.jpg)
ស្ថានីយអយស្ម័យយានភ្នំពេញកំពុងត្រូវបានជួសជុលកែលម្អយ៉ាងស្រស់ស្អាត។ រូបថត JOE CURTIN
អគារ Train Square គ្រោងនឹងបើកទំព័របន្ទាប់ នៅក្នុងប្រវត្តិសាស្ត្រនៃស្ថានីយអយស្ម័យយានភ្នំពេញ ដោយប្រែក្លាយអគារស្ថានីយរថភ្លើងមួយនេះឱ្យទៅជាអគារដ៏ទំនើប ខណៈអគារនេះឈានចូលដល់ខួបទី ៩០ ឆ្នាំរបស់ខ្លួន។
អគារប្រវត្តិសាស្ត្ររចនាលក្ខណៈស្ថាបត្យកម្ម Art Deco ត្រូវបានសាងសង់តាំងទសវត្សរ៍ឆ្នាំ ១៩៣០ មានទីតាំងស្ថិតនៅចំកណ្តាលតំបន់ពាណិជ្ជកម្មក្នុងទីក្រុងត្រូវបានផ្លាស់ប្តូរប្រកបដោយសិល្បៈរស់រវើកផ្តល់ជូនកន្លែងលក់ម្ហូបអាហារ និងភេសជ្ជៈទំនើបៗប្រមាណ ៣ ពាន់ម៉ែត្រការ៉េ និងទីតាំងការិយាល័យ ដែលបំពេញតម្រូវការនៅសតវត្សរ៍ទី ២១។
«អគារ Train Square គ្រោងនឹងបើកជាអគារលក់រាយដ៏ធំ និងទំនើបដែលនឹងស្វាគមន៍អតិថិជនមកពីគ្រប់ទិសទី នឹងផ្តល់កន្លែងថ្មីសម្រាប់មនុស្សមកជួបជុំ និងអាចទទួលទានអាហារនៅក្នុងហាងលក់អាហារ ភេសជ្ជៈ ហាងកាហ្វេ និងភោជនីយដ្ឋានដ៏ស្រស់ស្អាត និងទំនើបៗ»។
«ទីតាំងមានសក្តានុពល ហើយឱកាសពិសេសដែលផ្តល់ដោយគម្រោងនេះបានទាក់ទាញយីហោធំៗមួយចំនួននៅក្នុងប្រទេស។ តើកន្លែងណាដែលអ្នកអាចមានឱកាសក្លាយជាផ្នែកមួយនៃគម្រោងដ៏អស្ចារ្យដែលមានទីតាំងស្ថិតនៅចំកណ្តាលតំបន់ដែលកំពុងបន្ដរីកចម្រើន និងជាមជ្ឈមណ្ឌលប្រចាំតំបន់បែបនេះ?»
លោក Simon Griffiths នាយកគ្រប់គ្រងក្រុមហ៊ុន The Mall Company ថ្លែងថា៖ «ទោះបីផ្នែកមួយចំនួនធំត្រូវបានជួល ដោយអ្នកប្រកបអាជីវកម្ម ដែលមានបំណងក្លាយជាផ្នែកមួយនៃអគារបេតិកភណ្ឌដ៏ស្រស់ស្អាតនេះក្តី ក៏នៅមានកន្លែងទំនេរជាច្រើនទៀត»។
ស្ថានីយអយស្ម័យយានភ្នំពេញត្រូវបានសាងសង់ឡើងនៅក្នុងឆ្នាំ ១៩៣២ ក្រោមរជ្ជកាលព្រះបាទស៊ីសុវត្ថិ មុនីវង្ស ហើយក៏ជាស្ថានីយសម្រាប់ខ្សែរថភ្លើងទៅខេត្តបាត់ដំបងដើម្បីជួយជំរុញពាណិជ្ជកម្មជាមួយប្រទេសថៃ។ សាងសង់ឡើងពីបេតុង ស្ថានីយនេះនៅតែជាអគារដ៏រឹងមាំ និងស្រស់ស្អាត ។
Train Square មានទីតាំងលក់ភេសជ្ជៈ និងម្ហូបអាហារទំហំ ៣ ពាន់ម៉ែត្រការ៉េ។
ចក្ខុវិស័យរួមគឺស្តារស្ថានីយរថភ្លើងឱ្យល្អដូចកាលពីអតីតកាលរបស់វា ដូច្នេះវានឹងក្លាយជាទីតាំងមួយដ៏ល្អនៅចំកណ្តាលសង្កាត់ពាណិជ្ជកម្មក្នុងរាជធានីភ្នំពេញក្នុងចំណោមអគារធំៗ ដូចជាអគារវឌ្ឍនៈ អគារ Exchange Square សណ្ឋាគារ Raffles Le Royal ក៏ដូចជាស្នាក់ការកណ្តាលរបស់ធនាគារជាច្រើនទៀត។
«គុណភាពការសាងសង់ ការរចនា និងស្ថាបត្យកម្មដើមរបស់ស្ថានីយរថភ្លើងនេះគឺមានស្តង់ដាខ្ពស់ណាស់ ប៉ុន្តែរយៈពេល ៩០ ឆ្នាំអគារនេះត្រូវការ ការធ្វើទំនើបកម្មឱ្យកាន់តែប្រសើរ។ ដូច្នេះគ្រាន់តែជួសជុលអគារនេះឡើងវិញគឺមិនទាន់គ្រប់គ្រាន់ទេ។ ប្រព័ន្ធអគ្គិសនី និងប្រព័ន្ធបង្ហូរទឹកគឺត្រូវធ្វើទំនើបកម្ម ហើយទុយោក្រោមដី និងកន្លែងផ្ទុកសំរាមគឺត្រូវដំឡើង និងការពង្រឹងរចនាសម្ព័ន្ធបន្ថែមទាំងខាងក្នុង និងខាងក្រៅ»។
«ទាំងអស់នេះបង្ហាញថា វាជាការងារដ៏ធំ។ ប៉ុន្តែយើងចង់បន្ត និងលើកកម្ពស់ស្ថានីយនេះឱ្យកាន់តែប្រសើរ។ ការជួសជុលអគារមិនមែនជាគោលដៅទេ គោលដៅគឺលើកកម្ពស់អគារឱ្យមានលក្ខណពិសេសនៅក្នុងទីក្រុងដែលនេះគឺជាមោទនភាព។ ជាលទ្ធផល ជណ្តើរយន្តកញ្ចក់ត្រូវបានបន្ថែម ហើយកាំជណ្តើរជើងដើរត្រូវបានកែលម្អជាមួយនឹងការបន្ថែមនូវទេសភាព និងលក្ខណពិសេសទៅលើសាលធំ»។
លោក Griffiths ថ្លែងថា៖ «ជាមួយនឹងការងារស្តារឡើងវិញទាំងអស់គ្រោងនឹងបញ្ចប់នៅខែមេសា ឥឡូវនេះយើងកំពុងរង់ចាំអ្នកដែលមានបំណងជួលទាំងការិយាល័យ និងហាងលក់រាយ ដើម្បីឱ្យយើងអាចបង្ហាញពួកគាត់នូវការកែលម្អទាំងអស់ដែលបានធ្វើឡើងក្នុងរយៈពេល ២ ឆ្នាំកន្លងមកនេះ»។
ប្រធានវិស្វករនៃគម្រោងដើមគឺលោក Henri Maux បានសរសេរសៀវភៅមួយមានចំណងជើងថា La Belle Aube: Henri Maux, jeune ingénieur en Indochine, 1927-1937 បានពិពណ៌នាខ្សែរថភ្លើងនេះថាជាផ្នែកមួយនៃយុទ្ធនាការធ្វើទំនើបកម្មដ៏អស្ចារ្យរបស់ព្រះបាទស៊ីសុវត្ថិ មុនីវង្ស ដើម្បីអភិវឌ្ឍទ្រព្យសម្បត្តិសក្តានុពលរបស់ប្រទេស។
៣ ទសវត្សរ៍ក្រោយមក ព្រះបាទសម្តេចព្រះនរោត្តម សីហនុ ដែលជាព្រះរាជនត្តារបស់ព្រះបាទស៊ីសុវត្ថិ មុនីវង្សបានសាងសង់ខ្សែរថភ្លើងទៅភាគខាងត្បូងពីភ្នំពេញទៅខេត្តព្រះសីហនុ និងកំពង់ផែថ្មីត្រូវបានសាងសង់។
ជាមួយនឹងបណ្តាញរបស់ប្រទេសកម្ពុជាក្នុងគោលបំណងដើម្បីបើកបណ្តាញខ្សែរថភ្លើងបន្ថែមទៀត នាពេលអនាគតដោយពង្រឹងរដ្ឋធានីជាចំណុចកណ្តាលនៃប្រព័ន្ធផ្លូវដែកក្នុងតំបន់ ការពង្រីកបណ្តាញផ្លូវដែកបន្ថែមគឺឆ្លុះបញ្ចាំងពីការបន្តរីកចម្រើនរបស់កម្ពុជានៅក្នុងផ្នែកដឹកជញ្ជូន និងហេដ្ឋារចនាសម្ព័ន្ធ។
ខណៈចរាចរណ៍កាន់តែកើនឡើង នៅពេលស្ថានីយបើកបណ្តាញផ្លូវថ្មី វានឹងផ្តល់ភាពវិជ្ជមានដ៏ធំធេងសម្រាប់ដៃគូ ដែលចូលរួមក្នុងគម្រោងនេះ ហើយអ្នកជួលក៏អាចរំពឹងថានឹងទាក់ទាញបន្ថែមទៀតជាមួយនឹងសកម្មភាពវប្បធម៌ផ្សេងៗនៅនឹងកន្លែង។
«នឹងមានការតាំងបង្ហាញ និងការដាក់បញ្ចូលគ្នានៃសិល្បៈ និងគំនូរផ្សេងៗ នៅខាងក្នុង និងខាងក្រៅអគារ។ ទន្ទឹមនឹងនេះក៏នឹងមានសកម្មភាពវប្បធម៌ផ្សេងៗ រួមទាំងដំណើរស្វែងយល់ពីប្រវត្តិផ្លូវដែកកម្ពុជា និងគម្រោងជាច្រើនទៀត»។
«ជាង ១០ ឆ្នាំមកហើយនៅក្នុងទីក្រុងភ្នំពេញ ខ្ញុំបានគ្រប់គ្រង និងពិគ្រោះយោបល់លើអចលនទ្រព្យពាណិជ្ជកម្មជាង ១ លានម៉ែត្រការ៉េនៅទីក្រុងភ្នំពេញ ប៉ុន្តែខ្ញុំទើបតែធ្វើការលើអគារមានការឌីហ្សាញលក្ខណៈ Art Deco ដែលបានកសាងក្នុងឆ្នាំ ១៩៣០ មួយនេះប៉ុណ្ណោះ»។
«ស្ថានីយរថភ្លើងនេះមានលក្ខណពិសេស វាគឺជាផ្នែកមួយនៃប្រវត្តិសាស្ត្ររបស់រាជធានីភ្នំពេញ។ មានទីតាំងនៅជិតបណ្តុំអគារការិយាល័យគុណភាពខ្ពស់ និងសណ្ឋាគារលំដាប់ផ្កាយ ៥ វាក៏ស្ថិតនៅចំកណ្តាលទីក្រុងអមជាមួយនឹងទេសភាពសួនឧទ្យាន និងចេតិយបែបព្រះពុទ្ធសាសនាដ៏ស្រស់ស្អាតផងដែរ»។
លោក Griffiths បន្តថា៖ «រួមផ្សំជាមួយនឹងស្ថាបត្យកម្ម Art Deco French ដ៏ស្រស់ស្អាត គម្រោងទាំងអស់ត្រូវជួសជុលយ៉ាងប្រុងប្រយ័ត្ន ខណៈវាគឺជាអគារបេតិកភណ្ឌដ៏ល្បីល្បាញមួយនៅកម្ពុជា នោះហើយគឺជាអ្វីដែលធ្វើឱ្យអគារ Train Square មានលក្ខណពិសេស»។
សម្រាប់ព័ត៌មានលម្អិតសូមទាក់ទងលោកស្រី Puthik នៅក្រុមហ៊ុន Mall Company៖ puthik@themallcompany.com / (+៨៥៥) ០៨១ ៨១១ ៥១៥៕
