The Phnom Penh Post Search

Search form




Logo of Phnom Penh Post newspaper Phnom Penh Post - ក្មេង​ ២ ​នាក់​ស្លាប់​ និង​អ្នកដំណើរ ២២ ​នាក់​របួស ព្រោះ​ឡាន​ធ្លាក់​ផ្លូវ




ក្មេង​ ២ ​នាក់​ស្លាប់​ និង​អ្នកដំណើរ ២២ ​នាក់​របួស ព្រោះ​ឡាន​ធ្លាក់​ផ្លូវ

Content image - Phnom Penh Post
មន្ត្រី​នគរបាល​កំពុង​ជួយសង្គ្រោះ​អ្នកដំណើរ​នៅក្នុង​ឡានក្រុង​ដែល​បើក​ធ្លាក់​ផ្លូវ​បណ្ដាល​ឲ្យ​ក្មេង​ ២ ​នាក់​ស្លាប់ និង​អ្នកដំណើរ​ ២២ ​នាក់​ផ្សេងទៀត​បាន​រងរបួស​ធ្ងន់​ និង​ស្រាល​នៅ​ខេត្ត​ឧត្តរមានជ័យ​កាលពី​ម្សិលមិញ។ រូប នគរបាល

ក្មេង​ ២ ​នាក់​ស្លាប់​ និង​អ្នកដំណើរ ២២ ​នាក់​របួស ព្រោះ​ឡាន​ធ្លាក់​ផ្លូវ

ឧត្តរមានជ័យ: លោក ស៊ីម វណ្ណៈ អធិការនគរបាល​ស្រុក​អន្លង់វែង​បាន​ឲ្យ​ដឹងថា ក្មេងប្រុស​ ២ ​នាក់​បាន​ស្លាប់ និង​អ្នកដំណើរ​ ២២ ​នាក់​បាន​រងរបួស​ធ្ងន់ និង​ស្រាល​ដោយហេតុ​រថយន្ត​ក្រុង​រេ​ចង្កូត​ធ្លាក់​ពី​ថ្នល់​កាលពី​ម្សិលមិញ​នៅ​តំបន់ ភូមិ​អូរតាម៉េង ឃុំ​អន្លង់វែង ស្រុក​អន្លង់វែង ខេត្ត​ឧត្តរមានជ័យ​។ អ្នក​បាត់បង់​ជីវិត​មាន​ក្មេងប្រុស​ម្នាក់​អាយុ ២ ​ឆ្នាំ និង​ម្នាក់ទៀត ៣ ​ឆ្នាំ​។

លោក វណ្ណៈ ថ្លែង​ថា​មុនពេល​កើតហេតុ រថយន្ត​អ្នក​ដំណើរ​របស់​ក្រុមហ៊ុន ថេត ស៊ុនអ៊ូ បាន​ដឹក​អ្នកដំណើរ​មកពី​ភ្នំពេញ​ឆ្ពោះ​មក​កាន់​ស្រុក​អន្លង់វែង ដែល​នៅក្នុង​រថយន្ត​មាន​អ្នកដំណើរ​សរុប​ចំនួន ២៤ ​នាក់​រួមទាំង​អ្នកបើកបរ​។

លោក ស៊ីម វណ្ណៈ ថ្លែង​ថា​៖ «​ឡាន​គាត់​ដឹក​អ្នកដំណើរ​ពេលយប់ ហើយ​អ្នកបើកបរ​ឡាន​ងងុយដេក​ខ្លាំង ហើយ​ងោក​បន្ដិច ស្រាប់តែ​រេ​ចង្កូត​ធ្លាក់​ផ្លូវ​តែម្ដង​។ ជនរងគ្រោះ​ទាំងអស់ យើង​បាន​បញ្ជូន​ទៅ​មន្ទីរពេទ្យ​អស់ហើយ ដោយ​យើង​បាន​យក​ឡាន​ហ្នឹង​រក្សាទុក​នៅ​អធិការដ្ឋាន​នគរបាល​ស្រុក​អន្លង់វែង ដើម្បី​រង់ចាំ​ការដោះស្រាយ​តាមច្បាប់​»​។

Content image - Phnom Penh Post
សកម្មភាព​នគរបាល​សង្គ្រោះ​អ្នកដំណើរ​ដោយហេតុ​ឡានក្រុង​ធ្លាក់​ផ្លូវ​។ រូបថត នគរបាល

លោក វង្ស តាន់ នាយប៉ុស្ដិ៍​នគរបាល​រដ្ឋបាល​ឃុំ​អន្លង់វែង​បាន​ឲ្យ​ដឹង​ពី​ម្សិលមិញ​ថា សមត្ថកិច្ច​នគរបាល​មូលដ្ឋាន និង​មន្ត្រី​ជំនាញ​ស្រុក​អន្លង់វែង បាន​ចុះទៅ​កាន់​កន្លែង​កើតហេតុ និង​បាន​ជួយសង្គ្រោះ​អ្នកដំណើរ​ដែល​រងរបួស​ធ្ងន់ ស្រាល ដឹកជញ្ជូន​មក​ព្យាបាល​នៅ​មន្ទីរពេទ្យ​បង្អែក​ស្រុក​អន្លង់វែង​។

លោក គៀន ថេត នាយក​ក្រុមហ៊ុន​ ថេត ស៊ុនអ៊ូ ដឹក​អ្នកដំណើរ​ពី​ម្សិលមិញ​បានបដិសេធ​ធ្វើ​អត្ថាធិប្បាយ​ជុំវិញ​ការទទួល​ខុសត្រូវ​ដែល​បណ្ដាល​មកពី​គ្រោះថ្នាក់​នេះ​។

អ្នកលក់​សំបុត្រ​របស់​ក្រុមហ៊ុន «​ថេត ស៊ុនអ៊ូ ដឹក​អ្នកដំណើរ​» ម្នាក់​សុំ​មិន​បញ្ចេញ​ឈ្មោះ​បាន​ឲ្យ​ដឹងថា លោក គៀន ថេត នាយក​ក្រុមហ៊ុន​បានធ្វើ​ដំណើរ​ទៅ​ខេត្ត​ឧត្តរមានជ័យ​ហើយ ដើម្បី​ធ្វើការ​ដោះស្រាយ​ជុំវិញ​ករណី​គ្រោះថ្នាក់​ចរាចរណ៍​នេះ​។

លោក​ថា​៖ «​ខ្ញុំ​បាន​ទទួល​ព័ត៌មាន​នេះហើយ រីឯ​លោកនាយក​ក្រុមហ៊ុន​បានធ្វើ​ដំណើរ​ទៅ​​ដោះស្រាយ​ហើយ ខ្ញុំ​មិនទាន់​បាន​ដឹង​ពី​ហេតុការណ៍​នេះ​ច្បាស់​ទេ ហើយ​ខ្ញុំ​ក៏​មិន​អាច​និយាយ​អ្វី​ច្រើន​ជាង​នេះដែរ​»៕

អត្ថបទគួរចាប់អារម្មណ៍

  • ព្រះសីហនុៈ រដ្ឋបាលខេត្ត​ព្រះសីហនុ​កំពុង​ចាក់​ខ្សាច់​ថ្មី​បំពេញ​នៅតាម​កន្លែង​ជ្រលង​ទឹកហូរ​ដែលមាន​ខ្សាច់​ទាប និង​ខ្សាច់​ខ្មៅ​នៅ​ចំណុច​ឆ្នេរ​អូរឈើទាល​ក្នុង​សង្កាត់​លេខ​ ៤ ក្រុងព្រះសីហនុ ដើម្បី​កែលម្អ​សោភណភាព​ឆ្នេរ​ខ្សាច់ ក៏ប៉ុន្តែ​មន្ត្រីខេត្ត​នៅ​មិន​អាច​ប៉ាន់ប្រមាណ​ថា​នឹង​ត្រូវ​ប្រើ​ខ្សាច់​ប៉ុន្មាន​រថយន្ត​នោះទេ​។

  • ភ្នំពេញៈ ប្រទេស​ជប៉ុន​ ផ្តល់​ជំនួយ​ឥតសំណង​ដល់​កម្ពុជា​ចំនួន ១ ១៣២ ​លាន​យ៉េន​ (១០,៨ ​លាន​ដុល្លារ​) ​សម្រាប់​អនុវត្ត​គម្រោង​អភិវឌ្ឍន៍​ចរាចរណ៍​នាវា​នៅ​កំពង់ផែ​ស្វយ័ត​ក្រុងព្រះសីហនុ​ដើម្បី ​ធ្វើឱ្យ​ប្រសើរ​ឡើង​នូវ​សុវត្ថិភាព​ផ្លូវ​សមុទ្រ​។ នេះ​បើតាម​ស្ថានទូត​ជប៉ុន​ប្រចាំ​នៅ​កម្ពុជា​។

  • ភ្នំពេញ៖ កីឡាការិនី​កូន​ខ្មែរ​កាត់​បារាំង វ័យ ១៧ ឆ្នាំ ម៉ា រីយ៉ាន មាន​ចំណង់​ចំណូលចិត្ត​ខ្លាំង​ទៅ​លើ​ប្រភេទ​កីឡា​ប្រយុទ្ធ ពិសេស​ការ​ប្រណាំង​ម៉ូតូ​ហោះ ហើយ​កញ្ញា​បាន​អះអាង​ថា នឹង​មិន​បោះបង់​ចោល​ជំនាញ​នេះ​ឡើយ បើ​ទោះបី​ជា​ប្រភេទ​កីឡា​នេះ មាន​ផល​ប៉ះពាល់ និង​ធ្លាប់​ជួប​ឧបសគ្គ​គ្រោះ​ថ្នាក់​ធំ​​ក៏​ដោយ។

  • ភ្នំពេញៈ តម្លៃ​ពោត​ក្នុង​រដូវ​ប្រមូលផល​ឆ្នាំនេះ​បាន​ស្ទុះ​ឡើង ដោយសារ​តែ​ការកើនឡើង​នៃ​តម្រូវការ​សម្រាប់​ការផលិត​ចំណី​សត្វ​ក្នុងស្រុក​។ ការប្រមូលផល​ពោតក្រហម​នៅក្នុង​ខេត្ត​ត្បូងឃ្មុំ​ពេលនេះ​សម្រេច​បាន​ប្រមាណ ៥០ ​ភាគរយ​ហើយ​ដោយ​តម្លៃ​គ្រាប់ពោត​ស្ងួត​បាន​កើនឡើង​ជិត ២០ ​ភាគរយ​ បើ​ធៀប​នឹង​រយៈពេល​ដូចគ្នា​កាលពី​ឆ្នាំមុន

  • កោះកុងៈ ដី​គម្រប​ព្រៃឈើ​របស់​រដ្ឋ​រាប់ពាន់​ម៉ែត្រការ៉េ​ក្នុង​ទំហំ​ដី​បម្រុង​របស់​រដ្ឋ​ទំហំ​ប្រមាណ​ ១១ ​ហិកតា ស្ថិតនៅ​ភូមិ​កោះស្តេច ឃុំ​កោះ​ស្តេច ស្រុក​គិរីសាគរ ខេត្តកោះកុង​ត្រូវបាន​ជន​មិន​ស្គាល់​អត្តសញ្ញាណ​ចាប់ផ្ដើម​លួច​បោះបង្គោល​ថ្ម និង​ឈើ​ទន្ទ្រាន​យក​ដោយ​ខុសច្បាប់​។

  • កំពង់ស្ពឺៈ ពលរដ្ឋ​ជាង​ ៥០០ ​គ្រួសារ ​រស់នៅក្នុង​ឃុំ​ទួល​អម្ពិល​ស្រុក​បសេដ្ឋ ខេត្តកំពង់ស្ពឺ​បាន​បង្ហាញ​ក្ដីបារម្ភ​ពី​ការខ្វះ​ទឹក​សម្រាប់​ស្រោចស្រព​ស្រែចម្ការ និង​ដំណាំ​ផ្សេងៗ ខណៈ​បច្ចុប្បន្ន​មាន​ឈ្មួញ​យក​ម៉ាស៊ីន​ទៅ​បូមទឹក​ទាំងយប់​ទាំង​ថ្ងៃ​នៅក្នុង​ទំនប់​បុរាណ​ព្រៃពាយ​ដែល​ពួកគាត់​កំពុង​ប្រើប្រាស់​ជាប្រចាំ​។