The Phnom Penh Post Search

Search form




Logo of Phnom Penh Post newspaper Phnom Penh Post - កម្ពុជា​នឹង​បញ្ជូន​ស្ត្រី​ធ្វើ​ការ​តាម​ផ្ទះ​ទៅ​សិង្ហបុរី

កម្ពុជា​នឹង​បញ្ជូន​ស្ត្រី​ធ្វើ​ការ​តាម​ផ្ទះ​ទៅ​សិង្ហបុរី

កម្ពុជា​នឹង​បញ្ជូន​ស្ត្រី​ធ្វើ​ការ​តាម​ផ្ទះ​ទៅ​សិង្ហបុរី

130205_08
ស្ត្រីពលករបម្រើការតាមផ្ទះនៅម៉ាឡេស៊ី ដែលមានបញ្ហា ជួបប្រឹក្សាជាមួយអ្នកជំនាញកន្លងមក សែន ដាវីត

ភ្នំពេញៈ ស្រ្តី​កម្ពុជា​ចំនួន ៤០០ នាក់​អាច​នឹង​ត្រូវ​បញ្ជូន​ទៅ​បម្រើ​ការ​តាម​ផ្ទះ​ នៅ​ប្រទេស​សិង្ហបុរី​នៅ​ពាក់​កណ្តាល​ឆ្នាំ​នេះ ក្រោម​គម្រោង​សាក​ល្បង​មួយ​ដោយ​រដ្ឋាភិបាល​កម្ពុជា​ និង​សិង្ហបុរី។

ភ្នំពេញ ប៉ុស្តិ៍ បាន​ទទួល​សារាចរ​ផ្ទៃ​ក្នុង​មួយ ដែល​ក្រសួង​កម្លាំង​ពលកម្ម​សិង្ហបុរី បាន​បញ្ជូន​ទៅ​ទីភ្នាក់ងារ​ការ​ងារ​ផ្សេងៗ ដែល​ក្នុង​នោះ ក្រសួង​នេះ​បាន​ស្នើ​ឲ្យ​ទីភ្នាក់ងារ​ណា​ដែល​ត្រូវ​ការ​ស្រ្តី​បម្រើ​ ការ​ងារ​តាម​ផ្ទះ​ជន​ជាតិ​កម្ពុជា​ សូម​ធ្វើ​ការ​ដាក់​ពាក្យ​ត្រឹម​ថ្ងៃ​ទី​១៨ កុម្ភៈ​។ សារាចរ​នោះ​បាន​ឲ្យ​ដឹង​ថា បន្ទាប់​ពី​ការ​បណ្តុះ​បណ្តាល​បញ្ចប់ ស្រ្តី​បម្រើ​ការងារ​តាម​ផ្ទះ​ដែល​ជា​ជន​ជាតិ​បរទេស​ទាំង​នោះ នឹង​ចាប់​ផ្តើម​ការ​ងារ​ឆាប់ៗ​នៅ​ខែ​មិថុនា​ឆ្នាំ​នេះ​។

គម្រោង​ នេះ មាន​គោល​បំណង​សិក្សា ថា​តើ​ស្រ្តី​បម្រើ​ការ​ងារ​ជនជាតិ​កម្ពុជា​ ស័ក្តិសម​​សម្រាប់​និយោជក​សិង្ហបុរី​ឬ​អត់?

លោក ហូ វុទ្ធី អគ្គ​នាយក​នៃ​ក្រសួង​ការងារ បាន​បញ្ជាក់​ថា នេះ​នឹង​ជា​លើក​ទី​មួយ​ហើយ​ដែល​ស្រ្តី​បម្រើ​ការងារ​តាម​ផ្ទះ​ជនជាតិ​ កម្ពុជា នឹង​ត្រូវ​បញ្ជូន​ទៅ​ប្រទេស​សិង្ហបុរី​។ លោក​មិន​បាន​ថ្លែង​ជាក់​លាក់​ទេ ថា​តើ​នៅ​ពេល​ណា​ស្រ្តី​ទាំង​នោះ​នឹង​ចាក​ចេញ​ពី​ប្រទេស​កម្ពុជា ប៉ុន្តែ​បាន​ថ្លែង​ថា ពួក​គេ​នឹង​ត្រូវ​បាន​បញ្ជូន​ឆាប់ៗ​នៅ​ពេល​«ការ​បណ្តុះ​បណ្តាល​ របស់​ពួក​គេ​ត្រូវ​បាន​បញ្ចប់ និង​បញ្ហា​សុវត្ថិភាព​របស់​ពួក​គេ​ត្រូវ​បាន​ធានា​ត្រឹមត្រូវ»។

ការ​ផ្តល់​សិទ្ធិ​ដល់​ស្រ្តី​បម្រើ​ការងារ​តាម​ផ្ទះ របស់​ប្រទេស​សិង្ហបុរី​ត្រូវ​បាន​គេ​រិះគន់​ជា​យូរ​មក​ហើយ​។

ការ​រិះគន់​មួយ​សំខាន់​នៅ​ក្នុង​ចំណោម​ការ​រិះ​គន់​ទាំង​នោះ​គឺ​ប្រាក់​ខែ ​ទាប និង​ការ​ខ្វះ​ពេល​វេលា​និង​ថ្ងៃ​ឈប់​សម្រាក។ កាល​ពី​ខែ​មីនា ឆ្នាំ​មុន រដ្ឋាភិបាល​សិង្ហបុរី បាន​បង្កើត​ច្បាប់​កំណត់​ថ្ងៃ​ឈប់​សម្រាក​សម្រាប់​ស្រ្តី​បម្រើ​ ការងារ​តាម​ផ្ទះ នៅ​ចំពេល​មាន​ការ​រិះគន់​ពី​ក្រុម​សិទ្ធិ​មនុស្ស​។ បទប្បញ្ញត្តិ​នេះ ចូល​ជា​ធរមាន​ចាប់​ពី​ខែ​មករា​ឆ្នាំ​នេះ។ ​ប៉ុន្តែ​សមាគម​ទីភ្នាក់ងារ​ការ​ងារ​របស់​ប្រទេស​សិង្ហបុរី​ ​(AEA) ​សង្ឃឹម​ថា នឹង​ដោះស្រាយ​បញ្ហា​ប្រាក់​ឈ្នួល​ទាប​ដោយ​តម្រូវ​ថា ​ស្រ្តី​បម្រើ​ការងារ​តាម​ផ្ទះ​ជន​ជាតិ​កម្ពុជា​នឹង​ត្រូវ​បាន​ផ្តល់ ប្រាក់​ខែ​យ៉ាង​តិច ៤០០​ដុល្លារ​សិង្ហបុរី (៣២០​ដុល្លារ​អាមេរិក​)។ លោក​ស្រី​ K Jayaprema ប្រធាន AEA ​បាន​ប្រាប់​ភ្នំពេញ ប៉ុស្តិ៍​ថា៖ «ស្រ្តី​បម្រើ​ការ​តាម​ផ្ទះ​ជន​ជាតិ​កម្ពុជា គឺ​មិន​ខុស​ពី​ស្រ្តី​បម្រើ​ការងារ​ជនជាតិ​ដទៃៗ​ទៀត​ទេ ការ​ងារ​ដែល​ពួក​គេ​ធ្វើ​គឺ​ដូច​គ្នា ហើយ​ដូច្នេះ​គួរ​តែ​ទទួល​បាន​ប្រាក់​ឈ្នួល​ដូច​គ្នា»។

កាល​ពី​ឆ្នាំ ​មុន ​ដោយ​សារ​មាន​ការ​តវ៉ា​​ ដោយ​រដ្ឋាភិបាល​ឥណ្ឌូនេស៊ី បាន​នាំ​ឲ្យ​មាន​ការ​អនុវត្ត​ប្រាក់​ឈ្នួល​អប្បបរមា​ប្រសើរ​ឡើង​ សម្រាប់​ស្រ្តី​បម្រើ​ការ​ងារ​ជនជាតិ​ឥណ្ឌូនេស៊ី​។ ​ស្រ្តី​បម្រើ​ការងារ​តាម​ផ្ទះ​ជន​ជាតិ​ឥណ្ឌូនេស៊ី​មាន​ចំនួន​ប្រហែល​ ពាក់​កណ្តាល​នៃ​ចំនួន​ស្រ្តី​បម្រើ​ការ​ងារ​តាម​ផ្ទះ​ចំនួន​២០៨ ០០០​ នាក់​ក្នុង​ប្រទេស​សិង្ហបុរី ហើយ​កាល​ពី​មុន​ទទួល​បាន​ប្រាក់​ឈ្នួល​តិច​ជាង​ស្រ្តី​បម្រើ​ការ​ជន ជាតិ​ហ្វីលីពីន។

ទោះ​យ៉ាង​ណា​ក្តី​ លោក​ស្រី​ K Jayaprema ​យល់​ឃើញ​ថា ស្រ្តី​បម្រើ​ការ​ជន​ជាតិ​កម្ពុជា​គឺ​ស័ក្តិសម​ល្អ​សម្រាប់​និយោជក សិង្ហបុរី។

លោក​ស្រី​ថ្លែង​ថា​៖ «កម្ពុជា​គឺជា​ប្រទេស​កាន់​ព្រះ​ពុទ្ធ​សាសនា ហើយ​សិង្ហបុរី​គឺ​មាន​គ្រួសារ​ចិន​ជា​ច្រើន​ដែល​កាន់​ព្រះពុទ្ធ​សាសនា» ។​

លោក​ស្រី​បន្ត​ថា​ AEA ​នឹង​ផ្តល់​ទូរស័ព្ទ​ទាក់ទង​ទាន់​ហេតុការណ៍​សម្រាប់​ស្រ្តី​បម្រើ​ការងារ​តាម​ផ្ទះ​ដើម្បី​ឲ្យ​ពួក​គេ​អាច​ទូរស័ព្ទ​បាន​នៅ​ពេល​ពួក​គេ​មាន​ បញ្ហា។ ​លោក​ស្រី​ថ្លែង​ទៀត​ថា​៖«គោលដៅ​របស់​យើង​គឺ​ដើម្បី​ឲ្យ​ពួក​គេ​មក​ ទីនេះ រក​ប្រាក់​ចំណូល​បាន​ច្រើន និង​ត្រឡប់​ទៅ​ស្រុក​វិញ​ទទួល​បាន​ជីវិត​ប្រសើរ​ជាង​មុន​»៕ PS

អត្ថបទគួរចាប់អារម្មណ៍