ភ្នំពេញៈ បន្ទាប់​ពី​រដ្ឋាភិបាល​សហរដ្ឋ​អាមេរិក​បាន​ចេញ​នូវ​​របាយ​ការណ៍​មួយ​ដែល​អំពាវនាវ​ឲ្យ​មាន​ការ​ផ្តោត​អារម្មណ៍​ទៅលើ​ការ​ធ្វើ​ទារុណ​កម្ម​ក្នុង​ពន្ធនាគារ​នៃ​ប្រទេស​កម្ពុជា​កាល​ពី​សប្តាហ៍​មុន និង​ការ​ប្រកាស​របស់​លោក ស ខេង​ រដ្ឋមន្រ្តី​ក្រសួង​មហា​ផ្ទៃ​ស្តី​ពី​ការ​ធ្វើ​កំណែ​ទម្រង់​ទៅលើ​គណៈកម្មាការ​ទទួល​បន្ទុក​បង្ការ​ការ​ធ្វើ​ទារុណកម្ម​នៅ​សប្តាហ៍​មួយ​ទៀត អនុប្រធាន​ស្ថាប័ន​នោះ​បាន​ឲ្យ​ដឹង​ក្នុង​សប្តាហ៍​នេះ​ថា លោក​ពុំ​បាន​ដឹង​កំណែ​ទម្រង់​នេះ​នឹង​តម្រូវ​ឲ្យ​ធ្វើ​បែប​ណា​ខ្លះ​នោះ​ឡើយ។