The Phnom Penh Post Search

Search form




Logo of Phnom Penh Post newspaper Phnom Penh Post - កម្ពុជា​នៅ​ខ្វះ​យន្តការ​បង្ក្រាប​បទល្មើស​បច្ចេកវិទ្យា

កម្ពុជា​នៅ​ខ្វះ​យន្តការ​បង្ក្រាប​បទល្មើស​បច្ចេកវិទ្យា

Content image - Phnom Penh Post
យុវជនគង់ រៃយ៉ា ត្រូវ​បាន​សមត្ថកិច្ច​ចាប់​ខ្លួន​បញ្ជូន​ទៅ​តុលាការ​កាល​ពី​ខែ​មុន ក្រោយ​ពី​បង្ហោះ​សារ​លើ​បណ្តាញ​ហ្វេសប៊ុស​អំពី​បដិវត្តន៍​ពណ៌។ រូបថត សហការី

កម្ពុជា​នៅ​ខ្វះ​យន្តការ​បង្ក្រាប​បទល្មើស​បច្ចេកវិទ្យា

ភ្នំពេញៈ មន្ត្រី​រដ្ឋាភិបាល​បាន​ឲ្យ​ដឹង​ថា​ កម្ពុជា​ជា​ប្រទេស​មួយ​ក្នុង​ចំណោម​បណ្តា​ប្រទេស​អាស៊ាន​ដែល​នៅ​ខ្វះខាត​យន្តការ និង​វិធានការ​បង្ក្រាប​បទល្មើស​បច្ចេកវិទ្យា​ព្រោះ​តែ​កង្វះ​ធនធាន និង​អ្នក​ជំនាញ​ស្រប​ពេល​ដែល​មិន​ទាន់​មាន​ច្បាប់​គ្រប់គ្រង​ប្រព័ន្ធ​អ៊ីនធឺណិត។

ការ​អះអាង​នេះ​ធ្វើ​ឡើង​ដោយ​ផ្អែក​តាម​របាយការណ៍​ស្រាវជ្រាវ និង​វាយតម្លៃ​របស់​អង្គការ​សហប្រជាជាតិ​ទទួល​បន្ទុក​គ្រឿងញៀន និង​ឧក្រិដ្ឋកម្ម (UNODC) ក្នុង​កិច្ចប្រជុំ​មួយ​ កាលពី​ម្សិលមិញ​ ដែល​អគ្គ​ស្នងការ​រង​នគរបាល​ជាតិ​លោក ឆៃ ស៊ីណារិទ្ធិ អះអាង​ថា UNODC បាន​រកឃើញ​ប្រទេស​មួយ​ចំនួន​ក្នុង​តំបន់​អាស៊ាន​ក្នុង​នោះ​ក៏​មាន​កម្ពុជា​ដែល​នៅ​មិន​ទាន់​មាន​យន្តការ ​វិធានការ​បង្ក្រាប​ក៏​ដូចជា​ច្បាប់​ផ្តន្ទាទោស​លើ​បទល្មើស​បច្ចេកវិទ្យា​នៅ​ឡើយ​។

លោក ស៊ីណារិទ្ធិ ឲ្យ​ដឹង​ថា​ អាជ្ញាធរ​កំពុង​ប្រឈម​បញ្ហា​ច្រើន​ក្នុង​ការ​ទប់ស្កាត់ បង្ក្រាប និង​ចាត់​វិធានការ​លើ​បទល្មើស​បច្ចេកវិទ្យា​តាម​អ៊ីនធឺណិត និង​ទូរស័ព្ទ​ទំនើប​ដោយសារ​បទល្មើស​ទាំងនោះ​មាន​លក្ខណៈ​ស្មុគស្មាញ​គួបផ្សំ​នឹង​កង្វះ​ធនធាន និង​អ្នក​ជំនាញ​ដែល​យល់​លម្អិត​ពី​បច្ចេកវិទ្យា​ព័ត៌មាន​។

លោក​ថា៖ «​បើ​យើង​មិន​មាន​វិធានការ​ចាត់​តាំង​កម្លាំង​បង្ក្រាប​ទេ​នោះ​ពួក​ឧក្រិដ្ឋជន​នឹង​ប្រើប្រាស់​មធ្យោបាយ​បច្ចេកវិទ្យា​នេះ​ដើម្បី​បន្ត​ធ្វើ​សកម្មភាព​ល្មើស​ប៉ះពាល់​ដល់​សន្តិសុខ​ប្រទេស​ជាតិ​​តំបន់ និង​អន្តរជាតិ»​។

នាយការិយាល័យ​បទល្មើស​បច្ចេកវិទ្យា​ព័ត៌មាន​លោក​ ហាយ មករា ឲ្យ​ដឹង​ថា ​បច្ចុប្បន្ន ​បទល្មើស​ទាក់ទង​នឹង​បច្ចេកវិទ្យា​ព័ត៌មាន​មាន​ត្រឹម​ ១០​% ប៉ុណ្ណោះ​ ដែល​​សមត្ថកិច្ច​មាន​លទ្ធភាព​បង្ក្រាប​បាន​ហើយ​បទល្មើស​ធំៗ​គឺ​សមត្ថកិច្ច​មិន​អាច​បង្ក្រាប​បាន​ទេ​លុះ​ណា​តែ​មាន​កិច្ចសហការ​រួម​គ្នា​ពី​គ្រប់​បណ្តា​ក្រុមហ៊ុន​ទូរស័ព្ទ និង​អ្នក​ពាក់ព័ន្ធ​៕

អត្ថបទគួរចាប់អារម្មណ៍