The Phnom Penh Post Search

Search form




Logo of Phnom Penh Post newspaper Phnom Penh Post - កងកម្លាំង​មួកខៀវ​កម្ពុជា​ប្ដូរវេន​ នឹង​​មក​ដល់​ព្រលាន​យន្តហោះ​ថ្ងៃនេះ




កងកម្លាំង​មួកខៀវ​កម្ពុជា​ប្ដូរវេន​ នឹង​​មក​ដល់​ព្រលាន​យន្តហោះ​ថ្ងៃនេះ

Content image - Phnom Penh Post
កងកម្លាំង​មួកខៀវ​កម្ពុជា​នៅក្នុង​ពិធី​កាលពី​ថ្ងៃ​ពុធ​។ រូបថត ក្រសួង​ព័ត៌មាន

កងកម្លាំង​មួកខៀវ​កម្ពុជា​ប្ដូរវេន​ នឹង​​មក​ដល់​ព្រលាន​យន្តហោះ​ថ្ងៃនេះ

ភ្នំពេញៈ អ្នកនាំពាក្យ​មជ្ឈមណ្ឌល​ជាតិ​រក្សា​សន្តិភាព លោកស្រី កុសល ម៉ាលីនដា បាន​ប្រាប់​ឲ្យ​ដឹង​នៅ​ថ្ងៃ​ម្សិលមិញ​ថា កងកម្លាំង​មួកខៀវ​កម្ពុជា​ ៨០ ​នាក់​ ដែល​បញ្ចប់​បេសកកម្ម​រក្សា​សន្តិភាព​ក្រោម​ឆត្រ​របស់​អង្គការ​សហប្រជាជាតិ​នៅ​ប្រទេស​ម៉ាលី​នឹង​ត្រូវធ្វើ​មាតុភូមិ​និវត្តន៍​មក​កម្ពុជា​វិញ​នៅ​ថ្ងៃទី​ ១០ កក្កដា ២០២០​។

លោកស្រី ម៉ាលីនដា បាន​ថ្លែងថា​៖ «​ដើម្បី​ការពារ​ការរាតត្បាត​នៃ​ជំងឺ​កូវីដ​១៩ ដល់​ក្រុមគ្រួសារ និង​សហគមន៍​របស់​ពួកគេ កងកម្លាំង​មួកខៀវ​ទាំង​ ៨០ ​នាក់​នោះ​នឹង​តម្រូវ​ឲ្យ​ធ្វើ​ចត្តាឡីស័ក​រយៈពេល​ ១៤ ​ថ្ងៃ​ នៅ​សាលា​ហ្វឹកហ្វឺន​កងកម្លាំង​រក្សា​សន្តិភាព​ពហុជាតិ​ដែល​មាន​ទីតាំង​ក្នុង​ស្រុក​ភ្នំស្រួច ខេត្ត​កំពង់ស្ពឺ​ទៅ​តាម​វិធាន​សុវត្ថិភាព​របស់​ក្រសួង​សុខាភិបាល​»​។

លោកស្រី​បាន​ប្រាប់​ឲ្យ​ដឹងផង​ដែរ​ថា កាលពី​យប់​ថ្ងៃទី​ ០៨ ខែ​កក្កដា ឆ្នាំ​ ២០២០ កន្លងទៅ​ថ្មីៗ​នេះ​កម្ពុជា​បាន​បញ្ជូន​កងកម្លាំង​វិស្វកម្ម​ព្រលាន​យន្តហោះ​លេខ​ ៩៧២ និង​កងកម្ទេច​គ្រាប់​មិនទាន់​ផ្ទុះ​លេខ​ ៨៨២ សរុប​ ៨០ ​នាក់ ​ក្នុង​នោះ​មាន​ ៧ ​នាក់​ ជា​ស្ត្រី​ផងដែរ​ឲ្យ​ទៅ​បំពេញ​បេសកកម្ម​មនុស្សធម៌​នៅ​ប្រទេស​ម៉ាលី ដើម្បី​ជំនួស​កងកម្លាំង​មួកខៀវ​កម្ពុជា​ទាំង​ ៨០ ​នាក់​ ដែល​ត្រូវបាន​ធ្វើ​មាតុភូមិនិវត្តន៍​មក​កម្ពុជា​វិញ​នេះ​។ កងកម្លាំង​ទាំងនោះ​ក៏​ត្រូវ​បាន​ធ្វើ​ចត្តាឡីស័ក​ ១៤ ​ថ្ងៃ​នៅ​សាលា​ហ្វឹកហ្វឺន​កងកម្លាំង​រក្សា​សន្តិភាព​ពហុជាតិ ក្រោម​ការត្រួតពិនិត្យ​យ៉ាង​ត្រឹមត្រូវ​របស់​អង្គការ​សុខភាព​ពិភពលោក​ប្រចាំ​កម្ពុជា​។

លោកស្រី​បាន​ថ្លែងថា​៖ «​ទោះ​ជា​ពេលនេះ ពិភពលោក​កំពុង​ជួប​វិបត្តិ​នៃ​ការរាតត្បាត​ជំងឺ​កូវីដ​១៩ តែ​កម្ពុជា​មិន​រារែក​ក្នុង​ការបញ្ជូន​កងកម្លាំង​មួកខៀវ​របស់​យើង ដើម្បី​ចូលរួម​រក្សា​សន្តិភាព​ក្រោម​ឆត្រ​អង្គការ​សហប្រជាជាតិ​ឡើយ​»​។

លោកស្រី ម៉ាលីនដា បាន​បន្តថា​ក្នុង​រយៈពេល​ជាង​ ១០ ​ឆ្នាំ​មក​នេះ កងកម្លាំង​កម្ពុជា​មាន​ស្នាដៃ​ជាច្រើន​ក្នុង​ពេល​បំពេញ​បេសកកម្ម​នៅក្រៅ​ប្រទេស​។ រហូត​មក​ដល់​ឆ្នាំ​ ២០២០ ​នេះ​សម្ទុះ​នៃ​ការបញ្ជូន​កងកម្លាំង​ជា​ស្ត្រី​មាន​ការកើនឡើង​ជាង​ ១៧% និង​ជាប់​ចំណាត់​ថ្នាក់​លេខ​ ១៧ ​ក្នុង​ចំណោម​ប្រទេស​ ១២៧ ដែល​បាន​បញ្ជូន​កងកម្លាំង​ជា​នារី និង​ជាប់​លេខ​ ២ ក្នុង​តំបន់​អាស៊ីអាគ្នេយ៍​ដែល​អនុញ្ញាត​ឲ្យ​មាន​ការចូលរួម​បំពេញ​បេសកកម្ម​រក្សា​សន្តិភាព​ក្រោម​ឆត្រ​អង្គការ​សហប្រជាជាតិ​៕

អត្ថបទគួរចាប់អារម្មណ៍

  • ស្ដង់ដា​គណនេយ្យ ជា​ធាតុ​ផ្សំ​ដ៏សំខាន់​មួយ​ក្នុង​ក្របខ័ណ្ឌ​គណនេយ្យ និង​ការរាយការណ៍​ហិរញ្ញវត្ថុ ព្រមទាំង​ជួយ​សម្រួល​ដល់​ក្រុមហ៊ុន​/​សហគ្រាស និង​ថ្នាក់ដឹកនាំ​របស់​ក្រុមហ៊ុន ដើម្បី​កំណត់​ឱ្យ​បាន​ច្បាស់លាស់​ពី​ស្តង់ដា​ដែល​ក្រុមហ៊ុន​បាន​ប្រើប្រាស់​សម្រាប់​ការរៀបចំ​របាយការណ៍​ហិរញ្ញវត្ថុ​។

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។