KFC ដែលជាហាងលក់មាន់បំពងដ៏ល្បីល្បាញបំផុតនៅក្នុងពិភពលោកកំពុងសហការជាមួយកាសែតភ្នំពេញប៉ុស្តិ៍ ដើម្បីផ្តល់ជូននូវអ្វីដែលអស្ទារ្យបំផុតដល់មិត្តអ្នកអានកាសែតភ្នំពេញប៉ុស្តិ៍។
មានការផ្តល់គូប៉ុងពិសេសនៅក្នុងកាសែតភ្នំពេញ ប៉ុស្តិ៍ ដើម្បីផ្តល់ឲ្យអ្នកអានកាសែតមួយនេះទទួលបានការបញ្ចុះតម្លៃចំនួន ២០ ភាគរយសម្រាប់ឈុតគ្រួសារ ឬ ឈុត Signature Box។
ឈុតគ្រួសារ ១ ឈុតមានមាន់ ៥ ដុំ សាលាដខូលស្ល ដំឡូងបារាំងកិន និងភេសជ្ជៈប៉ិបស៊ី ១ ដប ចំណុះ ១,៥ លីត្រ។ ចំពោះឈុត Signature Box មានសាច់មាន់ ១ ដុំ ប៊ឺហ្គឺរ Zinger ដំឡូងបារាំងកិន ដំឡូងបារាំងបំពង និងប៉ិបស៊ី ១ កំប៉ុង។ ទាំង ២ ឈុតនេះមានទាំងរសជាតិហឹរ និងរសជាតិដើម។ ចំពោះការផ្តល់ជូននេះគឺសម្រាប់តែការដឹកជញ្ជូនប៉ុណ្ណោះ និងមានរយៈពេលរហូតដល់ថ្ងៃទី ៣១ ខែកក្កដា។
សាច់មាន់ដែលលក់នៅហាង KFC ក្នុងប្រទេសកម្ពុជាគឺស្រស់មានគុណភាពខ្ពស់ គ្រឿងផ្សំទាំងអស់គឺស្របតាមស្តង់ដា ហាឡាល់។ អ្នកស្រី Stephanie Tang អ្នកគ្រប់គ្រងទូទៅនៃសាជីវកម្ម Kampuchea Food Corporation ដែលដំណើរការប្រតិបត្តិការហាង KFC នៅកម្ពុជាបានថ្លែងថា ភាពជោគជ័យជាបន្តបន្ទាប់របស់ក្រុមហ៊ុនមួយផ្នែកគឺផ្អែកលើការពេញចិត្តរបស់អតិថិជន។
អ្នកស្រី Tang បានឲ្យភ្នំពេញ ប៉ុស្តិ៍ដឹងថា៖ «យើងសុំមតិយោបល់ដើម្បីវាយតម្លៃ យើងបង្ហាញការអរគុណ ហើយយើងមានទំនាក់ទំទងល្អ។ គន្លឹះក្នុងការទាក់ទង និងការប្រាស្រ័យទាក់ទងល្អគឺជាមធ្យោបាយដ៏សំខាន់ដើម្បីធានាការពេញចិត្តរបស់អតិថិជន។ អតិថិជនរបស់យើងរំពឹងផលិតផល និងសេវាកម្មល្អបំផុតពីយើង ហើយតាមរយៈការធ្វើបែបនេះ យើងបំពេញបានលើសពីការរំពឹងទុករបស់ពួកគេថែមទៀតផង»។
KFC មិនត្រឹមតែផ្តោតសំខាន់លើគុណភាពអាហារ និងការពេញចិត្តរបស់អតិថិជនប៉ុណ្ណោះទេ ប៉ុន្តែអ្នកស្រី Tang លើកឡើងថា ក្រុមហ៊ុនក៏យកចិត្តទុកដាក់ខ្ពស់ ចំពោះបុគ្គលិកដោយផ្តល់ការលើកកម្ពស់ពួកគេតាមរយៈកម្មវិធី Career Advancement Programme ផងដែរ។
អ្នកស្រី Tang ថ្លែងថា៖ «អ្នកនាង សយ សុជាតា បានចាប់ផ្តើមធ្វើការនៅហាង KFC ក្នុងនាមជាបុគ្គលិកធម្មតា ហើយបច្ចុប្បន្នគាត់គឺជាប្រធានគ្រប់គ្រងហាង KFC នៅសាខាបឹងកេងកងក្នុងរាជធានីភ្នំពេញ។ អ្នកគ្រប់គ្រងរបស់យើងជាច្រើននាក់នៅហាង KFC គឺសុទ្ធតែបានចាប់ផ្តើមពីបុគ្គលិកធម្មតា ដូចរូបខ្ញុំជាដើម»។
ជាមួយនឹងហាងចំនួន ២២ ៦២១ កន្លែងនៅទូទាំងពិភពលោកក្នុង ១៥០ ប្រទេស គិតត្រឹមដំណាច់ឆ្នាំមុន KFC បានមកដល់ប្រទេសកម្ពុជាក្នុងខែមីនា ឆ្នាំ ២០០៨ ដោយមានហាងដំបូងគេស្ថិតនៅតាមបណ្តោយមហាវិថីព្រះមុនីវង្ស រាជធានីភ្នំពេញ ហើយបានពង្រីករហូតដល់ ១២ ហាងដែលមានបម្រើអាហារមាន់បំពងដ៏ឈ្ងុយឆ្ងាញ់នៅទូទាំងព្រះរាជាណាចក្រកម្ពុជា បច្ចុប្បន្ន KFC មានបុគ្គលិកបម្រើការងារជាង ២០០ នាក់។
បច្ចុប្បន្នមាន ៩ ហាងនៅក្នុងរាជធានី-ភ្នំពេញក្រៅពីនោះមាននៅខេត្តសៀមរាប បាត់ដំបង និងខេត្តព្រះសីហនុ ហើយគ្រោងបើកហាងមួយទៀតនៅទីក្រុងឆ្នេរសមុទ្រមួយនេះនៅចុងឆ្នាំនេះ។
ស្ថាបនិកលោក Colonel Harland Sanders បានបើកហាងមួយនៅទីក្រុង North Corbin រដ្ឋ Kentucky ក្នុងឆ្នាំ ១៩៣០ ក្នុងកំឡុងពេលមានវិបត្តិសេដ្ឋកិច្ចធ្ងន់ធ្ងរ។ ១០ ឆ្នាំក្រោយមកលោកបានបញ្ចប់ការបង្កើត «រូបមន្តដើម» របស់គាត់ជាមួយនឹងការបើកហាង «Kentucky Fried Chicken » ដំបូងនៅក្នុងឆ្នាំ ១៩៥២។ ចាប់តាំងពីការចាប់ផ្តើមដ៏លំបាក បច្ចុប្បន្ន KFC បានក្លាយជាហាងមាន់បំពងធំជាងគេលំដាប់ទី ២ នៅលើពិភពលោក បន្ទាប់ពី McDonald''s។
ទោះបីជាមានភាពល្បីល្បាញខាងរូបមន្តដ៏អាថ៌កំបាំងរបស់ខ្លួនដោយប្រើគ្រឿងទេស ១១ មុខក្តី ក៏ KFC នៅតែបន្តបញ្ចេញរូបមន្តគ្រឿងផ្សំរសជាតិថ្មីៗប្រកបដោយភាពច្នៃប្រឌិត ដោយរសជាតិចុងក្រោយគឺកាន់តែពិសេសជាមួយ Soy Garlic Drumette ដែលជាគល់ស្លាបមាន់ ស្រោបជាមួយទឹកស៊ីអ៊ីវ ខាប់បែបកូរ៉េ លាយខ្ទឹមតិចៗដ៏ឈ្ងុយឆ្ងាញ់។
អ្នកស្រី Tang បានថ្លែងថា៖ «យើងកំពុងនាំយកនូវរសជាតិថ្មីសម្រាប់ប្រជាជនកម្ពុជាសម្រាប់រយៈពេល ៣០ ទៅ ៤៥ ថ្ងៃអាស្រ័យទៅលើគ្រឿងផ្សំដែលមាន»។
ការបន្ថែមមុខម្ហូបថ្មី « Finger-Lickin'' Good លើបញ្ជីមុខម្ហូបគឺកំពុងតែបង្ហាញនូវការពេញនិយមជាពិសេសវាជាផ្នែកមួយនៃឈុត «One Box» ដែលមាន ៦ មុខក្នុង ១ ប្រអប់មានដូចជា គល់ស្លាបមាន់បំពង ២ ដុំ ប៊ឺហ្គឺរ Zinger មួយមាន់បំពង ១ ដុំ សាឡាដខូលស្ល ដំបូងបារាំងកិន និងភេសជ្ជៈប៉ិបស៊ី។
«ឈុត Soy Garlic Glazed Drumette នីមួយៗអមដោយទឹកជ្រលក់ដែលមានរសជាតិឈ្ងុយឆ្ងាញ់ផ្សំពីគ្រឿងទេសជាច្រើនដូចជា ខ្ទឹមស ទឹកស៊ីអ៊ីវខាប់បែបកូរ៉េ និងគ្រឿងផ្សំអាថ៌កំបាំងជាច្រើនទៀត ស័ក្តិសមឥតខ្ចោះសម្រាប់ទទួលទានជាមួយមាន់បំពងស្រួយៗដ៏ឈ្ងុយឆ្ងាញ់»។
KFC កម្ពុជាបានឲ្យដឹងថាការផ្តល់ជូនថ្មីគឺទឹកជ្រលក់ខ្មៅថ្លារសជាតិផ្អែមតិចៗ និងមាន់បំពង ពិតជាឈ្ងុយឆ្ងាញ់ពិសេសជាអាហារបែបលោកខាងលិចសម្រាប់ប្រជាជនអាស៊ី។
ការផ្តល់ជូនប្រកបដោយភាពច្នៃប្រឌិតរបស់ក្រុមហ៊ុនបម្រើអាហាររហ័សដ៏ធំមួយនេះក៏ផ្តល់ជូននូវការបញ្ចុះតម្លៃជាប្រចាំផងដែរ។ អតិថិជននឹងរីករាយជាមួយការបញ្ចុះតម្លៃ ២០ ភាគរយសម្រាប់ការបញ្ជាទិញ តាមរយៈសេវាដឹកជញ្ជូនរបស់ក្រុមហ៊ុន Food Panda ដោយគិតចាប់ពីថ្ងៃចន្ទនេះ និងមានរយៈពេល ២ សប្តាហ៍។
ជាមួយ KFC ជាប្រ៊េនដែលតែងតែនាំមកនូវភាពច្នៃប្រឌិត តែមិនភ្លេចផ្តោតលើការផ្តល់សេវាកម្មជាទីគាប់ចិត្តដល់អតិថិជននោះ អ្នកគាំទ្ររសជាតិមាន់បំពងក្នុងប្រទេសកម្ពុជាត្រូវតែបន្តរង់ចាំតាមដាននូវរសជាតិថ្មីៗ ឈ្ងុយឆ្ងាញ់ ដែលតែងតែមកជាមួយនឹងការផ្តល់ជូនពិសេសៗជានិច្ច។
ដើម្បីទទួលបានការបញ្ចុះតម្លៃសម្រាប់ឈុតគ្រួសារ ឬ ឈុត Signature Box និងការដឹកជញ្ជូនដោយឥតគិតថ្លៃ សូមទូរស័ព្ទមកកាន់លេខ 070 896 000 ឬ 023 996 000 ហើយប្រគល់បណ្ណគូប៉ុងនៅក្នុងកាសែតភ្នំពេញប៉ុស្តិ៍នៅពេលបង់ប្រាក់៕