The Phnom Penh Post Search

Search form




Logo of Phnom Penh Post newspaper Phnom Penh Post - ការ​សាង​សង់​ទំនប់ សាយ៉ាប៊ូរី ដំណើរការ​បាន​ជិត​ពាក់​កណ្តាល




ការ​សាង​សង់​ទំនប់ សាយ៉ាប៊ូរី ដំណើរការ​បាន​ជិត​ពាក់​កណ្តាល

ការដ្ឋាន​សាង​សង់​ទំនប់​វារី​អគ្គិសនី​សាយ៉ាប៊ូរី ក្នុង ប្រទេស​ឡាវ កាល​ពី ឆ្នាំ​២០១២។
ការដ្ឋាន​សាង​សង់​ទំនប់​វារី​អគ្គិសនី​សាយ៉ាប៊ូរី ក្នុង ប្រទេស​ឡាវ កាល​ពី ឆ្នាំ​២០១២។ រូបថត អង្គការ​ទន្លេ​អន្តរជាតិ

ការ​សាង​សង់​ទំនប់ សាយ៉ាប៊ូរី ដំណើរការ​បាន​ជិត​ពាក់​កណ្តាល

ភ្នំពេញៈ ការ​សាង​សង់​ទំនប់​វារី​អគ្គិសនី​សាយ៉ាប៊ូរី នៅ​លើ​ទន្លេ​មេគង្គ ក្នុង ប្រទេស​ឡាវ បាន​ដំណើរ​ការ​ជិត​បាន​ពាក់​កណ្តាល​ហើយ បើ​ទោះ​បី​ជា​ក្រុម​អភិរក្ស​បរិស្ថាន​នានា​បាន​រិះគន់​យ៉ាង​ខ្លាំង​ក្តី។ នេះ​បើ​តាម​ក្រុម​ហ៊ុន​អភិវឌ្ឍន៍​ទំនប់​នេះ។

លោក Prasert Marittanaporn ដែល​ជា​អនុ​ប្រធាន​ក្រុម​ហ៊ុន​សាង​សង់​ឈ្មោះ Ch. Karnchang បាន​ប្រាប់​កាសែត បាងកក ប៉ុស្តិ៍ កាល​ចុង​សប្តាហ៍​មុន​ថា គម្រោង​ទំនប់​វារី​អគ្គិសនី​ដែល​មាន​ទឹក​ប្រាក់ ៣,៨ ពាន់​លាន​ដុល្លារ​ឥឡូវ​នេះ​បាន​សាងសង់ ៤៥ ភាគ​រយ​រួច​ហើយ។

ទោះ​យ៉ាង​ណា​ក្តី​តំណាង​ផ្នែក​ទំនាក់​ទំនង​សាធារណៈ​របស់​គម្រោង​នេះ បាន​បដិសេធ​មិន​ធ្វើ​អត្ថាធិប្បាយ​អំពី​តួលេខ​នេះ​ទេ កាល​ពី​ថ្ងៃ​អាទិត្យ។ ទន្ទឹម​នេះ​ដែរ​ក្រុម​អង្គការ​អភិរក្ស​បរិស្ថាន​បារម្ភ​ថា គម្រោង​នេះ​នឹង​មាន​ផល​ប៉ះ​ពាល់​យ៉ាង​ខ្លាំង​ទៅ​លើ​តំបន់​នានា​នៅ​ក្រោម​ខ្សែ​ទឹក​ទន្លេ​មេគង្គ។

ប្រទេស​ឡាវ បាន​ចាប់​ផ្តើម​សាង​សង់​ទំនប់​វារី​អគ្គិសនី​សាយ៉ាប៊ូរី កាល​ពី​ចុង ឆ្នាំ​២០១២ ដោយ​មិន​មាន​ការ​ឯកភាព​ពី​បណ្តា​ប្រទេស​សមាជិក​គណៈកម្មការ​ទន្លេ​មេគង្គ រួម​ទាំង​កម្ពុជា​នោះ​ទេ។ គណៈកម្មការ​ទន្លេ​មេគង្គ ឥឡូវ​នេះ កំពុង​មាន​កិច្ច​ប្រជុំ​ពិគ្រោះ​យោបល់​ជា​សាធារណៈ ក្នុង ប្រទេស​កម្ពុជា អំពី​ការ​សាង​សង់​ទំនប់​វារី​អគ្គិសនី​ចម្រូង​ចម្រាស​មួយ​ទៀត នៅ ប្រទេស​ឡាវ គឺ​ទំនប់​វារី​អគ្គិសនី ដន​សាហុង។

លោក តែ ណាវុធ អគ្គ​លេខាធិការ​នៃ​គណៈ​កម្មាធិការ​ជាតិ​ទន្លេ​មេគង្គ​កម្ពុជា ដែល​ជា​ផ្នែក​នៃ​គណៈ​កម្មការ​ទន្លេ​មេគង្គ ថ្លែង​ថា៖ «យើង​មិន​និយាយ​អំពី​ទំនប់​វារី​អគ្គិសនី​សាយ៉ាប៊ូរី ទៀត​ទេ»។

ប្រទេស​ឡាវ បាន​ឯកភាព​ឲ្យ​មាន​ការ​ពិគ្រោះ​យោបល់​ជា​មុន ដែល​នឹង​អនុញ្ញាត​ឲ្យ​មាន​ការ​សិក្សា​ស្រាវ​ជ្រាវ​ច្រើន​ជាង​មុន អំពី​ផល​ប៉ះ​ពាល់​នៃ​ការ​សាង​សង់​ទំនប់​វារី​អគ្គិសនី​នេះ។

ប៉ុន្តែ​ក្រុម​អ្នក​រិះគន់ រួម​ទាំង​អង្គការ​ទន្លេ​អន្តរជាតិ ផង​នោះ មាន​ក្តី​បារម្ភ​ថា ភាព​រឹង​ទទឹង​ខ្លាំង​ជាង​មុន​របស់​ប្រទេស​ឡាវ អាច​នឹង​ធ្វើ​ឲ្យ​ដំណើរ​ការ​សាង​សង់​ទំនប់​ដែល​មាន​ភាព​ចម្រូង​ចម្រាស​នេះ​គ្មាន​ន័យ។

សមាជិក​គណៈកម្មការ​ទន្លេ​មេគង្គ​បាន​ជួប​ប្រជុំ​គ្នា​នៅ​ប្រទេស​កម្ពុជា កាល​ថ្ងៃ​សុក្រ ដើម្បី​ពិភាក្សា​អំពី​ការ​ធ្វើ​កំណែ​ទម្រង់​ប្រតិបត្តិការ​នៃ​អង្គការ​នេះ ខណៈ​ដែល​អង្គការ​មួយ​នេះ កំពុង​ធ្វើ​ដំណើរ​ឆ្ពោះ​ទៅ​រក​គោល​ដៅ​របស់​ខ្លួន​នៃ​ការ​មាន​ហិរញ្ញ​វត្ថុ​គ្រប់​គ្រាន់ ដោយ​ខ្លួន​ឯង នៅ​ត្រឹម ឆ្នាំ​២០៣០។ នេះ​បើ​តាម​លោក តែ ណាវុធ ដែល​បាន​ថ្លែង៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។