The Phnom Penh Post Search

Search form




Logo of Phnom Penh Post newspaper Phnom Penh Post - កម្ពុជា​ត្រូវ​គណៈកម្មាធិការ UN ពិនិត្យ​ស្ថាន​ភាព​សិទ្ធិ​កុមារ​អាទិត្យ​ក្រោយ

កម្ពុជា​ត្រូវ​គណៈកម្មាធិការ UN ពិនិត្យ​ស្ថាន​ភាព​សិទ្ធិ​កុមារ​អាទិត្យ​ក្រោយ

កម្ពុជា​ត្រូវ​គណៈកម្មាធិការ UN ពិនិត្យ​ស្ថាន​ភាព​សិទ្ធិ​កុមារ​អាទិត្យ​ក្រោយ

ភ្នំពេញៈ កំណត់​ត្រា​ស្តីពី​សិទ្ធិ​កុមារ របស់​កម្ពុជា​នឹង​ត្រូវ​ពិនិត្យ​ដោយ គណៈកម្មាធិការ​អង្គការ​សហប្រជា​ជាតិ នៅ​ទីក្រុង ហ្សឺណែវ នា​សប្តាហ៍​ក្រោយ​នេះ។

ខណៈ​ជា​ប្រទេស​មួយ​នៅ​ក្នុង​ចំណោម​ប្រទេស​ ១៩៣ ដែល​​ផ្តល់​សច្ចាប័ន​លើ​អនុសញ្ញា​ស្តី​ពី​សិទ្ធិ​កុមារ កម្ពុជា​ត្រូវ​ឆ្លង​កាត់​ការ​ពិនិត្យ​កំណត់​ត្រា​ដោយ​អ្នក​ជំនាញ​ឯករាជ្យ​និង​សមាជិក។

ឆ្នាំ​នេះ​បញ្ហា​ដែល​ត្រូវ​ពិនិត្យ​រួម​មាន ការ​រំលោភ​បំពាន​កុមារ​នៅ​មណ្ឌល​កុមារ​កំព្រា ពេស្យាកម្ម​លើ​កុមារ ការងារ​កុមារ​ និង​ការ​ជួញ​ដូរ​កុមារ។

នៅក្នុង​របាយការណ៍​ដែល​វាយ​តម្លៃ​ស្ថានភាព​សិទ្ធិ​កុមារ ក្នុង​ប្រទេស​កម្ពុជា អង្គការ​ក្រៅ​រដ្ឋាភិបាល​ផ្តល់​​អនុសាសន៍​ជា​ច្រើន​រួម​មាន ​ការ​លុប​ចោល​ការ​ដាក់​ទោស​ទណ្ឌ​លើ​កុមារ ​ច្បាប់​សម្រាប់​ការ​ស្មុំ​កូន​​ក្នុង​ស្រុក ​បទប្បញ្ញត្តិ សម្រាប់​មជ្ឈមណ្ឌល​គាំពារ ​ការ​ចុះ​បញ្ជី​កំណើត​ ​និង​​គោលការណ៍​ណែនាំ​ផ្លូវ​ច្បាប់​​សម្រាប់​កុមារ​ដែល​កំពុង​ធ្វើ​ការ​នៅ​​វិស័យ​ក្រៅ​ប្រព័ន្ធ និង​ប្រកប​ដោយ​គ្រោះ​ថ្នាក់។

ការ​ឆ្លើយ​តប​របស់​រដ្ឋាភិបាល​ចំពោះ​សំណើ​សុំ​ទិន្នន័យ​របស់​អង្គការ​សហប្រជាជាតិ​ស្តីពី​បញ្ហា​នេះ ព្រម​ជាមួយ​នឹង​សំណើ​ទៅ​របាយការណ៍​របស់​អង្គការ​ក្រៅ​រដ្ឋាភិបាល មិន​បាន​ផ្សព្វ​ផ្សាយ​ជា​សាធារណៈ​កាល​ម្សិល​មិញ។

កម្ពុជា​គឺ​ជា​ប្រទេស​ទី ១ ក្នុង​ចំណោម​ប្រទេស ១២ ដែល​ត្រូវ​ពិនិត្យ និង​ជា​ប្រទេស​អាស៊ី​អាគ្នេយ៍​​ដែល​ពាក់​ព័ន្ធ​នឹង​​ការ​ពិភាក្សា​នា​ពេល​ខាង​មុខ​។

នៅ​ក្នុង​ការ​សន្និដ្នាននៅ​ចុង​ខែ​នេះ​ ​គណៈ​កម្មាធិការ​ អង្គការ​សហប្រជា​ជាតិ​នឹង​ធ្វើ​អនុសាសន៍​ផ្ទាល់​របស់​ខ្លួន​ស្តីពី​របៀប​​ដែល​កម្ពុជា​អាច​ពង្រឹង​ការ​ការពារ​សិទ្ធិ​កុមារ៕ PS

អត្ថបទគួរចាប់អារម្មណ៍