​ប៉ុន្មាន​ផង​ទឹក​បឹង​ក៏​បាន​ប្រែជា​កខ្វក់​»​។​

​គាត់​បាន​រស់នៅ​ជាមួយ​កូន​ទាំង​៦​នាក់ ប្តី ម្តាយ​ចាស់ជរា និង​សាច់​ញាតិ​ដែល​មាន​ទាំង​អស់​១៤​​នាក់​នៅក្នុង​ផ្ទះ​ឈើ​តូច​មួយ​នា​កណ្តាល​បឹង​នេះ​។​

​ទោះបីជា​ស្ថានភាព​ផ្ទះ និង​ផ្លូវ​ដើរ​ជា​ស្ពាន​ទ្រុឌ​ទ្រោម ជាពិសេស​លំបាក​នៅក្នុង​រដូវវស្សា អ្នកស្រី​បាន​បន្ត​រៀបរាប់ថា​ ៖ «កូនៗ​របស់ខ្ញុំ​ធ្លាប់​ធ្លាក់​ចូល​ទៅ​ក្នុង​ទឹក​បឹងហើយ​សំណាងល្អ​ដែល​​ប្តី​របស់ខ្ញុំ​អាច​ជួយ​សង្គ្រោះ​ទាន់​ពេល​វេលា​។ នា​ពេល​រដូវវស្សា កូនៗ​របស់ខ្ញុំ​ធ្វើ​ដំណើរ​ទៅ​សាលារៀន​តាម​ទូក​»​។​

​អ្នកស្រី ស្រស់ តែងតែ​បារម្ភ​ពី​​សុវត្ថិភាព​របស់​ពួកគាត់​ដោយ​សារ​ផ្ទះ​របស់​ពួកគាត់​ស្ថិត​នៅ​លើ​ផ្ទៃ​បឹង​តែឯងហើយ​ពួកគាត់​មិន​អាច​រកប្រាក់​ចំណូល​បាន​ពី​ការ​នេសាទ ឬ​ដាំ​ដុះ​នៅលើ​ទីនោះ​ដូច​កាលពីមុន​ឡើយ​។​

​អ្នកស្រី​បន្តទៀតថា​ ៖ «​ខ្ញុំ​ពិត​ជា​ចង់ល​ក់ដី​នេះហើយ​ត្រឡប់​ទៅ​ស្រុកកំណើតប៉ុន្តែ​ការផ្តល់​នូវ​តម្លៃ​ទិញ​មិនបាន​ស្មើ​ទៅនឹង​តម្លៃ​ដែល​ខ្ញុំ​បាន​ទិញ​កាលពី​ជាង​១០​ឆ្នាំមុន​ឡើយ​។ ខ្ញុំ​លក់​តែ៨​ពាន់​ដុល្លារ​ប៉ុណ្ណោះ ប៉ុន្តែ​មិនមាន​អ្នកណា​ចង់​ទិញយក​ដោយ​គេ​យក​លេសថា ជា​តំបន់​បំពុល​»​។​

Content image - Phnom Penh Post
កុមារី​ម្នាក់​នេះ​ទើប​ត្រឡប់​មក​ពី​សាលារៀន នាង​បាន​ធ្វើ​ដំណើរ​ឆ្លង​កាត់​តាម​ផ្ទះ​អ្នក​ភូមិ​របស់​ខ្លួន​ដែល​រស់នៅ​លើ​បឹង​ទំពុន។

​លោក ខាន់ សុវណ្ណ​រ័ត្ន នាយក​គ្រប់គ្រង​នៃ​ក្រុមហ៊ុន​វាយ​តម្លៃ​អចលនទ្រព្យ Property Valuation Company Cozy Home បាន​​មាន​ប្រសាសន៍​ថា តម្លៃ​ដីធ្លីនៅ​​​តំបន់​បឹង​ទំពុន​ប្រែប្រួល​អាស្រ័យ​លើ​ទំហំ​ទីតាំង​ដី និង​មធ្យោបាយ​ងាយ​ស្រួល​។​

​លោក សុ​វណ្ណា​រ័ត្ន បាន​និយាយ​ថា​៖ «​ពួក​គេ​អាច​លក់​ចន្លោះ​ពី៧០​ទៅ ៥០០​ដុល្លារ ក្នុង​មួយ​ម៉ែត្រការ៉េ​»​។ ដូ

ច្នេះ​សម្រាប់​ពេល​អនាគត​តំបន់​នេះលោក​ជឿថា បឹងទំពុន​ពិតជា​កន្លែង​មួយ​នៃ​តំបន់​គោលដៅ​ខ្ពស់ សម្រាប់​ការកែ​កុន​ឡើង​វិញ ដែលជា​ការ​បញ្ចប់​នៃ​ការភ្ជាប់​ទំនាក់​ទំនង​រវាង​តាម​បណ្តោយ​មហាវិថី​អ្នក​ឧកញ៉ា​ហ៊ុន​នាង បន្ត​ពី​បណ្តោយ​មហាវិថី​តេជោ​ហ៊ុនសែន ជាមួយ​នឹង​ផ្លូវ​៣៧១​។

​លោក រដ្ឋា ចាន់ ជំនួយ​ការ​នាយក​ប្រតិបត្តិ​នៃ​បុរី​ប៉េង​ហួត បាន​ប្រាប់​ឲ្យ​ដឹងថា បុរី​ប៉េង​ហួត​ជា​បុរី​មួយ​នៃ​សហគមន៍​បុរី​នេះ​ស្ថិត​នៅ​តាម​បណ្តោយ​ផ្លូវ​៣៧១ នៅ​សង្កាត់​បឹងទំពុន។ ទោះជា​យ៉ាង​ណា​លោក​បាន​បដិសេធ​មិន​បង្ហាញ​ពី​របៀប​នៃ​ការ​វិនិយោគ​ទុន ដែល​បាន​ចាប់​ផ្តើម​ក្នុង​ឆ្នាំ​២០១៤ លើ​ផ្ទៃដី ១០​ហិកតា ក្នុង​បូរី​នេះ ដែល​ស្ថិត​នៅ​តំបន់​នោះ​។

​អ្នក​នាំ​ពាក្យ​សាលា​រាជធានី​ភ្នំពេញ លោក ម៉េត មាស​ភក្តី មិន​អាច​សុំ​ការ​អធិប្បាយ​បាន​លើ​គម្រោង​អភិវឌ្ឍន៍​នៃ​​តំបន់​បឹង​ទំពុន បាន​នេះ​ទេ​៕

អត្ថបទគួរចាប់អារម្មណ៍