.jpg)
រូបភាពអគារពីខាងក្រៅនៃអគារ Flatiron by Meridian។
តើអ្វីទៅដែលទាក់ទាញលោកឲ្យមកធ្វើការវិនិយោគក្នុងប្រទេសកម្ពុជា?
ក្នុងប៉ុន្មានទសវត្សរ៍ថ្មីៗនេះប្រទេសកម្ពុជាសម្រេចបានស្ថិរភាពនយោបាយមួយដែលជួយជំរុញដល់ការអភិវឌ្ឍសេដ្ឋកិច្ច និងសង្គម។ កត្តានេះបានផ្តល់ប្រយោជន៍ពីគោលនយោបាយអនុគ្រោះសម្រាប់ការលើកលែងពន្ធ និងអាករពេញលេញលើការនាំចូល និងនាំចេញសម្រាប់ប្រទេសមួយចំនួនផ្សំជាមួយនឹងភាពជាម្ចាស់ក្រុមហ៊ុនបរទេស ១០០ ភាគរយ ត្រូវបានអនុញ្ញាតនៅក្នុងវិស័យភាគច្រើន ការជួញដូរជាប្រាក់ដុល្លារអាមេរិកការគ្មានការរឹតបន្តឹងលើការធ្វើមាតុភូមិនិវត្តន៍នៃប្រាក់ចំណេញ ឬមូលធនដែលបានមកពីការវិនិយោគទាំងនៅកម្ពុជា ឬលើការផ្ទេរប្រាក់ភាគច្រើននៅបរទេស និងការរីកចម្រើនផ្នែកសេដ្ឋកិច្ចយ៉ាងឆាប់រហ័ស។ ការផ្លាស់ប្តូរទាំងនេះបានជំរុញឲ្យមានកំណើន GDP ជាមធ្យម ៧ ភាគរយ ខណៈពេលដែលអតិផរណាបានធ្លាក់ចុះតាំងពីពេលនោះមក។
សម្រាប់វិនិយោគិនចិនចាប់តាំងពីប្រទេសចិនបានដាក់ចេញនូវ ”យុទ្ធសាស្ត្រអភិវឌ្ឍន៍ ខ្សែក្រវាត់មួយផ្លូវមួយ” តំបន់អាស៊ីអាគ្នេយ៍តែងតែជាតំបន់ស្នូលនៃផែនការនេះហើយប្រទេសកម្ពុជាគឺជាប្រទេសមួយក្នុងចំណោមសម្ព័ន្ធមិត្តជិតស្និទ្ធបំផុតរបស់ចិននៅក្នុងតំបន់អាស៊ីអាគ្នេយ៍ដោយផ្តល់ការគាំទ្រយ៉ាងទូលំទូលាយដល់ផ្លូវសូត្រមហាសមុទ្រឥណ្ឌា និងប៉ាស៊ីហ្វិកខាងត្បូងនាសតវត្សរ៍ទី ២១។
ក្នុងប៉ុន្មានឆ្នាំថ្មីៗនេះមេដឹកនាំរវាងប្រទេស ចិន និងប្រទេសកម្ពុជាបានប្រាស្រ័យទាក់ទងគ្នាជាញឹកញាប់ ហើយកិច្ចសហប្រតិបត្តិការជាក់ស្តែងកំពុងតែមានដំណើរការយ៉ាងខ្លាំង។ ក្នុងនោះផងដែរគម្រោងធំៗ ដូចជាផ្លូវល្បឿនលឿនពីភ្នំពេញទៅឆ្នេរសមុទ្រខេត្តព្រះសីហនុនៅទិសនិរតី ការធ្វើជាម្ចាស់ផ្ទះសម្រាប់ព្រឹត្តិការណ៍ស៊ីហ្គេមឆ្នាំ ២០២៣ និងអាកាសយានដ្ឋានថ្មីផងដែរ។
លើសពីនេះទៀត ប្រទេស កម្ពុជា ពោរពេញទៅដោយតំបន់ទេសចរណ៍ដែលគេរំពឹងថានឹងទទួលបានភ្ញៀវទេសចរអន្តរជាតិចំនួន ៨ លាននាក់ នៅឆ្នាំ ២០២០ ដូច្នេះដើម្បីជួយសម្រួលដល់សន្ទុះរបស់ភ្ញៀវទេសចររដ្ឋាភិបាលបានចាត់វិធានការលើកកម្ពស់តំបន់ទេសចរណ៍ និងគ្រឿងបរិក្ខារទូទៅព្រមទាំងរៀបចំផែនការយុទ្ធសាស្ត្រទីផ្សារពង្រឹងគុណភាពហេដ្ឋារចនាសម្ព័ន្ធ និងដឹកជញ្ជូនក៏ដូចជាជួយសម្រួលដល់បដិសណ្ឋារកិច្ចឲ្យមានភាពប្រសើរឡើងនោះទីផ្សារនឹងមានសក្តានុពលកាន់តែខ្លាំង។
តើហេដ្ឋារចនាសម្ព័ន្ធនៃវិស័យអចលនទ្រព្យកម្ពុជាមានភាពខុសគ្នាពីប្រទេសចិនឬ? បើសិនជាដូច្នេះមែន តើមានចំណុចណាខ្លះដែលមានភាពខុសគ្នា?
បើប្រៀបធៀបជាមួយប្រទេសចិនប្រទេសកម្ពុជានៅមានលក្ខណៈដាច់ឆ្ងាយពីហេដ្ឋារចនាសម្ព័ន្ធនៃប្រទេសចិនហេដ្ឋារចនាសម្ព័ន្ធក្នុងប្រទេសមិនទាន់មានការអភិវឌ្ឍទាំងស្រុងនៅឡើយទេ។ ឧទាហរណ៍ផ្លូវដែក និងផ្លូវហាយវ៉េនៅតែស្ថិតនៅពីក្រោយប្រទេសជិតខាង។ ក្នុងចំណោមឧបទ្វីបភាគកណ្តាល ហេដ្ឋារចនាសម្ព័ន្ធនៃវិស័យសំណង់ វិស័យសណ្ឋាគារ និងភោជនីយដ្ឋាននៅតែមានចន្លោះខ្វះខាតដែលជាលទ្ធផលបណ្តាលឲ្យស្តង់ដាសេវាកម្មបដិសណ្ឋារកិច្ចបានជះឥទិ្ធពលទៅលើកំនើននៃប្រាក់ចំណូលទេសចរណ៍របស់ប្រទេសកម្ពុជា។
ចាប់តាំងពីក្លាយជាសមាជិកថ្មីរបស់អាស៊ានមក ប្រទេសកម្ពុជាបានឆ្លៀតឱកាសពង្រីកទំនាក់ទំនងសេដ្ឋកិច្ចរបស់ខ្លួនជាមួយបណ្តាប្រទេសនានាក្នុងតំបន់នេះ និងតំបន់ផ្សេងទៀត។ ប្រទេស កម្ពុជា បានសង្កត់ធ្ងន់លើសារៈសំខាន់នៃការកសាងហេដ្ឋារចនាសម្ព័ន្ធដើម្បីបន្តជណ្តើរនៃការអភិវឌ្ឍសេដ្ឋកិច្ច។ តួយ៉ាងគម្រោងធំៗជាច្រើនត្រូវបានអនុញ្ញាត និងកំពុងតែដំណើរការ។ ដូច្នេះប្រទេសកម្ពុជាអាចចាត់ថ្នាក់ថាជាប្រទេសដែលមានសក្តានុពលខ្ពស់មានលទ្ធភាពគ្មានដែនកំណត់ដើម្បីក្លាយជាគោលដៅវិនិយោគទាក់ទាញបំផុតក្នុងចំណោមប្រទេសអាស៊ានទាំង ១០ ។
Flatiron by Meridian គឺជាគម្រោងទី ៥ បន្ទាប់ពីគម្រោង Casa by Meridian, Skylarby Meridian និងរោងចក្រវាយនភណ្ឌសួនឧស្សាហកម្មក៏ដូចជាឃ្លាំងដឹកជញ្ជូនទំនិញខ្នាតធំរបស់ក្រុមហ៊ុន តើគម្រោងថ្មីនេះមានអ្វីប្លែកខុសពីគម្រោងមុនៗ?
ភាពខុសគ្នាពីគម្រោងផ្សេងទៀតដែលយើងខ្ញុំបានអភិវឌ្ឍរហូតមកដល់ពេលបច្ចុប្បន្ននោះគឺការជ្រើសរើសបទដ្ឋានសំណង់សម្រាប់ការអភិវឌ្ឍគម្រោងនេះដែលភាគច្រើនបានសម្រិតសម្រាំងមកពីសហរដ្ឋអាមេរិក និងចក្រភពអង់គ្លេស។ ការរចនាម៉ូដរបស់ Flatiron គឺមានលក្ខណៈល្អិតល្អន់ និងប្លែកជាងមុនក៏ដូចជារាងដីដែលមានលក្ខណៈត្រីកោណ ដែលយើងបានទិញសម្រាប់ធ្វើការអភិវឌ្ឍគម្រោងនេះ។ ផ្នែកខាងក្រៅនៃអគារប្រើប្រាស់ប្រភេទចម្រុះនៃជញ្ជាំងផ្ទាំងកញ្ចក់ការកំណត់រចនាសម្ព័ន្ធអេឡិចត្រូនិកជឿនលឿន និងការច្នៃប្រឌិតក្នុងសម្ភារសំណង់រួមជាមួយបច្ចេកវិទ្យាអគារផងដែរ។
រចនាសម្ព័ន្ធគ្រឿងផ្គុំអគារនេះមានលក្ខណៈកាន់តែស្មុគស្មាញនៅពេលដែលយើងត្រូវការដើម្បីបង្កើនទំហំ ប្រើប្រាស់ការិយាល័យបង្កើនភាពងាយស្រួលក្នុងការប្រើប្រាស់ការិយាល័យ និងដំណើរការបំប្លែងរចនាសម្ព័ន្ធគ្រឿងផ្គុំអគារនៅជាន់ទី ២៦។ ចំណែកនៅជាន់សណ្ឋាគារ យើងប្រើប្រាស់បច្ចេកទេសទាញកាបដែលមិនមានធ្នឹមអនុញ្ញាតឱ្យយើងអាចបង្កើនកម្ពស់លម្ហជាន់ក៏ដូចជាធ្វើឱ្យប្រសើរឡើងនូវគុណភាពការពារសំឡេង។ ទោះបីជាមានការលំបាក និងភាពស្មុគស្មាញយ៉ាងណាក៏ដោយក៏យើងពិតជាមានបំណង និងខិតខំបំប្លែង Flatiron ឲ្យទៅជាអគារមួយខ្ពស់ និងលេចធ្លោមួយនៅក្នុងរាជធានីភ្នំពេញ។
វាអាចជាគុណប្រយោជន៍ដ៏ធំមួយសម្រាប់អ្នកមានបទពិសោធក្នុងអាជីវកម្មសំណង់ តើគុណសម្បត្តិអ្វីខ្លះបើប្រៀបធៀបទៅនឹងក្រុមហ៊ុនអភិវឌ្ឍន៍ដទៃទៀតដែលទើបតែឈានជើងចូលក្នុងទីផ្សារនេះ?
បើប្រៀបធៀបជាមួយក្រុមហ៊ុនអភិវឌ្ឍន៍ដទៃទៀតដែលទើបតែចូលទីផ្សារ ក្នុងនាមជាក្រុមហ៊ុនជើងចាស់មួយយើងពិតជាមានការយល់ដឹងច្បាស់អំពីវប្បធម៌ និងចលនាទីផ្សារនៅកម្ពុជាដែលបានធ្វើយើងខ្ញុំយល់ដឹង និងអាចដោះស្រាយបញ្ហាធំៗយ៉ាងមានប្រសិទ្ធភាព។
បន្ទាប់ពីមានគម្រោងជាច្រើនដែលយើងបានគ្រប់គ្រងអស់រយៈពេលជាច្រើនឆ្នាំមក ក្រុមហ៊ុនរបស់យើងបានបណ្តុះបណ្តាលក្រុមការងារដ៏ប្រសើរមួយដែលក្នុងនោះរួមមានផ្នែកសំណង់ ផ្នែកគាំទ្រនិងសេវាកម្មអតិថិជនផ្នែកលក់ និងទីផ្សារផ្នែកស្ថាបត្យកម្ម និងច្នៃប្រឌិតផ្នែកហិរញ្ញវត្ថុ និងរដ្ឋបាលក៏ដូចជាផ្នែកគ្រប់គ្រងអគារផងដែរ ។
លើសពីនេះទៅទៀតយើងក៏បានបង្កើតទំនាក់ទំនងអាជីវកម្មជាមួយដៃគូពាណិជ្ជកម្មធំៗ និងមានកេរ្តិ៍ឈ្មោះផងដែរ។ ម្យ៉ាងវិញទៀតការទទួលស្គាល់ចំពោះការអភិវឌ្ឍ និងស្នាដែរបស់ក្រុមហ៊ុនយើងកាន់តែមានភាពរឹងមាំ និងខ្ទរខ្ទារក្នុងរយៈពេលប៉ុន្មានឆ្នាំកន្លងមកនេះដោយសារតែយើងបានផ្តល់ផលិតផលរបស់យើងទៅអតិថិជនរបស់យើងទាន់ពេលវេលា។
ទាក់ទងនឹងយុទ្ធសាស្ត្រទីផ្សារយើងអាចយល់ច្បាស់ពីទីផ្សារបន្ទាប់ពីការស្រាវជ្រាវជាបន្តបន្ទាប់ដើម្បីធ្វើយុទ្ធសាស្ត្រសកម្មភាពទាំងឡាយណាអោយចំគោលដៅ។ មិនតែប៉ុណ្ណោះដើម្បីទទួលបានជ័យជំនះពីការប្រកួតប្រជែងលើទីផ្សារយើងតែងតែគិតពីតំរូវការរបស់អតិថិជនជាធំ និងជឿជាក់លើការកសាងមូលដ្ឋានអតិថិជនផ្ទាល់។ នៅឆ្នាំនេះយើងបានឃើញលទ្ធផលគួរឱ្យកត់សម្គាល់ដែលពួកគាត់មានការលើការយល់ដឹងអំពីយីហោរបស់ក្រុមហ៊ុនយើង។
លោក កូសេកយ៉ាន នាយកប្រតិបត្តិក្រុមហ៊ុន Meridian International Holding (Cambodia) Ltd ។
តើក្នុងទស្សនវិស័យអ្វីដែលលោកគិតថាសំណង់ស្ថាបត្យកម្ម និងទីតាំងនឹងធ្វើឱ្យ Flatironby Meridian កាន់តែមានលក្ខណៈប្លែកពីអគារផ្សេងទៀតនៅក្នុងទីក្រុង?
គម្រោងនេះមានទីតាំងស្ថិតនៅក្នុង Phnom Penh City Centre ដែលមានលក្ខណៈខ្នាតធំ មិនធ្លាប់មានពីមុនមកនៅក្នុងមណ្ឌលពាណិជ្ជកម្មកណ្តាល (CBD) ដែលទើបកសាងថ្មី ដោយភាគខាងត្បូងនៃអគារទល់មុខនឹងទីស្តីការគណៈរដ្ឋមន្ត្រីជាមួយនឹងផ្ទៃដីប្រមាណ ៣,០០០ ម៉ែត្រការ៉េ និងផ្ទៃដីសាងសង់ប្រហែល ៨២ ០០០ ម៉ែត្រការ៉េជាមួយនឹងកម្ពស់ ១៥៨ ម៉ែត្រ។
Flatironby Meridian គឺជាគម្រោងអភិវឌ្ឍន៍អគារខ្ពស់ថ្មីចុងក្រោយរបស់យើងដោយគំនិតអភិវឌ្ឍន៍បានរួមបញ្ចូលគ្នាយ៉ាងល្អជាមួយគោលការណ៍អាជីវកម្មដែលមានទស្សនវិស័យឈានមុខគេ។ ការរចនាជារួមមានលក្ខណៈជាសណ្ឋាគារ និងការិយាល័យពាណិជ្ជកម្មលំដាប់កំពូលរួមជាមួយហាងលក់រាយទំហំសមរម្យដែលសមស្របសម្រាប់តម្រូវក្រុមហ៊ុនក្នុងស្រុក និងបរទេស។ ម្យ៉ាងវិញទៀតយើងក៏គ្រោងនឹងបង្ហាញចក្ខុវិស័យរបស់យើងដែលនាំយកជំរើសបែបផែនរស់នៅថ្មីមួយមកប្រទេសកម្ពុជាដើម្បីផ្លាស់ប្តូរបែបផែននៃការរស់នៅដល់ប្រជាជនក្នុងតំបន់។
ការរចនាម៉ូតអគារនេះបំផុសគំនិតឡើងពីអគារដ៏លេចធ្លោមួយឈ្មោះថា The Flatiron នៅទីក្រុងញ៉ូយ៉កលើបណ្តោយមហាវិថីទី ៥ ដែលមានការប្រកាន់ខ្ជាប់នូវគំនិតរចនាចីរភាពដោយប៉មអគារសាងសង់ឡើងពីបេតុង គ្រោងដែក និងផ្ទាំងកញ្ចក់រួមជាមួយនឹងរចនាសម្ព័ន្ធខាងក្នុងយ៉ាងប្រណីត។
អាគារថ្មីរបស់យើងខ្ញុំនេះធ្វើតាមការអនុវត្តល្អបំផុតទាក់ទងនឹងនិរន្តរភាពសំរាប់មនុស្សជាតិការគ្រប់គ្រងអាកាសធាតុ និងសន្តិសុខ។ មិនថាភ្ញៀវសណ្ឋាគារនិយោជិកអ្នកគ្រប់គ្នាអាចបណ្ដោយខ្លួនទៅតាមទេសភាពស្រស់បំព្រង កន្លែងលំហែកាយដោយមានអាងហែលទឹក និងទិដ្ឋភាពទីក្រុងដ៏អស្ចារ្យ។
បន្ទាប់ពីគំរោងនេះត្រូវបានបញ្ចប់ វាប្រាកដជាបន្តឈរលើទីតាំងទីផ្សារអចលនទ្រព្យលំដាប់ខ្ពស់នៅក្នុងរាជធានីភ្នំពេញ។
ដូច្នេះលោក Ko តើលោកអាចចែករំលែកជាមួយយើងនូវចំណុចថ្មីៗនៃអគារនេះដល់អតិថិជនដែលកំពុងស្វែងរកការិយាល័យសមរម្យនៅភ្នំពេញដែរឬទេ?
បាទពិតជាបាន។ យើងចាប់ផ្តើមសង្កេតឃើញមានការកើនឡើងនូវតម្រូវការការិយាល័យខ្នាតតូចសម្រាប់សហគ្រាសខ្នាតតូច និងមធ្យមសហគ្រិនថ្មីដែលចូលមកក្នុងប្រទេស កម្ពុជា ។
សហគ្រាសធុនតូចភាគច្រើនកំពុងតែឈានជើងចូលមកកាន់ទីផ្សារទីនេះដើម្បីសាកល្បងអាជីវកម្មរបស់ពួកគេ។ ដូច្នេះយើងមានអារម្មណ៍ថាប្រាកដជាមានតម្រូវការទៅលើការជួលការិយាល័យហើយទន្ទឹមនឹងនេះមានវិនិយោគិនថ្មីៗជាច្រើនបានបោះជំហ៊ានមកកម្ពុជាក្នុងគោលបំណងស្វែងរកឱកាសអាជីវកម្មសម្រាប់ឧស្សាហកម្មផ្សេងៗជាមួយនឹងការចាប់ផ្តើមធនធានខ្នាតតូចចំនួន ១០ ម៉ឺនដុល្លារដល់ ២០ ម៉ឺនដុល្លារជៀសជាងចំណាយធនធានធំដល់ ៦០ ម៉ឺនដុល្លារ។ ដូចនេះយើងធ្វើការប្តូរទំហំការិយាល័យនៅជាន់ទី ១០ និង ១២ នៃអគារដើម្បីបំពេញតាមតម្រូវការនេះ។ ការលក់នៅការិយាល័យតូចៗទាំងនេះដាក់លក់ជាផ្លូវការនៅប្រទេសសឹង្ហបូរី និងកម្ពុជានៅថ្ងៃទី ១២ និង ១៥ ខែកញ្ញាឆ្នាំ ២០១៩ ៕
