ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ បានផ្តួចផ្តើម និងឧបត្ថម្ភព្រឹត្តិការណ៍ដែលមិនធ្លាប់មានពីមុនមកសម្រាប់ស្ត្រីគឺ «ទិវារត់ប្រណាំងស្ត្រី ១០ គ.ម» នៅចំថ្ងៃប្រារព្ធទិវាទិវាសិទ្ធិនារីអន្តរជាតិគឺនៅថ្ងៃទី ៨ ខែមីនា។ ព្រឹត្តិការណ៍លើកដំបូងនេះគឺដើម្បីគាំទ្រដល់សមភាពយេនឌ័រ និងលើកទឹកចិត្តឱ្យស្ត្រីចូលរួមក្នុងការលេងកីឡា។
លោក Tan Jiak Hian នាយក និងជាអគ្គនាយកប្រតិបត្តិក្រុមហ៊ុន សុវណ្ណាភូមិ ឡាយហ្វ៍ មានប្រសាសន៍ថា៖ «នេះជាលើកទី ១ របស់យើង ហើយយើងពិតជារីករាយណាស់សម្រាប់ការផ្តួចផ្តើម និងឧបត្ថម្ភព្រឹត្តិការណ៍ដ៏អស្ចារ្យនេះដើម្បីលើកទឹកចិត្តស្ត្រីនៅក្នុងប្រទេសកម្ពុជា តាមរយៈការបំបែកឯតទគ្គកម្មថ្មី ដូចជាការលេងកីឡាជាដើម»។
«សុវណ្ណាភូមិ ឡាយហ្វ៍ សង្ឃឹមថាស្ត្រីគ្រប់រូបនឹងទទួលបានសារគាំទ្រដ៏មានសារៈសំខាន់ពីយើងខ្ញុំ។ ក្នុងពេលស្ត្រីទាំងអស់កំពុងបង្កើតស្នាដៃដើម្បីបំបែកឯតទគ្គកម្មថ្មីនៅក្នុងវិស័យនានា សុវណ្ណាភូមិ ឡាយហ្វ៍ នៅទីនេះដើម្បីជួយជ្រោមជ្រែង និងចាំផ្តល់សន្តិភាពផ្លូវចិត្ត តាមរយៈផ្តល់ការការពារផ្នែកហិរញ្ញវត្ថុដល់គ្រួសាររបស់អ្នក ដូច្នេះអ្នកអាចផ្តោតអារម្មណ៍ ១០០ ភាគរយដើម្បីសម្រេចស្នាដៃនានា»។
«ស្ត្រីនៅកម្ពុជាបានបង្ហាញយ៉ាងសកម្មអំពីជោគជ័យ និងស្នាដៃនៅស្ទើរគ្រប់វិស័យទាំងនៅជួររដ្ឋាភិបាល ពាណិជ្ជកម្ម ក៏ដូចជាវិស័យនានាក្នុងសង្គមផងដែរ។ ចំនួនស្ត្រីដែលមានតួនាទីបម្រើការងារក្នុងក្រុមហ៊ុនពាណិជ្ជកម្មធំៗ មានកំណើនកាន់តែច្រើនឡើង ហើយក៏មានកម្មវិធីជាច្រើនរៀបចំសម្រាប់ស្ត្រីនាពេលបច្ចុប្បន្ន»។
«ប៉ុន្តែផ្នែកកីឡាវិញហាក់ដូចជាមិនទាន់មានព្រឹត្តិការណ៍ណាមួយដែលបង្កើតឡើងសម្រាប់តែស្ត្រីនោះទេ។ ចំពោះកីឡារត់ប្រណាំង ជាពិសេសរត់ប្រណាំងចម្ងាយឆ្ងាយ ជាទូទៅភាគច្រើនអ្នកចូលរួមជាបុរស។
ក្រុមហ៊ុន ធានារ៉ាប់រងអាយុជីវិត សុវណ្ណាភូមិ ឡាយហ្វ៍ យល់ថា នេះគឺជាព្រឹត្តិការណ៍ថ្មីមួយសម្រាប់ស្ត្រីក្នុងការចូលរួមដោយមានការគាំទ្រពីយើង»។ ការរត់ប្រណាំងនេះគ្រោងនឹងចាប់ផ្តើមចេញដំណើរពីសួនច្បារមុខវត្តបទុមក្នុងរាជធានីភ្នំពេញ ហើយគ្រោងនឹងបញ្ចប់នៅទីតាំងចាប់ផ្តើមដោយត្រូវបានបែងចែកជា ២ ប្រភេទគឺការរត់ចម្ងាយផ្លូវ ១០ គ.ម និង ៤ គ.ម ហើយរំពឹងថានឹងមានអ្នកចូលរួមប្រមាណ ៥០០០ នាក់។
ព្រឹត្តិការណ៍នេះត្រូវបានរៀបចំឡើងដោយគណៈកម្មាធិការជាតិអូឡាំពិកកម្ពុជា (NOCC) ក្រសួងទេសចរណ៍ ក្រសួងអប់រំ យុវជន និងកីឡានឹងទទួលបានការឧបត្ថម្ភធំពីក្រុមហ៊ុនធានារ៉ាប់រងអាយុជីវិតសុវណ្ណាភូមិ ឡាយហ្វ៍។
លោក Tan បន្ថែមថាក្នុងនាមជាក្រុមហ៊ុនធានារ៉ាប់រងក្នុងស្រុក សុវណ្ណាភូមិ ឡាយហ្វ៍ តែងតែនៅទីនេះ ដើម្បីគាំទ្រប្រជាជនកម្ពុជា។
សុវណ្ណាភូមិ ឡាយហ្វ៍ គឺជាក្រុមហ៊ុនធានារ៉ាប់រងក្នុងស្រុក។ យើងនៅទីនេះដើម្បីអ្នកនៅទីនេះដើម្បីកម្ពុជា។ សុវណ្ណាភូមិ ឡាយហ្វ៍ ផ្តល់ជូនផលិតផលធានារ៉ាប់រងដ៏សម្បូរបែបដើម្បីបំពេញតម្រូវការរបស់បុគ្គល គ្រួសារ ក្រុមហ៊ុន និងអង្គការនានា។ រហូតដល់ពេលបច្ចុប្បន្ន សុវណ្ណាភូមិ ឡាយហ្វ៍ មានមោទនភាពដែលបានផ្តល់ជូនការការពារហិរញ្ញវត្ថុទៅកាន់ក្រុមគ្រួសារកម្ពុជាជាង ៥០ ០០០ នាក់។
លោកក៏បានលើកឡើងផងដែរថានៅក្នុងឆ្នាំនេះ ក្រុមហ៊ុនសុវណ្ណាភូមិ ឡាយហ្វ៍ មានគោលដៅពង្រីកទីផ្សារ ដើម្បីទទួលបានអតិថិជនកាន់តែច្រើននៅក្នុងប្រទេសកម្ពុជា។ ក្នុងនាមជាក្រុមហ៊ុនធានារ៉ាប់រងអាយុជីវិតក្នុងស្រុក យើងនឹងធ្វើឲ្យបានច្រើនបំផុតតាមដែលអាចធ្វើបាន ដើម្បីឲ្យប្រជាជនកម្ពុជាគ្រប់រូបអាចគ្រប់គ្រងហានិភ័យហិរញ្ញវត្ថុរបស់ពួកគេបានកាន់តែប្រសើរ»។
លោកបន្ថែមថា៖ «នៅក្នុងឆ្នាំនេះ យើងរំពឹងថា ការលក់បុព្វលាភរបស់យើងនឹងកើនឡើងយ៉ាងហោចណាស់ ៣០ ភាគរយ ហើយយើងកំពុងផ្តោតលើផ្នែកផ្តល់ប្រាក់កម្ចី និងផ្នែកកុមារ»។