.jpg)
រូបភាពអគារ Citadines Flatiron Phnom Penh ដ៏ប្រណីតមើលពីខាងក្រៅ។
The Ascott Limited (Ascott) ដែលជាអង្គភាពអាជីវកម្មគ្រប់គ្រងលំនៅឋានរបស់ CapitaLand បានឈរជើងជាប្រតិបត្តិករបម្រើសេវាកម្មលំនៅឋានដែលមានកិត្តិសព្ទទូទាំងសកលលោក និងមានកំណត់ត្រាក្នុងការបើកសម្ភោធជាច្រើនទីតាំង។
យើងខ្ញុំមានកិត្តិយសណាស់ដែលនាយកគ្រប់គ្រងទូទៅប្រចាំប្រទេសរបស់ក្រុមហ៊ុន The Ascott Limited កញ្ញា Lew Yen Ping ដែលទទួលខុសត្រូវទូទៅលើប្រទេសវៀតណាម ប្រទេសមីយ៉ាន់ម៉ា និងប្រទេសកម្ពុជាបានមកចូលរួមក្នុងកិច្ចសម្ភាសន៍ជាមួយយើងខ្ញុំ។
កញ្ញា LEW YEN PING នាយកគ្រប់គ្រងទូទៅប្រចាំប្រទេសនៃក្រុមហ៊ុន THE ASCOTT LIMITED
កញ្ញា Lew ៖ អរុណសួស្តី! នាងខ្ញុំមានភាពរីករាយណាស់ដែលមានវត្តមានក្នុងប្រទេសកម្ពុជាម្តងទៀតក្នុងគោលបំណងពង្រឹងភាពជាដៃគូយូរអង្វែងរវាងក្រុមហ៊ុន Meridian International Holding និងក្រុមហ៊ុន The Ascott Limited។
ជាដំបូងនេះនាងខ្ញុំសូមថ្លែងអំណរគុណដល់លោក Ko និងគណៈគ្រប់គ្រងរបស់ក្រុមហ៊ុនទាំងអស់ដែលបានចុះកិច្ចព្រមព្រៀងជាមួយនឹងក្រុមហ៊ុន Ascott ក្នុងការគ្រប់គ្រងលំនៅឋានបម្រើសេវាកម្មទៅលើគម្រោងថ្មីចុងក្រោយរបស់ខ្លួនគឺគម្រោង The Flatiron by Meridian។
ចំពោះមិត្តអ្នកអានដែលមិនទាន់បានស្គាល់អំពីក្រុមហ៊ុន Ascott តើកញ្ញាអាចចែករំលែកបានទេអំពីប្រវត្តិរបស់ក្រុមហ៊ុននេះ?
កញ្ញា Lew ៖ Ascott បានត្រួសត្រាយបង្កើតគំនិតគ្រប់គ្រងលំនៅឋានជាលក្ខណៈបម្រើសេវាកម្មតាំងតែពី ៣៥ ឆ្នាំមុនដោយបានបើកសម្ភោធលំនៅឋានបម្រើសេវាកម្មស្តង់ដាអន្តរជាតិដំបូងគេបង្អស់ក្នុងតំបន់អាស៊ីប៉ាស៊ីហ្វិកនៅប្រទេសសាំងហ្កាពួរ។ ចាប់តាំងពីពេលនោះមក យើងបានរីកចម្រើនទៅមុខជាលំដាប់ និងក្លាយជាប្រតិបត្តិករលំដាប់អន្តរជាតិឈានមុខមួយ។
គិតមកទល់សព្វថ្ងៃនេះ យើងមានយូនីតបម្រើសេវាកម្មលើសពី ១១២,០០០ យូនីតក្នុងទីក្រុងចំនួន ១៨០ នៃប្រទេសចំនួន ៣០ ក្នុងតំបន់អាស៊ីប៉ាស៊ីហ្វិក អឺរ៉ុប មជ្ឈិមបូពា អាហ្វ្រិក និងសហរដ្ឋអាមេរិក។
តើកញ្ញាអាចពិពណ៌នាយ៉ាងដូចម្តេចអំពីជំហរទីផ្សារបស់ក្រុមហ៊ុនក្នុងប្រទេសកម្ពុជា?
កញ្ញា Lew ៖ Ascott ជាក្រុមហ៊ុនមួយដែលបានត្រួសត្រាយឲ្យមានសេវាកម្មនេះចូលមកក្នុងប្រទេសកម្ពុជា ហើយបច្ចុប្បន្ននេះយើងជាក្រុមហ៊ុនប្រតិបត្តិករដែលបម្រើសេវាកម្មលំនៅឋានលំដាប់អន្តរជាតិធំជាងគេនៅក្នុងប្រទេសនេះ។ មានអគារលំនៅឋានចំនួន ៣ ដែលយើងកំពុងគ្រប់គ្រងនៅក្នុងទីក្រុងដែលនេះជាសញ្ញាបង្ហាញថា យើងកំពុងតែពង្រឹងជំហរនៃភាពដឹកនាំរបស់យើងឲ្យកាន់តែប្រសើរជាងមុន។
ផលប័ត្ររបស់យើងនៅក្នុងប្រទេសកម្ពុជាបច្ចុប្បន្នកើនឡើងប្រមាណដល់ទៅ ៥៧៣ យូនីតដែលគ្រប់គ្រងក្នុងអគារលំនៅឋានសរុបចំនួន ៣ ក្នុងរាជធានីភ្នំពេញ។
ដូច្នេះតើកញ្ញាមានការរំពឹងទុកយ៉ាងណាដែរនាពេលនេះ?
កញ្ញា Lew ៖ គម្រោងដែលនឹងបើកសម្ភោធក្នុងឆ្នាំ ២០២១ Citadine Flatiron Phnom Penh នឹងក្លាយទៅជាលំនៅឋានបម្រើសេវាកម្មទី ៣ របស់ Ascott នៅក្នុងរាជធានីភ្នំពេញ។ យើងរំពឹងទុកថានឹងមានតម្រូវការយ៉ាងខ្លាំងក្លាលើលំនៅឋាន បម្រើសេវាកម្មដោយហេតុថាវាមានទីតាំងល្អឥតខ្ចោះ និងសុទិដ្ឋិនិយមខ្ពស់ទៅលើអនាគតរបស់គម្រោងនេះ។
ជាមួយនឹងសមិទ្ធផលដែលយើងទទួលបានដោយការសាទរជាសកលកន្លងទៅ យើងបានទទួលស្គាល់ពីអត្ថប្រយោជន៍នៃទីតាំងល្អរបស់គម្រោងនេះ។ ទីតាំងនេះជាតំបន់ទីក្រុងថ្មីមួយ និងជាគម្រោងមួយក្នុងចំណោមគម្រោងទីក្រុងដែលមានផែនការរៀបចំល្អដំបូងគេបង្អស់ស្ថិតនៅក្បែរមជ្ឈមណ្ឌលពាណិជ្ជកម្ម (CBD)។
វាមានទីតាំងជិតទៅនឹងតំបន់សេដ្ឋកិច្ចពិសេសដែលជាទីតាំងឈរជើងនៃក្រុមហ៊ុនផលិតកម្មខ្នាតអន្តរជាតិជាច្រើនទៀត។ រឹតតែពិសេសជាងនេះទៅទៀត ទីតាំងអគារលំនៅឋានបម្រើសេវាកម្មនេះមានទីតាំងក្បែរទីស្តីការគណៈរដ្ឋមន្ត្រី ស្ថានីយរាជាយស្ម័យយានរាជធានីភ្នំពេញ និងបណ្តុំផ្សារទំនើបជាច្រើន។
តើកញ្ញាមានការយល់ឃើញយ៉ាងណាដែរចំពោះភាពខុសគ្នានៃគម្រោងមួយនេះ?
កញ្ញា Lew ៖ ក្រៅតែពីបដិសណ្ឋារកិច្ចល្អ និងបទពិសោធស្នាក់នៅដែលអតិថិជនមានអារម្មណ៍ថាជាផ្ទះទី ២ របស់ខ្លួននៅក្នុងលំនៅឋានបម្រើសេវាកម្មរបស់ Ascott លំនៅឋានបម្រើសេវាកម្ម Citadines Flatiron Phnom Penh នឹងមានប្រភេទយូនីតដូចជាប្រភេទ អូតែល ស្ទូឌីយោ មួយបន្ទប់គេង ដល់ ៣ បន្ទប់គេង ដើម្បីតម្រូវតាមរបៀបរស់នៅផ្សេងៗគ្នារបស់អ្នកធ្វើដំណើរទាំងអស់។
បន្ថែមពីនេះទៅទៀតលំនៅឋាននេះនឹងផ្តល់ជូនអ្នកដំណើរនូវភាពងាយស្រួលក្នុងការរស់នៅដោយគ្មានអ្វីប្រៀបផ្ទឹមបាន និងផ្តល់ជូននូវបទពិសោធរស់នៅដោយពេញលេញគ្មានទាស់។ ពួកគេនឹងអាចរីករាយជាមួយនឹងគ្រឿងបរិក្ខារសម្បូរបែបដូចជាអាងហែលទឹក ក្លិបហាត់ប្រាណ អារហារពេលព្រឹក កន្លែងសម្រាកលម្ហែ ប្រកបដោយផាសុកភាព និងបន្ទប់ប្រជុំជាដើម។
ជាងនេះទៅទៀតពួកគេនឹងរីករាយក្នុងការទទួលទានអាហារសម្បូរបែប ទិញទំនិញ និងសម្ភារបរិក្ខារផ្សេងទៀតដូចជាកន្លែងចម្អិនអាហាររួមគ្នា (Social Kitchen) ប្រកបដោយភាពងាយស្រួលដោយការផ្តល់ជូនទាំងនេះត្រូវបានទទួលស្គាល់ថាជាការច្របាច់បញ្ចូលគ្នានូវបរិយាកាសរស់នៅ ធ្វើការ និងកម្សាន្ត។
នេះគឺជាព្រឹត្តិការណ៍ដ៏សំខាន់មួយនៃភាពជាដៃគូសហការរវាងក្រុមហ៊ុន Ascott និង Meridian International Holding ។ យើងកំពុងតែទន្ទឹងរង់ចាំនូវការបើកសម្ភោធអគារ Citadine Flatiron Phnom Penh និងស្វាគមន៍អ្នកដំណើរទូទាំងសកលលោកមកទទួលយកបទពិសោធនៃបដិសណ្ឋារកិច្ចដែលទទួលបានពានរង្វាន់របស់ Ascott ។
ជាចុងក្រោយ យើងសូមធ្វើការកោតសរសើរជាថ្មីម្តងទៀតដល់ក្រុមហ៊ុន Meridian International Holding ដែលបានចុះកិច្ចព្រមព្រៀងសហការជាមួយក្រុមហ៊ុន Ascott និងផ្តល់ឳកាសឲ្យយើងបានក្លាយជាផ្នែកមួយនៃគម្រោងដ៏ប្រណីត Flatiron By Meridian៕
សូមអរគុណ!
