The Phnom Penh Post Search

Search form




Logo of Phnom Penh Post newspaper Phnom Penh Post - កម្មករ​ឃីងលែន​តវ៉ា​សុំ​ឲ្យ​លុប​ឈ្មោះ​កម្មករ​ចំនួន ១៧ នាក់

កម្មករ​ឃីងលែន​តវ៉ា​សុំ​ឲ្យ​លុប​ឈ្មោះ​កម្មករ​ចំនួន ១៧ នាក់

កម្មករ​ឃីងលែន​តវ៉ា​សុំ​ឲ្យ​លុប​ឈ្មោះ​កម្មករ​ចំនួន ១៧ នាក់

ភ្នំពេញៈ កម្មករ​ប្រហែល ៦០ នាក់​មក​ពី​រោងចក្រ​កាត់​ដេរ Kingland នៅ​ក្នុង​ខណ្ឌ​មានជ័យ បាន​ធ្វើ​ការ​តវ៉ា​នៅ​មុខ​ក្រសួង​សង្គម​កិច្ច​កាល​ពី​រសៀល​ថ្ងៃ​ម្សិលមិញ ដើម្បី​ទាមទារ​មន្រ្តី​ក្រសួង​លុប​ឈ្មោះ​កម្មករ​១៧ នាក់​ចេញ ដោយ​ពួក​គេ​បាន​លាលែង​កាល​ពី​ខែ​ធ្នូ ឆ្នាំ​មុន​រួច​ហើយ។

លោក អូន ប៊យ តំណាង​កម្មករ បាន​ថ្លែង​ថា ពួក​គេ​មិន​ឯកភាព​នឹង​កម្មករ​ទាំង ១៧ នាក់​នោះ​ទេ។ លោក​បញ្ជាក់​ថា៖ « ​យើង​ចង់​ឲ្យ​ក្រសួង​លុប​ឈ្មោះ​អ្នក​ទាំង​នោះ​ចេញ​ពី​បញ្ជី​ទទួល​ប្រាក់ ឈ្នួល​ពី​អ្នក​ទិញ ព្រោះ​ពួក​គេ​មិន​មែន​ជា​កម្មករ​រោងចក្រ Kingland ទៀត​ទេ ចាប់​តាំង​ពី​ដើម​ខែ​ធ្នូ ឆ្នាំ​មុន​»។ ​

លោក បន្ត​ថា ប្រសិន​បើ​ក្រសួង​នៅ​តែ​រក្សា​ឈ្មោះ​ពួកគេ​ក្នុង​បញ្ជី​ទទួល​ប្រាក់​ឈ្នួល ពី​អ្នក​ទិញ ដូច្នេះ គេ​នឹង​ត្រូវ​ទទួល​បាន​ប្រាក់​ទ្វេ​ដង​ ព្រោះ​ កម្មករ​ទាំង​នោះ​បាន​ទទួល​ប្រាក់​ឈ្នួល​ពី​និយោជក​រួច​ហើយ ចាប់​តាំង​ពី​ពេល​ពួក​គេ​បាន​លាលែង​ពី​ការ​ងារ។ ​លោក​​ឲ្យ​ដឹង​​ថា មន្រ្តី​ក្រសួង បាន​ស្នើ​ពួក​លោក​ឲ្យ​រក​បញ្ជី ឬឯកសារ​ដែល​បង្ហាញ​ថា កម្ម​ករ​ទាំង​១៧ នាក់​នោះ​បាន​ទទួ​ល​ប្រាក់​ឈ្នួល​រួច​ហើយ។ ​

លោក ប៊យ ​បញ្ជាក់​ថា៖ «​យើង​ពុំ​មាន​ទេ ហើយ​យើង​មិន​ដឹង​ថា​តើ​រក​​ឯកសារ​នោះ​ដោយ​របៀប​ណា​ទេ ព្រោះ​ឯកសារ​ទាំង​នោះ​នៅ​ក្នុង​ដៃ​នាយក​។ ខ្ញុំ​នឹង​ស្នើ​ប្រធាន​ក្រុម​ និង​កម្មករ​ដែល​ធ្វើ​ការ​ក្នុង​ក្រុម​ជាមួយ​នឹង​កម្មករ​ទាំង​នោះ​ធ្វើ​ជា​ សាក្សី​ក្នុង​ករណី​នេះ​។ ខ្ញុំ​មិន​ដឹង​ទេ​ថា​តើ​មូលហេតុ​អ្វី​កម្មករ​ទាំង​១៧ នាក់​នេះ មាន​សារៈ​សំខាន់​ខ្លាំង​ម្ល៉េះ​ ដែល​ក្រសួ​ង​​នៅ​តែ​រក្សា​ឈ្មោះ​ពួក​គេ​ដើម្បី​ទទួល​ប្រាក់​ឈ្នួល​»។

លោក សុង មុន ​មន្រ្តី​ក្រសួង​សង្គម​កិច្ច ដែល​បាន​ជួប​កម្មករ​រោងចក្រ Kingland ​មិន​អាច​ទាក់​ទង​សុំ​ការ​អត្ថាធិប្បាយ​បាន​ទេ កាល​ពី​ម្សិលមិញ៕ TK

អត្ថបទគួរចាប់អារម្មណ៍