The Phnom Penh Post Search

Search form




Logo of Phnom Penh Post newspaper Phnom Penh Post - មន្ទីរពេទ្យ​រ៉ូយ៉ាល់ភ្នំពេញ ផ្តោត​សំខាន់​លើ​ស្តង់ដា​វេជ្ជសាស្ត្រ​ខ្ពស់​នៅក្នុង​វិស័យ​ឯកជន​នៅ​កម្ពុជា




មន្ទីរពេទ្យ​រ៉ូយ៉ាល់ភ្នំពេញ ផ្តោត​សំខាន់​លើ​ស្តង់ដា​វេជ្ជសាស្ត្រ​ខ្ពស់​នៅក្នុង​វិស័យ​ឯកជន​នៅ​កម្ពុជា

Content image - Phnom Penh Post
មន្ទីរពេទ្យ​រ៉ូយ៉ាល់ភ្នំពេញ​ផ្តល់​ការថែទាំ​វេជ្ជសាស្ត្រ​លំដាប់​ខ្ពស់​មួយ​នៅក្នុង​រាជធានី​ភ្នំពេញ​។

មន្ទីរពេទ្យ​រ៉ូយ៉ាល់ភ្នំពេញ ផ្តោត​សំខាន់​លើ​ស្តង់ដា​វេជ្ជសាស្ត្រ​ខ្ពស់​នៅក្នុង​វិស័យ​ឯកជន​នៅ​កម្ពុជា

Content image - Phnom Penh Post

ការផ្ទុះ​ឡើង​នៃ​ជំងឺ​កូវីដ​ ១៩ គឺ​វា​បានបង្ហាញ​អំពី​សារៈសំខាន់​នៃ​ប្រព័ន្ធ​ផ្តល់​សេវា​ថែទាំ​សុខភាព​ឯកជន ដែល​ដើរ​តួនាទី​យ៉ាងសំខាន់​ក្នុង​ការបំពេញ​ចន្លោះ​ខ្វះខាត​ផ្នែក​សេវា​សុខភាព​ក្នុង​អំឡុងពេល​មាន​ជំងឺ​រាតត្បាត​។

ក្នុង​គ្រា​ដ៏លំបាក​នេះ ខណៈ​ដែល​ព្រះរាជាណាចក្រ​កម្ពុជា​កំពុង​បង្កើន​កិច្ចខិតខំ​ប្រឹងប្រែង​ដើម្បី​យកឈ្នះ​លើ​ជំងឺ​កូវីដ ១៩ មន្ទីរពេទ្យ​រ៉ូយ៉ាល់ភ្នំពេញ​បាន​រួម​ចំណែក​ដល់​ការគាំទ្រ​ផ្នែក​វេជ្ជសាស្ត្រ​ដែល​ត្រូវការ​ជា​ចាំបាច់​។

មន្ទីរពេទ្យ​ថៃ​ដ៏ទំនើប ដែល​បានចាប់ផ្តើម​ប្រតិបត្តិការ​កាលពី​ខែតុលា​ឆ្នាំ​ ២០១៤ មួយ​នេះ​បាន​ផ្តល់​ធនធាន​របស់ខ្លួន​ដើម្បី​ប្រយុទ្ធ​ប្រឆាំង​នឹង​ជំងឺ​រាតត្បាត​ដែល​កំពុង​កើតមាន​។

ប្រធាន​មន្ទីរពេទ្យ Royal Bangkok Hospital Group ប្រចាំ​កម្ពុជា​លោក Narintara Boonjongcharoen បានឱ្យ​ភ្នំពេញ​ប៉ុស្តិ៍​ដឹងថា​៖ «​ក្នុង​អំឡុងពេល​កើតមាន​ជំងឺ​កូវីដ​១៩ [​ដំបូង​] មន្ទីរពេទ្យ​រ៉ូយ៉ាល់ភ្នំពេញ​គឺ​ស្ថិតនៅ​ជួរមុខ ជាមួយ​រាជរដ្ឋាភិបាល​កម្ពុជា និង​អ្នកជំនាញ​អន្តរជាតិ​មកពី​ក្រសួង​សុខាភិបាល​មជ្ឈមណ្ឌល​គ្រប់គ្រង​ជំងឺ អង្គការ​សុខភាព​ពិភពលោក និង​វិទ្យាស្ថាន​ប៉ាស្ទ័រ ដើម្បី​ដោះស្រាយ​ជាមួយ​នឹង​ការធ្វើ​រោគ​វិនិច្ឆ័យ និង​ព្យាបាល​អ្នកជំងឺ​កូវីដ​១៩ មន្ទីរពេទ្យ​រ៉ូយ៉ាល់ភ្នំពេញ​មាន​ភាពរឹងមាំ និង​មាន​សមត្ថភាព​គ្រប់គ្រាន់​ក្នុង​ការដោះស្រាយ​ជាមួយ​នឹង​ការឆ្លង​រាលដាល និង​រោគរាតត្បាត​នាពេល​អនាគត ដែល​នៅ​មិនទាន់​ស្គាល់​អត្តសញ្ញាណ​»​។

មន្ទីរពេទ្យ​រ៉ូយ៉ាល់ភ្នំពេញ​ជា​សមាជិក​នៃ Bangkok Dusit Medical Services (BDMS) ដែល​ជា​ក្រុមហ៊ុន​សាធារណៈ​នៅ​ប្រទេស​ថៃ​។ មាន​ទីតាំង​ស្ថិតនៅ​បណ្តោយ​មហាវិថី​សហព័ន្ធរុស្ស៊ី មន្ទីរពេទ្យ​មួយ​នេះ​មាន​គ្រែ​សម្រាក​ព្យាបាល​ចំនួន​ ១០០ ​គ្រែ និង​មាន​សេវាកម្ម​ឧទ្ធម្ភាគចក្រ​ក្នុង​នោះ​មាន​បុគ្គលិក​បរទេស​ប្រហែល​ ២០ ​ភាគរយ ខណៈ​ ៨០ ​ភាគរយ​ទៀត​ជា​បុគ្គលិក​នៅក្នុង​ស្រុក​។

Content image - Phnom Penh Post
បុគ្គលិក​ផ្នែក​សង្គ្រោះបន្ទាន់​ត្រៀម​រួចរាល់​ដើម្បី​ជួយសង្គ្រោះ​អ្នកជំងឺ​។

លោក​ឱ្យដឹងថា មន្ទីរពេទ្យ​រ៉ូយ៉ាល់-ភ្នំពេញ​គឺជា​មន្ទីរពេទ្យ​ដំបូង​គេ និង​តែ​​ ១ ​គត់​នៅ​កម្ពុជា​ដែល​ទទួលស្គាល់​គុណភាព​ដោយ​គណៈកម្មការ Joint Commission International​។ ដោយមាន​បរិក្ខារ​ទំនើបៗ និង​វេជ្ជបណ្ឌិត​ជំនាញៗ មន្ទីរពេទ្យ​នេះ​កំពុងផ្តល់​ជូន​ការព្យាបាល​ប្រកប​ដោយ​គុណភាព​ខ្ពស់​សម្រាប់​ប្រជាជន​កម្ពុជា និង​សហគមន៍​ជនបរទេស​។

«​ការចូលរួម​ចំណែក​ដ៏សំខាន់​របស់​យើង​ចំពោះ​ការថែទាំ​សុខភាព​នៅ​កម្ពុជា គឺ​ការលើកកម្ពស់​ស្តង់ដា​នៃ​ការថែទាំ​វេជ្ជសាស្ត្រ​កម្រិត​អន្តរជាតិ ដែល​ទទួលស្គាល់​គុណភាព​ពី​គណៈកម្មការ​អន្តរជាតិ Joint Commission International ចាប់​តាំងពី​ឆ្នាំ ២០១៧»​។

«​អ្នកដំណើរ​អន្តរជាតិ ភ្ញៀវទេសចរ អ្នកការទូត និង​អ្នកស្ម័គ្រចិត្ត​មាន​អារម្មណ៍​ធូរស្រាល​នៅពេល​ពួកគេ​បាន​ដឹងថា ព្រះរាជាណាចក្រ​កម្ពុជា​មាន​មន្ទីរពេទ្យ​ស្តង់ដា​អន្តរជាតិ ដើម្បី​មើលថែ​ពួកគេ​ពេញ​ ១ ​ឆ្នាំ និង​ជួយ​ពួកគេ​ក្នុង​ការធ្វើ​មាតុភូមិនិវត្តន៍​ដោយ​សុវត្ថិភាព​នៅពេល​ពួកគេ​ធ្លាក់ខ្លួន​ឈឺ​។

លោក Boonjongcharoen បាន​មាន​ប្រសាសន៍​ថា​៖ «​មន្ទីរពេទ្យ​រ៉ូយ៉ាល់​ភ្នំពេញ តាមរយៈ​បណ្តាញ BDMS របស់​យើង​ត្រូវ​បាន​ទទួលស្គាល់​ដោយ​មជ្ឈមណ្ឌល​ធានារ៉ាប់រង​សុខភាព និង​មជ្ឈមណ្ឌល​សង្គ្រោះបន្ទាន់​នៅ​ជុំវិញ​ពិភពលោក ដើម្បី​ជួយ​ដល់​អ្នកជំងឺ​ទាំង​ផ្នែក​ហិរញ្ញវត្ថុ និង​ការព្យាបាល​»​។

Content image - Phnom Penh Post
មន្ទីរពេទ្យ​ផ្តល់​សេវា​បញ្ជូន​អ្នកជំងឺ​មាន​ភាពងាយស្រួល និង​ឆាប់រហ័ស​។

ការព្យាបាល​នៅ​មន្ទីរពេទ្យ​នេះ​រួមមាន​ការថែទាំ​ម្តាយ និង​កុមារ ជំងឺ​ស្ទះ ឬ​ដាច់​សរសៃឈាម​ខួរក្បាល របួស​ក្បាល ជំងឺ​មេរោគ​ក្នុង​ឈាម វះកាត់​របួស​ដោយ​គ្រោះថ្នាក់ រួមទាំង​​វះកាត់​ឆ្អឹង ការព្យាបាល​ជំងឺ​បេះដូង ការស្ទះ​សរសៃឈាម​បេះដូង និង​ជំងឺ​ជាច្រើន​មុខ​ទៀត​។

យោងតាម​ផែនការ​យុទ្ធសាស្ត្រ​សុខភាព​កម្ពុជា​ឆ្នាំ​ ២០១៦-២០២០ បានឱ្យ​ដឹងថា មាន​គ្រឹះស្ថាន​សុខាភិបាល​សាធារណៈ​ប្រមាណ​ ១ ០០០ កន្លែង និង​អ្នកផ្តល់​សេវា​ថែទាំ​សុខភាព​ឯកជន​ចំនួន ៨ ០០០ កន្លែង​ផ្សេងទៀត​នៅ​ទូទាំង​ប្រទេស​។

មន្ទីរពេទ្យ​រ៉ូយ៉ាល់ភ្នំពេញ ផ្តោតសំខាន់​ទៅលើ​ការពិគ្រោះ​យោបល់​ផ្នែក​វេជ្ជសាស្ត្រដោយ​អ្នកជំនាញ​ជនជាតិ​ថៃ និង​អន្តរជាតិ និង​តាមរយៈ​ការពិគ្រោះ​យោបល់​ពី​ចម្ងាយ (teleconference) ជាមួយ​អ្នកឯកទេស​នៅ​មន្ទីរពេទ្យ​បាងកក និង​បណ្តាញ BDMS​។

ការពិគ្រោះ​យោបល់​នេះ គឺ​ដើម្បី​ធានាបាន​នូវ​គុណភាព​ខ្ពស់​នៃ​ស្តង់ដា​វេជ្ជសាស្ត្រ​នៃ​ការថែទាំ ដើម្បី​ផ្តល់​សុវត្ថិភាព​ខ្ពស់បំផុត​ដល់​អ្នកជំងឺ​។

មន្ទីរពេទ្យ​រ៉ូយ៉ាល់ភ្នំពេញ​បំពាក់​ដោយ​បរិក្ខារ និង​សម្ភារ​វេជ្ជសាស្ត្រ​ទំនើបៗ​បំផុត ហើយ​បុគ្គលិក​ទាំង បរទេស​ និង​ក្នុង​ស្រុង​គឺ​សុទ្ធសឹង​តែ​ទទួលបាន​ការបណ្តុះបណ្តាល​ផ្នែក​វេជ្ជសាស្ត្រ​យ៉ាង​ត្រឹមត្រូវ និង​ស្ទាត់ជំនាញ ដើម្បី​ដោះស្រាយ​ជាមួយ​ស្ថានភាព​សង្គ្រោះបន្ទាន់ និង​ស្ថានភាព​ដែល​គំរាមកំហែង​ដល់​អាយុជីវិត​យ៉ាង​មាន​ប្រសិទ្ធភាព​៕

Content image - Phnom Penh Post

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ