សិង្ហបុរីៈ ក្រុមហ៊ុនអភិវឌ្ឍន៍អចលនទ្រព្យ City Developments Limited (CDL) និងក្រុមហ៊ុនបុត្រសម្ព័ន្ធវិនិយោគរួមរបស់ខ្លួនបានលក់លំនៅឋានចំនួន ១៨៥ ទីតាំង ដោយមានតម្លៃសរុប ២៧៨,១ លានដុល្លារ នៅត្រីមាសទី ១ ធៀបនឹង ១៧៣ ទីតាំង ដោយមានតម្លៃលក់ ៥១៦,៣ លានដុល្លារ ក្នុងរយៈពេល ១ ឆ្នាំកន្លងមក។ នេះយោងតាមការធ្វើបច្ចុប្បន្នភាពអាជីវកម្មនៃក្រុមហ៊ុន CDL ត្រឹមថ្ងៃទី ១២ ខែឧសភា។
តម្លៃលក់កាន់តែទាបដោយសារតែភាគច្រើននៃយូនីតលំនៅឋានដែលបានលក់នោះជាគម្រោងធំៗ និងគម្រោងពាក់កណ្ដាលទីផ្សារ។
ក្រុមហ៊ុន CDL បានឲ្យដឹងថា ខ្លួនរំពឹងថាទំហំនៃការលក់នឹងធ្លាក់ចុះក្នុងអំឡុងពេលវិធានការទប់ស្កាត់ការរីករាលដាលជំងឺកូវីដ ១៩ នេះ។
ក្រុមហ៊ុននេះបន្តថា៖ «ទោះជាការបរាជ័យជាបណ្ដោះអាសន្នក៏ដោយ ក៏ក្រុមហ៊ុននេះបន្តចុះបញ្ជិកាលក់កាលពីខែមេសាសម្រាប់គម្រោងនានាដូចជា គម្រោង Amber Park គម្រោង Boulevard 88 គម្រោង Coco Palms គម្រោង Piermont Grand គម្រោង Sengkang Grand Residences គម្រោង South Beach Residences គម្រោង The Jovell និងគម្រោង The Tapestry »។
ការងារសាងសង់សម្រាប់ការអភិវឌ្ឍប្រទេសសិង្ហបុរីរបស់ក្រុមហ៊ុន CDL ក៏ត្រូវបានរងផលប៉ះពាល់ផងដែរ ទោះបីជាក្រុមហ៊ុននេះបានកត់សម្គាល់ថា ការអនុញ្ញាតការកាន់កាប់បណ្ដោះអាសន្ន (TOP) សម្រាប់គម្រោងទាំងនេះភាគច្រើនត្រូវបានរំពឹងថានឹងមានចាប់ពីឆ្នាំ ២០២២ និងឆ្នាំ ២០២៣ ដែលអនុញ្ញាតឲ្យក្រុមហ៊ុននេះការពារគ្រប់គ្រាន់ដើម្បីផ្ដល់ការពន្យារពេលបច្ចុប្បន្ន។
ក្រុមហ៊ុននេះបានអះអាងថាគម្រោងខុនដូ Forest Woods របស់ខ្លួននៅ Lorong Lew Lian នឹងបញ្ចប់តាមការគ្រោងទុកនៅត្រីមាសទី ៣ ឆ្នាំ ២០២០។
ក្រុមហ៊ុនបន្តថា ខ្លួនស្វាគមន៍វិធានការកាលពីសប្ដាហ៍មុនដោយរដ្ឋាភិបាលក្នុងការពន្យារពេលរយៈពេលនៃការបញ្ចប់គម្រោង (PCP) និងកំណត់កាលបរិច្ឆេទសម្រាប់ពន្ធប្រថាប់ត្រារបស់អ្នកទិញបន្ថែម (ABSD) លើការទិញដីរយៈពេល ៦ ខែសម្រាប់ក្រុមហ៊ុនអភិវឌ្ឍន៍អចលនទ្រព្យដែលរងផលប៉ះពាល់ដោយការរំខានដល់ពេលវេលាសាងសង់ និងការលក់លំនៅឋាន។
នៅខាងក្រៅប្រទេស សិង្ហបុរី ក្រុមហ៊ុន CDL បានរាយកាណ៍ការធ្លាក់ចុះខ្លាំងក្នុងការលក់លំនៅឋានថ្មីសម្រាប់គម្រោងដែលបានដាក់លក់របស់ខ្លួននៅក្នុងប្រទេស ចិន ចក្រភពអង់គ្លេស និងអូស្ដ្រាលី ដោយសារតែរដ្ឋាភិបាលប្រទេសនីមួយៗបានដាក់បម្រាមគោចរជាការឆ្លើយតបនឹងការរីករាលដាលជំងឺកូវីដ ១៩។
ដោយឡែកផលបត្របដិសណ្ឋារកិច្ចពិភពលោករបស់ខ្លួនភាគច្រើនបានរងផលប៉ះពាល់យ៉ាងធ្ងន់ធ្ងរដោយសារវិធានការទប់ស្កាត់ការរីករាលដាលជំងឺកូវីដ ១៩។
កាលពីថ្ងៃទី ៣១ ខែមីនា ក្រុមហ៊ុននេះឲ្យដឹងថា ប្រហែល ៣០ ភាគរយនៃសណ្ឋាគារ ១៥២ លើពិភពលោករបស់ខ្លួនត្រូវបិទទ្វារជាបណ្ដោះអាសន្ន។
សណ្ឋាគារចំនួន ១០ ក្នុងចំណោមសណ្ឋាគារជាច្រើននៅប្រទេស សិង្ហបុរី របស់ក្រុមហ៊ុននេះនៅតែបន្តប្រតិបត្តិការ ប៉ុន្តែប្រាក់ចំណូលក្នុង ១ បន្ទប់ដែលអាចរកបាន (Rev PAR) បានធ្លាក់ចុះ ២៨,៨ ភាគរយ ដោយសារតែការជួលក្នុងតម្លៃកាន់តែទាប៕LA