.jpg)
គ្រូពេទ្យកំពុងយកសំណាកពីកុមារីម្នាក់នៅក្នុងខណ្ឌច្បារអំពៅ ដែលជាប់ពាក់ព័ន្ធនឹងជំងឺកូវីដ ១៩។ រូបថត យូសុះ អាប់ឌុលរ៉ាស់ហ៊ីម
ភ្នំពេញ៖ ករណីអ្នកទទួលមរណភាពដោយសារជំងឺកូវីដ ១៩ នៅក្នុងប្រទេសកម្ពុជា បានកើនឡើងរហូតដល់ ១២០ នាក់ហើយ គិតមកដល់ថ្ងៃនេះ ខណៈមនុស្សចំនួន ៥២០ នាក់បន្ថែមទៀត ត្រូវបានរកឃើញមានវិជ្ជមានវីរុសកូវីដ ១៩ និងអ្នកដែលបានព្យាបាលជាសះស្បើយចំនួន ៣០១ នាក់។
យោងតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃអាទិត្យ ទី ០៩ ខែឧសភានេះ បានឱ្យដឹងថា ក្រសួងបានរកឃើញអ្នកឆ្លងវីរុសកូវីដ ១៩ ចំនួន ៥២០ នាក់ បន្ថែមទៀត ក្នុងនោះករណីឆ្លងក្នុងព្រឹត្តិការណ៍សហគមន៍ ២០ កុម្ភៈ មានចំនួន ៥១៥ នាក់ និងអ្នកដំណើរមកពីបរទេសចំនួន ០៥ នាក់។
គិតត្រឹមព្រឹក ថ្ងៃទី ០៩ ខែ ឧសភា ឆ្នាំ ២០២១ នេះ កម្ពុជាមានអ្នកឆ្លងវីរុសកូវីដ ១៩ សរុបនៅទូទាំងប្រទេសចំនួន ១៩ ២៣៧ នាក់ អ្នកជាសះស្បើយសរុបចំនួន ៧ ៦៤១ នាក់ និងអ្នកស្លាប់ចំនួន ១២០ នាក់៕
