.jpg)
លោកស្រី ឱ វណ្ណឌីន អ្នកនាំពាក្យក្រសួងសុខាភិបាល កាលពីកន្លងមក។ ហេង ជីវ័ន
ភ្នំពេញ៖ ក្រសួងសុខាភិបាល បានរកឃើញអ្នកឆ្លងជំងឺកូវីដ ១៩ ចំនួន ៣១ បន្ថែមទៀតកាលពីថ្ងៃម្សិលមិញ ដែលធ្វើឲ្យចំនួនអ្នកឆ្លងសរុបទាំងអស់នៅកម្ពុជាបានកើនឡើងដល់ចំនួន ៨៤ នាក់។ នេះបើតាមសេចក្ដីប្រកាសរបស់ក្រសួងសុខាភិបាលដែលបានប្រកាសកាលពីយប់មិញ។
បើតាមសេចក្ដីប្រកាសរបស់ក្រសួងសុខាភិបាលបានឲ្យដឹងថា លទ្ធផលពីវិទ្យាស្ថានប៉ាស្ទ័រកម្ពុជា នាថ្ងៃទី ២២ ខែ មីនា ឆ្នាំ ២០២០ វេលាម៉ោង ១០ យប់ បានបង្ហាញថា សំណាកវត្ថុវិភាគរបស់បុរស និងស្ត្រីជនជាតិបារាំងចំនួន ២៩ នាក់ និងបុរសជនជាតិខ្មែរចំនួន ២ នាក់ វិជ្ជមានឆ្លងជំងឺកូវីដ ១៩ ដែលជាករណីថ្មីបន្ថែមទៀតរកឃើញនៅខេត្តព្រះសីហនុ។
បុរស និងស្ត្រីជនជាតិបារាំងទាំង ២៩ នាក់នោះ គឺជាអ្នកទេសចរ រីឯបុរសជនជាតិខ្មែរចំនួន ២ នាក់ ដែលឆ្លងជំងឺកូវីដ ១៩ ពីជនជាតិបារាំងទាំងនោះ គឺជាអ្នកមគ្គុទេសទេសចរ។ ខាងក្រោមនេះគឺ ជាសេចក្ដីជូនដំណឹងរបស់ក្រសួងសុខាភិបាល៖
