ភូមិគ្រឹះ ១ ខ្នងដែលសង់ពីឈើមានកម្ពស់ ២ ជាន់ នាអំឡុងឆ្នាំ ១៩០០ បច្ចុប្បន្ននេះត្រូវបានគេកែច្នៃទៅជាភូមិគ្រឹះមួយដ៏ទំនើបដែលមានរចនាប័ទ្មបែបខ្មែរ និងមានភាពប្រណីត។ ដោយការធ្វើដំណើរត្រូវចំណាយពេលប្រហែល ១៥ នាទីពីកំពង់ចម្លងអរិយក្សត្រទីនោះគឺជាកន្លែងរស់នៅមួយប្រកបដោយផាសុកភាព។
ភូមិគ្រឹះដែលមានទំហំ ៦០០ ម៉ែត្រការ៉េនេះរួមមានបន្ទប់គេងចំនួន ៦ បន្ទប់ទឹក ៤ និងផ្ទះបាយដែលមានសុទ្ធតែសម្ភារទំនើបៗព្រមទាំងមានកន្លែងទទួលភ្ញៀវដ៏ធំទូលាយនៅជាន់ខាងលើ។ ភូមិគ្រឹះដែលអាចស្នាក់នៅបានចំនួន ១៥ នាក់នេះក៏មានអាងហែលទឹកមួយសម្រាប់ហែលលេងកម្សាន្តផងដែរ៕