The Phnom Penh Post Search

Search form




Logo of Phnom Penh Post newspaper Phnom Penh Post - ពិព័រណ៍​ឧស្សាហកម្ម​ដ៏​ធំ ​នឹង​ត្រឡប់​មក​វិញ​ក្នុង​ខែ​សីហា

ពិព័រណ៍​ឧស្សាហកម្ម​ដ៏​ធំ ​នឹង​ត្រឡប់​មក​វិញ​ក្នុង​ខែ​សីហា

Content image - Phnom Penh Post
របាយការណ៍សង្ខេបរបស់អាស៊ាន៖ កម្ពុជា​គឺជា​ទិសដៅ​វិនិយោគ​ដ៏​ទាក់ទាញ​​​សម្រាប់​ក្រុមហ៊ុន​ដែល​ចង់​ព​ង្រីក​ទីផ្សារ​របស់ខ្លួន​នៅក្នុង​តំបន់​អាស៊ាន។ សហការី

ពិព័រណ៍​ឧស្សាហកម្ម​ដ៏​ធំ ​នឹង​ត្រឡប់​មក​វិញ​ក្នុង​ខែ​សីហា

ជាមួយ​នឹង​ការ​រង់ចាំ​ក្នុង​រយៈពេល ​២ ​ឆ្នាំ ពិព័រណ៍​ឧស្សាហកម្ម​គ្រឿង​យន្ត​កម្ពុជា​អន្តរជាតិ និង​ពិព័រណ៍​ឧស្សាហកម្ម សម្លៀក​បំពាក់​ និង​វាយនភណ្ឌ​កម្ពុជា​អន្តរជាតិ ២០១៩ នឹង​ត្រលប់​មក​វិញ​ហើយ​ក្នុង​ខែ​សីហា​នេះ ចាប់​ពី​ថ្ងៃទី ​២២-២៥ នៅ​មជ្ឈមណ្ឌល​សន្និបាត​ និង​ពិព័រណ៍​កោះពេជ្រ​។

ព្រឹត្តការណ៍​ពិព័រណ៍​ដែល​កើត​ឡើង​រយៈពេល ​២ ​ឆ្នាំ ​ម្តង​នេះ ​មាន​ការ​រំពឹង​ទុក​ថា​នឹង​ទទួល​បាន​អ្នក​ចូលរួម​តាំង​ពិព័រណ៍​ប្រមាណ ​២០០ ​នាក់ ​មក​ពី​បណ្តា​ប្រទេស​​នានា​ និង​ក្នុង​តំបន់ ក្នុង​នោះ​នឹង​មាន​ស្តង់​ចំនួន ​២៨០ ​ស្តង់ ហើយ​​អ្នក​ចូលរួម​នឹង​កើន​ឡើង​រហូត​ដល់ ​៤០ ​ភាគរយ ​បើ​ធៀប​នឹង​ឆ្នាំ​ចាស់​។​

Content image - Phnom Penh Post

ព្រឹតិ្តការណ៍​ពិព័រណ៍​ដ៏​ធំ​នេះ​ត្រួវ​បាន​រៀបចំ​ឡើង​ដោយ​ក្រុមហ៊ុន ​Yorker Trande & Marketing Service Co.,Ltd, និង​សហការ​រៀបចំ​ដោយ​ក្រសួង​ឧស្សាហកម្ម​ និង​សិប្បកម្ម សភា​ពាណិជ្ជកម្ម​កម្ពុជា (CCC) និង​សមាគម​រោងចក្រ​កាត់ដេរ​នៅ​កម្ពុជា (GMAC) និង​គាំទ្រ​ដោយ​អគ្គនាយកដ្ឋាន​ជំរុញ​ពាណិជ្ជកម្ម​នៃ​ក្រសួង​ពាណិជ្ជកម្ម (TPD) ។​

ពិព័រណ៍​ឧស្សាហកម្ម​គ្រឿងយន្ត​កម្ពុជា​អន្តរជាតិ និង​ពិព័រណ៍​ឧស្សាហកម្ម​សម្លៀក​បំពាក់​ និង​វាយនភណ្ឌ​កម្ពុជា​អន្តរជាតិ​នេះ​គឺជា​ពិព័រណ៍​ដ៏​មាន​សក្តានុពល​គ្រប​ដណ្តប់​លើ​វិស័យ​ឧស្សាហកម្ម​ជា​ច្រើន​ដូចជា ជ័រ​ប្លាស្ទិក​​កៅស៊ូ​ ការ​បោះពុម្ព​ ការ​វេច​ខ្ជប់ ការ​កែ​ចៃ្ន​ម្ហូបអាហារ គ្រឿងចក្រ​កសិកម្ម ឧបករណ៍ ​និង​គ្រឿង​បន្លាស់​អេឡិចត្រូនិក គ្រឿង​បន្លាស់​រថយន្ត វិស្វកម្ម ថាមពល​អគ្គិសនី និង​សម្លៀក​បំពាក់ ​និង​វាយនភណ្ឌ​។

វា​ជា​ការ​ទទួល​បាន​ភាព​ជោគជ័យ​ក្នុង​ការ​រួម​បញ្ចូល​វិស័យ​សំខាន់ៗ​នេះ​។​អ្នក​ចូលរួម​ទស្សនា​ក៏​អាច​មាន​ភាព​ងាយ​​​​ស្រួល​ក្នុង​ការ​ស្វែងរក​ជាមួយ​ អ្នក​ផ្គត់ផ្គង់​ក្នុង​វេទិកា​មួយ​នេះ​នៅ​ផលិតផល​ដែល​អ្នក​ទស្សនា​ចង់​បាន​ទៅ​តាម​តម្រូវការ​ក្នុង​វិស័យ​នីមួយៗ​។​

Content image - Phnom Penh Post

យោង​តាម​របាយការណ៍​សង្ខេប​របស់​អាស៊ាន​បាន​បង្ហាញថា​ ប្រទេស ​កម្ពុជា ​គឺ​ជា​ទិសដៅ​វិនិយោគ​ដ៏​ទាក់ទាញ​​មួយ​សម្រាប់​ក្រុមហ៊ុន​ដែល​ចង់​ ពង្រើក​ទីផ្សារ​របស់​ខ្លួន​ក្នុង​តំបន់​អាស៊ាន​។ ក្រៅ​ពី​កំណើន​សេដ្ឋកិច្ច​ដែល​មាន​កំណើន​ក្នុង​រង្វង់ ​៧ ​ភាគរយ ​ជា​រៀងរាល់​ឆ្នាំ ច្បាប់​វិនិយោគទុន​សេរី​ និង​ទីតាំង​យុទ្ធសាស្ត្រ​សម្រាប់​រោងចក្រ​ក៏​ជា​កត្តា​សំខាន់​ផង​ដែរ​។​

ប្រទេស ​កម្ពុជា ​នឹង​ក្លាយ​ជា​ប្រទេស​ដែល​មាន​ជម្រើស​ល្អ​សម្រាប់​ការ​វិនិយោគ​ក្នុង​តំបន់​អាស៊ាន លើស​ពី​នេះ​ទៅ​ទៀត ក្រុមហ៊ុន​រោងចក្រ​ និង​ផ្លាស់​ពី​ប្រទេស​ផ្សេងៗ​មក​ប្រទេស ​កម្ពុជា​។​

Content image - Phnom Penh Post
គណៈប្រតិភូ និងភ្ញៀវកិត្តិយសកំពុងដើរទស្សនាការតាំងពិព័រណ៍​ឧស្សាហកម្ម​គ្រឿងយន្ត​កម្ពុជា​អន្តរជាតិនាពេលកន្លងមក។ សហការី

ក្រុមហ៊ុន​អន្តរជាតិ​ជា​ច្រើន​កំពុង​តែ​ចាប់​យក​ទីផ្សារ​ដ៏​រីក​ចម្រើន​មួយ​នេះ​ក្នុង​នោះ​ពិព័រណ៍​ឧស្សាហកម្ម​គ្រឿង​យន្ត​កម្ពុជា​អន្តរជាតិ និង​ពិព័រណ៍​ឧស្សាហកម្ម​សម្លៀកបំពាក់ ​និង​វាយនភណ្ឌ​កម្ពុជា​អន្តរជាតិ ​គឺ​ជា​មធ្យោបាយ​ល្អ​បំផុត​ក្នុង​ការ​ចូលរួម​ចំណែក​ទីផ្សារ​ក្នុង​ប្រទេស ​កម្ពុជា​។ វា​ក៏​ជា​ការ​ប្រមូល​ផ្តុំ​នូវ​អ្នក​ទិញ​ដែល​មាន​គុណភាព​ខ្ពស់​ ហើយ​មិន​ត្រឹមតែ​នៅ​ប្រទេស ​កម្ពុជា ​ប៉ុណ្ណោះ​ទេ ប៉ុន្តែ​ថែម​ទាំង​មក​ពី​បណ្តា​ប្រទេស​ផ្សេងៗ​ផង​ដែរ​។

Content image - Phnom Penh Post

ក្នុង​ពិព័រណ៍​ឧស្សាហកម្ម​គ្រឿង​យន្ត​កម្ពុជា​អន្តរជាតិ និង​ពិព័រណ៍​ឧស្សាហកម្ម​សម្លៀក​បំពាក់​ និង​វាយនភណ្ឌ​កម្ពុជា​​អន្តរជាតិ​នឹង​នាំមក​នូវ​ម៉ាស៊ីន​ និង​បច្ចេកវិទ្យា​ចុង​ក្រាយ​បំផុត លើស​ពី​នេះ​ទៅ​ទៀត និង​មាន​ការ​បង្កើត​ទំនាក់ទំនង​ប្រកប​ដោយ​ប្រសិទ្ធភាព​ជូន​អ្នក​ចូលរួម​ទស្សនា​ទាំង​ឡាយ​ ដើម្បី​ជួប​ផ្ទាល់​ជាមួយ​នឹង​ម្ចាស់​រោងចក្រ​ក្នុង​ការ​ចាប់​ដៃគូ​ពាណិជ្ជកម្ម​នាពេល​អនាគត​។

ពិព័រណ៍​ឧស្សាហកម្ម​គ្រឿងយន្ត​កម្ពុជា​អន្តរជាតិ និង​ពិព័រណ៍​ឧស្សាហកម្ម​សម្លៀក​បំពាក់​ និង​វាយនភណ្ឌ​កម្ពុជា​អន្តរជាតិ ​គឺ​ជា​មធ្យោបាយ​ដ៏​រឹងមាំ​មួយ​សម្រាប់​ភាព​ជោគជ័យ​ក្នុង​ប្រទេស ​កម្ពុជា​៕​

អត្ថបទគួរចាប់អារម្មណ៍

  • អ៊ីរ៉ង់​រកឃើញ​អណ្តូងរ៉ែ​ថ្មី​មាន​ឧស្ម័ន​ ៥៣៨ ​ពាន់​លាន​ម៉ែត្រគុប

    ក្រុងតេអេរ៉ង់ៈ ប្រទេស​អ៊ីរ៉ង់​បាន​រកឃើញ​អណ្តូង​ឧស្ម័ន​មួយ​នៅ​ជិត​ឈូង​សមុទ្រ​ពែរ្ស៍ ដែល​មាន​កំណប់​ឧស្ម័ន​គ្រប់គ្រាន់​សម្រាប់​ការផ្គត់ផ្គង់​ដល់​ទីក្រុង​នេះ​រយៈពេល ១៦ ឆ្នាំ​។ នេះ​បើ​យោង​តាម​សេចក្តី​រាយការណ៍​របស់​ប្រព័ន្ធ​ផ្សព្វផ្សាយ​រដ្ឋ​អ៊ីរ៉ង់​កាលពី​ថ្ងៃ​អាទិត្យ​។

  • ប៉ូឡូញ និង​រុស្ស៊ី ​ឡើង​វគ្គ​បន្ត ខណៈ​អាល្លឺម៉ង់​ចាំ​អ៊ុត​សិន

    ក្រុង​ប៉ារីស៖ ជម្រើស​ជាតិ​ប៉ូឡូញ​ និង​រុស្ស៊ី​បាន​កក់​កៅអី​របស់​​​ខ្លួន​នៃ​​​ព្រឹត្តិការណ៍​ Euro ​២០២០ ក្រោយ​ពី​​ក្រុម​ប៉ូឡូញ​បាន​ឈ្នះ​​ជម្រើស​ជាតិ​ម៉ាសេដ្វាន​ខាង​ជើង​ ហើយ​ក្រុម​រុស្ស៊ី​បាន​ឈ្នះ​ជម្រើស​ជាតិ​​ស៊ីប​ ​ពី​ថ្ងៃ​អាទិត្យ​ ខណៈ​ជម្រើស​ជាតិ​អាល្លឺម៉ង់​ និង​ហូឡង់​

  • អ៊ីមរ៉ាន ខាន់​ ធ្វើ​ទស្សនកិច្ច​​​នៅ​​អ៊ីរ៉ង់​ ខណៈ​​ភាព​តានតឹង​កើន​ឡើង​នៅ​ឈូង​សមុទ្រ​

    ក្រុង​តេអេរ៉ង់៖ ​នាយក​រដ្ឋមន្ត្រី​ប៉ាគីស្ថាន​លោក​ អ៊ីមរ៉ាន ខាន់ ​បាន​ទស្សនកិច្ច​ទៅ​កាន់​ប្រទេស ​អ៊ីរ៉ង់ ​កាល​ពី​ថ្ងៃ​អាទិត្យ​ បន្ទាប់​ពី​មាន​ការ​ស្នើសុំ​មួយ​ចេញ​ពី​អាមេរិក ​និង​អារ៉ាប៊ី សាអ៊ូឌីត​ ដើម្បី​ឲ្យ​លោក​ជួយ​បន្ធូរបន្ថយ​ភាព​តានតឹង​កាន់​តែ​ខ្លាំង​ឡើង​នៅ​ឈូង​សមុទ្រ​មាន​ជម្លោះ​។​

  • ធនាគារ​កណ្តាល​សិង្ហបុរី​ បន្ធូរ​គោលនយោបាយ​រូបិយវត្ថុ

    ក្រុងសិង្ហបុរីៈ ប្រទេស​សិង្ហបុរី​កាលពី​ថ្ងៃ​ចន្ទ​បាន​បន្ធូរបន្ថយ​គោលនយោបាយ​រូបិយវត្ថុ​ជា​លើកដំបូង​ក្នុង​រយៈពេល​ជាង ៣ ​ឆ្នាំ ខណៈ​សង្គ្រាម​ពាណិជ្ជកម្ម​រវាង​អាមេរិក និង​ចិន​បញ្ចេញ​ឥទ្ធិពល ស្រប​ពេល​ដែល​ប្រទេស​មាន​សេដ្ឋកិច្ច​ពឹងផ្អែក​លើ​ការនាំចេញ​មួយ​នេះ​បាន​គេច​ផុតពី​ការដើរ​ថយក្រោយ​នៃ​សេដ្ឋកិច្ច​នៅ​ត្រីមាស​ទី​ ៣​។