The Phnom Penh Post Search

Search form




Logo of Phnom Penh Post newspaper Phnom Penh Post - កូន​ផ្សោត ១ ក្បាល​ងាប់​ដោយ​មិន​ដឹង​ពី​មូលហេតុ

កូន​ផ្សោត ១ ក្បាល​ងាប់​ដោយ​មិន​ដឹង​ពី​មូលហេតុ

Content image - Phnom Penh Post
កូន​សត្វ​ផ្សោត​ ១ ​ក្បាល​ត្រូវបាន​គេ​ប្រទះ​ឃើញ​ងាប់​កាល​ពី​ថ្ងៃទី​ ៣០ ​ខែ​ មីនា​។ រួបថត ហ្វេសប៊ុក

កូន​ផ្សោត ១ ក្បាល​ងាប់​ដោយ​មិន​ដឹង​ពី​មូលហេតុ

ស្ទឹងត្រែងៈ កូន​សត្វ​ផ្សោត​ ១ ​ក្បាល​ត្រូវបាន​គេ​ប្រទះ​ឃើញ​ងាប់​កាល​ពី​ថ្ងៃទី​ ៣០ ​ខែ​ មីនា​ ស្ថិត​នៅ​ក្នុង​តំបន់​ទន្លេ​មេគង្គ​នៃ​ឃុំ​ព្រះ​រំកិល ស្រុក​ថា​ឡា​បរិ​វ៉ា​ត់​ ខេត្ត​ស្ទឹង​ត្រែ​ង ហើយ​កាល​ពី​ម្សិល​មិញ​អ្នក​អភិ​រក្ស​បាន​ប្រគល់​កូន​សត្វ​ផ្សោត​នោះ​ទៅ​ឱ្យ​អង្គ​ការ​ WWF​ ​ដើ​ម្បី​ពិនិត្យ​រក​មូល​ហេតុ​ដែល​បណ្ដាល​ឲ្យ​វា​ងាប់។

​​លោក​ ​ដន​ បា​ន់​ អនុ​ប្រធាន​ឆ្មាំ​ទន្លេ​ដើម្បី​អភិរក្ស​សត្វ​ផ្សោត​នៅ​ប៉ុស្ដិ៍​អន្លង់​ឈើ​ទាល​ស្ថិត​ក្នុង​ឃុំ​ព្រះ​រំកិល​ និង​ជា​មេភូមិ​​អន្លង់​ស្វាយ​បាន​ប្រាប់​ភ្នំពេញប៉ុស្ដិ៍​កាល​ពី​ថ្ងៃ​ម្សិល​មិញ​ថា​ ​តាម​ការ​សន្និ​ដ្ឋាន​ដំបូង​ កូន​សត្វ​ផ្សោត​នោះ​ អាច​ងាប់​ដោយ​សារ​កត្តា ២ យ៉ាង ​គឺ​ទី​ ១ ​បទ​ល្មើស​នេ​សាទ​ខុស​ច្បាប់​ ដូច​ជា​បំផ្ទុះ​គ្រាប់ ​និង​ការ​ប្រើ​ឧប​ក​រ​ណ៍​ឆក់ ​និង​ទី ២​ ការ​ធ្វើ​ឱ្យ​ផ្អើល​ពី​សំណាក់​ទូក​ដឹក​អ្នក​ទេសចរ។

លោក​ ​បាន់​ ថ្លែង​​ថា​៖ ​«​សត្វ​ផ្សោត​កើត​មក​ដំបូង​ គឺ​មេស​ង្គ្រោះ​សិន​ ជួយ​ដោល​ឱ្យ​កូន​វា​មាន​ចលនា​ ឱ្យ​ចេះ​ងើប​ ឱ្យ​ចេះ​ហែល​ ​និង​ឱ្យ​ចេះ​ដក​ដង្ហើ​ម​ ព្រោះ​វា​អត់​ទាន់​ចេះ​ដក​ដង្ហើម​ដូច​មេវា​ទេ។​ ប៉ុន្តែ​ភ្ញៀវ​ទេស​ចរខ្លះ​មិន​យល់​ បាន​បើក​ទូក​ដេញ​តា​ម​ មើល​ឱ្យ​បា​ន​ជិតៗ​សត្វ​ផ្សោត ​ដូច្នេះ​វា​អាច​រំខាន​ដល់​ការ​សង្គ្រោះ​របស់​មេ​ផ្សោត​ទៅដល់​កូន​ផ្សោត ​ហើយ​វា​សឹង​តែ​ធ្វើឱ្យ​ផ្សោត​មិន​អាច​ផុស​ពី​ទឹក​បាន»។​

លោក​ ​ឡឹង​ ​ថា​រី​ មេ​ប៉ុស្ដិ៍​នគរបាល​ឃុំ​ព្រះ​រំកិល​បាន​បញ្ជាក់​ដែរ​ថា​ ក្រុម​អ្នក​នេសាទ​បាន​ប្រទះ​ឃើ​ញ​កូន​សត្វ​ផ្សោត​ងាប់​អណ្ដែត​នៅ​លើ​ផ្ទៃ​ទឹក​ស្ថិត​ក្នុង​ឃុំ​ព្រះ​រំកិល ​កាល​ពី​វេលា​ម៉ោង ៦​ ព្រឹក​ថ្ងៃទី​ ៣០ ​ខែ​មីនា ​ប៉ុន្តែ​លោក​ថា​ រូប​រាង​ខ្មោច​កូន​សត្វ​ផ្សោត​ដែល​ងាប់​នោះ ​ពុំ​បាន​ពិនិត្យ​ឃើញ​ស្លាកស្នាម​ ​ត្រង់​ណាមួយ​ដែល​អាច​សង្ស័យ​បង្ក​ឡើង​ពី​បទ​ល្មើស​នេ​សាទ​ខុស​ច្បាប់​ឡើយ៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។