.jpg)
អ្នកចូលចិត្តទស្សនាភាពយន្តអាចទស្សនាក្នុងកម្មវិធីចៃកុនធីវីបានជាង ៥០០០ ម៉ោង ។
ខណៈរោងកុននៅកម្ពុជានៅតែបន្តបិទទ្វារដោយសារបញ្ហាជំងឺកូវីដ ១៩ អ្នកនិយមទស្សនាភាពយន្តនៅកម្ពុជានៅតែអាចរីករាយជាមួយនឹងខ្សែភាពយន្តដែលមានគុណភាពខ្ពស់តាមរយៈកម្មវិធីកម្សាន្តចៃកុនធីវី (JaiKonTV) បានដដែល។
ជាមួយនឹងអ្នកប្រើប្រាស់ជាងកន្លះលាននាក់ សេវាស្ទ្រីមវីដេអូតាមរយៈប្រព័ន្ធអ៊ីនធឺណិតមួយនេះបានប្តេជ្ញាដើម្បីធានាថា ប្រជាជនកម្ពុជាមានសុវត្ថិភាពនៅពេលទស្សនាភាពយន្ត។
ខណៈពិភពលោកកំពុងប្រយុទ្ធប្រឆាំងជំងឺកូវីដ១៩ នាយិកាប្រតិបត្តិជាន់ខ្ពស់របស់កម្មវិធីចៃកុនធីវីកញ្ញា លឹម ចិន្តា ថ្លែងថា៖ «យើងចង់លើកទឹកចិត្តប្រជាជនឱ្យស្នាក់នៅផ្ទះ និងទស្សនាខ្សែភាពយន្ត» ។
ដើម្បីសម្រេចបានតាមគោលដៅនេះ កម្មវិធីចៃកុន និងផ្តល់ឱ្យមិត្តអ្នកអានកាសែតភ្នំពេញប៉ុស្តិ៍ធ្វើការភ្ជាប់គម្រោងដោយឥតគិតថ្លៃរយៈពេល ១ ខែ ដើម្បីទស្សនាភាពយន្តក្នុងស្រុក និងអាស៊ីដែលល្អបំផុត។
ពាក្យចៃកុនមានន័យថា «អ្នកនិយមទស្សនាភាពយន្ត» ហើយជាមួយកម្មវិធីនេះ អ្នកចូលចិត្តទស្សនាភាពយន្តនៅកម្ពុជាអាចទស្សនាភាពយន្តនៅក្នុងកម្មវិធីបានជាង ៥០០០ ម៉ោង។
«កម្មវិធីទស្សនាភាពយន្តរបស់យើងផ្តល់ជូននូវជម្រើសដ៏ច្រើន ហើយវាត្រូវបានជ្រើសរើសដើម្បីបម្រើប្រជាជនកម្ពុជាឱ្យបានល្អបំផុត។ យើងមានភាពយន្តជាច្រើនដែលសមស្របបំផុតសម្រាប់មនុស្សគ្រប់វ័យ ដូចជាវ័យជំទង់ មនុស្សពេញវ័យ សម្រាប់ក្រុមគ្រួសារ សម្រាប់អ្នកធ្វើការជាដើម»។
«យើងមានភាពយន្តគ្រប់ប្រភេទដូចជាភាពយន្តបែបភ័យរន្ធត់ កំប្លែង ស្នេហា ផ្នែកម្ហូបអាហារ ផ្នែកផ្តល់ព័ត៌មានសម្រាប់ថែរក្សាសម្រស់ និងមានរឿងជាច្រើនទៀតដើម្បីបំពេញចិត្តអ្នកដែលស្វែងរកការកម្សាន្តក្នុងអំឡុងពេលនេះ»។
កញ្ញា ចិន្តា បន្ថែមថា៖ «ចំពោះភាពយន្តបរទេសដែលពេញនិយមនៅកម្ពុជាដូចជារឿងកូរ៉េ និងរឿងចិន យើងមានបញ្ចូលសំឡេងជាភាសាខ្មែរ ឬដាក់ subtitle ជាអក្សរខ្មែរ»។
កម្មវិធីទស្សនាភាពយន្តដូចជា ចៃកុនធីវី អនុញ្ញាតឱ្យអ្នកប្រើប្រាស់អាចចូលមើលវីដេអូដោយគ្មានការកំណត់ ហើយចៃកុនធីវីដែលត្រូវបានបង្កើតក្នុងឆ្នាំ ២០១៧ គឺដើម្បីផ្តល់ជូនប្រជាជនកម្ពុជានូវការកម្សាន្តល្អបំផុត។
«នៅពេលនោះយើងមិនឃើញមានកម្មវិធីណាមួយ ដើម្បីផ្តល់ការកម្សាន្តដល់ប្រជាជនកម្ពុជាទេ ដូច្នេះយើងសម្រេចបង្កើតកម្មវិធីកម្សាន្តមួយនេះឡើង»។
«ហេតុផលមួយទៀតគឺដើម្បីគាំទ្រដល់ការចែកចាយភាពយន្តក្នុងស្រុក ដូច្នេះយើងអាចជួយឧស្សាហកម្មភាពយន្តខ្មែរឲ្យឈានដល់កម្រិតមួយទៀត។ យើងជ្រើសរើសភាពយន្តដែលស័ក្តិសមបំផុតសម្រាប់ទស្សនិកជនខ្មែរ ជាពិសេសយើងគាំទ្រភាពយន្តក្នុងស្រុក»។
កញ្ញា ចិន្តា បានថ្លែងថា៖ «យើងមានសុទិដ្ឋិនិយមចំពោះអនាគតខ្សែភាពយន្តកម្ពុជា ហើយយើងកំពុងមើលឃើញថា ប្រជាជនកម្ពុជាមានទេពកោសល្យកាន់តែកើនឡើងដែលវាជាឱកាសកាន់តែច្រើនក្នុងការផលិតភាពយន្តដែលអាចយកទៅបញ្ចាំងនៅក្រៅប្រទេសបាន»។
កញ្ញា លឹម ចិន្តា នាយិកាប្រតិបត្តិជាន់ខ្ពស់ កម្មវិធីកម្សាន្តចៃកុនធីវី ។
អ្វីដែលបង្ហាញកាន់តែច្បាស់នោះគឺភាពយន្ត «Jailbreak ឬការពារឧក្រិដ្ឋជន» ក្នុងឆ្នាំ ២០១៦ ដែលទទួលបានការឆ្លើយតបជាវិជ្ជមានពីអន្តរជាតិដោយត្រូវបានចាក់បញ្ចាំងនៅក្នុងកម្មវិធី Netflix ។
អ្នកយកព័ត៌មានទាក់ទងភាពយន្តហូលីវូដបានបរិយាយភាពយន្តរឿង Jailbreak ថាជា «ការបង្ហាញដ៏អស្ចារ្យនូវទេពកោសល្យ និងជំនាញបច្ចេកទេសភាពយន្តរបស់កម្ពុជា»។
កញ្ញា ចិន្តា បានបន្ថែមថា៖ «កាលពីឆ្នាំមុន យើងបានចេញផ្សាយរឿង Young Love ដែលសហការជាមួយផលិតកម្ម Kongchak Pictures និងរឿងភរិយាខ្ញុំគឺជា Tomboy ដោយសហការជាមួយផលិតកម្ម LD Pictures ។ ជាមួយគ្នានេះដែរយើងបានវិនិយោគ និងផ្តល់មូលនិធិដល់ខ្សែភាពយន្តចំនួន ៩ រឿងផ្សេងទៀត ដើម្បីគាំទ្រឧស្សាហកម្មភាពយន្តក្នុងស្រុក»។
ស្ត្រីដែលមានដើមកំណើតនៅទីក្រុងភ្នំពេញរូបនេះបានឲ្យដឹងថាកម្មវិធីកម្សាន្តចៃកុនធីវីផ្តល់ជូននូវកញ្ចប់ផ្សេងៗគ្នាសម្រាប់អ្នកនិយមទស្សនាភាពយន្តនៅកម្ពុជា ដោយការភ្ជាប់បណ្តាញប្រចាំខែគឺមានតម្លៃត្រឹមតែ ១,២៥ ដុល្លារប៉ុណ្ណោះ។
«អតិថិជនភ្ជាប់គំរោងកម្មវិធីកម្សាន្តនេះអាចរីករាយការទស្សនាលក្ខណៈ VIP គ្មានដែនកំណត់ និងគ្មានការផ្សាយពាណិជ្ជកម្មមករំខាន។ អ្នកអាចភ្ជាប់គំរោងប្រចាំថ្ងៃប្រចាំសប្តាហ៍ ឬប្រចាំខែ។ ចំពោះការជាវប្រចាំខែគឺពេញនិយមបំផុត ពីព្រោះវាតែងតែមានអ្វីដែលថ្មីជានិច្ច។ យើងក៏មានផ្តល់ការទស្សនាជាច្រើនដោយឥតគិតថ្លៃផងដែរ»។
«កម្មវិធីចៃកុនធីវី គឺសម្រាប់ប្រជាជនកម្ពុជា។ យើងទទួលបានខ្សែភាពយន្តពីក្រុមហ៊ុនផលិតកម្មក្នុងស្រុក ខណៈដែលយើងក៏ផលិតភាពយន្តផ្ទាល់ខ្លួនដែរ ដូចជាកម្មវិធីស្តីពីម្ហូបអាហារ (Foodbuzz) ជាដើម» ។
ដើម្បីទទួលបានកម្មវិធីកម្សាន្តចៃកុនធីវីដោយឥតគិតថ្លៃរយៈពេល ៣០ ថ្ងៃ លោកអ្នកគ្រាន់តែបញ្ចូលលេខកូដ WATCHJKTVATHOME ។
លេខកូដនេះមានសុពលភាពចាប់ពីថ្ងៃទី ១៧-៣០ ខែមេសាក្នុងឆ្នាំនេះ។ សម្រាប់ព័ត៌មានបន្ថែមអាចរកបាននៅលើទំព័រហ្វេសប៊ុក JaiKonTV Cambodia ។
ជាមួយនឹងភាពយន្តដែលមានគុណភាពខ្ពស់ ហើយឧស្សាហកម្មភាពយន្តកម្ពុជាកំពុងរីកលូតលាស់ទើបពាក្យស្លោករបស់ចៃកុនធីវីសម្រាប់ស្ថានភាពបច្ចុប្បន្នគឺ «នៅផ្ទះ យើងនាំមកយកការកម្សាន្តល្អដ៏បំផុតសម្រាប់លោកអ្នក»។
កញ្ញា លឹម ចិន្តា បានសង្កត់ធ្ងន់ថា៖ «យើងកំពុងកែលម្អជាលំដាប់ ដើម្បីបម្រើប្រជាជនកម្ពុជាឱ្យកាន់តែប្រសើរ ហើយជាមួយនឹងជំហរដ៏រឹងមាំរបស់ក្រុមហ៊ុន យើងសូមថ្លែងអំណរគុណយ៉ាងជ្រាលជ្រៅចំពោះក្រុមការងារដែលពួកគាត់មានឆន្ទៈខ្ពស់ក្នុងការសម្រេចការងារនេះបានដោយជោគជ័យ»៕
