.jpg)
សាលាអន្តរជាតិ Invictus មានទីតាំងស្ថិតនៅមហាវិថីព្រះនរោត្តម។
សាលាអន្តរជាតិ Invictus ភ្នំពេញ សម្រេចថានឹងរៀបចំបើកទស្សនកិច្ចក្នុងសាលានៅថ្ងៃសៅរ៍ ទី ១០ ខែតុលា ដើម្បីបង្ហាញការអប់រំដែលមានគុណភាពខ្ពស់ ស្តង់ដាអន្តរជាតិជាមួយតម្លៃសមរម្យ មុនពេលបើកដំណើរការពេញលេញសម្រាប់សិស្សានុសិស្សនៅចុងខែនេះ។
លោក Clive Swale ជានាយកសលាអន្តរជាតិ Invictus Phnom Penh បានឲ្យភ្នំពេញប៉ុស្តិ៍ដឹងថា៖ ពាក្យ Invictus ជាភាសាឡាតាំងគឺ «អង់អាច» ជាសាលាអន្តរជាតិដែលមានមូលដ្ឋាននៅប្រទេសសិង្ហបុរីបានបង្ហាញពីស្មារតីដ៏មោះមុត ដើម្បីជម្នះរាល់ឧបសគ្គដែលបណ្តាលមកពីជំងឺរាតត្បាតកូវីដ១៩ បាននិងកំពុងរៀបចំស្វាគមន៍សិស្សានុសិស្សវ័យក្មេងនៅកម្ពុជា។
លោកបានឱ្យដឹងដែរថា៖ «នៅថ្ងៃបើកសាលានេះ គឺយើងចង់ឲ្យសិស្សានុសិស្សជួបជាមួយលោកគ្រូ អ្នកគ្រូ និងមានឱកាសជជែកលេងជាមួយគ្នា ក៏ដូចជាដំណើរកម្សាន្តនៅបរិវេណសាលាដ៏ស្រស់ស្អាតរបស់យើង។ យើងមាន ២ វគ្គ វគ្គទី ១ ពីម៉ោង ៩ ដល់ ១០:៣០ ព្រឹក និងវគ្គទី ២ ចាប់ពីម៉ោង ១១ ព្រឹកដល់ ១២:៣០ រសៀល។ ខ្ញុំនឹងជជែកលេងជាមួយពួកគេ និងណែនាំខ្លួនថា យើងជាអ្នកណា និងប្រាប់អំពីអត្ថប្រយោជន៍នៃការមកទីនេះ និងប្រាប់ពីគុណតម្លៃដែលយើងនឹងផ្តល់ជូន»។
កម្មវិធីនេះនឹងបង្កើនភាពសប្បាយរីករាយជាច្រើនក្នុងនោះមានតន្ត្រី ការគូរគំនូរលើផ្ទៃមុខ និងកម្មវិធីជាច្រើនទៀត ហើយក៏មានបម្រើជូនអាហារផងដែរ។ ក្នុងនាមជាសាលាអន្តរជាតិ ដែលមានមូលដ្ឋាននៅប្រទេសសិង្ហបុរី យើងនឹងបង្ហាញពីការអប់រំដែលមានគុណភាពខ្ពស់ជាមួយនឹងតម្លៃសមរម្យ។
លោក Dyphan Sea Akphirak និងកូនប្រុសទាំង២របស់លោក។
«យើងមានកម្មវិធីសិក្សាអន្តរជាតិដ៏ល្អ ដោយប្រើប្រាស់កម្មវិធី IPC [កម្មវិធីសិក្សាបឋមសិក្សាអន្តរជាតិ] Cambridge Lower Secondary, IGCSEs [International General Certificate of Secondary Education] និងកម្មវិធី Cambridge International A-Levels។
«យើងចាប់ផ្តើមដំណើរសិក្សាចាប់ពីអាយុ ៤ ឆ្នាំជាមួយនឹងថ្នាក់មូលដ្ឋានគ្រឹះដែលជាការសិក្សាផ្អែកលើការលេងកម្សាន្ត។ ថ្នាក់មូលដ្ឋាននេះត្រូវបានប្រើនៅក្នុងប្រទេសអង់គ្លេសដែលផ្តោតលើទំនាក់ទំនងភាសា ការអភិវឌ្ឍរាងកាយ ការអភិវឌ្ឍបុគ្គលិកលក្ខណៈ ការអភិវឌ្ឍ សង្គម និងអារម្មណ៍ អក្ខរកម្ម គណិតវិទ្យា ការស្វែងយល់ពីពិភពលោក សិល្បៈ និងការរចនា។
លោក Swale បានបន្តថា៖ «ហើយបន្ទាប់មក ការសិក្សានៅថ្នាក់បឋមរបស់យើងក៏ដូចជាកម្មវិធីសិក្សា IPC ដែរ គឺយើងក៏ប្រើវិធីសាស្ត្របង្រៀនគណិតវិទ្យាស្តង់ដាសិង្ហបុរីដែលនឹងផ្តល់នូវយុទ្ធសាស្ត្រ និងរបៀបផ្សេងៗសម្រាប់កុមារ ដើម្បីដោះស្រាយបញ្ហានៅក្នុងមុខវិជ្ជានោះ»។
នៅថ្ងៃបើកសាលា យើងនឹងបង្ហាញពីការអប់រំដែលមានគុណភាពខ្ពស់របស់សាលា Invictus ដែលប្រើវិធីសាស្ត្ររួម និងផ្តល់នូវការអប់រំចាប់ពីឆ្នាំទី ១ ដល់ឆ្នាំទី ១៣ ហើយក៏មានជម្រើសច្រើនភាសាផងដែរ ដូចជាភាសា អង់គ្លេស ចិន និងបារាំង។
ក៏ដូចជាការផ្តោតទៅលើការបង្រៀនភាសា អង់គ្លេស ខ្មែរ និងភាសាចិន ដែលជាមូលដ្ឋានគ្រឹះនៃទស្សនវិជ្ជាអប់រំរបស់សាលា Invictus ដែលមានភាពច្នៃប្រឌិត ធ្វើឱ្យសិស្សានុសិស្សទទួលបានជោគជ័យទាំងផ្នែកសិក្សា និងក្នុងជីវិតជាមួយនឹងវិធីសាស្ត្ររៀនសូត្រគ្រប់ជ្រុងជ្រោយ។
លោក Clive Swale ។
ដោយបានបង្ហាញពីការប្តេជ្ញាចិត្តរបស់ខ្លួនក្នុងការផ្តល់ការអប់រំគុណភាពខ្ពស់ និងតម្លៃសមរម្យក៏ដូចការបញ្ចុះតម្លៃជាច្រើនក្នុងអំឡុងពេលបិទសាលារៀន, សាលាអន្តរជាតិ Invictus នឹងផ្តល់អាហារូបករណ៍ ១០០ ភាគរយ ពាក់កណ្តាល និងផ្នែកខ្លះ។
លោក Dyphan Sea Akphirak ដែលជាឪពុករបស់កូនភ្លោះអាយុ ៧ ឆ្នាំ គឺ Nimith និង Muny បានឲ្យដឹងថា គាត់ពិតជារំភើបណាស់ដែលកូនប្រុសរបស់គាត់ទទួលបានអាហារូបករណ៍នេះ។
លោក Akphirak ដែលជាវិស្វករនៅក្រុមហ៊ុនសិង្ហបុរីកំពុងរស់នៅក្នុងទីក្រុងភ្នំពេញបានបន្តថា៖ «ខ្ញុំពិតជារំភើបណាស់សម្រាប់កូនប្រុសរបស់ខ្ញុំ ដែលបានរៀននៅសាលាអន្តរជាតិ Invictus ភ្នំពេញ ។ ការបញ្ជូនកូនឱ្យមកសិក្សានៅសាលានេះ ដោយមានការណែនាំពីមិត្តរួមការងារ។ ខ្ញុំពិតជាមានចំណាប់អារម្មណ៍ខ្លាំងចំពោះកម្រិតនៃការអប់រំ និងតម្លៃសមរម្យ។ ខ្ញុំគិតថា វិធីដែលគេអាចជួយបាន ដែលផ្អែកទៅលើកញ្ចប់ថវិកាគ្រួសារ គឺមានន័យថា ពួកគេពិតជាយកចិត្តទុកដាក់ខ្លាំងណាស់។
លោកបន្ថែមថា ក្រៅពីគុណភាពខ្ពស់នៃការបង្រៀន វាក៏មានសារៈសំខាន់ផងដែរសម្រាប់លោក គឺថាសាលា Invictus មានគុណតម្លៃស្នូលចំនួន ៦ ការគោរព ភាពធន់ យកចិត្តទុកដាក់ ការសហការ ឧត្តមភាព និងជីវិតរីករាយក្នុងការរៀនសូត្រពេញមួយជីវិត ក៏ដូចជាការអប់រំដ៏ល្អដែលវាពិតជាមានសារៈសំខាន់សម្រាប់ខ្ញុំដែលកូនប្រុសរបស់ខ្ញុំបានទៅសិក្សានៅទីនេះ ហើយមិនត្រឹមតែទទួលបាននូវការអប់រំដ៏ល្អប៉ុណ្ណោះទេ ប៉ុន្តែថែមទាំងមានក្រមសីលធម៌ និងការអប់រំមួយដែលមានការយកចិត្តទុកដាក់យ៉ាងពិតប្រាកដនៅសាលា Invictus ។
លោក Akphirak លើកឡើងថា៖ «គុណតម្លៃរបស់សាលា «ការយកចិត្តទុកដាក់» គឺជាអ្វីដែលខ្ញុំយល់ថាសំខាន់បំផុត ពីព្រោះវាមានសារៈសំខាន់សម្រាប់សង្គមមានន័យថាកូនប្រុសរបស់ខ្ញុំនឹងក្លាយជាពលរដ្ឋល្អ។ ការរួមបញ្ចូលគ្នានៃការអប់រំដ៏ល្អ និងការផ្តោតអារម្មណ៍របស់សាលា Invictus ទៅលើការអភិវឌ្ឍអត្តចរិត និងការរៀនសូត្រពេញមួយជីវិតធ្វើឱ្យខ្ញុំមានទំនុកចិត្តខ្ពស់ថាកូនប្រុសរបស់ខ្ញុំនឹងក្លាយជាមនុស្សពេញវ័យដែលបានត្រៀមខ្លួនសម្រាប់ពេលអនាគត។ ខ្ញុំមានទំនុកចិត្តខ្ពស់បំផុតទៅលើសាលា Invictus។
កុមារ Nimith ដែលឈ្មោះក្រៅហៅថា Eric និងបងប្រុសរបស់គាត់ដែលកើតមុនគាត់តែ ៨ នាទីបាននិយាយថា៖ «ខ្ញុំពិតជារំភើបណាស់ដែលបានចូលរៀននៅសាលា Invictus ព្រោះវាជាសាលាដ៏ល្អហើយខ្ញុំចូលចិត្តបណ្ណាល័យ និងសៀវភៅថ្មីៗនៅទីនេះ»។
កុមារ Muny ឈ្មោះហៅក្រៅ William បានបន្ថែមថា៖ « គ្រូរបស់យើងទាំងអស់សុទ្ធតែពូកែ ហើយឆ្លាត។ ខ្ញុំគិតថា ទាំងនេះជាអ្វីដែលគ្រូល្អៗមាន»៕
លោក Clive Swale លើកឡើងថាការផ្តល់កម្មវិធីអាហារូបករណ៍ គឺវាជាផ្នែកមួយនៃក្រមសីលធម៌របស់សាលា Invictus។
លោក Clive Swale ថ្លែងថា៖ «កម្មវិធីអាហារូបករណ៍របស់សាលាអន្តរជាតិ Invictus គឺបង្ហាញថាសាលា Invictus Phnom Penh កំពុងផ្តល់អត្ថប្រយោជន៍ដល់វិស័យអប់រំនៅកម្ពុជា ព្រោះវាផ្តល់នូវការអប់រំប្រកបដោយគុណភាព ក្នុងតម្លៃសមរម្យ ដែលអាចបណ្តុះបណ្តាលបុគ្គលម្នាក់ៗតាមរបៀបច្នៃប្រឌិត និងជំរុញពួកគេឱ្យក្លាយជាអ្នកសិក្សាពេញមួយជីវិត ដែលរួមចំណែកជាវិជ្ជមានសម្រាប់ថ្ងៃអនាគត»។
«វាអាចទៅរួចដែលថាកុមារដែលទទួលបានអាហារូបករណ៍ទាំងនេះ អាចបន្តការសិក្សា និងបញ្ចប់ការសិក្សាជាមួយយើង ហើយអាចបន្តការសិក្សានៅសាកលវិទ្យាល័យដែលពួកគេចង់រៀន។ ការស្រាវជ្រាវក៏បង្ហាញផងដែរថា ក្មេងស្រីមានចំនួនតិចជាងនៅក្នុងប្រព័ន្ធអប់រំនៅកម្ពុជា ដូច្នេះយើងសង្ឃឹមថា អាហារូបករណ៍របស់យើងនឹងលើកទឹកចិត្តក្មេងស្រីឱ្យចូលរៀនហើយបន្តទៅថ្នាក់ឧត្តមសិក្សា។
«វាពិតជាគួរឱ្យរំភើបណាស់ដែលសាលា Invictus បានជួយដល់យុវជនទាំងនេះក៏ដូចជាសិស្សានុសិស្សរបស់យើងទាំងអស់ ដើម្បីអាចដើរតាមមាគ៌ានៃការជ្រើសរើសរបស់ពួកគេ។ វាធ្វើឱ្យរូបខ្ញុំ ក៏ដូចជាបុគ្គលិក និងអ្នកពាក់ព័ន្ធទាំងអស់ មានមោទនភាពយ៉ាងខ្លាំង ហើយខ្ញុំពិតជារំភើបណាស់ដែលបានក្លាយជាផ្នែកមួយនៃរឿងនេះ»៕
