.jpg)
កាលពីថ្ងៃទី ២៣ ខែមេសា ធនាគារ ព្រីនស៍ បានប្រកាសដាក់ឲ្យដំណើរការរួមគ្នានូវបណ្ណម៉ាស្ទ័រ និងបណ្ណវីសាថ្មីរបស់ខ្លួនដល់សាធារណជន។
ធនាគារ ព្រីនស៍ ម.ក បានដាក់ឱ្យដំណើរការនូវនូវបណ្ណឥណពន្ធ/ឥណទាន Mastercard និង VISA ដែលអាចឲ្យអតិថិជនរបស់ខ្លួនធ្វើការទូទាត់តាមប្រព័ន្ធអេឡិចត្រូនិកបានកាន់តែងាយស្រួល ដែលនេះគឺជាការវិវឌ្ឍថ្មីមួយផ្សេងទៀត ដើម្បីជួយពង្រឹងប្រព័ន្ធធនាគារឌីជីថលរបស់ខ្លួននៅក្នុងប្រទេស កម្ពុជា។
កាលពីថ្ងៃទី ២៣ ខែ មេសា ឆ្នាំ ២០២០ ធនាគារ ព្រីនស៍ បានប្រកាសពីការដាក់ឱ្យដំណើរការរួមគ្នានូវបណ្ណម៉ាស្ទ័រ និងបណ្ណវីសាថ្មីរបស់ខ្លួនដល់សាធារណជន ។ ជាមួយនឹងបទពិសោធជាច្រើនទសវត្សរ៍ និងក្នុងនាមជាអ្នកនាំមុខគេក្នុងការទូទាត់ប្រាក់ជាប្រព័ន្ធឌីជីថល ម៉ាស្ទ័រ និងវីសា ត្រូវបានទទួលស្គាល់ជាអន្តរជាតិនៅតាមហាងទំនិញរាប់លានកន្លែងនៅទូទាំងពិភពលោក។ ភាពជាដៃគូនេះនឹងជួយបំពេញផែនការរបស់ធនាគារ ព្រីនស៍ ក្នុងការផ្តល់ជូនផលិតផល និងសេវាកម្មថ្មីៗទៅកាន់អតិថិជនបច្ចុប្បន្នក៏ដូចជាទាក់ទាញអតិថិជនដែលមានសក្តានុពលថ្មីៗផងដែរ។
លោក ហ៊ន់ សុរចនា ប្រធាននាយកប្រតិបត្តិរបស់ធនាគារ ព្រីនស៍ បានមានប្រសាសន៍ថា៖ «ដោយសង្កេតឃើញថា ប្រជាជនកម្ពុជាកាន់តែច្រើនឡើងកំពុងធ្វើជំនួញ និងធ្វើដំណើរនៅក្នុងប្រទេស នៅក្នុងតំបន់ និងទៅក្រៅប្រទេស ហើយអ្នកទាំងអស់នោះកំពុងស្វែងរកនូវអត្ថប្រយោជន៍ និងការផ្តល់ជូនជាពិសេសនានា ដើម្បីបំពេញនូវតម្រូវការនៃការរស់នៅរបស់ពួកគេ»។
គម្រោងប្លង់អគារស្នាក់ការកណ្តាលរបស់ធនាគារ ព្រីនស៍ ក្នុងទីក្រុងភ្នំពេញ។
ធនាគារ ព្រីនស៍ នឹងផ្តល់ជូននូវបណ្ណឥណពន្ធ និងបណ្ណឥណទានផ្សេងៗពីគ្នា ដែលមានដូចជា បណ្ណ Standard ឬ Classic និងបណ្ណ Platinum។ ជម្រើសទាំងនេះធ្វើឱ្យអតិថិជនមានភាពងាយស្រួលក្នុងការជ្រើសរើសផលិតផលដែលស័ក្តិសមទៅនឹងតម្រូវការស្របទៅតាមគោលដៅហិរញ្ញវត្ថុរបស់ពួកគេ។ ដោយបំពេញទៅតាមតម្រូវការរបស់អតិថិជនរាល់បណ្ណឥណពន្ធ និងបណ្ណឥណទានដែលចេញដោយធនាគារ ព្រីនស៍ នឹងផ្តល់ជូនអតិថិជននូវផាសុកភាព និងមានសុវត្ថិភាពខ្ពស់រាល់ពេលដែលពួកគេធ្វើការបញ្ជាទិញពីបណ្តាញទូទាត់ដ៏ធំបំផុត ២ នៅលើពិភពលោក។
ម៉ាស្ទ័រ និងវីសា ផ្តល់ជូននូវអត្ថប្រយោជន៍ជាច្រើនដែលត្រូវបានរចនាឡើងសម្រាប់ការបញ្ជាទិញដែលធ្វើឡើងតាមប្រព័ន្ធអ៊ីនធឺណិត និងនៅតាមហាងទំនិញនានានៅទូទាំងពិភពលោក។ អតិថិជនអាចទាញយកអត្ថប្រយោជន៍ពីភាពជាដៃគូ ការធ្វើបច្ចុប្បន្នភាព និងបទពិសោធផ្សេងៗបន្ថែមទៀតដូចជា ការផ្តល់ជូនពិសេសពីហាងទំនិញ ភោជនីយដ្ឋានលំដាប់ពិភពលោក សណ្ឋាគារ និងរមណីយដ្ឋាននានា ដោយគ្រាន់តែប្រើប្រាស់កាតរបស់ពួកគេតែប៉ុណ្ណោះ។
លោក ហ៊ន់ សុរចនា បានសង្កត់ធ្ងន់លើភាពច្នៃប្រឌិតថ្មីនៃប្រព័ន្ធឌីជីថលរបស់ធនាគារ ជាមួយនឹងការផ្តល់ជូននូវបណ្ណថ្មីៗនេះថា យើងមានគោលបំណងក្នុងការក្លាយខ្លួនជាធនាគារឌីជីថលដែលល្អបំផុត និងមានការរីកចម្រើនលឿនបំផុតនៅកម្ពុជាតាមរយៈការខិតខំប្រឹងប្រែងដើម្បីអភិវឌ្ឍគម្រោងឌីជីថលរបស់យើង។ អ្នកកាន់បណ្ណម៉ាស្ទ័រ និងវីសាអាចធ្វើប្រតិបត្តិការតាមដាន និងទូទាត់ប្រាក់តាមរយៈបណ្តាញឌីជីថលដែលមានដូចជាសេវាធនាគារតាមទូរស័ព្ទដៃរបស់ធនាគារ ព្រីនស៍។ អតិថិជននឹងទទួលបានព័ត៌មានលម្អិតចុងក្រោយស្តីអំពីការបញ្ជាទិញរបស់ពួកគេ ជាមួយនឹងការជូនដំណឹងតាមរយៈសារ SMS ទៅកាន់ទូរស័ព្ទរបស់ពួកគេដោយផ្ទាល់ផងដែរ»។
«លក្ខណពិសេសទាំងនេះនឹងជួយឱ្យអតិថិជនរបស់យើងផ្លាស់ប្តូរទៅជាអ្នកប្រើប្រាស់ប្រព័ន្ធដែលមិនប៉ះពាល់ក្រដាសប្រាក់ដោយផ្ទាល់ និងទូទាត់បែបឌីជីថល ព្រោះថាធនាគារ ព្រីនស៍ កំពុងខិតខំអភិវឌ្ឍដំណោះស្រាយតាមបែបធនាគារឌីជីថល ដែលឆ្លើយតបទៅនឹងតម្រូវការរបស់អតិថិជនដោយផ្តល់នូវបទពិសោធធនាគារកាន់តែងាយស្រួលជាងមុនជូនដល់អតិថិជនរបស់ខ្លួន។
សម្រាប់ព័ត៌មានបន្ថែមសូមអញ្ជើញមកកាន់សាខាធនាគារ ព្រីនស៍ ណាមួយ ឬក៏ទាក់ទងមកកាន់លេខ 1800-20-8888។ បុគ្គលិកប្រកបដោយវិជ្ជាជីវៈរបស់យើងនឹងនៅឆ្លើយតបរាល់តម្រូវការរបស់លោកអ្នក ២៤ ម៉ោងលើ ២៤ ពេញ ៧ ថ្ងៃ ក្នុង ១ សប្តាហ៍។
សូមបញ្ជាក់ថា ធនាគារ ព្រីនស៍ មាន ២៨ សាខា ដែលមានទីតាំងស្ថិតនៅខេត្តក្រុងចំនួន ២២ រួមទាំងទីក្រុងភ្នំពេញផងដែរ៕
