The Phnom Penh Post Search

Search form




Logo of Phnom Penh Post newspaper Phnom Penh Post - ក្រសួង​ធនធានទឹក និង​ឧតុនិយម​ជូនដំណឹង​ពី​អាកាសធាតុ​ត្រជាក់​នឹង​កើតមាន​ចុង និង​ដើមឆ្នាំ




ក្រសួង​ធនធានទឹក និង​ឧតុនិយម​ជូនដំណឹង​ពី​អាកាសធាតុ​ត្រជាក់​នឹង​កើតមាន​ចុង និង​ដើមឆ្នាំ

Content image - Phnom Penh Post
អាកាសធាតុ​ធ្លាក់​អ័ព្ទ​នៅ​តំបន់ភ្នំ ខេត្ត​កោះកុង​។ ហុង មិនា

ក្រសួង​ធនធានទឹក និង​ឧតុនិយម​ជូនដំណឹង​ពី​អាកាសធាតុ​ត្រជាក់​នឹង​កើតមាន​ចុង និង​ដើមឆ្នាំ

ភ្នំពេញៈ ឥទ្ធិពល​នៃ​បាតុភូត La Nina បាន​ធ្វើឱ្យ​ជ្រលង​សម្ពាធ​ខ្ពស់​ពី​ប្រទេស​ចិន រុញ​ចុះមក​ក្រោម​ខ្លាំង និង​គ្របដណ្ដប់​មកលើ​ប្រទេស​កម្ពុជា​នាំ​ឱ្យ​អាកាសធាតុ​ត្រជាក់​កើត​មាន​ជា​ ២ ​ដំណាក់កាល​នៅ​ចុង និង​ដើមឆ្នាំ អាកាសធាតុ​ត្រជាក់​នឹង​កើតឡើង​នៅ​តាម​បណ្ដា​ខេត្ត​ភាគ​ខាងលើ​ក្នុងភូមិ​សាស្ត្រ​ជួរ​ភ្នំ​ដងរែក និង​ខ្ពង់រាប​ឦសាន ដែល​សីតុណ្ហភាព​នឹង​ធ្លាក់ចុះ​មក​នៅក្នុង​ចន្លោះ​ពី ២១ ​អង្សាសេ​ដល់ ១៨ ​អង្សាសេ ខណៈ​រាជធានី​-​ខេត្ត​មួយចំនួន​ទៀត សីតុណ្ហភាព​នឹង​ធ្លាក់​ចុះមក​នៅក្នុង​ចន្លោះ​ពី ២២ ​អង្សាសេ ដល់​ ១៩ ​អង្សាសេ​។ នេះ​បើ​យោងតាម​ការព្យាករ​អាកាសធាតុ​របស់​ក្រសួង​ធនធាន​ទឹក និង​ឧតុនិយម ដែល​ភ្នំពេញ​ប៉ុស្តិ៍​ទទួលបាន​កាលពី​ថ្ងៃទី​ ២៥ ខែវិច្ឆិកា​នេះ​។

ក្នុង​ស្ថានភាព​នេះ ក្រសួង​ធនធានទឹក និង​ឧតុនិយម​បាន​ព្យាករ​ថា​៖ «​ក្នុង​រដូវ​លម្ហើយ​ខាងមុខ​នេះ​អាកាសធាតុ​នឹង​ចុះ​ត្រជាក់​ជាង​បណ្ដា​ឆ្នាំ​កន្លងទៅ​។ ក្នុងដំណាក់កាល​ទី​១ ​នេះ​ការចុះ​ត្រជាក់​មាន​រយៈពេល​ខ្លី​នឹង​មិន​ត្រូវ​បាន​កើត​ឡើង​ជា​រៀងរាល់​ថ្ងៃ​នោះទេ គឺមាន​ថ្ងៃ​ខ្លះ​ចុះ​ត្រជាក់​ក្នុង​កម្រិត​មធ្យម ហើយ​ថ្ងៃខ្លះ​ទៀត​ចុះ​ត្រជាក់​ក្នុង​កម្រិត​បង្គួរ​»​។

ចំណែក​ដំណាក់កាល​ទី​​២ នឹង​ចាប់ផ្ដើម​ពី​សប្ដាហ៍​​ទី​៤ ​នៃ​ខែ ធ្នូ ឆ្នាំ​ ២០២០ ដល់ ដំណាច់​ខែមករា ឆ្នាំ​ ២០២១ ​។ ​ក្នុង​ដំណាក់កាល​ទី​២ អាកាសធាតុ​ត្រជាក់​នៅ​តាម​បណ្ដា​ខេត្ត​ភាគ​ខាងលើ​ក្នុង​ភូមិសាស្ត្រ​ជួរ​ភ្នំ​ដងរែក និង​ខ្ពង់រាប​ឦសាន សីតុណ្ហភាព​នឹង​ធ្លាក់​ចុះមក​នៅក្នុង​ចន្លោះ​ពី​ ១៩ ​អង្សាសេ ដល់ ១៦ ​អង្សាសេ ខណៈ​រាជធានី​ខេត្ត​មួយចំនួន​ទៀត សីតុណ្ហភាព​នឹង​ធ្លាក់​ចុះមក​នៅក្នុង​ចន្លោះ​ពី ២១ ​អង្សាសេ ដល់​ ១៨ ​អង្សាសេ​។

ក្រសួង​បាន​គូសបញ្ជាក់​ទៀតថា​៖ «​ក្នុង​ដំណាក់កាល​​ទី​២ ​នេះ អាកាសធាតុ​នឹង​ចុះ​ត្រជាក់​ខ្លាំង និង​មាន​រយៈពេល​វែង​ជាង​ដំណាក់កាល​ទី​១»​។

កាលពី​ថ្មីៗ​កន្លង​ទៅ​នេះ​ក្រសួង​សុខាភិបាល​បាន​ចេញ​សេចក្ដី​ណែនាំ​អំពី​ការថែទាំ​សុខភាព​ក្នុង​គ្រា​មាន​អាកាសធាតុ​ត្រជាក់​កើតឡើង​នា​រដូវ​លម្ហើយ​នេះ​ផងដែរ ដោយ​ក្រសួង​សុខាភិបាល​បាន​ជំរុញ​ឱ្យ​ពលរដ្ឋ​ស្លៀកពាក់​ខោអាវ​ក្រាស់ៗ ផឹក​ទឹកក្ដៅ​ឧណ្ហៗ ដើម្បី​ទប់ទល់​ភាពត្រជាក់ និង​រក្សា​កម្ដៅ​នៅក្នុង​ខ្លួន​។

លោកស្រី ឱ វណ្ណឌីន អ្នក​នាំពាក្យ​ក្រសួងសុខាភិបាល​បាន​ប្រាប់​ ភ្នំពេញ​ ប៉ុស្តិ៍​ ថា​៖ «​ការអនុវត្ត​វិធានការ​អនាម័យ​ស្អាត គឺជា​មធ្យោបាយ​ដ៏ល្អ​ក្នុង​ការថែទាំ​សុខភាព​»​។

ទន្ទឹម​ជាមួយ​គ្នា​នេះ​លោក​ នេត វត្ថា ប្រធាន​នាយកដ្ឋាន​បង្ការ​ពន្លត់​អគ្គិភ័យ និង​សង្គ្រោះ​នៃ​ក្រសួងមហាផ្ទៃ​បាន​អំពាវនាវ​ឱ្យមាន​ការប្រុងប្រយ័ត្ន​ក្នុង​ករណី​មាន​ការដុត​បំពក់​ភ្នក់ភ្លើង ដើម្បី​កម្ដៅ​សាច់​កុំឱ្យ​រងា​ក្នុង​ពេល​មាន​អាកាសធាតុ​ត្រជាក់ កើតឡើង​ប្រសិន​បើ​ខ្វះ​ការប្រុងប្រយ័ត្ន ភ្នក់ភ្លើង​ដែល​ដែល​បាន​ដុត​បំពក់ ដើម្បី​កម្ដៅ​រាងកាយ​កុំឱ្យ​រងា​នេះ​នឹង​បង្ក​ជា​អគ្គិភ័យ​បាន ព្រោះ​ក្នុង​អំឡុងពេល​រដូវ​លម្ហើយ​នេះ​មាន​ខ្យល់​បក់​ខ្លាំង​ផងដែរ​៕

វីដេអូ៖

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ