The Phnom Penh Post Search

Search form




Logo of Phnom Penh Post newspaper Phnom Penh Post - កម្ពុជា​បញ្ចប់​ការងារ​ក្នុង​ការ​បញ្ជាក់​ជំហរ​ពី​ទំនប់​វារីអគ្គិសនី​ ដនសាហុង

កម្ពុជា​បញ្ចប់​ការងារ​ក្នុង​ការ​បញ្ជាក់​ជំហរ​ពី​ទំនប់​វារីអគ្គិសនី​ ដនសាហុង

អ្នក​នៅ​ដងទន្លេតវ៉ា​ឲ្យ​គិត​ពី​​ពួកគាត់​​​បើអភិវឌ្ឍ​តំបន់​ទន្លេ។
អ្នក​នៅ​ដងទន្លេតវ៉ា​ឲ្យ​គិត​ពី​​ពួកគាត់​​​បើអភិវឌ្ឍ​តំបន់​ទន្លេ។ ម៉ៃ វីរៈ

កម្ពុជា​បញ្ចប់​ការងារ​ក្នុង​ការ​បញ្ជាក់​ជំហរ​ពី​ទំនប់​វារីអគ្គិសនី​ ដនសាហុង

ភ្នំពេញៈ កម្ពុជា​ កាល​ម្សិលមិញ​បាន​បញ្ចប់​ការងារ​ស្តី​អំពី​គោល​ជំហរ​របស់​ខ្លួន​ស្តីពី​សំណើ​សាង​សង់​ទំនប់​វារី​អគ្គិសនី​ ដនសាហុង ​របស់​ប្រទេស​ឡាវ ​ដោយ​ជំទាស់​នឹង​សំណើ​នេះ។

លោក ណៅ ធួក ប្រធាន​រដ្ឋបាល​ជលផល​បាន​ថ្លែងថា៖ «អ្នក​រាល់​គ្នា​ប្រឆាំង​នឹង​គម្រោង​នេះ​យ៉ាង​ខ្លាំង»។

ដោយ​មាន​ទីតាំង​មិនដល់ ២ គីឡូម៉ែត្រ ភាគខាង​ជើង​​នៃ​ព្រំដែន ឡាវ‑កម្ពុជា គម្រោង​ដែល​អាច​ផលិត​អគ្គិសនី ២៦០ មេហ្គាវ៉ាត់​នេះ​អាច​មាន​ផល​ប៉ះ​ពាល់​ទៅ​លើ​ផ្លូវ​ទឹក​រួម និង​ធនធាន​ជល​ផល។ នេះ​បើ​តាម​ក្រុម​អ្នក​រិះគន់​ដែល​បាន​លើក​ឡើង។
ក្រុម​អភិរក្ស​ក៏​បាន​អះ​អាង​ផង​ដែរ​ថា ​ទំនប់​វារី​អគ្គិសនី​នេះ​នឹង​ផ្តល់​គ្រោះ​ថ្នាក់​ដល់​ការរស់​រាន​របស់​ត្រី​ផ្សោត​របស់​កម្ពុជា។

នៅ​ពេលមាន​ការ​ប្រឆាំង​ខ្លាំង​ឡើង​ក្រុម​ហ៊ុន​ម៉ាឡេស៊ី​ឈ្មោះ Mega First Berhad បាន​យល់​ព្រម​កាល​​ខែ​មិថុនា​ថា ​នឹង​ដាក់​​គម្រោង​នេះ​ទៅ​ក្នុង​ដំណើរ​ការ​ពិគ្រោះ​យោបល់​ជា​មុន ដើម្បី​ឲ្យ​ប្រទេស​តាមដង​ទន្លេ​មេគង្គ​ក្រោម​ទាំង​បួន​អាច​ពិនិត្យ​និង​ពិភាក្សា​អំពី​ទំនប់​វារី​អគ្គិសនី​ដន​សាហុង​នេះ។

ខណៈ​​ដំណើរ​​ការ​​ពិគ្រោះ​យោបល់​ខែ​ទី​ ៦ ជិត​បញ្ចប់ ប្រទេស​ទាំង​បួន​ត្រូវ​បាន​ស្នើ​ឲ្យ​ដាក់​នូវ​​ការ​សន្និដ្ឋាន​អំពី​គម្រោង​នេះ​​ពី​មុន​សេចក្តី​សម្រេច​របស់ ​គណៈកម្មាធិការ​ចម្រុះ នា​ពេល​ខាង​មុខ​ក្នុង​ខែ​នេះ។

កម្ពុជា មិន​បាន​បោះ​បង់​ពី​ជំហរ​របស់​ខ្លួន​​ដែលថា ទំនប់​វារី​អគ្គិសនី​នេះ​គួរផ្អាក​រហូត​ទាល់​តែ​មាន​ការ​​សិក្សា​អន្តរ​ប្រទេស​បន្ថែម​ទៀត។

ការ​ពិនិត្យ​បច្ចេកទេស​អំពី​ទំនប់​វារី​អគ្គិសនី​នេះ​ដោយ​ក្រុម​អ្នក​ជំនាញ ៥ ក្រុម​ក៏​បាន​សន្និដ្ឋាន​កាល​ខែ​មុន​ផង​ដែរ​ថា ទំនប់​វារី​អគ្គិសនី ​ដន​សាហុង ​​មិន​បាន​ពិចារណា​អំពី​ផល​ប៉ះ​ពាល់​​ទៅ​លើ​ប្រទេស​​ខ្សែ​ទឹក​ក្រោម​ដូច​ជា​ កម្ពុជា ដែល​​ប្រជាជន​រាប់​លាន​នាក់​ពឹង​ផ្អែក​លើ​​ធនធាន​ជល​ផល​សម្រាប់​ចំណូល​និង​អាហារ​ទេ៕PS

អត្ថបទគួរចាប់អារម្មណ៍