The Phnom Penh Post Search

Search form




Logo of Phnom Penh Post newspaper Phnom Penh Post - WiBKH ជួយ​សហគ្រិន​ស្ដ្រី​ដើម្បី​បាន​ជោគជ័យ​ផ្នែក​ធុរកិច្ច ​និង​អាជីវកម្ម​ខ្នាត​តូច ដែល​ដំណើរការ​ដោយ​ស្ដ្រី​

WiBKH ជួយ​សហគ្រិន​ស្ដ្រី​ដើម្បី​បាន​ជោគជ័យ​ផ្នែក​ធុរកិច្ច ​និង​អាជីវកម្ម​ខ្នាត​តូច ដែល​ដំណើរការ​ដោយ​ស្ដ្រី​

Content image - Phnom Penh Post
​ស្រ្តីក្នុងវិស័យអាជីវកម្មប្រារព្ធពិធីចងក្រងបណ្តាញសម្រាប់សហគ្រិនស្ត្រីកម្ពុជា។

WiBKH ជួយ​សហគ្រិន​ស្ដ្រី​ដើម្បី​បាន​ជោគជ័យ​ផ្នែក​ធុរកិច្ច ​និង​អាជីវកម្ម​ខ្នាត​តូច ដែល​ដំណើរការ​ដោយ​ស្ដ្រី​

ស្ដ្រី​កម្ពុជា​ផ្នែក​ធុរកិច្ច កំពុង​ទទួល​បាន​ការ​គាំទ្រ​ទាំង​អស់​ដែល​ពួក​គេ​ត្រូវ​ការ​ពី​ស្ដ្រី​នៅ​ក្នុង Business Cambodia (WiBKH) ដែល​ជា​គំនិត​ផ្ដួច​ផ្ដើម​មិន​រក​ប្រាក់​កម្រៃ​មួយ ដែល​ដំណើរការ​រួម​ដោយ​សភាពាណិជ្ជកម្ម ​៣​។​

ដោយ​បាន​ចាប់​ផ្ដើម​កាល​ពី​ឆ្នាំ ​២០១៧ ជាមួយ​នឹង​ការ​វិនិយោគ​ពី​សភាពាណិជ្ជកម្ម​អូស្ដ្រាលី (Auscham) សភាពាណិជ្ជកម្ម​ចក្រភព​អង់គ្លេស (Britcham) និង​សភាពាណិជ្ជកម្ម​កាណាដា (Cancham) WiBKH ត្រូវ​បាន​បង្កើត​ឡើង​ដើម្បី​លើក​ស្ទួយ​មុខ​មាត់​សហគ្រិន​ស្ដ្រី​ដែល​ទទួល​បាន​ជោគជ័យ​ផ្នែក​ធុរកិច្ច ផ្ដល់​អំណាច​ដល់​ម្ចាស់​អាជីវកម្ម​ខ្នាត​តូច និង​ជួយ​ដល់​ក្រុមហ៊ុន​បង្កើត​ថ្មី​ដែល​ដំណើរការ​ដោយ​ស្ដ្រី​។​

គោល​បំណង​ដ៏​សំខាន់​របស់​អង្គការ​នេះ ​គឺ​ដើម្បី​ជំរុញ​ស្ដ្រី និង​ជំរុញ​បរិយាកាស​កាន់​តែ​ល្អ​ប្រសើរ​សម្រាប់​ស្ដ្រី​ក្នុង​ការ​ធ្វើ​អាជីវកម្ម​។​

យើង​ផ្ដល់​កម្មវិធី​សម្រាប់​ប្រជាជន​កម្ពុជា និង​បុគ្គល​ដែល​នៅ​ប្រទេស ​កម្ពុជា ក្នុង​ការ​ជំរុញ​ឲ្យ​គ្នា​ទៅ​វិញ​ទៅ​មក និង​ផ្ដល់​ការ​គាំទ្រ​ដល់​អង្គការ​ស្ដ្រី​ទាំង​អស់​។ ការ​ផ្ដោត​ការ​យក​ចិត្ត​ទុក​ដាក់ ​គឺ​លើ​ប្រជាជន​កម្ពុជា និង​ជនបរទេស​ដែល​នៅក្នុង​ប្រទេស ​កម្ពុជា​។​

លោកស្រី ​Julie Littlejohn នាយិកា​ប្រតិបត្តិ​ Auscham បាន​ថ្លែង​ថា​៖ «​សកម្មភាព​របស់​យើង​ផ្ដល់​កម្មវិធី​សម្រាប់​ស្ដ្រី​នៅ​ទីក្រុង​ភ្នំពេញ ដើម្បី​បង្កើត និង​ពង្រឹង​បណ្ដាញ​របស់​ពួក​គេ​»​។​

WiBKH ​បាន​រៀបចំ​ព្រឹត្តិការណ៍​លើក​ដំបូង​របស់​ពួក​គេ​តាំង​ពី​ឆ្នាំ ​២០១៧ និង​ជា​ព្រឹត្តិការណ៍​មួយ​ក្នុង​ចំណោម​ព្រឹត្តិការណ៍​នៅ​ពេល​ថ្មីៗ​កាន់​តែ​ច្រើន​របស់​ខ្លួន គឺ​ជា​សិក្ខាសាលា​ជា​បណ្ដាញ​មួយ​កាល​ពី​ថ្ងៃទី ​២០ ​ខែ សីហា សហការ​ជាមួយ​ The Capacity Specialists (TCS) ​ដែល​ជា​ក្រុមហ៊ុន​ផ្ដល់​សេវា​រៀន​សូត្រ​នវានុវត្តន៍ និង​អភិវឌ្ឍន៍​ឈាន​មុខ​គេ​មួយ​នៅ​ក្នុង​ប្រទេស​ កម្ពុជា​។​

Content image - Phnom Penh Post
​លោក Nazrin ថ្លែងថា សហគ្រិនស្រ្តីកម្ពុជាត្រូវការជំនួយក្នុងការផ្សព្វផ្សាយ។ សហការី

លោក MohdNazrin Wahab ជា​អ្នក​ឯកទេស​ការ​រៀន​សូត្រ និង​ការ​អភិវឌ្ឍ​នៅ ​TCS បាន​ថ្លែង​ថា​៖ «TCS បម្រើ​ជា​ឧបត្ថម្ភ​ប្រភេទ​សេវា​ដូច​គ្នា​ដល់​ Women In Business​។ ជំនួស​ឲ្យ​ការ​ឧបត្ថម្ភ​ជា​សាច់​ប្រាក់ យើង​បាន​ធ្វើ​សិក្ខាសាលា​ខ្លី​មួយ​ស្ដីពី​ការ​បង្កើត​របាយការណ៍​អត្តសញ្ញាណ ដែល​ត​ភ្ជាប់​ជូន​ដំណឹង និង​ធ្វើ​ឲ្យ​អ្នក​ស្ដាប់​ជឿជាក់​»​។​

លោក​ជា​វាគ្មិន​នៅ​ក្នុង​ព្រឹត្តិការណ៍​នេះ ដែល​លោក​បាន​ផ្ដល់​ដំបូន្មាន​ដ៏​មាន​ប្រយោជន៍ ដល់​អ្នក​ចូលរួម​ជា​ស្ដ្រី ស្ដីពី​របៀប​ក្នុង​ការ​បង្កើត​អត្តសញ្ញាណ​សម្រាប់​គោល​បំណង​នៃ​ការ​ណែនាំ​ខ្លួន​ឯង នៅ​ពេល​ការ​ធ្វើ​បណ្ដាញ​ជាមួយ​សមាគម​ធុរកិច្ច និង​អតិថិជន​ប្រកប​ដោយ​សក្ដានុពល​របស់​ពួក​គេ​។​

លោក​បាន​ប្រាប់​ភ្នំពេញ​ប៉ុស្ដិ៍​ថា​៖ «​ដោយសារ​តែ​នេះ​ជា​លើក​ដំបូង ​TCS កំពុង​ធ្វើ​ការងារ​ជាមួយ​ Women In Business យើង​មិន​បាន​ធ្វើ​ច្រើន​ក្រៅ ពី​សិក្ខាសាលា​ខ្លីៗ ដែល​អ្នក​បាន​មើល​ឃើញ​នោះ​ទេ​។ ប៉ុន្តែ យើង​កំពុង​សម្លឹង​ឆ្ពោះ​ទៅ​មុខ​ក្នុង​ការ​សហការ​បន្ថែម​ទៀត​ជាមួយ​ពួក​គេ​»​។​

លោក Nazrin​ បាន​ឲ្យ​ដឹង​ថា​ យើង​តាម​ការ​អង្កេត និង​ការ​ទំនាក់ទំនង​ជាមួយ​អ្នក​ចូលរួម​ជា​ស្ដ្រី​របស់​លោក​នៅ​កម្ពុជា​នៅ​ក្នុង​សិក្ខាសាលា​នេះ តម្រូវការ​បន្ទាន់​បំផុត​របស់​ពាណិជ្ជករ​ស្ដ្រី​នៅ​កម្ពុជា កំពុង​បង្កើត​មុខ​ជំនួញ និង​បណ្ដាញ​។​

លោក​ថ្លែង​ថា​៖ «​ពួក​គេ​ត្រូវ​ការ​ការ​យល់​ដឹង​កាន់​តែ​ច្រើន​ស្ដីពី​ការ​បង្កើត និង​ការ​កសាង​មុខ​ជំនួញ និង​ការ​បង្កើត​ទំនាក់ទំនង​ជាមួយ​ក្រុមហ៊ុន​ពាណិជ្ជករ ក្រុមហ៊ុន​ផ្គត់ផ្គង់ និង​សាធារណៈជន​ទូទៅ​ផ្សេង​ទៀត​»​។​

លោក​លើក​ឡើង​ថា​៖ «​ស្ដ្រី​មាន​គោលការណ៍​នៃ​ការងារ​សម្រាប់​គោល​បំណង​ដ៏​ថ្លៃថ្នួរ​ក្រៅ​ពី​ប្រាក់​ចំណេញ​។ មាន​ក្រុមហ៊ុន​ច្រើន​ណាស់​ដែល​ផ្ដោត លើ​ប្រាក់​ចំណេញ​តែ​មួយ​គត់​នៅ​លើ​ពិភព​លោក​នេះ​។ ដោយ​មាន​ស្ដ្រី​នៅ ក្នុង​អាជីវកម្ម​មិន​ផ្ដល់​ចក្ខុវិស័យ​រួម ដែល​យើង​ត្រូវ​ការ​ខ្លាំង​ណាស់​»​។ លោក​ជឿជាក់​ថា នេះ​គឺជា​ភាព​ខ្លាំង និង​ជំរុញ​ឲ្យ​ស្ដ្រី​ចូលរួម​នៅ​ក្នុង​ធុរកិច្ច​។​

លោក​ Nazrin​ បាន​ចង្អុល​បង្ហាញ​ពី​ការ​ពិត​ដ៏​សំខាន់​មួយ​ថា ស្ដ្រី​អាច​រួម​ចំណែក​វិជ្ជមាន​ដល់​ការ​អភិវឌ្ឍ​ដ៏​ល្អ​ប្រសើរ​នៃ​អាជីវកម្ម ដែល​នឹង​ជួយ​ឲ្យ​សេដ្ឋកិច្ច​របស់​ប្រទេស​រីក​ចម្រើន​ប្រកប​ដោយ​ស្ថិរភាព​។​

ប៉ុន្តែ​ស្ដ្រី​នៅ​កម្ពុជា​កំពុង​ប្រឈម​នឹង​បញ្ហា​ជា​ច្រើន នៅ​ពេល​ធ្វើ​អាជីវកម្ម និង​ជា​បញ្ហា​មួយ​ក្នុង​ចំណោម​បញ្ហា​សំខាន់ៗ​ជាច្រើន​ក្នុង​ការ​ទទួល​បាន​ដើម​ទុន ក្នុង​ការ​ចាប់​ផ្ដើម​អាជីវកម្ម ឬ​ការ​ទទួល​បាន​មូលនិធិ​សម្រាប់​ការ​ពង្រីក​អាជីវកម្ម​។​

យោង​តាម​របាយការណ៍​ដែល​ចេញ​ផ្សាយ​នៅ​ពេល​ថ្មីៗ​ដោយ​សាជីវកម្ម​ហិរញ្ញវត្ថុ​អន្តរជាតិ (IFC) ដែល​ជា​សមាជិក​មួយ​របស់​ធនាគារ​ពិភព​លោក សហគ្រិន​ស្ដ្រី​កម្ពុជា នៅ​តែ​កំពុង​ជម្នះ​ជាមួយ​នឹង​លទ្ធភាព​ទទួល​បាន​កម្ចី​ហិរញ្ញវត្ថុ​នៅ​មាន​កម្រិត សម្រាប់​ការ​ពង្រីក​អាជីវកម្ម​។​

IFC បាន​បញ្ជាក់​ថា ជំនឿ​ជា​ទូទៅ​ថា សហគ្រិន​ស្ដ្រី​នៅ​កម្ពុជា​មិន​សូវ​ចង់​ជួប​ជាមួយ​អ្នក​ដទៃ និង​ខ្វះ​ជំនាញ​ភាព​ជា​អ្នក​ដឹកនាំ និង​គំនិត​ផ្តួចផ្ដើម​ដែល​តម្រូវ​ឲ្យ​មាន​ក្នុង​ការ​គ្រប់គ្រង​អាជីវកម្ម​គឺ​ជា​ការ​យល់​ច្រឡំ​៕

Content image - Phnom Penh Post
​អ្នកចូលរួមស្តាប់វាគ្មិន។ សហការី
Content image - Phnom Penh Post
​សហគ្រិនស្រ្តីក្នុងស្រុកប្រឈមនឹងបញ្ហាដើមទុន។ សហការី
Content image - Phnom Penh Post
​ការកើនឡើងនៃចំនួនស្រ្តីចូលរួមក្នុងវិស័យអាជីវកម្ម។ សហការី

អត្ថបទគួរចាប់អារម្មណ៍