ក្រុមហ៊ុន Osaka Hydrogen Water (Cambodia) Co.,Ltd បាននិងកំពុងចូលមកក្នុងទីផ្សារម៉ាស៊ីនចម្រោះទឹកនៅក្នុងប្រទេសកម្ពុជា ជាទីផ្សារដែលនៅមិនទាន់រីកចម្រើនខ្លាំងនៅឡើយ ដោយក្រុមហ៊ុនរំពឹងថានឹងមានកំណើនខ្លាំងនៅក្នុងរយៈពេលប៉ុន្មានឆ្នាំខាងមុខ ខណៈតម្រូវការទឹកស្អាត និងទឹកដែលមានគុណភាពខ្ពស់កំពុងកើនឡើង។
ការយល់ដឹងអំពីសារៈសំខាន់នៃទឹកស្អាត ការយល់ដឹងអំពីសុខុមាលភាព និងកំណើនប្រជាជនក្នុងទីក្រុងកាន់តែឆាប់រហ័សជាមួយនឹងបច្ចេកវិទ្យាម៉ាស៊ីនចម្រោះទឹកដែលមានតម្លៃសមរម្យកាន់តែមានច្រើន ទាំងអស់នេះគឺជាកត្តាដ៏សំខាន់ដែលជះឥទ្ធិពល និងបង្កើនទីផ្សារម៉ាស៊ីនបន្សុទ្ធទឹកនៅក្នុងប្រទេសកម្ពុជា។
លើសពីនេះទៀត គុណភាពទឹកមិនល្អ ជាពិសេសនៅតំបន់ជនបទ ការបំពុលបរិស្ថាន និងកង្វះខាតទឹកស្អាត និងទឹកដែលមានសុវត្ថិភាពសម្រាប់ប្រើប្រាស់ គឺជាកត្តាជំរុញបន្ថែមឲ្យមានតម្រូវការម៉ាស៊ីនចម្រោះទឹកកាន់តែច្រើន។ ទាំងនេះគឺជាការផ្តល់ឱកាសយ៉ាងច្រើនសម្រាប់ក្រុមហ៊ុនផ្គត់ផ្គង់ម៉ាស៊ីនចម្រោះទឹក។
«[ប្រទេសកម្ពុជា] គឺជាទីផ្សារដែលមានសក្តានុពល។ ទោះបីវាជាទីផ្សារតូចក្តី ប៉ុន្តែវាកំពុងតែរីកលូតលាស់។ នៅពេលដែលប្រជាជនរៀបចំរបៀបរស់នៅរបស់ពួកគេបានកាន់តែប្រសើរនោះពួកគេកាន់តែមានការយល់ដឹងខ្ពស់អំពីគុណភាពទឹក»។
លោក Perrie Choo ប្រធានផ្នែកអភិវឌ្ឍន៍អាជីវកម្មរបស់ក្រុមហ៊ុន Osaka បានឲ្យភ្នំពេញប៉ុស្តិ៍ដឹងថា៖ «យើងមើលឃើញឱកាសច្រើនសម្រាប់ការអភិវឌ្ឍអាជីវកម្មនៅកម្ពុជាជាសង្គមមួយដែលកំពុងមានការរីកលូតលាស់យ៉ាងឆាប់រហ័ស ខណៈអ្នកមានជីវភាពធូរធារ និងសាធារណជនកាន់តែយល់ដឹងច្រើនអំពីសុខុមាលភាពរបស់ពួកគេ»។
ក្រុមហ៊ុន Osaka ដែលបានចាប់ផ្តើមអាជីវកម្មរបស់ខ្លួននៅខែមករាឆ្នាំ ២០១៩ ដើម្បីលក់ផលិតផលម៉ាស៊ីនចម្រោះទឹកក្នុងផ្ទះ និងក្រៅផ្ទះដែលមានគុណភាពខ្ពស់ គឺជាក្រុមហ៊ុនចែកចាយផ្តាច់មុខនូវម៉ាស៊ីនចម្រោះទឹកម៉ាក Kiyoi និងប្រព័ន្ធចម្រោះទឹកជាច្រើនទៀតនៅក្នុងប្រទេសកម្ពុជា។ ក្រុមហ៊ុនផ្តល់ជូននូវម៉ាស៊ីនចម្រោះទឹកជាច្រើនប្រភេទសម្រាប់ទីផ្សារក្នុងស្រុក។
ម៉ាស៊ីនចម្រោះទឹក alkaline Kiyoi សកម្មសម្រាប់ប្រើប្រាស់ក្នុងផ្ទះគឺបំពាក់មកជាមួយនូវតម្រងផ្លាទីនីមចំនួន ៥ នៅក្នុងប្រព័ន្ធចម្រោះ ដែលអាចចម្រោះទឹកបាន ៦០០ លីត្រក្នុង ១ ម៉ោង។
ម៉ាស៊ីនចម្រោះទឹក Premium Active Hydrogen Alkaline បំពាក់ដោយតម្រងផ្លាទីនីមទំនើបចំនួន ១១ នៅក្នុងប្រព័ន្ធចម្រោះទឹកដែលអាចចម្រោះទឹកបាន ១ ០០០ លីត្រក្នុង ១ ម៉ោង និងមានសមត្ថភាពគ្រប់គ្រងការច្រោះទឹកដែលមានជាតិកខ្វក់ខ្លាំងបានយ៉ាងមានប្រសិទ្ធភាព។
ម៉ាស៊ីនចម្រោះទឹកពណ៌ទឹកប្រាក់ 6-Stage Filter បំពាក់ដោយភ្នាសសម្រាប់ចម្រោះទឹកដ៏ទំនើបដែលអាចចម្រោះទឹកបាន ៦០០ លីត្រក្នុង ១ ម៉ោង។
ម៉ាស៊ីនចម្រោះ Master Filter សម្រាប់ប្រើក្រៅផ្ទះបំពាក់ដោយតម្រងពិសេសដែលអាចចម្រោះទឹកបាន ៣០០០ លីត្រក្នុង ១ ម៉ោងគឺគ្រប់គ្រាន់សម្រាប់បោកគក់ និងសម្រាប់ងូតទឹកបាន។
«យើងផ្តល់ជូននូវម៉ាស៊ីនចម្រោះទឹកអ៊ីដ្រូហ្ស៊ែន និងប្រព័ន្ធចម្រោះទឹកបច្ចេកវិទ្យាខ្ពស់របស់ជប៉ុន ដែលសមស្របសម្រាប់គ្រប់តម្រូវការ។ ម៉ាស៊ីនចម្រោះទឹកទាំងអស់គឺមានសុវត្ថិភាព និងងាយស្រួលប្រើប្រាស់។
លោក Choo ថ្លែងថា៖ «យើងក៏ផ្តល់ជូននូវសេវាកម្មប្រកបដោយវិជ្ជាជីវៈ សម្រាប់ការធ្វើតេស្តគុណភាពទឹក និងការសម្អាតបំពង់ផងដែរ។ យើងក៏ជួយបង្រៀនអតិថិជនរបស់យើងអំពីរបៀបរស់នៅដែលមានសុខុមាលភាព និងទម្លាប់របបអាហារល្អ។
លោកបន្ថែមថា ម៉ាស៊ីនចម្រោះទឹកប្រើក្នុងផ្ទះ ផលិតទឹកមានគុណភាពខ្ពស់ដែល Osaka ចាត់ទុកថាវាមានអត្ថប្រយោជន៍ច្រើនដល់សុខភាព និងជាផលិតផលដែលលក់ដាច់បំផុត។ ដោយផ្តល់ជូននូវម៉ាស៊ីនដែលមានតម្លៃសមរម្យ និងងាយស្រួលក្នុងការថែទាំជាមួយនឹងសេវាកម្មក្រោយលក់ដែលអាចជឿទុកចិត្តបាន ហើយក្រុមហ៊ុនមានគោលបំណងឈរជើងឲ្យបានកាន់តែរឹងមាំនៅក្នុងទីផ្សារផ្គត់ផ្គង់ម៉ាស៊ីនចម្រោះទឹកនៅទីផ្សារក្នុងស្រុក។
ជាផ្នែកមួយនៃការទទួលខុសត្រូវសង្គមរបស់ខ្លួន ក្រុមហ៊ុន Osaka បានបណ្តុះបណ្តាលក្រុមការងារយ៉ាងសកម្មដើម្បីលើកកម្ពស់ការអប់រំដល់អតិថិជនអំពីគុណភាពទឹកសម្រាប់ការរស់នៅប្រកបដោយគុណភាព និងស្តង់ដា។
«យើងអប់រំអតិថិជនរបស់យើងអំពីតួនាទីទឹកនៅក្នុងបរិស្ថានធម្មជាតិក៏ដូចជានៅក្នុងខ្លួនរបស់យើង។ យើងធ្វើបែបនេះនៅក្នុងព្រឹត្តិការណ៍ និងនៅលើគេហទំព័រ និងប្រព័ន្ធផ្សព្វផ្សាយសង្គមរបស់យើង។
លោក Choo លើកឡើងថា៖ «យើងបណ្តុះបណ្តាលបុគ្គលិករបស់យើងឱ្យក្លាយជាអ្នកជំនាញពិតប្រាកដ ហើយគោលបំណងរបស់យើង គឺផ្តល់ឧបករណ៍ដែលមានគុណភាពខ្ពស់ដើម្បីបំពេញតម្រូវការទឹកស្អាតរបស់ប្រទេសកម្ពុជា»៕