The Phnom Penh Post Search

Search form




Logo of Phnom Penh Post newspaper Phnom Penh Post - អ្នក​ជំនាញ​អចលន​ទ្រព្យ​ ជំរុញ​ឲ្យ​ក្រុមហ៊ុន​ឡាវ​អភិវឌ្ឍ​គម្រោង​អាផាតមិន

អ្នក​ជំនាញ​អចលន​ទ្រព្យ​ ជំរុញ​ឲ្យ​ក្រុមហ៊ុន​ឡាវ​អភិវឌ្ឍ​គម្រោង​អាផាតមិន

Content image - Phnom Penh Post
អគារ​អាផាតមិន​ក្នុង​តំបន់​មួយ​នៅ​ទីក្រុង ​វៀងចន្ទន៍។ រូបថត សហ​ការី

អ្នក​ជំនាញ​អចលន​ទ្រព្យ​ ជំរុញ​ឲ្យ​ក្រុមហ៊ុន​ឡាវ​អភិវឌ្ឍ​គម្រោង​អាផាតមិន

ក្រុង​វៀងចន្ទន៍ៈ ក្រុមហ៊ុន​អភិវឌ្ឍន៍​អចលន​ទ្រព្យ​ក្នុង​ប្រទេស​ ឡាវ ចាំ​បាច់​ត្រូវ​​​វិនិយោគ​លើ​ការ​សាងសង់​អាផាតមិន​​ជា​ជាង​វិនិយោគ​តែ​លើ​គម្រោង​ខុនដូ។ នេះ​បើ​យោង​តាម​ការ​ឲ្យ​ដឹង​របស់​អ្នក​វាយ​តម្លៃ​អចលន​ទ្រព្យ​ប្រចាំ​តំបន់​នា​ពេល​ថ្មី​ៗ​នេះ។

លោក Sopon Pornchokchai អ្នក​វាយ​តម្លៃ​ និង​ជា​អ្នក​ស្រាវ​ជ្រាវ​អចលន​ទ្រព្យ​ល្បី​ឈ្មោះ​មួយ​រូប​​របស់​ប្រទេស​ ថៃ ដែល​​ជា​អ្នក​ជំនាញ​ខាង​ផ្នែក​ដីធ្លី និង​លំនៅឋាន​នៅ​ក្នុង​តំបន់​អាស៊ាន អា្រហ្វិក និង​អាមេរិក​ខាង​ត្បូង បាន​ថ្លែង​​ថា ទីក្រុង​នានា​របស់​ប្រទេស​ ឡាវ មាន​ទំហំ​តូច ហើយ​កំណើន​ប្រជាជន​ទាប។

លោក​មាន​ប្រសាសន៍​ថា៖ «គម្រោង​​លំនៅឋាន​ធំ​ៗ​ក្នុង​ទីក្រុង​វៀងចន្ទន៍ ទំនង​ជា​ទទួល​រង​ការ​ខក​ចិត្ត​ ពី​ព្រោះ​គម្រោង​ទាំង​នោះ​មិន​ស័ក្តិសម​សម្រាប់​ទីក្រុង​តូច​បែប​នេះ​ទេ ប៉ុន្តែ​គម្រោង​អាផាតមិន នឹង​រីកចម្រើន»។

លោក Sopon ​បាន​មាន​ប្រសាសន៍​បន្ថែម​ថា អ្នក​ទិញ​ធំ​ៗ​នូវ​​​អាផាតមិន នឹង​ជា​បុគ្គលិក​រដ្ឋាភិបាល និង​បុគ្គលិក​​ការិយាល័យ។

ក្នុង​អំឡុង​វគ្គ​បណ្តុះបណ្តាល​​មួយ​ដែល​ត្រូវ​បាន​រៀបចំ​ធ្វើ​ឡើង​​នា​ពេល​ថ្មី​ៗ​នេះ​​​សម្រាប់​វិនិយោគិន​ឡាវ​ ដែល​មាន​សក្តានុពល លោក Sopon បាន​ឲ្យ​ដឹង​ទៀត​ថា ឧបករណ៍​វិភាគ​ប្រកប​ដោយ​ប្រសិទ្ធភាព ​គួរ​ត្រូវ​បាន​យក​មក​ប្រើប្រាស់ ដើម្បី​វាយ​តម្លៃ​អចលន​ទ្រព្យ​សម្រាប់​គោល​បំណង​វិនិយោគ ហើយការណ៍​នេះ​គួរ​តែ​ធ្វើ​ឡើង​ស្រប​តាម​ស្តង់ដារ​អន្តរជាតិ។

វគ្គ​បណ្តុះបណ្តាល​នេះ​ត្រូវ​បាន​រៀបចំ​រួម​គ្នា​ដោយ​ក្រុមហ៊ុន​វាយ​តម្លៃ​អចលន​ទ្រព្យ​ Lao Property Valuation Sole Co Ltd និង​ទីភ្នាក់ងារ​កិច្ច​ការ​អចលន​ទ្រព្យ (AREA)។

ក្រុមហ៊ុន​ទាំង​ ២​​ ​បាន​ចុះ​ហត្ថលេខា​​លើ​អនុស្សរណៈ​នៃ​ការ​យោគយល់​មួយ ដើម្បី​នាំ​យក​អ្នក​វាយ​តម្លៃ​អចលន​ទ្រព្យ​ថៃ​ និង​ជា​សាស្រ្តាចារ្យ​រូប​នេះ ឲ្យ​មក​បណ្តុះ​បណ្តាល​ស្តីពី​នីតិ​វិធី​អចលន​ទ្រព្យ និង​ការ​កំណត់​តម្លៃ​ទ្រព្យ​សម្បត្តិ។

វគ្គ​បណ្តុះបណ្តាល​នេះ​​មាន​ការ​ចូល​រួម​ពី​អ្នក​ប្រកប​វិជ្ជាជីវៈ​ វិនិយោគិន និង​ក្រុមហ៊ុន​អភិវឌ្ឍន៍​​​ក្នុង​​វិស័យ​អចលន​ទ្រព្យ​មួយ​ចំនួន ដើម្បី​មក​​រៀន​សូត្រ​អំពី​ការ​កំណត់​តម្លៃ​អចលន​ទ្រព្យ​ដោយ​មាន​ទំនុក​ចិត្ត មុន​ពេល​ដាក់​លក់​ទៅ​ក្នុង​ទីផ្សារ។

ភ្នាក់ងារ​អចលន​ទ្រព្យ ឈ្មួញ​ជើងសារ ធនាគារិក និង​អ្នក​វាយ​តម្លៃ​អចលន​ទ្រព្យ ក៏​​បាន​រៀន​សូត្រ​អំពី​របៀប​​វាយ​តម្លៃ​អចលន​ទ្រព្យ​ផង​ដែរ៕ ANN/KC

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។