.jpg)
ក្រុមហ៊ុន WeWatch Co Ltd (Cambodia)
ក្រុមហ៊ុន WeWatch Co Ltd (Cambodia) បានដាក់ឱ្យប្រើប្រាស់នូវសេវាកម្មផ្សព្វផ្សាយមាតិកាតាមអ៊ីនធើណិត (OTT) នៅក្នុងខែមេសា ជាមួយនឹងការផ្តល់ជូននូវមាតិកាល្អបំផុត ដោយមាតិកាទាំង-អស់ត្រូវបានបកប្រែជាភាសាខ្មែរសម្រាប់ទស្សនិកជនក្នុងស្រុក។
ក្រុមហ៊ុន WeWatch ដែលជាបុត្រសម្ព័ន្ធរបស់ក្រុមហ៊ុន WeWatch Pte Ltd មានមូលដ្ឋាននៅប្រទេសសិង្ហបុរីដែលជាក្រុមហ៊ុនផ្តល់សេវាកម្មទូរទស្សន៍ OTT TV កំពុងត្រៀមខ្លួនដើម្បីផ្តល់ជូនទស្សនិកជននៅក្នុងព្រះរាជាណាចក្រកម្ពុជា គឺទាំងយុវជននិងមនុស្សជំនាន់មុន ជាមួយនឹងការផ្សាយផ្ទាល់ព័ត៌មាន ការចាក់ផ្សារឿងភាគ ខ្សែយភាពយន្ត គំនូរជីវចល និងកម្មវិធីអប់រំជាដើម។
ទស្សនិកជននឹងរីករាយជាមួយមាតិកាគួរឱ្យរំភើប ប្រកបដោយគុណភាពខ្ពស់ពីក្រុមហ៊ុន WeWatch Co Ltd (Cambodia) បន្ទាប់ពីក្រុមហ៊ុនមេ WeWatch Pte Ltd បានផ្តល់មាតិកាចំនួន ១០០០ម៉ោង ក្នុងនោះរួមមានទាំងរឿងភាគថ្មីៗ ភាពយន្តដែលឈ្នះពានរង្វាន់ជាច្រើនប្រភេទ និងកម្មវិធីស្តីពីរបៀបរស់នៅ មកពីក្រុមហ៊ុន Mediacorp របស់ប្រទេសសឹង្ហបុរី។
«គោលដៅរបស់យើងគឺទស្សនិក-ជនកម្ពុជា ដូច្នេះយើងបានខិតខំប្រឹងប្រែងនិងវិនិយោគយ៉ាងច្រើនទៅលើការធ្វើមូលដ្ឋានីយកម្មមាតិកា។ ឧទាហរណ៍ នៅក្នុងប្រទេសកម្ពុជាយើងបានបង្កើតប៉ុស្តិ៍ផ្សាយផ្ទាល់ជាភាសាខ្មែរ។ លើសពីនេះទៀត យើងលើកទឹកចិត្តនិងផ្តល់អំណាចដល់បុគ្គលិកក្នុងស្រុករបស់យើង ឱ្យដឹកនាំអាជីវកម្មសំខាន់ៗរបស់យើង»។
លោក Andrey Sheen អគ្គនា-យកក្រុមហ៊ុន WeWatch Cambodia បានថ្លែងប្រាប់ភ្នំពេញប៉ុស្តិ៍ថា៖« WeWatch ក៏បើកឱ្យនិស្សិតសាកលវិទ្យាល័យនិងមហាវិទ្យាល័យចុះធ្វើកម្មសិក្សាផងដែរ។ យើងជឿជាក់យ៉ាងមុតមាំលើសក្តានុពលរបស់និយោជិកក្នុងស្រុក ដែលអាចហក់ឡើងខ្ពស់»។
លោក Andrey Sheen អគ្គនាយកក្រុមហ៊ុន We watch Cambodia
WeWatch បានចូលមកក្នុងទីផ្សារនៅក្នុងឱកាសដ៏សមស្រប។ ប្រជាជនមានប្រាក់ចំណូលកាន់តែប្រសើរ ការផ្លាស់ប្តូររបៀបរស់នៅ ការរីក-ចម្រើនខាងបច្ចេកវិទ្យា និងការមានសេវាកមអីុនធើណិតយ៉ាងទូលំ-ទូលាយ បានជួយជំរុញដល់ទីផ្សារសេវាកម្ម OTT នៅក្នុងប្រទេសកម្ពុជាយ៉ាងខ្លាំង ខណៈការរឹតបន្តឹងការធ្វើ-ដំណើរដោយសារតែជំងឺកូវីដ១៩ ក៏កំពុងជំរុញតម្រូវការបន្ថែមសម្រាប់សេវាកម្មបែបនេះនៅពេលអនាគត។
នៅក្រោមយុទ្ធសាស្ត្រអាជីវកម្មរបស់ WeWatch ប្រទេសកម្ពុជាគឺជាប្រទេសដំបូងគេដែលអាចទទួលបានសេវាកម្មនេះ បន្ទាប់មកគឺប្រទេសឥណ្ឌូនេស៊ី និងទីផ្សារអាស៊ី-អាគ្នេយ៍ផ្សេងទៀត សម្រាប់គម្រោងនៅពេលអនាគត។
ប្រធានចែកចាយមាតិការបស់ក្រុមហ៊ុន Mediacorp លោក Jesslyn Wong ថ្លែងថា៖«យើងរីករាយណាស់ដែលបានធ្វើជាដៃគូជាមួយ WeWatch ក្នុងការបើកសម្ពោធជាផ្លូវការនៅកម្ពុជា ជាកន្លែងដែលយើងអាចពង្រីកមាតិការបស់យើងបាន។ ជាមួយនឹងមាតិកា១០០០ម៉ោង អ្នកទស្សនានៅកម្ពុជា អាចរីករាយជាមួយនឹងខ្សែភាពយន្តជាច្រើនប្រភេទដ៏សម្បូរបែបរបស់ក្រុមហ៊ុន Mediacorp»។
ជាមួយនឹងដំណើរការដោយវេទិកាឈានមុខគេរបស់ OTT និងមាតិកាប្រតិបត្តិការក្នុងតំបន់របស់ WeWatch មាតិកានឹងត្រូវចែកចាយដោយផ្ទាល់តាមរយ: WeWatch Super Box និង WeWatch-Everywhere ដែលជាបណ្តាញចែកចាយវីដេអូតាម្មអីុនធើណិតដោយផ្ទាល់ ក៏ដូចជាដោយប្រយោល តាមរយៈប្រព័ន្ធទូរគមនាគមន៍និងប្រព័ន្ធផ្សព្វផ្សាយក្នុងស្រុក ។
លោកស្រី Sarah Wong នាយកប្រតិបត្តិក្រុមហ៊ុន WeWatch Pte Ltd ថ្លែងថា៖«យើងចែករំលែកចក្ខុវិស័យស្រដៀងគ្នាជាមួយ Mediacorp ដើម្បីនាំយកមាតិកាដែលមានគុណភាពទៅក្នុងតំបន់។ យើងប្តេជ្ញាថានឹងផ្តល់សេវាកម្មដល់ប្រជាជនក្នុងស្រុក ហើយយើងបានវិនិយោគយ៉ាងច្រើន ទៅលើកិច្ចខិតខំប្រឹងប្រែងដើម្បីបកប្រែនិងដាក់បញ្ចូលភាសាក្នុងស្រុកទៅក្នុងមាតិកាដែលមានអាជ្ញាប័ណ្ណរបស់យើង»៕
ដើម្បីរីករាយជាមួយនឹងកម្មវិធី WeWatch នៅលើអេក្រង់ទូរទស្សន៍ដ៏ធំ និងនៅលើទូរស័ព្ទដៃនិងឧបករ-ណ៍ថេបប្លេតដ៏ទៃទៀត សូមចូលទៅគេហទំព័ររបស់ WeWatch -
https://wewatch.asia និងទំព័រហ្វេសប៊ុក https://www.facebook.com/wewatch.asia ។
