.jpg)
លោកស្រី Sandy Kotan ម្ចាស់ក្រុមហ៊ុន Only One Planet លើកទឹកចិត្តការប្រើសម្ភារដែលមិនប៉ះពាល់បរិស្ថាន។
ក្រុមហ៊ុននេះផ្តល់នូវប្រអប់វេចខ្ចប់ចំណីអាហារដែលមានដូចជាចាន គោម ពែង ចានដាក់ទឹកជ្រលក់ និងចានដែលមានទំហំខុសៗគ្នាជាច្រើនទៀតធ្វើឡើងពីអំពៅ។
លោកស្រី Sandy Kotan ដែលបានកាន់កាប់ក្រុមហ៊ុននេះក្នុងឆ្នាំ ២០១៨ បានបន្ថែមសម្ភារសម្រាប់ភោជនីយដ្ឋានកាន់តែច្រើនដូចជាទុយោធ្វើពីគុយទាវ និងស្លាបព្រាធ្វើពីឈើ។ លោកស្រីថ្លែងថា ប្រអប់ដាក់ម្ហូបដែលអាចប្រើឡើងវិញបានគឺជួយកាត់បន្ថយការពឹងផ្អែកលើវត្ថុធ្វើពីប្លាស្ទិកដែលប្រើប្រាស់បានតែម្តង។
ក្រុមហ៊ុនដែលមានបុគ្គលិកតែ ៣ នាក់នេះបានធ្វើការផ្គត់ផ្គង់សម្ភារវេចខ្ចប់ប្រកបដោយចីរភាពដល់ឧស្សាហកម្មភេសជ្ជៈ និងបានក្លាយជាផ្នែកមួយដ៏សំខាន់នៃសហគមន៍អេកូរបស់កម្ពុជា ប៉ុន្តែពេលនេះកំពុងប្រឈមបញ្ហាមួយចំនួនដោយសារវិបត្តិជំងឺកូវីដ១៩។
ក្មេងស្រីកំពុងទទួលអាហារដោយឥតគិតថ្លៃតាមរយៈកម្មវិធី Eat2Donate។
លោកស្រី Kotan ថ្លែងថា៖ «ខ្ញុំប៉ាន់ស្មានថា យ៉ាងហោចណាស់ ៦០-៧០ ភាគរយនៃអតិថិជនរបស់ខ្ញុំបានបិទទ្វារដោយអ្នកខ្លះបិទជាបណ្តោះអាសន្ន ប៉ុន្តែមួយចំនួនបិទជាអចិន្ត្រៃយ៍។ ទោះបីការទិញម្ហូបអាហារលក្ខណៈវេចខ្ចប់ ហាក់ពេញនិយមខ្លាំងនៅពេលបច្ចុប្បន្នក្តី ក៏អាជីវកម្មទូទៅបានធ្លាក់ចុះពី ៦០ ទៅ ៧០ ភាគរយ»។
ចាន និងប្រអប់ដាក់ម្ហូបមានចំនួន ៨០ ភាគរយនៃអាជីវកម្ម។ វាត្រូវការពេលវេលាប្រមាណ ៤ សប្តាហ៍ដើម្បីឱ្យសម្ភារទាំងនោះរលួយនៅកន្លែងចាក់សំរាម។
ប៉ុន្តែទោះបីអាជីវកម្មរបស់គាត់ហាក់ស្ថិតក្នុងស្ថានភាពមិនប្រាកដប្រជា ដោយសារតែការបញ្ជាទិញធ្លាក់ចុះក្តីលោកស្រី Kotan នៅតែអាចស្វែងរកវិធីដើម្បីដោះស្រាយជាមួយបញ្ហានេះបាន។
លោកស្រីតែងតែគាំទ្រដល់គម្រោង និងគំនិតផ្តួចផ្តើមការពារបរិស្ថានមួយចំនួនក្នុងនោះរួមមានការផ្តល់ដើមកោងកាងចំនួន ៥០០ ដើមដល់រមណីយដ្ឋានត្រពាំងសង្កែ និងសម្ភារសម្រាប់ផ្ទះសំណាក់របស់ខ្លួន។
លោកស្រីក៏បានលើកទឹកចិត្តឲ្យកម្មវិធីផ្តល់សេវាកម្មដឹកជញ្ជួនម្ហូបអាហារ បន្ថែមការកត់ចំណាំភោជនីយដ្ឋានដែលគិតគូរពីបរិស្ថាន និងអនុញ្ញាតឱ្យអ្នកប្រើប្រាស់មិនចាំបាច់យកទឹកជ្រលក់ ឬស្លាបព្រាបើសិនមិនចាំបាច់។
លើសពីនេះទៀតលោកស្រីក៏បាននាំមកនូវសៀវភៅឌីជីថល Cocolist ស្តីអំពីអាជីវកម្មដែលមិនប៉ះពាល់ដល់បរិស្ថានមកកាន់ប្រទេសកម្ពុជាផងដែរ។
កាលពីពេលថ្មីៗនេះលោកស្រីបានសហការជាមួយក្រុមហ៊ុនប្រឹក្សាអាជីវកម្ម The Idea ដើម្បីជួយអភិវឌ្ឍកម្មវិធី «Eat2Donate» មានន័យថា ដើម្បីជួយដល់ភោជនីយដ្ឋានដែលកំពុងជួបការលំបាកក្នុងអាជីវកម្មរបស់ពួកគេ។
អង្គការ Friends International សហការដើម្បីគាំទ្រកម្មវិធី Eat2Donate ។
កម្មវិធីនេះអនុញ្ញាតឱ្យគេចូលរួមវិភាគទាន ២ ទៅ ៣ ដុល្លារសម្រាប់ដឹកជញ្ជូនម្ហូបអាហារដល់សហគមន៍ដែលជួបការលំបាក និងបុគ្គលិកជួរមុខនៅមន្ទីរពេទ្យខ្មែរ-សូវៀតតាមរយៈអង្គការ Friends International ។
«ចាប់តាំងពីដាក់ឲ្យដំណើរការកាលពីថ្ងៃទី ៣ ខែមេសា កន្លងទៅកម្មវិធីនេះបានផ្តល់អាហារជិត ២៥០ ឈុត ហើយទទួលបានការឧបត្ថម្ភលើសពី ៣០០ ឈុត។
«ខ្ញុំស្រឡាញ់ការងាររបស់ខ្ញុំ ប៉ុន្តែគម្រោងបែបនេះពិតជាជួយជំរុញអាជីវកម្មរបស់ខ្ញុំ ហើយខ្ញុំអាចប្រើប្រាស់ប្រាក់ចំណេញដើម្បីគាំទ្រដល់គម្រោងនានាដែលផ្តល់ផលវិជ្ជមានសម្រាប់ប្រជាជនកម្ពុជា»។
លោកស្រី Kotan បានសង្កត់ធ្ងន់ថាប្រជាជនត្រូវតែចាប់ផ្តើមបែងចែករវាងវត្ថុដែលជា «កាកសំណល់យូរអង្វែង» និង «កាកសំណល់ឆាប់រលាយ»។
លោកស្រី Kotan បានមកដល់ប្រទេសកម្ពុជាកាលពី ៥ ឆ្នាំមុនដោយចាត់ទុកកម្ពុជាដូចជាផ្ទះរបស់លោកស្រី ប៉ុន្តែនេះគ្រាន់តែជាឧទាហរណ៍មួយនៃរបៀបដែលគាត់ផ្តល់ដល់សហគមន៍វិញប៉ុណ្ណោះ។
ប៉ុន្តែទោះយ៉ាងណាជាមួយសេវាដឹកជញ្ជូន និងការវេចខ្ចប់កើនឡើង ស្ត្រីដែលមានដើមកំណើតមកពីរដ្ឋ Arizona រូបនេះថ្លែងថា លោកស្រីកំពុងទន្ទឹងរង់ចាំឲ្យជំងឺកូវីដ១៩នេះកន្លងផុតទៅ ដើម្បីឲ្យអាជីវកម្មរបស់គាត់នៅដំណើការដោយរលូន។
«យើងមានដំណើការល្អរហូតដល់ ៦ សប្តាហ៍មុន ប៉ុន្តែនិយាយដោយស្មោះ ខ្ញុំមិនដឹងថា តើអនាគតនឹងទៅជាយ៉ាងណានោះទេ»។
នៅពេលសួរថា តើឱកាសប្រតិបត្តិការរបស់ក្រុមហ៊ុន Only One Planet នៅពេលខាងមុខយ៉ាងណា លោកស្រីថ្លែងថាប្រហែលវាមានប្រហែល ៤ ឬ ៦ (លើ ១០)។
លោកស្រីមានបំណងផ្តល់ម៉ាស់ និងទឹកលាងដៃដែលទទួលបានពីអង្គការ Rotarian Club of Phnom Penhalong ជាមួយនឹងអាហារតាមរយៈកម្មវិធី Eat2Donate ។
លោកស្រី Kotan ថ្លែងថា៖ «មានការងារសប្បុរសច្រើនណាស់ក្នុងអំឡុងពេលវេលាដ៏លំបាកនេះ»៕
