The Phnom Penh Post Search

Search form

ការ​សិក្សា​រកឃើញ​ថា​ នារី​ធ្វើការ​តាម​ទីកម្សាន្ត​ ប្រើ​ស្រោម​អនាម័យ​តិចតួច

Content image - Phnom Penh Post
ក្លិបខារ៉ាអូខេមួយក្នុងរាជធានីភ្នំពេញ ខណៈដែលការ​សិក្សា​រកឃើញ​ថា​ នារី​ធ្វើការ​តាម​ទីកម្សាន្ត​ ប្រើ​ស្រោម​អនាម័យ​តិចតួច។

ការ​សិក្សា​រកឃើញ​ថា​ នារី​ធ្វើការ​តាម​ទីកម្សាន្ត​ ប្រើ​ស្រោម​អនាម័យ​តិចតួច

ភ្នំពេញៈ បើ​ទោះបី​​ជា​មាន​គំនិត​ផ្តួចផ្តើម​ជាច្រើន​​​ជំរុញ​ឲ្យ​មាន​ការ​ប្រើប្រាស់​​ស្រោម​អនាម័យ​ក្ដី តែ​ក្នុង​ចំណោម​នារី​រកស៊ី​ផ្លូវភេទ​នារី​​ធ្វើការ​ក្នុង​ឧស្សាហកម្ម​កម្សាន្ត​​ជាច្រើន​ដែល​នៅ​លីវ​មិន​បាន​​ប្រើ​ស្រោម​អនាម័យ​​ទេ​នៅពេល​ដេក​ជាមួយ​ដៃគូ​​ទៀងទាត់​របស់​ខ្លួន​។ នេះ​បើ​តាម​ការ​សិក្សា​ថ្មី​មួយ​​របស់​ BioMed Central បាន​បង្ហាញ។

បន្ទាប់ពី​​បទសម្ភាស​ជាមួយ​​នារី​ធ្វើការ​តាម​កន្លែង​កម្សាន្ត​​នៅ​ភ្នំពេញ​ និង​ខេត្ត​សៀមរាប​ក្រុម​អ្នក​ស្រាវជ្រាវ​​​បាន​រកឃើញ​​ថា​មាន​តែ​ ៣១,៤ ​ភាគរយ​នៃ​​អ្នក​​ឆ្លើយ​សំណួរ​​បាន​ប្រើ​​​ស្រោម​អនាម័យ​ជាមួយ​​ដៃគូ​​ទៀងទាត់​របស់​ពួកគេ​​ដែល​មិនមែន​ជា​ដៃគូ​ឲ្យ​លុយ​។

ការ​ស្រាវជ្រាវ​នេះ​បាន​រកឃើញ​ថា​អាជីវកម្ម​ផ្លូវភេទ​​​​នៅ​កម្ពុជា​​​បាន​ផ្លាស់ប្តូរ​យ៉ាង​ខ្លាំង​ចាប់ពី​ឆ្នាំ​ ២០០៨ ​​ពេល​ច្បាប់​ស្តីពី​​​បង្ក្រាប​​ការ​ជួញដូរ​មនុស្ស​ និង​​កេងប្រវ័ញ្ច​​ផ្លូវភេទ​​​​​​បាន​បិទ​បនស្រី​ជាច្រើន។

នារី​រកស៊ី​ផ្លូវភេទ​ឥឡូវ​នេះ​​បែរ​ទៅ​រក​អាជីវកម្ម​ដូច​ជា ខារ៉ាអូខេ បៀរហ្គាដិន និង​ហាង​ម៉ាស្សា​។

ការសិក្សា​នៅ​ឆ្នាំ​ ២០១៥ ​​ក្នុង​ទិនានុប្បវត្តិ​សុខភាព​បន្ត​ពូជ​​បាន​បង្ហាញ​ថា​ ៦០ ​ភាគរយ​នៃ​​​នារី​​​ទាំងនោះ​​បាន​រួមភេទ​មួយ​​ ឬ​ច្រើន​​ជាង​នេះ​​ក្នុង​មួយ​​​ឆ្នាំៗ។

ការ​សិក្សា​នេះ​បាន​កត់សម្គាល់​ថា​៖ «​​បែបបទ​ជីវិត​​របស់​នារី​​​ធ្វើការ​ក្នុង​ឧស្សាហកម្ម​កម្សាន្ត​​មាន​លក្ខណ​ពិសេស​ដោយ​ឡែក​ក្នុង​បរិបទ​​កម្ពុជា​ហើយ​សកម្មភាព​ផ្លូវភេទ​មាន​លក្ខណៈ​ស្មុគស្មាញ​​ជាង​ប្រទេស​ដទៃៗ​»។

ទន្ទឹម​នេះ​ប្រហែល​ ៩,៨ ​ភាគរយ​នៃ​ពួកគេ​ផ្ទុក​មេរោគអេដស៍​ខណៈ​ប្រជាជន​​ដទៃ​ទៀត​គឺ​មាន​ ០,៦ ​ភាគរយ​​​។ ​នេះ​បើ​តាម​ការ​ស្រាវជ្រាវ​​ពី​មជ្ឈមណ្ឌល​ជាតិ​ដើម្បី​​ព័ត៌មាន​ជីវ​បច្ចេកវិទ្យា​​​ដែល​មាន​មូលដ្ឋាន​នៅ​អាមេរិក។

អ្នក​និពន្ធ​បាន​ផ្តល់​អនុសាសន៍​ថា​វិធីសាស្រ្ត​​​​ផ្សព្វផ្សាយ​ថ្មី​​​គួរ​​ប្រើ​​ដើម្បី​​​បង្កើន​អត្រា​ការ​ប្រើប្រាស់​ស្រោម​អនាម័យ​​ក្នុង​ចំណោម​​​នារី​​​ធ្វើការ​នៅ​ក្នុង​កន្លែង​កម្សាន្ត​​ និង​ទប់ស្កាត់​ការ​ឆ្លង​រាលដាល​នៃ​​មេរោគ​អេដស៍​។

លោក Siyan Yi ប្រធាន​មជ្ឈមណ្ឌល KHANA សម្រាប់​ការ​ស្រាវជ្រាវ​សុខភាព​ប្រជាជន និង​ជា​អ្នក​និពន្ធ​ម្នាក់​ក្នុង​ចំណោម​អ្នក​និពន្ធ​​​នៃ​ការ​សិក្សា​​​នេះ​បាន​ថ្លែង​ថា​៖ «​​​យើង​កំពុង​​ព្យាយាម​ស្វែងរក​គំរូ​ប្រសិទ្ធភាព​​ដើម្បី​ផ្សព្វផ្សាយ​ទៅ​ដល់​ស្រ្តី​ទាំង​នេះ​​តាមរយៈ​​បច្ចេកវិទ្យា​ច្នៃប្រឌិត​​ដូចជា​ហ្វេសប៊ុក វេបសាយ សេវាទូរស័ព្ទ​ទាន់​ហេតុការណ៍​ជាដើម​»។

លោក Yi បាន​កត់សម្គាល់​ថា KHANA ក៏​បាន​និង​កំពុង​ធ្វើការ​ផង​ដែរ​​ជាមួយ​អង្គការ​មិន​ស្វែងរក​ប្រាក់​ចំណេញ​​​តាម​សហគមន៍​​ដើម្បី​ផ្តល់​​​សេវា​សុខភាព​ផ្លូវភេទ​ និង​សុខភាព​បន្ត​ពូជ​​តាមរយៈ​បណ្តាញ​ធំ​មួយ​​​​។ ប៉ុន្តែ​​គំនិត​​ផ្តួចផ្តើម​ជាច្រើន​បាន​បរាជ័យ​​​ក្នុង​ការ​ធ្វើ​ឲ្យ​ប្រសើរ​នូវ​​​​អត្រា​​ប្រើ​ស្រោម​អនាម័យ​​​៕ PS

អត្ថបទគួរចាប់អារម្មណ៍

  • គម្រោង​ធំៗ​ជាច្រើន​អាច​នឹង​លេច​ឡើង​នៅ​តាម​មាត់ទន្លេ

    ក្រុមហ៊ុន​អភិវឌ្ឍន៍​ដ៏ធំ​មួយ​របស់​ចិន​មាន​ប្លង់​រចនា​ក្នុង​ការ​អភិវឌ្ឍ​នៅ​តាម​បណ្តោយ​ឆ្នេរ​ទន្លេ​ដែល​គម្រោង​នោះ​រួម​មាន​ខុនដូ​ប្រណីត អគារ​ការិយាល័យ ខណៈ​បច្ចុប្បន្ន​ទីតាំង​នោះ​ត្រូវ​បាន​គ្រប់គ្រង​ដោយ​កំពង់ផែ​ស្វយ័ត​រាជធានី​ភ្នំពេញ​។

  • ស្ថាបត្យកម្ម និង​វិចិត្រសិល្បៈ គឺ​មិន​អាច​ញែក​ដាច់​ពី​គ្នា​បាន​ឡើយ

    នៅក្នុង​បន្ទប់​សិក្សា​ក្នុង​ផ្ទះ​ធំ​មួយ​នៅ​តាម​មាត់ទន្លេ​ក្នុង​រាជធានី​ភ្នំពេញ លោក ថាង សុធា វ័យ​ ៣៥ ​ឆ្នាំ​កំពុង​ពិនិត្យ​មើល​ប្លង់​រចនា 3D របស់​បន្ទប់​គេង​នៃ​អាផាតមិន​មួយ​ដែល​ជា​ផ្នែក​នៃ​គម្រោង​កែលម្អ​ចុងក្រោយ​បំផុត​ដែល​លោក​បាន​ចូលរួម​ធ្វើ​កាលពី​ប៉ុន្មាន​ឆ្នាំ​មុន នៅ​លើ MacBook ដើម្បី​បំផុស​គំនិត​សម្រាប់​ការងារ​នាពេល​អនាគត​។

  • ត្រី​ចិញ្ចឹម​ប្រមាណ​ ១២ ​តោន​ងាប់​ដោយ​កម្ដៅ​ពេល​ទឹក​ស្រក

    កំពង់ឆ្នាំងៈ យ៉ាង​ហោចណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សាម និង​ផ្សារឆ្នាំង ខេត្ត​កំពង់ឆ្នាំង​ប្រមាណ​ជា​ ១២ ​ពាន់​គីឡួ​បាន​ងាប់​ក្នុង​រយៈពេល​ ៣ ​ថ្ងៃ ព្រោះ​តែ​ទឹក​បាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការរៀបរាប់​របស់​ប្រជានេសាទ​ក្នុង​តំបន់​នោះ​ដែល​មាន​ប្រមាណ​ជា​ ៧០ ​គ្រួសារ​។

  • ព្រះរាជអាជ្ញា​ភ្ជាប់​រឿង​ហិង្សា​នៅ​ស្ពាន​នាគ​ជា​ចលនា​បដិវត្តន៍​ពណ៌

    ភ្នំពេញៈ សាលាឧទ្ធរណ៍​នៅ​ព្រឹក​ថ្ងៃ​ពុធ​ម្សិលមិញ​បាន​បញ្ចប់​សវនការ​ជំនុំជម្រះ​សំណុំ​រឿង​ហិង្សា​នៅ​ស្ពាន​នាគ​កាលពី​ខែ​កក្កដា ឆ្នាំ ២០១៤ ដោយ​ព្រះរាជអាជ្ញា និង​មេធាវី​ការពារ​ដើមបណ្ដឹង​សម្រេច​ភា្ជប់​ករណី​ហិង្សា​នោះ​ទៅ​នឹង​បដិវត្តន៍​ពណ៌ បន្ទាប់ពី​សវនការ​រយៈពេល​ ៣ ​ថ្ងៃ​ជាប់ៗ​គ្នា​។ ទោះ​ជា​យ៉ាងណា​ក៏ដោយ​ភាគី​ជនរងគ្រោះ​ថា​គ្មាន​អំពើ​កុបកម្ម​កើតឡើង​ទេ​ និង​ស្នើ​ដល់​តុលាការ​ឲ្យ​ដោះលែង​ពួកគេ​។