ភ្នំពេញៈ ក្រុម​សហជីព​ ក្រុម​គ្រួសារ​ និង​អ្នក​នយោបាយ​ កាល​ពី​ថ្ងៃ​ ម្សិលមិញ​ បាន​ជួបជុំ​គ្នា​នៅ​មុខ​រូប​សំណាក ​លោក ជា​ វិជ្ជា​ មុខ​វត្ត​លង្កា​ រាជធានី​ភ្នំពេញ ក្បែរ​កន្លែង​មាន​ឃាតកម្ម​លើ​លោក​ ដើម្បី​គោរព​​វិញ្ញាណក្ខន្ធ នៅថ្ងៃ​ខួប​ទី​ ១៣ ​ឆ្នាំ​នៃ​ឃាតកម្ម ប៉ុន្តែ​មិន​បាន​សម្ដែង​ជំនឿ​ទៅ​លើ​សមត្ថកិច្ច​ក្នុង​ការ​ស្វែង​រក​ឃាតករ​ទេ​ ខណៈ​ឃាត​ករ​ពិត​មិន​ត្រូវ​បាន​វែក​មុខ​ ក្រៅ​តែ​ពី​បុរស​ ២ ​នាក់​ដែល​មជ្ឈដ្ឋាន​នានា​ថា ជា​ឃាតករ​សិប្បនិម្មិត​នោះ។