ភ្នំពេញៈ បន្ទាប់ពី​ជ័យជម្នះ​របស់​លោក ដូណាល់ ត្រាំ នៅ​ក្នុង​ការ​បោះឆ្នោត​អាមេរិក​កាលពី​ថ្ងៃ​ពុធ ខណៈ​​​នៅ​ក្នុង​យុទ្ធនាការ​ឃោសនា​របស់​លោក​ដែល​​បាន​សន្យា​ថា​នឹង​បញ្ចប់​​កិច្ចព្រមព្រៀង​ពាណិជ្ជកម្ម​អន្តរ​ប៉ាស៊ីហ្វិក (TPP)​ លោក​ ហេង ​សួរ​អ្នក​នាំ​ពាក្យ​ក្រសួង​ការងារ​កាលពី​ម្សិលមិញ​បាន​ថ្លែង​ថា​ការ​បញ្ចប់​កិច្ចព្រមព្រៀង​​ដៃគូ​ពាណិជ្ជកម្ម​នោះ​វា​អាច​នឹង​ស្តារ​ការ​ប្រកួត​ប្រជែង​ក្នុង​វិស័យ​កាត់ដេរ​នៅ​ក្នុង​តំបន់។