The Phnom Penh Post Search

Search form




Logo of Phnom Penh Post newspaper Phnom Penh Post - ការ​សាងសង់​ប្រព័ន្ធ​លូ​ក្រុមហ៊ុន​ស៊ូកាគូ​ត្រូវ​ពន្យារពេល




ការ​សាងសង់​ប្រព័ន្ធ​លូ​ក្រុមហ៊ុន​ស៊ូកាគូ​ត្រូវ​ពន្យារពេល

កំណាត់​លូ​ដែល​គេ​បម្រុង​ទុក​សម្រាប់​សាងសង់​បណ្តាញ​លូ​រំដោះ​ទឹក​នៅ​តំបន់​បឹងកក់​។
កំណាត់​លូ​ដែល​គេ​បម្រុង​ទុក​សម្រាប់​សាងសង់​បណ្តាញ​លូ​រំដោះ​ទឹក​នៅ​តំបន់​បឹងកក់​។ ហេង ជីវ័ន

ការ​សាងសង់​ប្រព័ន្ធ​លូ​ក្រុមហ៊ុន​ស៊ូកាគូ​ត្រូវ​ពន្យារពេល

ភ្នំពេញៈ ក្រុមហ៊ុន​អភិវឌ្ឍន៍​ស៊ូកាគូអ៊ីន (Shukaku Inc) ស្ទើរតែ​នឹង​មិន​ចាប់ផ្តើម​ទាំងស្រុង នូវ​ការងារ​គម្រោង​ប្រព័ន្ធ​លូ​នៅ​តំបន់​បឹងកក់​នា​ខែ​នេះ​ទេ ដោយសារ​រដ្ឋាភិបាល​មិន​ទាន់​អនុម័ត​គម្រោង​របស់​ខ្លួន​។ នេះ​បើ​តាម​តំណាង​ក្រុមហ៊ុន ដែល​បាន​ថ្លែង​កាលពី​ថ្ងៃ​ពុធ​។

ក្រុមហ៊ុន ស៊ូកាគូអ៊ីន បាន ថ្លែង​ថា កាល​ថ្ងៃ​ទី ២ ខែ​ធ្នូ ខ្លួន​នឹង​បើក​សម្ពោធ​ការដ្ឋាន​ប្រព័ន្ធ​លូ​មួយ និង​ការិយាល័យ​មួយ នៅ​មុន​ពេល​ដាច់​ឆ្នាំ​នេះ​។

ប៉ុន្តែ​ការ​អនុញ្ញាត​ជា​ផ្លូវការ មិន​ទាន់​ទទួល​បាន​នៅ​ឡើយ​ទេ បន្ទាប់ពី​សាលារាជធានី​បាន​បញ្ជូន​គម្រោង​អគារ​របស់​ក្រុមហ៊ុន​ស៊ូកាគូ​ត្រឡប់​មក​វិញ ដោយ​តម្រូវ​ឲ្យ​មាន​ការ​ផ្លាស់ប្តូរ​មួយ​ចំនួន​។

លោកស្រី Amu Pillay ប្រធាន​ផ្នែក​ប្រាស្រ័យ​ទាក់ទង​និង​ទំនាក់ទំនង​សាធារណៈ​របស់​ក្រុមហ៊ុន​ស៊ូកាគូ បាន​ថ្លែង​ថា​៖ «​យើង​កំពុង​សង្ឃឹម​ថា នឹង​ចាប់ផ្តើម​នា​ខែ​នេះ។ យើង​អាច​ចាប់ផ្តើម​បាន​លុះត្រា​នៅពេល​ទទួល​បាន​ការ​អនុញ្ញាត​ជា​ផ្លូវការ​ពី​ស្ថាប័ន​រដ្ឋាភិបាល​»។

ក្រុមហ៊ុន​ស៊ូកាគូអ៊ីន បាន​ដាក់​ជាថ្មី នូវ​ប្លង់​របស់​ខ្លួន ជាមួយ​នឹង​ការ​ផ្លាស់ប្តូរ​មួយ​ចំនួន​។ កិច្ច​ខិតខំប្រឹងប្រែង​របស់​ក្រុមហ៊ុន ក្នុង​ការ​ជំរុញ​ការ​អភិវឌ្ឍ​នៅ​តំបន់​បឹងកក់​ឲ្យ​ទៅ​មុខ ដែល​ជា​កន្លែង​ប្រជាជន​រាប់ពាន់​នាក់​ត្រូវ​បាន​បណ្តេញ​ចេញ​ពី​លំនៅឋាន​ដោយ​បង្ខំ​ចាប់​តាំងពី​ឆ្នាំ ២០០៨ មក​នោះ បាន​ធ្វើ​ឡើង​បន្ទាប់ពី​ផ្ទះ​របស់​អ្នកភូមិ​ប៉ែក​ខាង​កើត​តំបន់​នេះ​ទទួល​រង​ការ​លិច​ទឹក​ក្នុង​អំឡុង​រដូវ​ភ្លៀវ​នា​ពេល​ថ្មីៗ​នេះ។

អ្នកភូមិ​បឹងកក់ ៧ នាក់​ក្នុង​ចំណោម​មនុស្ស​ជាង ១០ នាក់​ត្រូវ​បាន​កាត់ទោស​យ៉ាង​តក់ក្រហល់​ដាក់​ពន្ធនាគារ​ ១​ឆ្នាំ​ កាល​ខែ​មុន ដោយសារ​ការ​តវ៉ា​ប្រឆាំង​នឹង​ការ​ខ្វះ​ការ​ឆ្លើយតប​របស់​សាលា​រាជធានី​ភ្នំពេញ​ចំពោះ​ការ​លិច​ទឹក​នោះ។

កាលពី​ថ្ងៃ​ទី​១០​ធ្នូ កាសែត​ភ្នំពេញ​ប៉ុស្តិ៍​បាន​ចេញ​ផ្សាយ​អំពី​របាយការណ៍​លេចធ្លាយ​ពី​ក្រុមហ៊ុន​ស៊ូកាគូអ៊ីន​ដែល​ក្នុង​នោះ ក្រុមហ៊ុន​បាន​ព្រមាន​ថា ព្យុះភ្លៀង​អាច​នឹង​បណ្តាល​ឲ្យ​មាន​ការ​ស្លាប់​ចំពោះ​ប្រជាជន​ក្នុង​ភូមិ​ដោយសារ​បំពង់លូ​ដែល​សាលារាជធានី​បាន​ដាក់​នៅ​ខាង​កើត​បឹងកក់​គឺ​តូចពេក​។

របាយការណ៍​នោះ​បាន​ឲ្យ​ដឹង​ទៀត​ថា​៖ «​ការ​បាត់បង់​ជីវិត​និង​ទ្រព្យសម្បត្តិ​អាច​នឹង​កើតឡើង ប្រសិន​បើ​ព្យុះ​ធំ​មួយ​កើតឡើង​នៅ​ពីរ​បី​ឆ្នាំ​ទៀត​»។

«​ប្រព័ន្ធ​លូ​ដែល​បញ្ចប់​រួច​ហើយ​នោះ​នឹង​មិន​មាន​សមត្ថភាព​គ្រប់គ្រាន់​ក្នុង​ការ​ទប់ទល់​ជាមួយ​ព្យុះ​ភ្លៀង​ទេ»។

ប៉ុន្តែ​ក្នុង​អំឡុង​ដំណើរ​ចុះ​ទៅ​តំបន់​នោះ​កាលពី​ថ្ងៃ​ពុធ លោកស្រី Pillay បាន​ផ្តាច់​ក្រុមហ៊ុន​ស៊ូកាគូអ៊ីន​ពី​របាយការណ៍​នោះ ដោយ​ថ្លែង​ថា ការ​សង្ខេប​ដែល​មាន​សម្ដី​ស្រង់​ជាច្រើន​គឺជា​«​យោបល់​របស់​នរណា​ម្នាក់​»​។

លោកស្រី​បាន​ថ្លែង​បន្ត​ថា​៖ «​វា​ជា​ការ​បំផ្លើស​ដែល​ថា ព្យុះ​ភ្លៀង​ណា​មួយ​អាច​បណ្តាល​ឲ្យ​មាន​ការ​បាត់បង់​ជីវិត​និង​ទ្រព្យសម្បត្តិ ប៉ុន្តែ​យើង​មិន​បាន​បន្ទោស​សាលារាជធានី​ចំពោះ​បញ្ហា​នេះ​ទេ​»​។

លោកស្រី​បន្ត​ថា ផ្ទុយ​ទៅវិញ ក្រុមហ៊ុន​ស៊ូកាគូអ៊ីន កំពុង​ផ្តោត​ទៅលើ​«​ភាព​វិជ្ជមាន​»​ដែល​ដំណាក់កាល​ដំបូង​នៃ​ការ​អភិវឌ្ឍ​ទីក្រុង​រណប​នឹង​នាំ​មក​។ លោកស្រី​ថ្លែង​បន្ត​ថា​៖«យើង​កំពុង​ខិតខំ​ប្រឹងប្រែង​អស់​ពី​សមត្ថភាព ដើម្បី​ធានា​ថា ប្រព័ន្ធ​លូ​នឹង​កាត់បន្ថយ​ការ​លេច​ទឹក​»។ «​យើង​ចង់​ឃើញ​ការ​ដោះស្រាយ​ការ​លិច​ទឹក​នេះ​... ប្រព័ន្ធ​លូ​នេះ នឹង​ធ្វើ​អ្វី​ដែល​ដោះស្រាយ​បញ្ហា​នេះ​»។

បំពង់​លូ​យក្ស​ត្រូវ​បាន​ដាក់​នៅ​តំបន់​នេះ​កាលពី​ថ្ងៃ​ពុធ​។ នៅពេល​ទទួល​បាន​ការ​អនុម័ត ការងារ​សង់​ប្រព័ន្ធ​លូ​នេះ​នឹង​ចាប់ផ្តើម​សង់​ភ្លាម​នៅ​ចុង​ខាង​ត្បូង ដោយ​ភ្ជាប់​ទៅ​មហាវិថី​សហព័ន្ធ​រុស្ស៊ី​ទល់មុខ​វិមាន​សន្តិភាព​។ ខាង​ជើង​នោះ គឺជា​ផ្លូវ​មមាញឹក​មួយ ដែល​សាងសង់​ដោយ​ក្រុមហ៊ុន ដែល​ជា​ផ្លូវ​ជម្រើស​មួយ​សម្រាប់​អ្នក​ធ្វើ​ដំណើរ​។

លោកស្រី Pillay បាន​ថ្លែង​ថា Ong&Ong ក្នុង​ប្រទេស​សិង្ហបុរី ដើរតួ​ជា​អ្នកប្រឹក្សា​យោបល់​នៅក្នុង​ផែនការ​មេ ខណៈ​ក្រុមហ៊ុន​ហ្វីលីពីន JOM គឺ​ពាក់ព័ន្ធ​នៅក្នុង​ការ​រចនា​ផ្លូវ​និង​ប្រព័ន្ធ​លូ​។ នៅក្នុង​ការ​ឆ្លើយតប​នឹង​សំណួរ​កាលពី​ពេល​មុន ក្រុមហ៊ុន​ស៊ូកាគូ កាលពី​ថ្ងៃ​ពុធ បាន​និយាយ​ថា៖​«​រាល់​ចំណុច​ទាំងអស់​នៃ​ការ​កាត់បន្ថយ​ទឹកជំនន់​និង​ការ​បន្ធូរបន្ថយ​បញ្ហា​របស់​អ្នកភូមិ គឺ​ត្រូវ​បាន​យក​មក​ពិចារណា​»។

ប៉ុន្តែ​ក្រុមហ៊ុន​ស៊ូកាគូអ៊ីន មិន​ធានា​នូវ​ភាព​ប្រសើរ​ឡើង​ចំពោះ​ភូមិ​នៅ​ខាង​កើត​ទេ ដែល​ប្រព័ន្ធ​លូ​ផ្ទាល់​របស់​ពួកគេ ត្រូវ​បាន​ដំឡើង​រួច​ហើយ​ដោយ​រដ្ឋាភិបាល​»។ «​ប្រព័ន្ធ​លូ​របស់​យើង​នឹង​ប្រមូល​ទឹក​ចេញ​ហើយ​យើង​នឹង​មាន​ប្រព័ន្ធ​បញ្ចៀស​ការ​ហូរ​ទឹក​ចេញ​ពី​តំបន់​របស់​យើង​។ ភូមិ​ខាង​ត្បូង ខាង​ត្បូង​ឆៀង​ខាង​ជើង និង​ខាង​ត្បូង​ឆៀង​ខាង​លិច​នឹង​ទទួល​បាន​ការ​កាត់បន្ថយ​ការ​លិច​ទឹក​ច្រើន​»​។

លោកស្រី Pillay មិន​ដឹង​ទេ​ថា​តើ​សាលារាជធានី​បាន​ផ្លាស់ប្តូរ​អ្វី​ចាប់​តាំងពី​របាយការណ៍​លេចធ្លាយ​របស់​ក្រុមហ៊ុន​ស៊ូកាគូ​ត្រូវ​បាន​ដឹង​ដល់​ក្រុម​មន្រ្តី​។

អ្នកនាំពាក្យ​សាលារាជធានី ភ្នំពេញ លោក ឡុង ឌីម៉ង់ បាន​បដិសេធ​មិន​ធ្វើ​អត្ថាធិប្បាយ​ទេ​កាលពី​ថ្ងៃ​ពុធ​ដោយសារ​លោក​កំពុង​រៀបចំ​ខ្លួន​ឡើង​យន្តហោះ​ទៅ​បរទេស​។

អ្នកស្រី បូវ សោភា តំណាង​អ្នកភូមិ​បឹងកក់​បាន​ធ្វើការ​ចោទប្រកាន់​សាលារាជធានី​ថា ​«ពុករលួយ​»​ និង​ថា​សាងសង់​ «​ប្រព័ន្ធ​លូ​គុណភាព​អន់​»​ សម្រាប់​ប្រជាជន​នៅ​ភាគ​ខាង​កើត​។

អ្នកស្រី​បាន​ថ្លែង​បន្ត​ថា​៖ «​សហគមន៍​បឹងកក់​មាន​ក្តីបារម្ភ​អំពី​ការ​លិច​ទឹក និង​ភ្លៀង​ខ្លាំង​លើក​ក្រោយ ដែល​អាច​មាន​ព្យុះ​។ យើង​ទាមទារ​ឲ្យ​អាជ្ញាធរ​រាជធានី​និង​ក្រុមហ៊ុន​ធ្វើ​ប្រព័ន្ធ​លូ​ថ្មី​»៕ PS

អត្ថបទគួរចាប់អារម្មណ៍

  • ស្ដង់ដា​គណនេយ្យ ជា​ធាតុ​ផ្សំ​ដ៏សំខាន់​មួយ​ក្នុង​ក្របខ័ណ្ឌ​គណនេយ្យ និង​ការរាយការណ៍​ហិរញ្ញវត្ថុ ព្រមទាំង​ជួយ​សម្រួល​ដល់​ក្រុមហ៊ុន​/​សហគ្រាស និង​ថ្នាក់ដឹកនាំ​របស់​ក្រុមហ៊ុន ដើម្បី​កំណត់​ឱ្យ​បាន​ច្បាស់លាស់​ពី​ស្តង់ដា​ដែល​ក្រុមហ៊ុន​បាន​ប្រើប្រាស់​សម្រាប់​ការរៀបចំ​របាយការណ៍​ហិរញ្ញវត្ថុ​។

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។