The Phnom Penh Post Search

Search form




Logo of Phnom Penh Post newspaper Phnom Penh Post - កម្មករ​រោងចក្រ​ផាញ ហ្គ្រេត​គំរាម​មក​បោះ​តង់​មុខ​ក្រសួង​សង្គមកិច្ច

កម្មករ​រោងចក្រ​ផាញ ហ្គ្រេត​គំរាម​មក​បោះ​តង់​មុខ​ក្រសួង​សង្គមកិច្ច

កម្មករ​រោងចក្រ​ផាញ ហ្គ្រេត​គំរាម​មក​បោះ​តង់​មុខ​ក្រសួង​សង្គមកិច្ច

130710_06b
កម្មកររោងចក្រ ផាញហ្គ្រេត ធ្វើការតវ៉ារឿងថៅកែរត់ចោល ម៉ៃ វីរៈ

ភ្នំពេញៈ កម្មករ​រាប់​រយ​នាក់​មក​ពី​រោងចក្រ ផាញ ហ្គ្រេត ក្នុង​ខណ្ឌ​មាន​ជ័យ រាជធានី​ភ្នំពេញ​នឹង​រើ​អីវ៉ាន់​ទៅ​ស្នាក់នៅ​ខាង​មុខ​ក្រសួង​សង្គម​កិច្ច បើ​សិន​ក្រុម​មន្ត្រី​ពាក់​ព័ន្ធ​នៅ​តែ​មិន​មាន​អន្តរាគមន៍​ណា​មួយ​ដោះស្រាយ​ឲ្យ​ពួកគេ​ចាប់​តាំង​ពី​ថៅកែ​បាន​រត់​គេច​ខ្លួន​ជាង​៣​ខែ ដោយ​មិន​ផ្ដល់​ប្រាក់​ខែ​ដល់​ពួក​គេ​សោះ។

អ្នក​ស្រី កែវ សុខុម តំណាង​កម្មករ​បាន​ថ្លែង​ពី​ថ្ងៃ​ម្សិលមិញ​ថា ក្រុម​កម្មករ​បាន​ស្នើ​សុំ​ឲ្យ​ក្រសួង​សង្គម​កិច្ច​អន្តរាគមន៍​ជួយ​ពួក​គេ​ជា​ច្រើន​លើក​ច្រើន​សា​មក​ហើយ​តែ​មន្ត្រី​ទាំង​នោះ​មិន​បាន​ធ្វើ​អ្វី​ជួយ​ដល់​ពួកគេ​សោះ។

អ្នក​ស្រី​បាន​បន្ថែម​ថា៖«កម្មករ​ភាគ​ច្រើន​ត្រូវ​គេ​ឲ្យ​រើ​ចេញ​ពី​ផ្ទះ​ជួល​ហើយ​ខ្លះ​ទៀត​ត្រូវ​រើ​ផ្ទះ​ទៅ​គេង​នៅ​ឯ​រោងចក្រ ដោយ​សារ​តែ​ពួកគេ​មិន​មាន​លុយ​បង់​ថ្លៃ​ឈ្នួល​ឲ្យ​ម្ចាស់​ផ្ទះ​ត​ទៅ​ទៀត»។

អ្នក​ស្រី​លើក​ឡើង​ថា មន្ត្រី​តែង​តែ​ស្នើ​ឲ្យ​ពួក​គេ​ត្រឡប់​ទៅ​ផ្ទះ​វិញ​ពួក​គេ​នឹង​រក​ដំណោះ​ស្រាយ​ដល់​កម្មករ ប៉ុន្តែ​វា​គ្រាន់​តែ​ជា​លេស​ដើម្បី​ដោះសារ​តែ​ប៉ុណ្ណោះ។

អ្នក​ស្រី កែវ សុខុម បាន​បន្ត​ថា៖​«ពួកគេ​មិន​បាន​ធ្វើ​អ្វី​មួយ​ជួយ​ដល់​ពួក​យើង​ឡើយ​ហើយ​ក៏​មិន​បាន​គិត​ពី​ការ​លំបាក​របស់​យើង​ដែរ​។ ពួក​យើង​នឹង​មិន​ទៅ​បោះឆ្នោត​ឡើយ​ព្រោះ​យើង​មិន​មាន​លុយ​ធ្វើ​ដំណើរ​ទៅ​ស្រុក»។

កម្មករ​ម្នាក់ៗ​ក្នុង​រោងចក្រ​ដែល​បិទ​ទ្វារ​ត្រូវ​ទទួល​បាន​ប្រាក់​ចន្លោះ​ពី​២០០​ដុល្លារ​ដល់​៣០០​ដុល្លារ ឬ​ក៏​ច្រើន​ជាង​១ពាន់​ដុល្លារ​អាមេរិក​បើ​បូក​ទាំង​ប្រាក់​ខែ ប្រាក់​អត្ថ​ប្រយោជន៍​និង​ប្រាក់​លើក​ទឹក​ចិត្ត​ផង។

អ្នក​ស្រី កែវ សុខុម បាន​បញ្ជាក់​ទៀត​ថា៖ «ថៅកែ​តែង​តែ​ផ្ដល់​ប្រាក់​បំណាច់​ឆ្នាំ​ដល់​កម្មករ​នៅ​រៀង​រាល់​ចុង​ឆ្នាំ ប៉ុន្តែ​នៅ​ពេល​ចុង​ក្រោយ​ដែល​គាត់​រត់​គេច​ខ្លួន​បាត់ កម្មករ​មិន​ទាន់​បាន​ទទួល​ប្រាក់​អ្វី​ទាល់​តែ​សោះ​»។

ថៅកែ​ចិន​បាន​រត់​គេច​ខ្លួន​កាល​ពី​ខែ​មេសា ដោយ​មិន​បើក​ប្រាក់​ខែ​ដល់​កម្មករ​នៅ​ឡើយ។

កម្មករ សំ សុភ័ណ្ឌ អាយុ​៣៨​ឆ្នាំ បាន​និយាយ​ពី​ថ្ងៃ​ម្សិលមិញ​ថា ក្រុម​កម្មករ​គ្រោង​នឹង​ទៅ​បោះ​ជំរំ​នៅ​ខាង​មុខ​ក្រសួង​សង្គម​កិច្ច​ដើម្បី ស្នាក់នៅ​ទី​នោះ​រហូត​ដល់​ពួកគេ​បាន​ទទួល​ប្រាក់​ខែ​។

សំ សុភ័ណ្ឌ បាន​បន្ថែម​ថា៖​«យើង​មិន​មាន​ប្រាក់​ទេ ដូច្នេះ​យើង​ធ្វើ​អ្វី​ក៏​បាន​ឲ្យ​តែ​បាន​ប្រាក់​ខែ​របស់​យើង​។ វា​អាច​ជា​ជម្រើស​ចុង​ក្រោយ​របស់​យើង​ដែល​ត្រូវ​ធ្វើ​តាម​វិធី​នេះ​ក៏​ថា​បាន​ដែរ»។

លោក ទូច សមុទ្រ សមាជិក​គណៈកម្មការ​ថ្មី​ដែល​បាន​បង្កើត​ឡើង​ដើម្បី​ដោះស្រាយ ករណី​រោងចក្រ ផាញហ្គ្រេត​នៃ​ក្រសួង​សង្គម​កិច្ច បាន​ថ្លែង​ពី​ថ្ងៃ​ម្សិលមិញ​ថា លោក​កំពុង​ធ្វើ​ការ​ដោះស្រាយ។

លោក​បញ្ជាក់​ថា ៖«យើង​កំពុង​ដោះស្រាយ​ជូន​ពួក​គេ​តាម​ច្បាប់​យើង​ត្រូវ​ការ​ពេល​គិត​ប្រាក់​ខែ​ពួក​គេ ដូច្នេះ​កម្មករ​ត្រូវ​រង់​ចាំ និង​អត់​ធ្មត់​លើ​បញ្ហា​នេះ»។​លោក​ថា ការ​គិត​ប្រាក់​ខែ​ពួក​គេ​វា​ខុស​ម្តង​ហើយ ដូច្នេះ​ត្រូវ​ធ្វើ​ម្ដង​ទៀត​ទើប​មាន​ការ​យឺត​យ៉ាវ៕ PN

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។